Радио лун

Босьтӧма Рувикиысь
Learning.svg

Б. Н. Ельцин нима Президентскӧй небӧгаинысь

Arrow-Right.png
Library.png
Тайӧ гижӧдын вӧдитчӧма
Б. Н. Ельцин нима Президентскӧй небӧгаин фондъясысь материалъясӧн
Паськыдджыка
Радио лун
1958 CPA 2155.jpg
Сикас Радиоын уджалысьяслӧн лун
Кадпас ода-кора тӧлысь 7-ӧд лун
Логотип РУВИКИ.Медиа Медиафайлы на РУВИКИ.Медиа

Радио лун (рочӧн День ра́дио) — связьын уджалысьяслӧн гаж (уджсикас гаж), пасйӧны Россияын ода-кора тӧлысь 7-ӧд лунӧ[1]. Буретш тайӧ лунсӧ 1895 воын примитӧма лыддьыны радио лӧсьӧдан лунӧн[2]. Официальнӧя пыртӧма СССР-ын «А. С. Поповӧн радио изобретитӧмсянь 50 во тырӧм йылысь» СССР-са Совнаркомлӧн 1945 во ода-кора тӧлысь-ӧд 2 лунся шуӧмӧн[3]. Бӧрынджык, СССР-са Верховнӧй Сӧвет Президиумлӧн 1980 во йирым тӧлысь 1 лунся индӧд серти, сійӧс нимтісны «Радио лунӧн, связьлӧн став юкӧнын уджалысьяслӧн гажӧн»[4].

Лоӧ официальнӧй гажӧн абу сӧмын Россияын[5][6], но и Болгарияын[7], Арменияын[8], Кыргызстанын[9] и Беларусьын[10].

История

[вежны | Вежны кодировкаын]

1895 воын Александр Степанович Попов Пётр Николаевич Рыбкинкӧд ӧтвылысь лӧсьӧдіс прибор, коді пасъяліс гымалан разрядъяссӧ ыджыд ылнасянь. Сійӧс Попов нимтіс «грозоотметчикӧн»[2].

СССР-са пошта марка, 1989 во Н. Сысоев серпас серти

Юӧр сетан лӧсьӧдӧм системасӧ йӧз водзын петкӧдлісны 1895 вося косму тӧлысь 25-ӧд лунӧ (ода-кора тӧлысь 7-ӧд лунӧ) Роч физико-химическӧй обществолӧн физическӧй отделениелӧн чукӧртчӧм вылын[11][12]. «Об отношении металлических порошков к электромагнитным колебаниям» тема вылӧ ассьыс публичнӧй докладсӧ помалӧмӧн Попов шуис: «кута лача, мый менсьым приборӧс водзӧ бурмӧдігӧн сійӧн позяс вӧдитчыны ылі туй вылӧ сигналъяс ыджыд электрическӧй колебаниеяс отсӧгӧн передайтӧм могысь, мыйӧн сӧмын лоӧ аддзӧма татшӧм колебаниеяслысь тырмана энэргияа ӧшмӧссӧ». Буретш тайӧ лунсӧ примитӧма лыддьыны радио лӧсьӧдан лунӧн[2].

СССР-ын медводдзаысь радио лун пасйисны 1925 воын. Сэки нуӧдісны радио вӧчӧмсянь 30 во тырӧмлы сиӧм кыпыд мероприятиеяс[13][14]. Сы вӧсна, мый Гульельмо Маркони лӧсьӧдіс да патентуйтіс радиолысь татшӧм жӧ схемасӧ, а бӧрынджык нималіс сійӧс вӧчан компания лӧсьӧдӧмӧн, сійӧ кадся разнӧй публикацияясын сылысь пайсӧ сідзжӧ тӧд вылӧ босьтлісны, но тӧдчӧдлісны Поповлысь приоритетсӧ[13]. Сійӧ жӧ воас «Друг радио» журналын Россияса радиоинженеръяслӧн обществоӧ почётнӧй пырысь Алексей Петровский висьталіс сы йылысь, медым ода-кора тӧлысь 7-ӧд лун лоис «радистъяслӧн збылься гажӧн»[15][16].

Севастопольын «А. С. Поповӧн радио лӧсьӧдӧмсянь 100 во тырӧмлы» паметник

Радио изобретитӧмсянь 40 во тыран воӧ (1935) сідзжӧ нуӧдлісны тайӧ лоӧмторлы сиӧм уна сикас мероприятие, йӧзӧдісны Поповлысь пайсӧ пыдди пуктана публикацияяс[17].

10 во мысти радиолысь лун вӧлі индӧма официальнӧя. «А. С. Поповӧн радио изобретитӧмсянь 50 во тырӧм йылысь» СССР-са Совнаркомлӧн 1945 во ода-кора тӧлысь 2-ӧд лунся постановлениеын индӧма[3]:

Роч учёнӧй А. С. Поповӧн 1945 вося ода-кора тӧлысь 7-ӧд лунӧ радио изобретитӧмсянь 50 во тырӧмкӧд йитӧдын СССР-са народнӧй комиссаръяслӧн Сӧвет тшӧктӧ: <…>
4. Йӧзлӧн культурнӧй да политическӧй олӧмын да странаӧс дорйӧмын радиолысь зэв ыджыд тӧдчанлунсӧ тӧд вылӧ босьтӧмӧн, радио юкӧнын отечественнӧй наукалысь да техникалысь шедӧдӧмторъяссӧ паськыда тӧдмӧдӧм да йӧз пӧвстын радио радейтысьясӧс ышӧдӧм могысь пасйыны быд во ода-кора тӧлысь 7-ӧд лунӧ «Радио лун».

Сэки жӧ лӧсьӧдісны А. С. Попов нима зарни медаль[18][19], сійӧс сетлісны «радио юкӧнын тӧдчана научнӧй уджъясысь да изобретениеясысь»[3]. Сідзжӧ лӧсьӧдісны «Почёта радист» морӧсвыв пас да «электросвязь да радиотехника» специальность вылын велӧдчысь студентъяслы да аспирантъяслы нима стипендияяс[20][3].

СССР-са Верховнӧй Сӧвет Президиумлӧн 1980 вося йирым тӧлысь 1 лунся индӧд серти гажыслы сетісны «Радио лун, связьлӧн став отрасльын уджалысьяслӧн гаж» ним[4].

Пасйӧм

[вежны | Вежны кодировкаын]

Ода-кора тӧлысь 7-ӧд лунӧ Россияын радио лун пасйӧны студентъяс, велӧдысьяс, велӧдчанінъяс помалысьяс, кодъяс йитчӧмаӧсь радиотехникакӧд да связькӧд, музейясын уджалысьяс, а сідзжӧ радио радейтысьяс[5][6][1].

2024 воын Россияса каръясын телебашняяс ӧзтісны праздничнӧй иллюминация. Останкиноса телебашня вылын петкӧдлісны «Радио лунӧн!» ролик. Симферопольын башнялӧн медиафасад вылӧ вӧлі вӧчӧма А. С. Поповлысь серпас. Ярославльын — «Тайӧ миян. Тайӧ уджалӧ!». Воронежса, Грознӧйса, Нижньӧй Новгородса, Саратовса, Челябинскса да мукӧд карса телебашняяс вылын транслируйтісны «Ода-кора тӧлысь 7-ӧд лун — Радио лун» текст[21].

Радио лун сідзжӧ пасйӧны Болгарияын (болгар Ден на радиото и телевизията[7] 1968 восянь[22]), Арменияын[8], Кыргызстанын[9] и Беларусьын[10], кӧні 2023 воын уджсикас гаж дырйи вӧлі ошкӧма тайӧ юкӧнас уджалысьясӧс, тшӧтш и «БелГИЭ» электросвязь бӧрся дӧзьӧр нуӧдысь республиканскӧй ӧтувъя предприятиеын уджалысьясӧс[23].

2009 воын Google сиис гажлы йӧзӧдіс радио нога дудл[24].

Традицияяс

[вежны | Вежны кодировкаын]

Екатеринбург[вежны | Вежны кодировкаын]

Екатеринбургын УГТУ-УПИ радиотехническӧй факультетса студентъяс, помалысьяс да велӧдысьяс быд во нуӧдӧны мероприятиеяс, на пиысь ӧтиӧн лоӧ факультет зданиесянь Александр Степанович Попов паметник дорӧ традиционнӧй шествие[25][26][27]. Гажӧдчӧм вылӧ торйӧдӧны быдса вежон, кор университетса администрация кыскӧ быдсикас проектнӧй уджӧ оз сӧмын студентъясӧс, но и школьникъясӧс, кодъяслӧн эм позянлун тӧдмасьны тайӧ велӧдчаніныслӧн историяӧн да сылӧн велӧдан уджтасъясӧн. Кыдзи и пыр, паметниксӧ мыськӧны, а Радио лунӧ, ода-кора тӧлысь 7-ӧд лунӧ, котыртӧны концертнъяс. Ставыс помасьӧ кыпыд салютӧн[25]. 2020 воын COVID-19 пандемия вӧсна быдвося мунӧмсӧ вӧлі дугӧдӧма, кык во мысти тайӧ традициясӧ лои выльысь лӧсьӧдӧма[28].

Гаж вежон помын мунӧ медбур студентъяслӧн проектъяслӧн выставка: бӧрйӧны уна сё претендент пӧвстысь, и кывкӧрталӧмӧн йӧз водзын петкӧдлӧны 30-40 гӧгӧр удж. Выставка вылӧ корӧны тайӧ юконын уджалысь предприятиеясса директоръясӧс, кодъяс донъялӧны конкурсантъяслысь уджъяс. Сэк жӧ мунӧ вакансияяслӧн ярманга, кӧні студентъяслӧн эм позянлун водзӧ уджавны либӧ аддзыны практика да стажировка вылӧ места[25].

А. С. Попов нима Екатеринбургса радио музейын пасйӧны профильнӧй гаж — восьса ӧдзӧсъяс лун, мый дырйи котыртӧны дон босьттӧг радиолы сиӧм экскурсияяс: лӧсьӧдан история, ӧнія мирын сылысь сӧвмӧм да тӧдчанлун йылысь[6].

Таганрог[вежны | Вежны кодировкаын]

Таганрогын радиотехническӧй системаяс да веськӧдлӧм институтын мунӧны студентъяслы сикас тематическӧй мероприятиеяс: велӧдчысьяс водзын выступайтӧны Студенческӧй клубса артистъяс, а сідзжӧ нуӧдӧны викторинаяс да фотоконкурсъяс. Школьникъяслы сетӧны позянлун веськавны экскурсия вылӧ ЮФУ-са ИТА политехническӧй музейӧ[29].

Рязань[вежны | Вежны кодировкаын]

Рязаньса канму радиотехническӧй университетын сідзжӧ эмӧсь радиолысь лун пасйӧм кузя асланыс традицияяс: тайӧ велӧдчанін помалысьяс да студентъяс пырджык чукӧртчывлӧны шӧр велӧдчан корпус дорӧ да чолӧмалӧны ӧта-мӧднысӧ кывъясӧн: «Попов ловзис!»[30][31][32]. 2020 воын гажсӧ нуӧдісны онлайн-трансляцияӧн[33].

Москва[вежны | Вежны кодировкаын]

1971 воын Москваса физико-техническӧй институтын вӧлі котыртӧма Радио лунлы сиӧм радиотехническӧй конструкцияяс да компьютернӧй программаяс кузя конкурс. Пырӧдчисны сэтчӧ эз сӧмын радиотехника да кибернетика факультетса студентъяс, но и тайӧ велӧдчаніныслысь мукӧд юкӧдувсаяс. Призеръяс да вермысьяс босьтлісны стипендияяс да премияяс дорӧ содтӧдъяс[34]. Бӧръя воясӧ тайӧ быд вося мероприятиесӧ котыртӧ радиотехника да компьютернӧй технологияяс кузя Физтех-школа (ФРКТ)[35]. Сідз, 2023 воын вӧлі нуӧдӧма «Микроконтроллеръяс да радиотехника серти проектъяслӧн конкурс»[36][37].

2024 вося ода-кора тӧлысь 30-31 лунъясӧ Москваын муніс Радио лунлы сиӧм «Радиоэлектронные устройства и системы для инфокоммуникационных технологий» ставрочмувывса 79-ӧд конференция[38].

2025 воын ВДНХ-ын «Россия» национальнӧй шӧринын лоӧ радио лунлы сиӧм гаж. Тані мунасны мастер-классъяс, артистъяслӧн, радио нуӧдысьяслӧн выступлениеяс да призъяс вылӧ розыгрышъяс. Гажсӧ помалас ывлавывса шӧр сцена вылын концерт[39].

Томск[вежны | Вежны кодировкаын]

Томскын радио лун пасъян традицияыс чужис 1986 воын, кор вӧлі котыртӧма Томскса радио да электроннӧй техника институт, кӧні вӧлі восьтӧма радиотехническӧй факультет. Сэксянь быд во ода-кора тӧлысь 7-ӧд лунӧ студентъяс котыртлісны чужан карса уличаяс кузя праздничнӧй шествиеяс. Гажыслы сетісны карса мероприятиелысь официальнӧй статус 2001 воын[40]. Сійӧ шусьӧ «РадиоBOOM» фестивальӧн[41][42].

1988 воын чужис нӧшта ӧти традиция: тайӧ лунӧ Томскса студентъяс заводитісны шыблавны общежитиелӧн ӧкмысӧд судтаысь став важ, уджавтӧм электроникасӧ[43]. Тайӧ мероприятиеыслы сетісны «Техническӧй прогресс» ним. Шыбитӧм компьютеръяс, лампаа телевизоръяс, мониторъяс да мукӧд техника, мый эз босьтны видзӧдысьяс, бӧрынджык чукӧртӧны велӧдчанінса уджалысьяс да мӧдӧдӧны сійӧс переработайтӧм вылӧ[44]. 2016 воын вӧлі шыбитӧма 500 сайӧ единица электроника — шыбитӧм техникалӧн лыд серти рекорд[43].

Сідзжӧ Томскын радио лунӧ мунӧ ТУСУР студенческӧй карса спортплощадка вылын традиционнӧй радиоярманга, кӧні быд во быд факультет нуӧдӧ уна сикас конкурс да мукӧд мероприятие[44][42].

Петыркар[вежны | Вежны кодировкаын]

Кронштадтын 1995 восянь Попов нима скверын быд во мунӧ Радио лунлы сиӧм митинг[45].

Петроградладорса скверын Александр Степанович Поповлы паметник дорын быд во нуӧдӧны карса мероприятие, кӧні чолӧмалӧны связьлӧн став юкӧнын уджалысьясӧс. Котыртӧны Петыркарса электротехническӧй канм университет, а сідзжӧ М. А. Бонч-Бруевич нима Петыркарса телекоммуникацияяслӧн университет, А. С. Попов нима связьлӧн шӧр музей, А. С. Поповлӧн мемориальнӧй музей-патера да уна сикас общественнӧй организация. 2015 воын тайӧ мероприятиесӧ вӧлі сиӧма радио лӧсьӧдӧмсянь 120 во тырӧмлы[46].

2015 вося ода-кора тӧлысь 7-ӧд лунӧ А. С. Попов нима связьлӧн шӧр музейын пырся экспозициялӧн «XIX нэм помын радиосвязь» залын восьтісны А. С. Поповӧс казьтылан пӧв да нуӧдісны войтыркостса электросвязь союзлы 150 во тырӧмкӧд йитӧдын юбилейнӧй пошта марка кусӧдӧм. Сідзжӧ вӧлі восьтӧма А. С. Поповлӧн паметьлы сиӧм «От телеграфного аппарата до I-phon и I-pad» VIII научнӧй лыддьысьӧмъяс[47].

2024 вося ода-кора тӧлысь 7-ӧд лунӧ А. С. Попов нима связьлӧн шӧр музейын вӧлі восьтӧма «Выставки к 100-летию радиолюбительства», а сідзжӧ нуӧдӧма А. С. Поповлӧн паметьлы сиӧм «Радио: научное и технологическое наследие» XIV научнӧй лыддьысьӧмъяс[48].

Культураын

[вежны | Вежны кодировкаын]
  • 2001 вося ода-кора тӧлысь 24-ӧд лунын вӧліс медводдзаысь петкӧдлӧма «Радио лун» спекталь, кӧні медшӧр рольяссӧ ворсісны «Квартет И» группаса актёръяс[49][50].
  • 2008 воын режиссёр Дмитрий Дьяченко вӧчис тайӧ спектакль серти «День радио» кино[51].

Пасйӧдъяс

[вежны | Вежны кодировкаын]
  1. ↑ 1 2 Зелевич Е. П., Зудков П. И., с. 4.
  2. ↑ 1 2 3 Берг А. И., с. 8.
  3. ↑ 1 2 3 4 Постановление СНК СССР от 02.05.1945 N 939 "Об ознаменовании 50-летия со дня изобретения радио А.С. Поповым". КонсультантПлюс. Шыӧдчан кадпас: 29 рака тӧлысь 2024.
  4. ↑ 1 2 Указ Президиума ВС СССР от 01.10.80 N 3018-X "О праздничных и памятных днях". Контур.Норматив. Шыӧдчан кадпас: 29 рака тӧлысь 2024. Архивируйтӧма 18 вӧльгым тӧлысь 2020.
  5. ↑ 1 2 День радио. ФКУ «Цифровая культура». Шыӧдчан кадпас: 29 рака тӧлысь 2024.
  6. ↑ 1 2 3 Музей радио имени А. С. Попова на один день объединил более 100 любителей радио со всей страны. Cвердловский областной краеведческий музей. Шыӧдчан кадпас: 29 рака тӧлысь 2024.
  7. ↑ 1 2 7 май - Международен ден на радиото и телевизията (болг.). БНТ (7 ода-кора тӧлысь 2017). Шыӧдчан кадпас: 29 рака тӧлысь 2024.
  8. ↑ 1 2 7 мая отмечается День радио. Panorama.am (7 ода-кора тӧлысь 2012). Шыӧдчан кадпас: 29 рака тӧлысь 2024.
  9. ↑ 1 2 Сегодня — профессиональный праздник День радио и работников связи. Национальная Телерадиовещательная корпорация Кыргызской Республики (7 ода-кора тӧлысь 2021). Шыӧдчан кадпас: 29 рака тӧлысь 2024.
  10. ↑ 1 2 Поздравление с Днем работников радио, телевидения и связи. Пресс-служба Президента Республики Беларусь (7 ода-кора тӧлысь 2023). Шыӧдчан кадпас: 29 рака тӧлысь 2024.
  11. ↑ Из истории изобретения и начального периода развития радиосвязи, с. 11.
  12. ↑ 50 лет радио, с. 10.
  13. ↑ 1 2 Борисова Н. А., с. 99.
  14. ↑ 7 мая в нашей стране отмечается День радио. Об истории изобретения радио. Российское историческое общество (7 ода-кора тӧлысь 2023). Шыӧдчан кадпас: 29 рака тӧлысь 2024.
  15. ↑ Меркулов В. Д. Первые радиолюбительские журналы. Виртуальный компьютерный музей. Шыӧдчан кадпас: 29 рака тӧлысь 2024. Архивируйтӧма 8 ӧшым тӧлысь 2021.
  16. ↑ 7 мая — День радио! Журнал «Электросвязь» (30 косму тӧлысь 2020). Шыӧдчан кадпас: 29 рака тӧлысь 2024.
  17. ↑ Борисова Н. А., с. 103.
  18. ↑ Золотая медаль имени А.С. Попова. РАН. Шыӧдчан кадпас: 29 рака тӧлысь 2024.
  19. ↑ Золотая медаль имени А.С. Попова - Медали. Федеральное государственное бюджетное учреждение науки Физический институт имени П. Н. Лебедева Российской академии наук. Шыӧдчан кадпас: 29 рака тӧлысь 2024.
  20. ↑ Попов А.С. – изобретатель радио. Санкт-Петербургский государственный электротехнический университет «ЛЭТИ» им. В.И.Ульянова (Ленина) СПбГЭТУ «ЛЭТИ». Шыӧдчан кадпас: 29 рака тӧлысь 2024.
  21. ↑ Телебашни в городах России включат праздничную иллюминацию в День радио. ТАСС (2 ода-кора тӧлысь 2024). Шыӧдчан кадпас: 25 косму тӧлысь 2024.
  22. ↑ Боряна Райчева. Международен ден на радиото и телевизията (болг.). eurocom.bg. Шыӧдчан кадпас: 29 рака тӧлысь 2024.
  23. ↑ Награды к профессиональному празднику – Дню работников радио, телевидения и связи. Республиканское унитарное предприятие по надзору за электросвязью «БелГИЭ» (5 ода-кора тӧлысь 2023). Шыӧдчан кадпас: 29 рака тӧлысь 2024.
  24. ↑ Alexander Popov’s Invention of the Radio. Google.com (7 ода-кора тӧлысь 2009). Шыӧдчан кадпас: 29 рака тӧлысь 2024. Архивируйтӧма 8 лӧддза-номъя тӧлысь 2021.
  25. ↑ 1 2 3 День радио 2022. УрФУ им. первого Президента России Б. Н. Ельцина. Шыӧдчан кадпас: 29 рака тӧлысь 2024.
  26. ↑ Незабудка. Коммерсантъ (1 ода-кора тӧлысь 2017). Шыӧдчан кадпас: 29 рака тӧлысь 2024.
  27. ↑ В Екатеринбурге шествие радиофаковцев к памятнику Попову возглавит Виктор Кокшаров. Комсомольская правда (7 ода-кора тӧлысь 2010). Шыӧдчан кадпас: 29 рака тӧлысь 2024.
  28. ↑ Елена Аносова. Пенная вечеринка удалась! В Екатеринбурге весело помыли памятник изобретателю радио. e1.ru (6 ода-кора тӧлысь 2022). Шыӧдчан кадпас: 29 рака тӧлысь 2024.
  29. ↑ День радио с ИРТСУ. ИРТСУ ЮФУ. Шыӧдчан кадпас: 29 рака тӧлысь 2024.
  30. ↑ В День радио сообщество Радиоуниверситета почтило память А. С. Попова. Рязанские ведомости (7 ода-кора тӧлысь 2023). Шыӧдчан кадпас: 29 рака тӧлысь 2024.
  31. ↑ Марина Фокина. "Попов воскрес!!!". МК в Рязани (7 ода-кора тӧлысь 2010). Шыӧдчан кадпас: 29 рака тӧлысь 2024.
  32. ↑ 7 мая – День Радио – наш праздник. Рязанский государственный радиотехнический университет имени В.Ф. Уткина (7 ода-кора тӧлысь 2019). Шыӧдчан кадпас: 29 рака тӧлысь 2024.
  33. ↑ Рязанский радиоуниверситет отметит День радио онлайн. Аргументы и факты (6 ода-кора тӧлысь 2020). Шыӧдчан кадпас: 29 рака тӧлысь 2024.
  34. ↑ День Радио. Московский физико-технический институт. Шыӧдчан кадпас: 29 рака тӧлысь 2024.
  35. ↑ Конкурс радиотехнических конструкций "День радио - 2019". Московский физико-технический институт (государственный университет) (7 ода-кора тӧлысь 2019). Шыӧдчан кадпас: 30 рака тӧлысь 2024.
  36. ↑ День Радио! ФРКТ (7 ода-кора тӧлысь 2023). Шыӧдчан кадпас: 30 рака тӧлысь 2024.
  37. ↑ День Радио. ФРКТ (23 ода-кора тӧлысь 2023). Шыӧдчан кадпас: 30 рака тӧлысь 2024.
  38. ↑ Всероссийская конференция (с международным участием). "Радиоэлектронные устройства и системы для инфокоммуникационных технологий (РЭУС-ИТ 2024)". Российское НТОРЭС им. А. С. Попова. Шыӧдчан кадпас: 29 рака тӧлысь 2024.
  39. ↑ Концертная программа «День радио». Национальный центр "Россия" (2025). Шыӧдчан кадпас: 25 косму тӧлысь 2025.
  40. ↑ 7 мая – День Радио. Федеральное государственное бюджетное образовательное учреждение высшего образования «Томский государственный университет систем управления и радиоэлектроники» (6 ода-кора тӧлысь 2009). Шыӧдчан кадпас: 29 рака тӧлысь 2024.
  41. ↑ Анастасия Андрюхова. Летающие мониторы, мини-шествие и много улыбок: как ТУСУР отметил День радио. ООО «Редвикс Медиа» (7 ода-кора тӧлысь 2023). Шыӧдчан кадпас: 29 рака тӧлысь 2024.
  42. ↑ 1 2 Ярмарка, парад факультетов и концерт: ТУСУР отметит День радио. Федеральное государственное бюджетное образовательное учреждение высшего образования «Томский государственный университет систем управления и радиоэлектроники» (3 ода-кора тӧлысь 2023). Шыӧдчан кадпас: 29 рака тӧлысь 2024.
  43. ↑ 1 2 В 2016 году в День радио студенты ТУСУРа планируют установить рекорд Гиннеса по сбросу с высоты старой техники. Томский государственный университет систем управления и радиоэлектроники. Шыӧдчан кадпас: 29 рака тӧлысь 2024. Архивируйтӧма 1 ӧшым тӧлысь 2017.
  44. ↑ 1 2 Анастасия Кирсанова. Мини-шествие, сброс техники из окон и концерт известной группы: как ТУСУР отметит День радио. ООО «Редвикс Медиа» (3 ода-кора тӧлысь 2023). Шыӧдчан кадпас: 29 рака тӧлысь 2024.
  45. ↑ 7 мая в 12.00 в сквере имени А.С. Попова состоится митинг, посвященный Дню Радио. Администрация Санкт‑Петербурга (5 ода-кора тӧлысь 2016). Шыӧдчан кадпас: 29 рака тӧлысь 2024.
  46. ↑ 120-летие изобретения радио А.С. Поповым. Центральный музей связи имени А. С. Попова. Шыӧдчан кадпас: 29 рака тӧлысь 2024.
  47. ↑ День радио в ЦМС имени А.С. Попова. Центральный музей связи имени А.С. Попова. Шыӧдчан кадпас: 29 рака тӧлысь 2024.
  48. ↑ План основных мероприятий ЦМС имени А.С. Попова на 2024 год. Центральный музей связи имени А. С. Попова. Шыӧдчан кадпас: 29 рака тӧлысь 2024.
  49. ↑ 24 марта 2001 года состоялась премьера спектакля "День Радио". Информационный портал "Новый ракурс" (24 рака тӧлысь 2018). Шыӧдчан кадпас: 29 рака тӧлысь 2024.
  50. ↑ День Радио. Театр "Квартет И". Шыӧдчан кадпас: 29 рака тӧлысь 2024.
  51. ↑ День радио (2008). Кинопоиск. Шыӧдчан кадпас: 29 рака тӧлысь 2024.

Литература

[вежны | Вежны кодировкаын]

Ыстӧгъяс

[вежны | Вежны кодировкаын]
Босьтӧма "https://kv.ruwiki.ru/w/index.php?title=Радио_лун&oldid=333771"-ысь