Хатанзейский Андрей Гурьевич
| Хатанзейский Андрей Гурьевич | ||||
|---|---|---|---|---|
 | ||||
| Чужан лун | 1923-ӧд вося йирым тӧлысь 21-ӧд лун | |||
| Чужанін | ||||
| Кулан лун | 1945-ӧд вося косму тӧлысь 9-ӧд лун (21 ар) | |||
| Куланін | Венгрия | |||
| Канму |
 СССР |
|||
| Служитан вояс | 1942—1945 | |||
| Звание | сержант | |||
| Часьт | 341-ӧд торъя сапёрнӧй батальон | |||
| Командуйтіс | отделениеӧн | |||
| Тышъяс/вӧйнаяс | ||||
| Наградаяс да премияяс |
|
|||
Хатанзейский Андрей Гурьевич (1923 вося йирым тӧлысь 21-ӧд лун, Изьва районса Мокчой сикт — 1945 вося урасьӧм тӧлысь 14-ӧд лун, Венгрия) — 3-ӧд Украинскӧй фронтса 57-ӧд армиялӧн 233-ӧд стрелкӧвӧй дивизияысь 341-ӧд торъя сапёрнӧй батальонса отделениеса командир, сержант. Сӧветскӧй Союзса Герой (1945)[1].
Олантуй
Андрей Хатанзейский чужӧма Изьва районса Мокчой сиктын 1923-ӧд вося йирым тӧлысь 21-ӧд лунӧ кӧр видзысьяслӧн семьяын. Помалӧма 6 класс Мокчойса школаын. Уджалӧма колхозын кӧр видзысьӧн.
Гӧрд Армияын 1942 вося урасьӧм тӧлысь 25-ӧд лунсянь. Айму вӧсна Ыджыд тыш вылын 1942 вося кӧч тӧлыссянь. Тышкасис Донскӧй, Степнӧй, 2-ӧд да 3-ӧд Украинскӧй фронтъяс вылын. Участвуйтіс Украина, Молдова, Болгария, Югославия мездӧмын. Вӧлі нёльысь ранитчӧма.
341-ӧд торъя сапёрнӧй батальонса отделениеса командир сержант Андрей Xатанзейский сапёръяс группакӧд кокни пыжӧн 1944 вося вӧльгым тӧлысь 6-ӧд лунӧ вуджис Дунай вомӧн Батин овмӧдчанін дорын, тӧдмаліс оборонасӧ да десантлысь вермана петанінъяссӧ. Мӧд войнас вуджӧдіс 85 стрелокӧс, 9 станкӧвӧй пулемёт, расчётӧн 3 миномёт, 46 яшик боеприпасъяс. Босьтӧм рубеж вӧсна тышъясын 1944 вося вӧльгым тӧлысь 9-12 лунъясӧ ачыс бырӧдіс дас гӧгӧр гитлеровецӧс.
СССР-са Верховнӧй Сӧвет Президиумлӧн 1945 во рака тӧлысь 24-ӧд лунся Индӧдӧн[2] «немецко-фашистскӧй захватчикъяскӧд тышкасигӧн командованиелысь боевӧй заданиеяс образцӧвӧя олӧмӧ пӧртӧмысь да та дырйи мужество да героизм петкӧдлӧмысь» сержант Хатанзейский Андрей Гурьевичлы сетӧма Сӧветскӧй Союзса Геройлысь ним.
Хатанзейский пӧгибнитіс 1945 вося урасьӧм тӧлысь 14-ӧд лунӧ Венгрияын Балатон ты дорын[3]. Гуалӧма Кирп-Яшлангын, Единпуста хутор дорын (Венгрия).
Наградаяс
• Сӧветскӧй Союзса Герой почёт ним (1945.03.24)
• Ленин орден (1945.03.24)
• «Зарни Кодзув» медаль (1945.03.24)
• «Отвагаысь» медаль (1942)
Фотояс соралӧм
Дыр кад чӧж быдлаын, тшӧтш и Сыктывкарын Куслытӧм би дорын Слава аллеяын, кӧні сувтӧдӧмаӧсь Сӧветскӧй Союзса Геройяслысь барельефъяс, Хатанзейский Андрей Гурьевич ним улын вӧлі серпасалӧма мӧд мортӧс — сыкӧд тшӧтш служитысьӧс[4]. Мукӧдлаын ӧнӧдз на ӧшалӧ абу ина фотоыс[5][6]. Ӧткымын ӧшмӧсын[7][1][8] фотоыс серпасалӧма фотохудожникӧн томдырся фото подув вылын компиляция отсӧгӧн[4].
Паметь
• Мокчой сиктын сувтӧдӧма А. Г. Хатанзейскийлысь бюст (1988), а медводдза паметниксӧ вӧлі сувтӧдӧма 1967 воын[9].
• Мокчой сиктса шӧр школалы сетӧма А. Г. Хатанзейскийлысь ним. Айму вӧсна Ыджыд тышын Вермӧмсянь 75 во тырӧмкӧд йитӧдын Мокчойса школалы сетісны школа помалысь — Сӧветскӧй Союзса Герой Андрей Гурьевич Хатанзейскийлысь ним. 2020 вося рака тӧлысь 3-ӧд лунсянь школаыслӧн официальнӧй нимыс — «Сӧветскӧй Союзса герой А. Г. Хатанзейский нима Мокчойса шӧр школа»[10][11].
• Печӧра карын пуктӧма казьтылан пӧв да нимтӧма улича (1984)[12].
• Изьва сиктын сувтӧдӧма А. Хатанзейскийлы паметник (1979)[13][14].
Ыстӧгъяс
- ↑ 1 2 Александров А. Хатанзейский Андрей Гурьевич // Республика Коми. Энциклопедия. Том III. — Сыктывкар: Коми книжное издательство, 2000. — С. 262—263.
- ↑ Хатанзейский Андрей Гурьевич. Наградные документы.
- ↑ Информация в электронном банке документов ОБД «Мемориал»
- ↑ 1 2 Сивкова А. Андрей Хатанзейский: подлинный и мнимый
- ↑ Военные Герои Советского Союза из Коми
- ↑ Герои Советского Союза
- ↑ Твои люди, Ижма. Хатанзейский Андрей Гурьевич
- ↑ Хатанзейский, Андрей Гурьевич
- ↑ Памятник и бюст Герою Советского Союза Андрею Гурьевичу Хатанзейскому в с. Мохча
- ↑ История школы
- ↑ Ижемские школы получили имена Героев Советского Союза
- ↑ Мемориальная доска в честь А. Г. Хатанзейского, Героя Советского Союза
- ↑ В Ижме установили памятник Герою Советского Союза Андрею Хатанзейскому
- ↑ Памятник Герою Советского Союза А. Г. Хатанзейскому