Обрезкова Нина Александровна
| Обрезкова Нина Александровна | |
|---|---|
 | |
| Чужан лун | 1965-ӧд вося рака тӧлысь 11-ӧд лун (61 ар) |
| Чужанін | |
| Страна | |
| Мыйся уджыс | поэт, журналист, драматург, гижысь |
Обрезкова Нина Александровна (1965-ӧд вося рака тӧлысь 11-ӧд лун, Коми АССР-ын Удора районса Кослан сикт) — коми гижысь, вуджӧдчысь, пырӧ Россияса гижысь котырӧ (2005), финн-йӧгра литераторъяслӧн Ассоцияцияӧ (2010), Россияса театрын уджалысьяс котырӧ[1].
Олантуй
Нина Обрезкова чужӧма 1965-ӧд вося рака тӧлысь 11-ӧд лунӧ Коми АССР-ын Удора районса Кослан сиктын.
Велӧдчӧма Слӧбӧдаса 8 класса да Косланса шӧр школаясын.
1982-ӧд восянь велӧдчӧма строкоотливнӧй машинаяслӧн наборщикӧ Сыктывкарса 29 №-а ПТУ-ын да босьтӧма «линотипист» специальносьт
1989-ӧд воын помалӧма Сыктывкарса канму университетысь филология факультетса коми юкӧн.
Университет помалӧм бӧрын уджалӧма Коми наука шӧринса Кыв, литература да история институтын кыв юкӧдын лаборантӧн.
1993-ӧд воын помалӧма Коми наука шӧринса аспирантура.
1993-ӧд восянь веськӧдлӧма Фольклор театрлӧн литература юкӧнӧн.
1998-ӧд вося йирым тӧлысьсянь вӧлӧма Сыктывкарса вӧр институтын пресс-секретарӧн.
Уджавлӧма корреспондентӧн «Коми му» газетын да «Коми гор» радиоын, «Арт» журналын литературнӧй редакторӧн (2000-2002), «Радуга» газетын шӧр редакторӧс вежысьӧн (2003).
Велӧдлӧма сыктывкарса 38-ӧд школаын роч кыв да литература (1994-1995), Сыктывкарса канму университетлӧн фин-йӧгра факультетын коми фольклор да литература кафедраын (2005-2007).
2007-2008 воясӧ уджалӧма И.Куратовлӧн литературнӧй музейын научнӧй сотрудникӧн.
Модерируйтлӧма Россияса Фин-йӧгра культура шӧринын ЛОГОС литература юкӧн[2].
2024-ӧд вося моз тӧлысьын лоис «Войвыв кодзув» журналын шӧр редакторӧн.
Гижан удж
«Ӧткалун» нима медводдза кывбурсӧ йӧзӧдӧма 1985-ӧд воын Войвыв кодзув журналын, кӧні сэсся унаысь на петавлісны кывбуръяс да пьесаясыс. Кывбуръясыс петавлісны и мукӧд ӧтувъя сборникын да журналын.
Прозаа гижӧдъясыс йӧзӧдӧма «Войвыв кодзув» да «Арт» журналъясын. 2007-ӧд воын В. А. Савин нима драма театр пуктӧма Н. Обрезковалӧн «Асъя гӧстья» пьеса серти спектакль[3].
2013-ӧд воын Нина Обрезковалӧн петӧма челядьлы медводдза небӧг — «Петук Васьӧ». Сэні висьталӧма Васьӧ нима зонка йылысь, коді ёна радейтліс вильшасьны да дзерӧдны ичӧтджык чой-воксӧ, но петуккӧд паныдасьлӧм бӧрын лоис шаньӧн.
Н. Обрезковалысь кывбуръяссӧ вӧлі вуджӧдӧма роч, фин, маддяр, эст, удмурт, мордва, мари, француз, немеч, англичан, болгар да мукӧд кыв вылӧ[4]. 2012-ӧд воын Нина Обрезковалысь уна кывбур вӧлі йӧзӧдӧма беларус кыв вылын «Літаратура i мастацтва» литературнӧй газетын. Вуджӧдіс Татьяна Сивец[5].
2015-ӧд воын Нина Обрезкова аслас 50-ӧд чужан лун кежлас йӧзӧдӧма «Коркӧ локтан гортад» кывбур чукӧр. Сэтчӧ пырӧма авторлӧн ӧти коми кывбур, кодӧс вуджӧдӧма 14 кыв вылӧ: англия, беларус, венгер, вепс (вуджӧдіс Николай Абрамов), перымса коми, манси (Светлана Динисламова), мари (Альбертина Иванова), мокша, эрзя (Дмитрий Таганов), роч (Нелли Бибяева), удмурт, фин, франсуз (Себастьян Каньоли) да эст кывъяс вылӧ[6].
Нина Обрезкова ачыс сідзжӧ вуджӧдчӧ. Комиӧдлӧма эст поэтъяс Марие Ундер да Хандо Руннельлысь кывбуръяссӧ, керӧсвывса мари поэтъяс Валери Микор да В. Самойловлысь гижӧдъяссӧ, удмурт Муш Надилысь да Екатерина Макаровалысь, да мукӧдлысь.
Н.А. Обрезкова 2005-ӧд восянь пырӧ Россияса гижысь котырӧ[7].
Небӧгъяс
Ас коми небӧгъяс
• Коркӧ ставыс лоӧ бур: кывбуръяс. — Сыктывкар: Коми небӧг лэдзанін, 2001. — 32 л.б. (Ӧтувъя керка).
• Ойдӧмин / Серпасалісны: В.В. Милюков, Г.Е. Лисецкий. — Сыктывкар: Коми небӧг лэдзанін, 2003. — 112 л.б. (комиӧн да рочӧн)
• Коми художествоа гижӧдын серпасалан ногъяс: литературнӧй задачник (асшӧра велӧдчӧм вылӧ). — Сыктывкар: Изд-во СыктГУ, 2006. 52 л.б. (Е.В. Остаповакӧд ӧтув)
• Дзирыд дой: кывбуръяс. — Сыктывкар: «Кола», 2007. — 78 л.б.
• Нинпу / Niinepuu / Lime-tree/ Липа. — Tallinn: Kirjastuskeskus, 2007. — 71 л.б.
• Вуджӧд менӧ, пыжанӧй...: кывбуръяс. — Сыктывкар: Полиграф-Сервис, 2010. (комиӧн да рочӧн)
• Лэбачӧн вола : кывбуръяс [комиӧн да финн-йӧгра к.в.]. — Йошкар-Ола: Ото, 2010. — 70 лб.
• Петук Васьӧ / Редактор В. И. Трошева; Серпасаліс А. Яркова. — Сыктывкар: ООО «Анбур», 2013. — 16 л.б.
• Коркӧ локтан гортад / Худ. М. Шишкина. — Сыктывкар, 2015. (100 экз.)
• Дивӧ-козин. — Сыктывкар: ООО «Анбур», 2015. — 32 л.б.
• Сизим пыжа: висьтъяс. — Сыктывкар: ООО «Анбур», 2017. — 208 л.б. (комиӧн да рочӧн)
• Вабергач. — Таллинн, 2023 во.
Комиӧдӧм небӧгъяс
• Ундер М. Сьӧлӧмӧй менам сьылӧ: кывбуръяс. — Сыктывкар: «Кола», 2008. — 94 л.б. (комиӧн да эст кывъяс вылын)
• Руннель Х. Гусялӧм вӧтъяс: кывбуръяс. — Сыктывкар: ООО «Анбур», 2009. — 94 л.б. (комиӧн да эст кывъяс вылын)
• Победалӧн вунлытӧм тулыс: коми да роч сьыланкывъяс. — Сыктывкар: «Коми му» газет редакция, 2010. — 78 л.б. (комиӧн да рочӧн) (Елфимова А., Куликов С. да Уляшев О.-кӧд ӧтув)
• Ристикиви К. Кодыр саридзыс лолалӧ: кывбуръяс. — Сыктывкар: Коми республиканская типография, 2010. — 96 л.б. (комиӧн да эст кывъяс вылын)
Лӧсьӧдӧм небӧгъяс
• Сьӧлӧмшӧрӧй менам Удора: кывбуръяс, висьтъяс. — Сыктывкар: «Кола», 2009. — 142 л.б.
• Пӧлӧзнича пӧвстын: ӧнія коми кывбуръяс. — Сомбатхей, 2010. — 66 л.б. (комиӧн да маддяр кывъяс вылын)
• Еджыд войяс: кывбуръяс да висьтъяс. — Сыктывкар: Филиал ГРДНТ «Финно-угорский культурный центр Российской Федерации», 2010. (рочӧн, комиӧн да мукӧд финн-йӧгра кывъяс вылын)
• Лужиков А. М. Лэбӧ лолӧй енэж шӧрті: кывбуръяс. Сыктывкар, 2012. (комиӧн да рочӧн)
• Попов С. А. Войвыв кодзувлань туй: кывбуръяс, поэмаяс, казьтылӧмъяс. Сыктывкар: Коми Республикаса гижысь котыр, 2012. — 384 л.б. (комиӧн да рочӧн)
Наградаяс
• Коми Республикаса Веськӧдлан котырлӧн премия культура юкӧнын (2009-ӧд во)
• Рӧдвуж войтыр уджтаслӧн премия лауреат (Эстония) (2009-ӧд во, 2017-ӧд во)
• Коми Республикаса Почёт грамота (2014-ӧд во)[8]
• Коми Республикаса Юралысьлӧн Почёт грамота (2019-ӧд во)
• Рыцарлӧн Крест Орден (Венгрия, 2018)[9] — маддяр литература комиӧдӧмысь
• «Эзысь борд» Коми Республикаса конкурсын вермысь (2010-ӧд во, 2015-ӧд во, 2016-ӧд во, 2020-ӧд во)
• Коми Республикаса нимӧдана уджалысь (2021-ӧд во)[10][11]
• Аймуса литература сӧвмӧдӧмӧ ыджыд пай пуктӧмысь Россияса гижысь котырӧлӧн грамота (2024-ӧд во)[12]
Литература
• Коми Республикаса Вужвойтырлӧн небӧгаин
• Россияса Фин-йӧгра культура шӧринлӧн сайт
• «Коми Республикаса гижысь котырлӧн» сайт
• FU-lab сайт
Ыстӧдъяс
- ↑ Малева А., Горинова Н., Кузнецова Т. Нина Александровна Обрезкова // Писатели Коми. Биобиблиографический словарь. Том 2. — Сыктывкар, 2017. — С. 146-157.
- ↑ Логос
- ↑ Обрезкова Нина Александровна
- ↑ Обрезкова Нина
- ↑ Стихи коми поэта Нины Обрезковой — теперь и на белорусском языке // Россияса Фин-йӧгра культура шӧринлӧн сайт (16.01.2013) (рочӧн)
- ↑ Нина Обрезкова выпустила книгу переводов своего стихотворения на 14 языков мира // Фин-йӧгра культура шӧринлӧн сайт
- ↑ «Коми Республикаса гижысь котырлӧн» сайт
- ↑ 25 человек получили почетные грамоты от главы Коми
- ↑ Сенатору вручена высокая государственная награда Правительства Венгрии // Рочмуса Федеральнӧй собранньӧлӧн Федерация сӧвет сайт (2018.06.01 лун; рочӧн)
- ↑ Уйба присвоил почётное звание заслуженного работника десяти жителям Коми
- ↑ Жителей Коми наградили за профессионализм
- ↑ Писателям Коми вручены государственные награды