Россияса наука лун
| Россияса наука лун | |
|---|---|
 Россияса Наукаяс академиялы 275 волы сиӧм Россияса Банклӧм сьӧмпас | |
| Вынсьӧдӧма | 1999 воын Россияса Наукаяс академиялы 275 во тыригкежлӧ |
| Лӧсьӧдысь | Россияса президент Б. Н. Ельцин |
| Пасйӧны | быд во |
| Кадпас | урасьӧм тӧлысь 8-ӧд лун |
| Йитчӧма | Сӧветскӧй наука лун |
Россияса наука лун (рочӧн День российской науки) — Россияса президент Б. Н. Ельцинлӧн 1999 во лӧддза-номъя тӧлысь 7-ӧд лунся индӧдӧн вынсьӧдӧм россияса гаж[1]. Пасйӧны быд во урасьӧм тӧлысь 8-ӧд лунӧ. Медводдзаысь вӧлі пасйӧма 1999 воын Россияса Наукаяс академиялы 275 во тыригӧн.
История
Гажсӧ сиӧма Петыркарса наукаяс академиялы, кодӧс лӧсьӧдӧма Пётр І императорлӧн тшӧктӧм серти Сенатлӧн 1724 во тӧвшӧр тӧлысь 28-ӧд лунся (выль стиль серти урасьӧм тӧлысь 8-ӧд лун) индӧдӧн.
СССР-ын наука лун пасйылісны косму тӧлысся коймӧд вежалунӧ, сы вӧсна мый 1918 воын косму тӧлысь 18-25 лунъяс костын В. И. Ленин лӧсьӧдіс «Набросок плана научно-технических работ» удж.
Ӧнӧдз на уна научнӧй котыр пасйӧны наука лунсӧ «важ ногӧн» — косму тӧлысся коймӧд вежалунӧ (шуам, 2022 воын гажыс вӧлі косму тӧлысь 17-ӧд лунӧ)[2].
1999 восянь Россияын наука лун пасйӧны быд во урасьӧм тӧлысь 8-ӧд лунӧ, Россия Федерацияса президентлӧн 1999 во лӧддза-номъя тӧлысь 7-ӧд лунся индӧд серти, «канму да йӧзкотыр сӧвмӧдӧмын отечественнӧй наукалысь тӧдчана роль тӧд вылӧ босьтӧмӧн, история традицияясӧ кутчысьӧмӧн да Россияын Наукаяс академия котыртӧмсянь 275 во тырӧм пасйӧм могысь»[3].
Пасйӧм
Уна научнӧй организация нуӧдӧ челядьлы да верстьӧлы тайӧ лунлы сиӧм мероприятиеяс. Выставкаяс, лекцияяс, мастер-классъяс, научно-популярнӧй шоуяс да мукӧд сикас акция нуӧдісны МГУ да Вконтакте[4], «Курчатов институт» НИЦ[5], Тимирязев академия[6], В. И. Ленин нима библиотека (Петыркар)[7], Дарвин музей[8], «Зарядье» парк[9], Войвыв Кавказса горно-металлургическӧй институт[10]. Россияса Банк лэдзис Наукаяс академиялы 275 во тырӧмлы сиӧм «Наука» сьӧмпас торъя серия.
Уна сикас организацияын мунӧны концертъяс. Найӧ мунісны, шуам, Казаньса канму культура институтын[11]. Москваын Кремль дворечын 2020 воын муніс кыпыд концерт. Концерт дырйи том туялысьяслы вӧлі сетӧма премияяс[12]. 2024 воын Самараын муніс Наукаяс академиялы 300 во тырӧмкӧд йитӧдын кыпыд концерт. Губернатор Дмитрий Азаров сетіс регионса туялысьяслы премияяс да наградаяс[13].
Коми Республикаын пасйӧм
Коми Республикаын нуӧдӧны уна сикас мероприятие. Коми наука шӧринын нуӧдӧны экскурсияяс наука музейясын, выль петасъяслысь презентацияяс, велӧдчысьяслы викторинаяс, восьса лекторийяс да с.в.[14]. Коми наука шӧрин, традиция серти, тайӧ лунӧ восьса ставлы: В День российской науки Коми научный центр открыл двери для всех желающих.
Коми Республикаса национальнӧй библиотека котыртӧ восьса лекцияяс[15].
Коми Республикаса велӧдчанінъясын нуӧдӧны конференцияяс да наука акцияяс.
Пасйӧдъяс
- ↑ Указ Президента Российской Федерации от 07.06.1999 г. № 717, Президент России. Шыӧдчан кадпас: 28 тӧвшӧр тӧлысь 2025.
- ↑ Дряхлова, Ирина. День российской науки: как отметят праздник в 2022 году?, Пятый канал (8 урасьӧм тӧлысь 2022). Шыӧдчан кадпас: 28 тӧвшӧр тӧлысь 2025.
- ↑ День российской науки.
- ↑ 8 февраля - День российской науки: мероприятия от Минпросвещения РФ | Unifirst. unifirst.ru. Шыӧдчан кадпас: 28 тӧвшӧр тӧлысь 2025.
- ↑ Мероприятие для детей в рамках празднования Дня Науки 2024 (неопр.). www.pnpi.nrcki.ru. Шыӧдчан кадпас: 28 тӧвшӧр тӧлысь 2025.
- ↑ 08 февраля 2024 – Расписание мероприятий ко Дню российской науки, РГАУ-МСХА. Шыӧдчан кадпас: 28 тӧвшӧр тӧлысь 2025.
- ↑ Библиотеки Петроградской Стороны (неопр.). pr-cbs.ru. Шыӧдчан кадпас: 28 тӧвшӧр тӧлысь 2025.
- ↑ День российской науки в Дарвиновском музее в Москве 2024: билеты и цены, даты проведения, программа, где пройдет и как добраться. Шыӧдчан кадпас: 29 тӧвшӧр тӧлысь 2025.
- ↑ kudamoscow.ru. День российской науки в парке «Зарядье» 2024. kudamoscow.ru. Шыӧдчан кадпас: 29 тӧвшӧр тӧлысь 2025.
- ↑ Мероприятия ко Дню Российской науки, Северо-Кавказский горно-металлургический институт. Шыӧдчан кадпас: 28 тӧвшӧр тӧлысь 2025.
- ↑ Праздничный концерт ко Дню Российской науки. kazan.ruc.su. Шыӧдчан кадпас: 29 тӧвшӧр тӧлысь 2025.
- ↑ День российской науки (неопр.). Государственный Кремлёвский Дворец. Шыӧдчан кадпас: 29 тӧвшӧр тӧлысь 2025.
- ↑ В Самарской филармонии состоялось торжественное мероприятие ко Дню российской науки и 300-летию РАН. Шыӧдчан кадпас: 29 тӧвшӧр тӧлысь 2025.
- ↑ Терентьева А. День российской науки в Коми научном центре. komisc.ru. Шыӧдчан кадпас: 6 урасьӧм тӧлысь 2025.
- ↑ День Российской Науки: Раскрывая Потенциал Будущего. nbrkomi.ru. Шыӧдчан кадпас: 6 урасьӧм тӧлысь 2025.
Ыстӧгъяс
- День российской науки. РИА Новости (8 урасьӧм тӧлысь 2022). Шыӧдчан кадпас: 8 урасьӧм тӧлысь 2022.