Берёзовка (Печӧра район)
| Посёлок | |
| Берёзовка | |
|---|---|
 | |
| 65°01′05″ с. ш. 56°33′33″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Печӧра |
| Сикт овмӧдчӧмин | Чикшин |
| Час кытш | UTC+3:00 |
| Официал кыв | коми, роч |
| Лыдпаса идентификаторъяс | |
| Пошта индекс | 169651 |
| ОКАТО код | 87420853002 |
| ОКТМО код | 87620453106 |
|
|
|
Берёзовка — Коми Республикаса Печӧра районын посёлок. Пырӧ Чикшин сикт овмӧдчӧминӧ[1].
Ним артмӧм
Нимыс артмӧма берёза роч кывйысь («кыдз пу») -овка суффикс отсӧгӧн[2].
География
Посёлокыс меститчӧма Печӧра карсянь рытыв-лунвывлань 30 км ылнаын, Изъяю да Кӧжва ю костын, Кӧжва юлӧн веськыд берегын. Орччӧн, 5,5 км ылнаын, мунӧ кӧрт туй, медматыс сувтланін — Изъяю (татчӧ сувтлӧ Печӧра — Йираёль поезд).
Орччӧн меститчӧма «Изъяюса крежъяс» республикаса тӧдчанлуна геология заказник да сероводорода ӧшмӧс[3].
- Ывласям
Ывласямыс шӧркодь континентальнӧй, уна лымъя кузь кӧдзыд тӧв да дженьыд ыркыд гожӧм.
- Час кытш
Берёзовка, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
30-40-ӧд воясӧ ӧнія Берёзовка посёлок мутасын вӧлі дзескыдінын пукалысьяслы кык лагер. Найӧ Изъяю вылын корсьӧмаӧсь мусир. Тані жӧ вӧлі лагер, кӧні видзисны 1 сюрс гӧгӧр мортӧс. Найӧ олісны баракъясын. Заключённӧйяс пиысь ӧткымынъяс уджалісны бурӧвӧйяс вылын, а мукӧдъясыс пӧрӧдісны вӧр. Заключённӧйяс стрӧитісны Каменка станциясянь 2-ӧд Кыртаёль скважинаӧдз туй да кӧрт туй. Кыртаёльын вӧлі лагер, кӧні олісны 60-70 морт, найӧ ветлӧдлисны конвойтӧг да уджалісны бурӧвӧйяс вылын[5].
Асьсӧ посёлоксӧ вӧлі артмӧдӧма 1948 воын кыдзи Волга бердысь депортируйтӧм немечьяслы спецпосёлок[3]. 1948 вося косму тӧлысь 7-ӧд лунсянь Кӧжваса вӧр переработайтан база бердын спецпосёлоклы сетӧма Берёзовка посёлок ним, а сійӧ жӧ вося моз тӧлысь 12-ӧд лунӧ Медвылыс Сӧветса Президиумлӧн Индӧд серти вӧлі котыртӧма Берёзово сиктсӧвет. Веськӧдлысьнас бӧрйисны 1926 воын чужлӧм Григорий Петрович Шахтаровӧс, беспартийнӧйӧс, уджалысьӧс, войтырсикаслун сертиыс комиӧс[5].
1953 воын Изъяюын лагерсӧ вӧлі бырӧдӧма. Мыйкӧ мында заключённӧйясӧс мездӧма, а мукӧдсӧ вуджӧдӧма мӧд лагеръясӧ[5].
1954 восянь татчо кутісны локны комсомолеч-доброволечьяс. Найӧ стрӧитісны посёлок, Изъяю станцияӧдз кӧрт туй; лӧсьӧдісны социальнӧй сфера: вочасӧн лоины радиоузел, клуб, сёянін, пекарня, вузасянінъяс, пывсян, медпункт, а сэсся и больнича, общежитие, стадион, школа, детсад[5].
1956 воын посёлокӧ пырисны Бурӧвӧй посёлок, Изъяю кӧрт туй станция, Изъяю вӧр лэдзысьяслӧн посёлок да туйвеж 1086 км[5].
1958 воын посёлокыслы сетісны «уджалысьяслӧн посёлок» статус[3].
1959 воын Коми АССР-са Медвылыс Сӧвет Президиумлӧн Индӧд подув вылын котыртӧма Печора горисполкомса народнӧй депутатъяслысь Берёзово посёлокса Сӧвет[5].
Посёлоксянь неылын вӧлі Березовка военнӧй аэродром. Ӧні сійӧ лоис вертолётъяслы площадкаӧн. Сідзжӧ посёлокын вӧліс 1968 восянь 1998 воӧдз 89449 номера воинскӧй часть[5].
2009 вося сора тӧлысь 24-ӧд лунӧ вӧлі восьтӧма 101 №-а «Печӧра — Берёзовка — Печӧра» автобус маршрут.
2009 воын вӧлі восьтӧма «Чикшин — Берёзовка» автомашина туй.
Йӧз
| Олысь лыд, морт | |||||||||||
|---|---|---|---|---|---|---|---|---|---|---|---|
| 1959 | 1970 | 1979 | 1989 | 1996[3] | 2002 | 2010 | 2025[6] | ||||
| ▲ 3879 | ▼ 2719 | ▼ 1605 | ▲ 1714 | ▲ 1800 | ▼ 530 | ▼ 352 | ▼ 154 | ||||
2025 вося косму тӧлысь вылӧ тані оліс 154 морт, на пиысь 7 челядь (4,55 %), 79 нывбаба (51,30 %) и 68 мужичӧй (44,16 %)[6].
Инфраструктура
1997 воын посёлокын вӧлі вӧр пӧрӧдан предприятие, лесничество, шӧр школа, больнича, аптека, культура керка да пошта[3].
Нималана йӧз
Тӧдчана эмторъяс
Орччӧн меститчӧма «Изъяюса кыртаяс» республикаса тӧдчанлуна геология заказник да сероводорода ӧшмӧс[3]. Заказниксӧ вӧлі вынсьӧдӧма «Коми АССР-ын выль заказникъяс да вӧр-ва паметникъяс котыртӧм йылысь» Коми АССР-са Министръяс Сӧветлӧн 1989 во кӧч тӧлысь 26-ӧд лунся 193 №-а шуӧмӧн, медым видзны Ыджыд Изъяю берегъяс пӧлӧн кыртаяссӧ[5].
Пасйӧдъяс
- ↑ ИНФОРМАЦИЯ о деятельности Советов муниципальных образований городских округов и муниципальных районов за 2010 год. Архивируйтӧма 25 моз тӧлысь 2012.
- ↑ Афанасьев А.П. Топонимия Республики Коми. Словарь-справочник. Сыктывкар: Коми книжное издательство, 1996. Коми кывтӧдӧм. Шыӧдчан кадпас: 10 косму тӧлысь 2025.
- ↑ 1 2 3 4 5 6 Азаров О., Волкова В. Берёзовка // Республика Коми. Энциклопедия. Том I. — Сыктывкар: Коми книжное издательство, 1997. — С. 255.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 3 4 5 6 7 8 О поселке Берёзовка. Печорская ЦБС. Шыӧдчан кадпас: 10 косму тӧлысь 2025.
- ↑ 1 2 Численность населения Берёзовки Печорского района Коми. Госкадастр. Шыӧдчан кадпас: 10 косму тӧлысь 2025.
| Печӧра муниципальнӧй районса оланінъяс | |||
|---|---|---|---|
.gif) | .svg) | ||
