Йӧгра кывъяс
| Йӧгра кывъяс | |
|---|---|
| Таксон | вож |
| Ареал | Россия, Венгрия |
| Сёрнитысь лыд | 15 млн. |
| Сикасалӧм | |
| Категория | Евразияса кывъяс |
| Состав | |
| маддяр кыв, обдорса йӧгра кывъяс | |
| Торъялан кад | миян эраӧдз 2 сюрсво джын[1] |
| Ӧткодьлун прӧчент | 45,3 % |
| Кыв чукӧрлӧн кодъяс | |
| ISO 639-2 | — |
| ISO 639-5 | — |
Йӧгра кывъяс (рочӧн Уго́рские языки́) — урал кывъяслӧн финн-йӧгра вожӧ пырысь Россияын да Венгрияын паськалӧм кывъяс чукӧр. Сёрнитысьыс — 15 млн гӧгӧр морт.
Йӧгра кывъяс петӧны йӧгра подувкывйысь, мый артмис миян эраӧдз 3 сюрсво помын финн-йӧгра пракывлӧн 2 вож вылӧ разалӧм вӧсна.
Маддяр кыв сулалӧ торйӧн обдорса йӧгра кывъясысь.
Сикасалӧм
Йӧгра кывъясӧ пырӧны:
- маддяр кыв
- обдорса йӧгра кывъяс чукӧр Рытыввыв Сибирын:
Матыслун
Ӧнія йӧгра кывъяс ёна торъялӧны ӧта-мӧдсьыс, и пӧшти оз гӧгӧрвоны ёрта-ёртсӧ. Таысь кындзи, ӧти и сійӧ жӧ кывлӧн мутас серти торйӧдӧм уна сёрнисикас вылын сёрнитысьяс, шуам, ханты кывйын, сьӧкыда сёрнитӧны ӧта-мӧдныскӧд, весиг дзикӧдз оз гӧгӧрвоны ӧта-мӧдсӧ[2].
Альтернативнӧй видзӧдлас йӧгра кывъяслӧн ӧтувлун вылӧ
Ӧткымын туялысь вензьӧ йӧгра кывъяслӧн нэмӧвӧйся ӧтувлун (да, паськыдджыка кӧ, традиционнӧя урал кывъяслӧн нэмӧвӧйся ӧтувлун) йылысь теорияӧн[3][4].
Альтернативнӧй видзӧдлас серти, ӧткодьлуныс вермис артмыны уна сикас вужъя (кыдзи рӧдвуж, сідзи и абу рӧдвуж) идиомаяслӧн мӧд тшупӧда конвергенция вӧсна кывъя ӧтув (рочӧн языковой союз) пытшкын.
Пасйӧдъяс
- ↑ Blažek, Václav. Uralic Migrations: The Linguistic Evidence
- ↑ Adondolo Daniel M. The Uralic languages. Routledge: 1990.
- ↑ Viitso, Tiit-Rein. On classifying the Finno-Ugric languages. В сборнике: In Congressus Octavus Internationalis Finno-Ugristarum, Pars 1, ed. H. Leskinen et al. Jyväskylä, 1996. стр. 261—266.
- ↑ Marcantonio, Angela. The Uralic Language Family: Facts, Myths, and Statistics. В сборнике: Publications of the Philological Society 35. Oxford: Blackwell. 2002.
| Финн-йӧгра кывъяс | |||
| Йӧгра котыр | Маддяр (венгер) кыв | Манси кыв | Ханты кыв | ||
| Перым котыр | Коми кыв (стандартъяс: зыряна коми | перым коми | ёдзва коми кыв) | Удмурт кыв | ||
| Мари котыр | Мари кыв (стандартъяс: видзвыв мари кыв | керӧсвыв мари кыв) | ||
| Мордва котыр | Мокша кыв | Эрзя кыв | ||
| Фин котыр | Суоми кыв | Эст кыв | Выру кыв | Сету кыв | Вепс кыв | Водь кыв | Карел кыв | Лив кыв (†) | Ижора кыв | ||
| Саами котыр | Саами кыв (стандартъяс: инари | войвыв саами | кильдин | колтта | лунвыв саами | луле) | ||
| Важӧн бырӧм кывъяс | Меря кыв † | Мешшӧра кыв † | Мурома кыв † | ||