Чеусов Алексей Александрович

Чеусов Алексей Александрович
Чеусов Алексей Александрович
Чужан лун	1882-ӧд вося йирым тӧлысь 15-ӧд лун
Чужанін	Выльгорт, Коми Республика, РСФСР;
Кулан лун	1940-ӧд вося сора тӧлысь 23-ӧд лун (57 арӧс)
Куланін	Пезмӧг, Кӧрткерӧс район, Коми АССР, РСФСР, Сӧветскӧй Социалистическӧй Республикаяслӧн Союз;
Страна	Россияса империя[d]; РСФСР; Сӧветскӧй Социалистическӧй Республикаяслӧн Союз;
Мыйся уджыс	поэт, краевед, велӧдысь

Чеусов Алексей Александрович (Гӧрд Ӧльӧш; 1882-ӧд вося йирым тӧлысь 15-ӧд лун, Выльгорт, Коми Республика — 1940-ӧд вося сора тӧлысь 23-ӧд лун, Пезмӧг, Коми АССР) — коми гижысь, критик, асму тӧдмалысь, общественник.

Олантуй

Габӧ Педӧр Ӧльӧксан Пи Ӧльӧксей Нима Гӧрд Ӧльӧш, кыдзи асьсӧ шуліс А. А. Чеусов, чужис 1882 вося йирым тӧлысь (3)15-ӧд лунӧ Вӧлӧгда губерняысь Усть-Сысольск уездса Выльгорт сиктын (ӧні — Сыктывдін районса Выльгорт).

Велӧдчис Выльгортса да Усть-Сысольскса училищеясын^[1], Тотьмаса велӧдысьяслӧн семинариаын 1898—1901, но эз помав.

1902 воын лоис Кулӧмдінын велӧдысьлы отсасьысьӧн, но вит тӧлысь уджалӧм бӧрын ыстӧмаӧсь Койгортӧ да регыд мысти вештӧмаӧсь велӧдӧмысь^[1].

1899—1900 воясӧ Алексей Чеусов пырӧдчис общественнӧй уджӧ, кутіс йитӧдъяс политссыльнӧйяскӧд, мый вӧсна сы бӧрся кыйӧдчис полиция. Медводдза роч революция дырйи разӧдіс листовкаяс, сёрнитіс митингъяс вылын Югдінын, Тотьмаын, Кардорын.

1916 воын служитіс армияын.

1917 воын зілис «Общество обновления местной жизни» Усть-Сысольскса котырын. Февральса революция бӧрын А. А. Чеусов пырӧдчис выль власьт органъяс лӧсьӧдӧмӧ. Сійӧс бӧрйисны делегатӧн Усть-Сысольск уездса Сӧветъяслӧн I съезд вылӧ (1918 во). Алексей Александрович пырис уезднӧй Сӧвет исполкомӧ, пырис Северо-Двинскӧй губернскӧй Сӧвет исполкомӧ, вӧлі шуйга эсеръяслӧн партияын. Участвуйтіс Усть-Сысольскын Йӧзкостса велӧдан институт котыртӧмын, и сійӧ лоис деканӧн 1921 воын^[1].

1918—1926 воясӧ А. А. Чеусов уджаліс уездса да губерняса органъясын, Йӧзкостса велӧдан институтын велӧдысьӧн, ВЦИК бердса Войвыв комитетын.

1922—1930-ӧд воясӧ вӧлі пырӧ Коми му туялан котырӧ да сылӧн веськӧдлан органъясӧ. Кутіс йитӧд зырянизация комиссиякӧд.

А. А. Чеусовӧс кыкысь арестуйтлісны да пуксьӧдлісны. 1933 воын сійӧс мыждісны кыдзи «буржуазнӧй националистӧс», пукаліс Казахстанын. 1938 воӧ Чеусовӧс мӧдысь кутісны да пуксьӧдісны кыдзи «контрреволюционерӧс», «буржуазнӧй националистӧс да финскӧй фашистъяслысь агентӧс». Мыжтӧг мыждісны. Куліс Пезмӧгса лагерын 1940 вося сора тӧлысь 23-ӧд лунӧ^[2].

Реабилитируйтісны сӧмын 1967 воын.

Гижан удж

1899 восянь босьтчис гижан уджӧ. Йӧзӧдіс кывбуръяс комиӧн и рочӧн.

1903 воын А. В. Гудков-Беляковлӧн Вӧлӧгдаса типографиаын йӧзӧдіс «Стихотворения зырянина» неыджыд небӧг^[1].

1904 воын «Этнографическое обозрение» журналын сійӧ йӧзӧдіс 4 кывбур коми кыв вылын да «К зыряноведению» гижӧд^[1].

Сылӧн гижӧдъясыс петавлісны сідзжӧ «Трудовая кооперация» журналын (1923), «Гора омра» чукӧрын (1924).

1918 восянь йӧзӧдіс статьяяс экономика, литература, кыв да чужан му йылысь «Известия» да «Советская мысль» газетъясын, «Коми му» да «Парма ёль» журналъясын.

Кыдзи критик гижліс Георгий Лыткин, Афанасий Маегов, Нёбдінса Виттор да мукӧд культура уджалысьяс йылысь литературно-критическӧй статьяяс.

Сылӧн некымын удж сиӧма Коми мулӧн историялы. Лӧсьӧдіс «История коми народа» удж, мый коли йӧзӧдтӧмӧн.

Небӧгъяс

• Стихотворения зырянина. — Вӧлӧгда, 1903.
• К зыряноведению // Этнографическое обозрение. 1904. — № 2.
• История коми народа (Введение в 1-ю часть). — Усть-Сысольск, 1927.

Пасйӧдъяс

↑ ¹ ² ³ ⁴ ⁵ Чеусов Алексей Александрович (рус.). Сыктывдинская ЦБС. Шыӧдчан кадпас: 2 йирым тӧлысь 2025.
↑ Жеребцов И. Алексей Чеусов. Из когорты первых (рус.). Регион (1 йирым тӧлысь 2022). Шыӧдчан кадпас: 2 йирым тӧлысь 2025.

Литература

• Чеусов Алексей Александрович (15.10.1882 — 23.07.1940) / [сост. М. И. Ельсова]. Сыктывкар : [б. и.], 2002. — 27 ; 21 см.
• Чеусов Алексей Александрович, журналист, краевед, поэт // Кто есть Кто в Сыктывдинском районе / Александр Сугоров. Выльгорт, 2016. С. 215—216.
• Чеусов Алексей Александрович (03.10.1882 — 23.07.1940) // Писатели и поэты земли Сыктывдинской : комплект из фотографий. Сыктывкар, 2014. 1 л. об. : фот., портр.
• Жеребцов, И. Эксцентричный зырянин : Алексей Чеусов стоял у истоков создания Общества изучения Коми края // Республика. 2012. 31 марта
• 130 лет (1882 г., 15 октября — 1940 г., 23 июля) со дня рождения Чеусова Алексея Александровича, поэта и краеведа // Календарь знаменательных и памятных дат Республики Коми на 2012 год. Сыктывкар, 2011. С. 89.
• Чеусов Алексей Александрович (1882—1940) // «Родина моя…» : 425-лет селу Выльгорт. Выльгорт, 2011. С. 16-17 : фот.
• Жеребцов, И. Л. «Интеллектуальное развитие и самообразование — лозунг всей жизни» // Их объединило краеведение. Сыктывкар, 2008. Вып. 4. С. 3-36.
• Жеребцов, И. Поэт, краевед, журналист (1882—1940) / И. Жеребцов, Т. Кузнецова // Полещиков, В. М. Репрессированные литераторы. Сыктывкар, 2008. С. 628—640.
• Ельсова, М. И. Родословная Алексея Чеусова / М. И. Ельсова // Известия Общества изучения Коми края : науч.-популяр. краевед. журн. Сыктывкар, 2006. № 1 (7). С. 151—155.
• «Золотой век» краеведения // Очерки истории становления гуманитарной науки в Коми. Сыктывкар, 2006. Вып. 1. С. 53-60.
• Первые организации краеведов // Стоящие у истоков. Сыктывкар, 2005. С. 22-37.

[СБ-1] ¹ ² ³ ⁴ ⁵ Чеусов Алексей Александрович (рус.). Сыктывдинская ЦБС. Шыӧдчан кадпас: 2 йирым тӧлысь 2025.

[2] Жеребцов И. Алексей Чеусов. Из когорты первых (рус.). Регион (1 йирым тӧлысь 2022). Шыӧдчан кадпас: 2 йирым тӧлысь 2025.

[1]

[2]