Россия Федерацияса вот органъясын уджалысьлӧн лун

Босьтӧма Рувикиысь
Россия Федерацияса вот органъясын уджалысьлӧн лун
Сикас Канму гаж
Вынсьӧдӧма «Россия Федерацияса вот органъясын уджалысьлӧн лун йылысь» Россия Федерацияса Президент В. Путинлӧн 2000 во вӧльгым тӧлысь 11-ӧд лунся 1868 №-а Индӧдӧн[1]
Пасйӧны Россия
Празднуйтӧм вӧльгым тӧлысь 21-ӧд лунӧ (быд во)
Йитчӧма Россия Федерацияса Федеральнӧй вот служба лӧсьӧдӧмкӧд

«Россия Федерацияса вот органъясын уджалысьлӧн лун» — Россия Федерацияса Федеральнӧй вот службаын уджалысьяслӧн уджсикас гаж. Пасйӧны Россияын быд во, вӧльгым тӧлысь 21-ӧд лунӧ.

Вынсьӧдӧма «Россия Федерацияса вот органъясын уджалысьлӧн лун йылысь» Россия Федерацияса Президент В. Путинлӧн 2000 во вӧльгым тӧлысь 11-ӧд лунся 1868 №-а Индӧдӧн[1].

Лоӧ уджалан лунӧн.

История

Россия Федерацияса Федеральнӧй вот службалӧн эмблема

«Россия Федерацияса вот органъясын уджалысьлӧн лун» вӧлі вынсьӧдӧма «Россия Федерацияса вот органъясын уджалысьлӧн лун йылысь» Россия Федерацияса Президент В. Путинлӧн 2000 во вӧльгым тӧлысь 11-ӧд лунся 1868 №-а Индӧдӧн[1].

Гаж нуӧдан кадсӧ бӧрйӧмаӧсь тӧдӧмӧн. Буретш тайӧ лунас, 1991 вося вӧльгым тӧлысь 21-ӧд лунӧ, РСФСР-са Президент Б. Ельцинлӧн 229 №-а Индӧдӧн вӧлі котыртӧма РСФСР-са канму вот служба[2]. 1998 воын сійӧ лоис Россия Федерацияса вот да ӧктас министерствоӧн, а 2004 воын — Россия Федерацияса Федеральнӧй вот службаӧн.

«Федеральнӧй вот служба йылысь положение» (2004 во) серти федеральнӧй вот служба (Россияса ФНС) лоӧ федеральнӧй олӧмӧ пӧртысь власьт органӧн, коді видзӧдӧ да дӧзьӧритӧ вот да ӧктас йылысь оланпастэчасӧ кутчысьӧм бӧрся, лӧсялана бюджетӧ вот, ӧктас да страхӧвӧй взносъяс правильнӧя арталӧм, тырвыйӧ да ас кадӧ мынтӧм бӧрся, Россия Федерацияса оланпастэчасӧн урчитӧм случайясын бюджетӧ мукӧд быть мынтысьӧм правильнӧя арталӧм, тырвыйӧ да ас кадӧ мынтӧм бӧрся, табак прӧдукция вӧчӧм да вузалӧм бӧрся, контрольно-кассӧвӧй техникаӧн вӧдитчӧм бӧрся, а сідзжӧ вот органъяслӧн компетенцияын валютнӧй контроль органлӧн могъяс бӧрся.

Служба лоӧ федеральнӧй олӧмӧ пӧртысь власьт уполномочитӧм органӧн, коді канмусянь пасйӧ юридическӧй кывкутысьясӧс, торъя йӧзӧс асшӧр уджалысьясӧн да кресьтянин (фермер) овмӧсъясӧн. Сійӧ лоӧ федеральнӧй олӧмӧ пӧртысь власьт уполномочитӧм органӧн, коді аккредитуйтӧ суйӧрсайса юридическӧй кывкутысьяслысь филиалъяссӧ, петкӧдланінъяссӧ (суйӧрсайса страхуйтан организацияяслӧн филиалъяс да суйӧрсайса кредитнӧй организацияясӧс петкӧдланінъяс кындзи), а сідзжӧ федеральнӧй олӧмӧ пӧртысь власьт уполномочитӧм органӧн, коді петкӧдлӧ банкротство йылысь делӧясын да банкротство процедураясын быть мынтысьӧмъяс мынтӧм йылысь корӧмъяс да сьӧм кӧсйысьӧмъяс серти Россия Федерациялысь корӧмъяссӧ [3].

Пасйӧдъяс

  1. ↑ 1 2 3 Указ Президента Российской Федерации В. Путина от 11 ноября 2000 года № 1868 «О Дне работника налоговых органов Российской Федерации». Архивса копия 1 ӧшым тӧлысь 2017 Wayback Machine ресурсын Официальный сайт Президента Российской Федерации // kremlin.ru
  2. ↑ Указ Президента РСФСР Б. Ельцина от 21 ноября 1991 года № 229 «О Государственной налоговой службе РСФСР». Официальный сайт Президента Российской Федерации // kremlin.ru. Шыӧдчан кадпас: 26 вӧльгым тӧлысь 2015. Архивируйтӧма 26 йирым тӧлысь 2017.
  3. ↑ День работника налоговых органов РФ
Босьтӧма "https://kv.ruwiki.ru/w/index.php?title=Россия_Федерацияса_вот_органъясын_уджалысьлӧн_лун&oldid=470584"-ысь