Кӧжва (ю)
| Кӧжва | |
|---|---|
 | |
| Характеристика | |
| Кузьта | 194 км |
| Ковтыс | 9560 км² |
| Ва визлас | |
| Ю йыв | юяс ӧтлаасянін: Сьӧд Кӧжва и Еджыд Кӧжва |
| • Джуджда | 100,9 м |
| • География координатаяс | 64°38′25″ с. ш. 54°55′58″ в. д.GЯO |
| Ю вом | Печӧра |
| • Ин | Кӧжвавом |
| • Джуджда | 41,9 м |
| • География координатаяс | 65°09′48″ с. ш. 57°00′48″ в. д.GЯO |
| Ин | |
| Ва система | Печӧра → Баренц саридз |
|
|
|
| Страна | |
| Регион | Коми Республика |
| Район | Печӧра район |
| Канму ва реестрын код | 03050100212103000063702[1] |
| Географическӧй нимъяслӧн канму каталогын номер | 0170002 |
|
|
|
Кӧжва (сідзжӧ Ыджыд Кӧжва, рочӧн Кожва) — Коми Республикаын ю, Печӧра юлӧн шуйга вож. Визувтӧ Печӧра районті.
Этимология
Кӧжва гидронимыс артмӧма 2 коми кывйысь: кӧж (уд. кӧж, печ. кӧжа «гравий, лыа сора посни изъяс») да ва — «галяизъя ю», «изъя ю»[2].
География
Кузьтаыс 194 км, ковтыс ыдждаыс 9560 км²[3]. Ваыс содӧ ёнджыкасӧ лымйысь. Кынмӧ йирым тӧлысь помын — вӧльгым тӧлысь заводитчигӧн, воссьӧ косму тӧлысь помын — ода-кора тӧлысь шӧрын.
Медыджыд вожъяс — Луза (шуйга), Чикшин (веськыд). Кӧжва юлӧн ковтысын 196 ты, налӧн ӧтувъя ыдждаыс 7,36 км²[4].
Кӧжва артмӧ неыджыд Сьӧд Кӧжва да Еджыд Кӧжва юяслӧн ӧтлаасьӧмӧн Турышевка грездкӧд орччӧн «Котлас-Вӧркута» кӧрт туйлӧн Йираёль станциясянь неылын.
Визувтӧ асыввылӧ лыска вӧръяс пӧвстті, визулыс ньӧжмыд, берегъясыс нюраӧсь. Ю кывтыдын сулалӧ Берёзовка посёлок.
Кӧжва усьӧ Печӧраӧ Печӧра карсянь 15 километрӧн улынджык. Усянінас артмӧдӧ паськыд куръя.
Ю вожъяс
Кӧжваӧ усьӧ 108 вож[4]. (км ю вомсянь)
• 4 км: Роман-Ёль ю
• 8 км: Дзоля Каменка ю
• 18 км: Ыджыд Каменка ю
• 24 км: Ичӧт Кремень-Ёль ю
• 30 км: Ыджыд Кырнышьёль ю
• 37 км: Ыджыд Загадай ю
• 46 км: Ыджыд Моховой-Ёль ю
• 50 км: Чикшин ю
• 55 км: Нырдвомӧнъёль ю
• 81 км: Сьӧд ю (Сьӧдъёль)
• 85 км: Кучпозаёль ю
• 96 км: Луза ю
• 105 км: Гатникова ю
• 139 км: Трубоседъёль ю
• 145 км: Шӧр Качпомаёль ю
• 150 км: Ыджыд Качпомаёль ю
• 164 км: Кыдрым ю
• 166 км: Сотчӧмъю
• 179 км: Чусовӧй ю
• 186 км: Турышова ю
• 194 км: Еджыд Кӧжва ю
• 194 км: Сьӧд Кӧжва ю
Пасйӧдъяс
- ↑ Ресурсы поверхностных вод СССР: Гидрологическая изученность. Т. 3. Северный край / под ред. Н. М. Жила. — Л.: Гидрометеоиздат, 1965. — 612 с.
- ↑ Туркин А.И. Топонимический словарь Коми АССР. Сыктывкар: Коми книжное издательство, 1986. Коми кывтӧдӧм. Шыӧдчан кадпас: 19 ода-кора тӧлысь 2025.
- ↑ Кожва (Бол. Кожва, Ковжа) : [рус.] / textual.ru // Государственный водный реестр : [арх. 15 октября 2013] / Министерство природных ресурсов и экологии Российской Федерации. — 2009. — 29 марта.
- ↑ 1 2 Братцев А. Кожва // Республика Коми. Энциклопедия. Том II. — Сыктывкар: Коми книжное издательство, 1999. — С. 85.
Литература
- Кожва (река в Коми АССР) // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- Кӧжва (ю) // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.