Россияса страхуйтысьлӧн лун
| Страхуйтысьлӧн лун | |
|---|---|
 | |
| Сикас | Россияса страхуйтысьлӧн лун |
| Кадпас | йирым тӧлысь 6-ӧд лун |
| Празднуйтӧм | Россияса страхуйтан компанияясын уджалысьяс |
| Йитчӧма | «Канму эмбур страхуйтӧм йылысь» Совнаркомлысь декрет В. И. Ленинӧн кырымалан кадпасӧн (1921 вося йирым тӧлысь 6-ӧд лун) [1] |
Россияса страхуйтысьлӧн лун (рочӧн День российского страховщика) — Россияса страхуйтан компанияясын уджалысьяслӧн уджсикас гаж. Пасйӧны быд во йирым тӧлысь 6-ӧд лунӧ.
Уна страхуйтысь оз пыдди пуктыны тайӧ кадпассӧ, лыддьӧны сійӧс «Росгосстрах» страхуйтан компаниялӧн корпоративнӧй гажӧн. Таысь кындзи, тшӧкыда воӧны вӧзйӧмъяс, медым страхуйтысьлӧн лунӧн официальнӧя лыддьыны мӧд кадпас.
История да пасйӧм
Россия Федерацияын «Россияса страхуйтысьлӧн лун» кадпассӧ (йирым тӧлысь 6-ӧд лун) бӧрйӧма тӧдӧмӧн. Буретш тайӧ лунӧ, 1921 воын, Российскӧй Сӧветскӧй Федеративнӧй Социалистическӧй Республикаын заводитіс ассьыс уджсӧ РСФСР-са Госстрах (ӧні Росгосстрах). Збыльысьсӧ тайӧ лоӧмторйыс лои Сӧветскӧй Россияын страхуйтӧм чужан лунӧн[2]. Дыр кад чӧж тайӧ организацияыс СССР-ын вӧлі тайӧ юкӧнас монополистӧн, и сӧмын 67 во мысти 1988 вося «Кооперация йылысь» оланпас примитӧм бӧрын кутісны котыртсьыны альтернативнӧй абу государственнӧй страхуйтан компанияяс[3]. Ӧні Россияын уджалӧ уна страхуйтан компания, кӧні уджалӧны уна дас сюрс морт.
Гаж кадпас серти альтернативнӧй вӧзйӧмъяс
Россияын страхуйтӧмлӧн ӧтувъя историялы 225 воысь унджык. Сійӧ заводитчис сійӧ кадсянь, кор Екатерина II вӧлі кырымалӧма странаын медводдза страхуйтан компания лӧсьӧдӧм йылысь манифест[4].
1786 вося лӧддза-номъя тӧлысь 28-ӧд лунӧ Екатерина II кырымаліс «Государственнӧй Заёмнӧй Банк котыртӧм йылысь» манифест, тайӧ документ серти быть коліс страхуйтны вӧрзьӧдтӧм эмбур (керка-карта, град йӧр да с.в.). 1786 вося ӧшым тӧлысь 23-ӧд лунся «Об учреждении при Государственном Заемном Банке „Страховой экспедиции для приема в оной каменных домов, заводов и фабрик“» манифест серти вӧлі лӧсьӧдӧма Россияын медводдза страхуйтан учреждение. 1797 воын Россияса правительство восьтіс «Страхуйтан контора». Но страхуйтан уджлӧн сьӧма бӧртасыс вӧлі сэтшӧм омӧль, мый тайӧ конторасӧ вӧлі тупкӧма кӧкъямыс во мысти 1805 воын. 1798-1799 воясӧ Россия Империяын вӧлі заводитӧма лӧсьӧдны ӧта-мӧдӧс страхуйтан котыръяс, но и найӧ эз вермыны бура уджавны. Тадзи помасис россияса страхуйтӧмлӧн историяын медводдза этап. Лоис гӧгӧрвоана, мый страхуйтан уджын государственнӧй монополия оз бура лӧсяв, мый вӧсна страхуйтан уджӧ ковмис кыскыны частнӧй капитал. 1827 вося лӧддза-номъя тӧлысь 22-ӧд лунӧ Николай I лӧсьӧдіс «Биысь страхуйтан Россияса общество».
Та вӧсна Страхуйтӧм лун либӧ Страхуйтысьлӧн лун пасйӧм вылӧ альтернативнӧй лунъясӧн вӧзйӧны лӧддза-номъя тӧлысь 28-ӧд лун либӧ лӧддза-номъя тӧлысь 22-ӧд лун.
Пасйӧдъяс
- ↑ Декрет СНК РСФСР от 06.10.1921 «О государственном имущественном страховании»
- ↑ День страховщика 6 октября 2021: история и традиции // Прецедент ТВ. — 2021. — 4 йирым тӧлысь. — Дата обращения: 21.12.2022.
- ↑ День российского страховщика
- ↑ Г.В.Носова. О становлении страхового дела в России в первой половине XIX в. «Финансы» (31 рака тӧлысь 2008).
Ыстӧгъяс
• Открытки к «Дню российского страховщика» на Яндексе
