Чильма
| Чильма | |
|---|---|
 | |
| Характеристика | |
| Кузьта | 374 км |
| Ковтыс | 21 500 км² |
| Ва рӧскод | 228 м³/с (54 км ю вомсянь) |
| Ва визлас | |
| Ю йыв | |
| • Ин | Тиман нӧрыс |
| • География координатаяс | 65°06′07″ с. ш. 49°16′01″ в. д.GЯO |
| Ю вом | Печӧра |
| • Ин | Чилимдін сикт (Коми Республика) |
| • География координатаяс | 65°27′56″ с. ш. 52°07′00″ в. д.GЯO |
| Ин | |
| Ва система | Печӧра → Баренц саридз |
|
|
|
| Страна | |
| Регионъяс | Кардор обласьт, Коми Республика |
| Районъяс | Лешуконскӧй район, Чилимдін район |
| Канму ва реестрын код | 03050300212103000078793[1] |
| Географическӧй нимъяслӧн канму каталогын номер | 0171994 |
|
|
|
Чильма (сідзжӧ Чилим, рочӧн Ци́льма, важмӧм Цыльма[2]) — Коми Республикаын и Кардор обласьтын ю, Печӧра юлӧн шуйга вожыс, сьӧмга кульман ю[3].
Печӧра юлӧн вожъясысь ыджда сертиыс лоӧ коймӧдӧн (Усва да Изьва юяс бӧрын) и витӧдӧн кузьта сертиыс.
Этимология
Юлӧн нимыс артмӧма «чильма» кывйысь — «нитшка нюр», «момга»[4], локтӧма финн-йӧгра кывъясысь: фин silmӓ, кар. silmӓ, эст silm «син». Чильма (Чилим) лоӧма балтикабердса кывъясысь либӧ роч кывйысь чильма «кадъя нюръясті кывтысь ю», «кадъя нюръясысь петысь ю». Тӧдӧмысь, юыслысь нимсӧ сетӧмаӧсь Пеза да Чильма юяс костын уна ӧшиня нюрсялӧм ляпкыд ваюксянін серти. Буретш тайӧ ӧшиньяс (чильмаяс) пыр муніс вавывса туй, коді йитіс Мозын ю Печӧракӧд[5].
Гидрография
Кузьтаыс — 374 км, ва чукӧртанінлӧн ыдждаыс — 21 500 км²[6]. Чилимдін заводитчӧ Коми Республикалӧн рытыв-войвылын Кардор обласьткӧд граница вылын Тиман нӧрыс вылын. Вылыс визулас сылӧн гӧравывса ю, визувтӧ войвылӧ, сэсся кежӧ асыввылӧ, медводз кывтӧ овтӧминъясті. Шӧр визулас овлӧ шыльыдін кодь[4]. Уліас ю пӧлӧн мунӧ туй да сулалӧ некымын посёлок — Рочев, Филиппов, Нонбург, Трусов. Усьӧ Печӧраӧ Чилимдін посёлоклы воча.
Ва режим
Юас ваыс содӧ некымын ног: лымйысь 60%, зэрысь 30%, му пытшкысь 10%. Кынмӧ йирым тӧлысьын — вӧльгым тӧлысь медводдза джынйын. Тӧвнас йиыслӧн кызтаыс вермӧ лоны 60 см. Воссьӧ косму тӧлысь помын — ода-кора тӧлысьын. Ытваыс джуджыд, ытвадырыс 70-80 лунӧдз[4].
Вогӧгӧрся шӧркодь ва видзӧмыс — ю вомсянь 54 км ылнаын 228 м³/сек[7], визувтӧм ыдждаыс 7,196 км³/во[4].
Видз-му овмӧсын водитчӧм
Водзті ю кузя кылӧдісны вӧр, Чильма кывтыдын вӧлі судоходство[7].
Чильма ю вылын вӧліны XV нэм помын восьтӧм Чильмаса ыргӧн да эзысь перъян рудникъяс да ыргӧн сывдан завод[8].
Туризм
Чильма ю вылын котыртӧны туристъяслы кылӧдчан походъяс[9].
Уна йӧз волӧ татчӧ кыйны чери да вӧравны.
Ихтиофауна
Юыс озыр чериӧн: кебӧс, пелядь, чир, омуль, ком, нельма, сельги, сьӧмга[4].
Пасйӧдъяс
- ↑ Ресурсы поверхностных вод СССР: Гидрологическая изученность. Т. 3. Северный край / под ред. Н. М. Жила. — Л.: Гидрометеоиздат, 1965. — 612 с.
- ↑ Чильма // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ Ветошкина Н. Цильма // Республика Коми. Энциклопедия. Том III. — Сыктывкар: Коми книжное издательство, 2000. — С. 273.
- ↑ 1 2 3 4 5 Цильма (рус.). — статья из научно-популярной энциклопедии «Вода России».
- ↑ А.П. Афанасьев. Топонимия Республики Коми. Словарь-справочник. Сыктывкар: Коми книжное издательство, 1996.
- ↑ Цильма : [рус.] / textual.ru // Государственный водный реестр : [арх. 15 октября 2013] / Министерство природных ресурсов и экологии Российской Федерации. — 2009. — 29 марта.
- ↑ 1 2 Цильма // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978
- ↑ Энциклопедия по рекам. Река Цильма на карте от истока до устья
- ↑ Водный поход по реке Цильма