Программистлӧн лун

Программистлӧн лун
Программистлӧн лун
Вынсьӧдӧма	2009-ӧд вося кӧч тӧлысь 11-ӧд лунӧ Россияса президент Дмитрий Медведевлӧн 1034 №-а Индӧдӧн
Пасйӧны	Россия
Кадпас	воын 256-ӧд лун (кӧч тӧлысь 13-ӧд лунӧ абу кассяна воын, кӧч тӧлысь 12-ӧд лунӧ кассяна воын)

Программистлӧн лун (рочӧн День программиста) — Россия Федерацияын уджсикас гаж, пасйӧны воын 256-ӧд лунӧ. 256 (2⁸) лыд бӧрйӧма сы вӧсна, мый тайӧ уна пӧлӧс значениеяслӧн лыд, кутшӧмъясӧс позьӧ петкӧдлыны кӧкъямыс рада байт отсӧгӧн. Сідзжӧ тайӧ 2 лыдпаслӧн медыджыд дзонь степень, коді оз вевтырт вонас лун лыдсӧ (365 либӧ 366).

Абу кассяна воын тайӧ гажыс лоӧ кӧч тӧлысь 13-ӧд лунӧ, кассяна воын - кӧч тӧлысь 12-ӧд лунӧ.

История

Медводдзаысь «Программистлысь лун» пасйӧм йылысь мӧвпсӧ йӧзӧдіс «Компьютер» небӧг лэдзан керкаӧн веськӧдлысь Дмитрий Мендрелюк 1996-ӧд вося сора тӧлысь 15-ӧд лунӧ. Программист лунӧн вӧлі вӧзйӧма лыддьыны кӧч тӧлысся медводдза пекничасӧ, кодӧс нимтӧмаӧсь «Сӧстӧм пекничаӧн» ^[1]. 2002-ӧд воын «Параллельные технологии» веб-студияын уджалысьяс Валентин Балт да Михаил Червяков чукӧртісны кырымпасъяс РФ-са правительство дорӧ шыӧдчӧм улын, медым быд во 256-ӧд лунсӧ пасйыны программистъяслысь гаж^[2].

2009-ӧд вося сора тӧлысь 24-ӧд лунӧ РФ-са связь да юӧр сетан министерство дасьтіс да сетіс РФ-са правительствоӧ «Программистлӧн лун йылысь» Россияса президентлысь индӧд бала^[3]^[4].

2009-ӧд вося кӧч тӧлысь 11-ӧд лунӧ Россияса Президент Дмитрий Медведев кырымаліс Россия Федерацияса связь да юӧр сетан министерствоӧн дасьтӧм 1034 №-а Индӧд^[5], мый серти Россияын лоис выль официальнӧй гаж - «Программистлӧн лун»^[6]^[7].

Мукӧд кадпас

• Вӧльгым тӧлысь 30-ӧд лун — Юӧр доръян войтыркостса лун, пасйӧны 1988-ӧд восянь. Буретш тайӧ воас вӧлі пасйӧма Моррис нидзувлысь (медводдза ӧтуввез нидзув) медводдза эпидемия, кодӧс нимтӧмаӧсь сійӧс лӧсьӧдысь нимӧн.

• Ӧшым тӧлысь 10-ӧд лун — медводдза программистка Ада Августа Байрон Кинглӧн, графиня Лавлейслӧн чужан лун 1815-ӧд вося ӧшым тӧлысь 10-ӧд лунӧ. Ада гижис историяын медводдза компьютернӧй программа Бэббиджлӧн аналитическӧй машиналы, медводдзаӧн пыртӧма терминъяс уджалан ячейкаяс, цикл да мукӧд. Водзвыв висьталіс, мый ӧнія компьютеръяс лоасны уна мога машинаясӧн не сӧмын артасьӧм вылӧ, но и графикаӧн, шыӧн уджалӧм вылӧ. Сылысь нимсӧ сетӧма Ада нималана программируйтан кывлы.
• Косму тӧлысь 22-ӧд лун — Россияын, 2204 (бӧрынджык 220400) специальносьтлӧн важмӧм кодировка кузя^[8] (арталан техника да автоматизируйтӧм системаяс программаӧн могмӧдӧм). Россияын выль классификация серти «ПО ВТ и АС» специальносьтлӧн лоис 230105.65 код — лоис позянлун пасйыны «Программистлысь лун» тӧвшӧр тӧлысь 23-ӧд лунӧ.
• 1946-ӧд вося урасьӧм тӧлысь 14-ӧд лун — война помасьӧм бӧрын йӧзлы да печатьлы вӧлі петкӧдлӧма ЭНИАК машина.
• Вермана кадпас (торйӧн нин веб-программистъяслы) — косму тӧлысь 4-ӧд лун (Error 404). Косму тӧлысь 4-ӧд лунӧ став католик пасйӧ Вежа Исидор Севильскийлысь — компьютерӧн да ӧтуввезйӧн вӧдитчысьяслы покровительлысь — лун.
• Сисадминлӧн лун.

Пасйӧдъяс

↑ День программиста настанет? (неопр.) Компьютерра (27 ода-кора тӧлысь 2009). Шыӧдчан кадпас: 12 кӧч тӧлысь 2020. Архивируйтӧма 23 кӧч тӧлысь 2020.
↑ «Праздник 256-го дня» Архивса копия 11 кӧч тӧлысь 2014 Wayback Machine ресурсын. CNews
↑ «У программистов может появиться свой официальный праздник» Архивса копия 6 ӧшым тӧлысь 2020 Wayback Machine ресурсын Минкомсвязи
↑ «Российские программисты получат профессиональный праздник». Коммерсантъ
↑ Указ Президента РФ от 11.09.2009 № 1034 «О Дне программиста» (неопр.). Шыӧдчан кадпас: 12 кӧч тӧлысь 2016. Архивируйтӧма 15 кӧч тӧлысь 2016.
↑ «Президент России подписал указ об утверждении Дня программиста» Архивса копия 6 ӧшым тӧлысь 2020 Wayback Machine ресурсын Минкомсвязи
↑ «Медведев утвердил 13 сентября Днем программиста» Архивса копия 14 кӧч тӧлысь 2014 Wayback Machine ресурсын. CNews
↑ «Был бы программист, а праздник найдётся» Архивса копия 13 кӧч тӧлысь 2012 Wayback Machine ресурсын. РИА Новости

Ыстӧгъяс

[1] День программиста настанет? (неопр.) Компьютерра (27 ода-кора тӧлысь 2009). Шыӧдчан кадпас: 12 кӧч тӧлысь 2020. Архивируйтӧма 23 кӧч тӧлысь 2020.

[2] «Праздник 256-го дня» Архивса копия 11 кӧч тӧлысь 2014 Wayback Machine ресурсын. CNews

[3] «У программистов может появиться свой официальный праздник» Архивса копия 6 ӧшым тӧлысь 2020 Wayback Machine ресурсын Минкомсвязи

[4] «Российские программисты получат профессиональный праздник». Коммерсантъ

[5] Указ Президента РФ от 11.09.2009 № 1034 «О Дне программиста» (неопр.). Шыӧдчан кадпас: 12 кӧч тӧлысь 2016. Архивируйтӧма 15 кӧч тӧлысь 2016.

[official_minkomsvjaz-6] «Президент России подписал указ об утверждении Дня программиста» Архивса копия 6 ӧшым тӧлысь 2020 Wayback Machine ресурсын Минкомсвязи

[official_cnews-7] «Медведев утвердил 13 сентября Днем программиста» Архивса копия 14 кӧч тӧлысь 2014 Wayback Machine ресурсын. CNews

[rian-8] «Был бы программист, а праздник найдётся» Архивса копия 13 кӧч тӧлысь 2012 Wayback Machine ресурсын. РИА Новости

[1]

[2]

[3]

[4]

[5]

[6]

[7]

[8]