Экологлӧн лун
| Экологлӧн лун | |
|---|---|
| Сикас | Экология |
| Вежӧртас | Кыскыны йӧзлысь вниманиесӧ экология мытшӧдъяс дорӧ. |
| Вынсьӧдӧма | 2007 вося сора тӧлысь 21-ӧд лунӧ |
| Пасйӧны | Рочмуын |
| Кадпас | лӧддза-номъя тӧлысь 5-ӧд лун |
| Йитчӧма | Ставмирса гӧгӧртас лункӧд |
 Медиафайлы на РУВИКИ.Медиа | |
Экологлӧн лун — Рочмуын вӧр-ва дорйысьяслӧн, вӧр-ва видзӧм серти специалистъяслӧн, общественнӧй удж вӧчысьяслӧн да эколог-активистъяслӧн профессиональнӧй гаж[1]. Пасйӧны быд во лӧддза-номъя тӧлысь 5-ӧд лунӧ, Ставмирса гӧгӧртас лунӧ.
Гажлӧн история
«Экологлӧн лун» в Рочмуын вӧлі вынсьӧдӧма РФ Президент Владимир Путинлӧн Индӧдӧн 2007 вося сора тӧлысь 21-ӧд лунӧ РФ Государственнӧй думаса экология комитетлӧн вӧзйӧм серти.
«Единая Россия» партияын экология юалӧмъяс серти координатор Грачёв Владимир Александрович тадзи гӧгӧрвоӧдіс кадпас бӧрйӧмсӧ:
… «Экологлӧн лун» Рочмуын вӧлі вынсьӧдӧма и йитӧма Ставмирса гӧгӧртас лунӧ, мый пасйӧны быд во лӧддза-номъя тӧлысь 5-ӧд лунӧ. Татшӧм ногӧн, рочмуса экологъяслӧн медшӧр гажыс лӧсяліс медшӧр войтыркостса экология гажкӧд, и ӧні став мероприятиеясыс да акцияясыс, кӧні чуксалӧны видзны вӧр-ва, мунӧны ӧттшӧтш и Рочмуын, и став мирын[2].
Лоӧмторъяс
Москваса Правительство да «Транснефть» компания отсӧгӧн вӧлі нуӧдӧма «Олӧмыс заводитчӧ тэсянь!» экология акция. Акция дырйи волонтёръяс разӧдісны салат лентаяс да пакетикъяс дзоридз кӧйдысъясӧн (400 сюрсысь унджык) Москваын олысьяслы, медым найӧ асшӧра вермисны вежӧдны да мичмӧдны карсӧ[3].