Смирнов Вениамин Иванович
| Смирнов Вениамин Иванович | |
|---|---|
 | |
| Чужан лун | 1937 вося моз тӧлысь 30-ӧд лун |
| Чужанін | Ленинград |
| Кулан лун | 1996 вося ӧшым тӧлысь 27-ӧд лун |
| Куланін | Вӧркута |
| Гражданство |
 СССР →  Россия |
| Жанр | график, скульптор |
| Велӧдчӧм |
В.А. Серов нима художественнӧй училище; |
Смирнов Вениамин Иванович (1937 вося моз тӧлысь 30-ӧд лун, Ленинград — 1996 вося ӧшым тӧлысь 27-ӧд лун, Вӧркута) — россияса нималана график да скульптор, поэт. СССР-са художникъяс котырӧ пырысь (1968)[1].
Олантуй
Вениамин Смирнов 1937 вося моз тӧлысь 30-ӧд лунӧ Ленинградын уджалысьяслӧн семьяын. Нёль арӧса детинкаӧн Айму вӧсна Ыджыд тыш заводитчигӧн сійӧс вӧлі эвакуируйтӧма Ярославль обласьтӧ батьыслӧн бать-мам дінӧ. А сылӧн бать-мамыс блокада чӧжыс вӧлісны Ленинградын — мамыс водзӧ уджаліс заводын, батьыс воюйтіс Ленинградса фронт вылын. 1945 воын Вениамин бӧр воис Ленинградӧ. 15 арӧсӧн, 8 класс помалӧм бӧрын, пырӧма В. А. Серов нима художественнӧй училищеӧ и отличиеӧн помаліс сійӧс 1957 воын. Тайӧ жӧ воас, сӧмын скульптура, композиция, рисунок специальносьт сдайтӧм бӧрын, сійӧс босьтісны художественнӧй академияӧ — И. Е. Репин нима живопись, скульптура да архитектура институтӧ[2].
1963 воын сійӧ воис Вӧркутаӧ Коми Республикаса серпасалысьяслӧн котыр правлениеӧн веськӧдлысь Рем Ермолинлӧн корӧм серти да 33 во, нэм помӧдзыс оліс да уджаліс Заполярьеын, аслас творчествоӧн нимӧдіс и карсӧ, и Коми Республикасӧ[3].
Ассьыс аслыспӧлӧс да уна пӧлӧс енбисӧ сійӧ пӧртіс олӧмӧ скульптураын да графикаын, керамикаын да монументальнӧй искусствоын — мозаикаын да росписьясын, сы лыдын и дӧра вылын росписьын. Но зэв уна удж лоис воштӧма.
Олӧм помыс В. Смирновлӧн вӧлі зэв трагическӧй. 1993 воын художник эз вермы мынтысьны мастерскӧй кӧртымысь, и сылысь уджъяссӧ прӧстӧ шыбитісны улича вылӧ[4]. А сійӧ сюрис психиатрическӧй больничаӧ[5].
Куліс 1996 вося ӧшым тӧлысь 27-ӧд лунӧ Вӧркутаын.
Выставкаяс
Петкӧдчис аслас уджъясӧн уна сикас выставка вылын Мурманскын, Вӧлӧгдаын, Петрозаводскын, Сыктывкарын да Ташкентын «Сӧветскӧй Войвыв» да «Сӧветскӧй Россия» зональнӧй выставкаяс вылын, участвуйтіс Москваын ставсоюзса выставкаясын. Сылысь уджъяссӧ петкӧдлісны суйӧр сайын — Италияын, Грецияын, Францияын да Болгарияын. В. Смирновлӧн уджъяслысь персональнӧй выставкаяс ловъя дырйиыс некымынысь вӧліны Вӧркутаын да Сыктывкарын. 1967—1968 воясӧ куим выставка вӧлі Москваын — «Смена» журнал редакцияын да «Комсомольская правда» и «Советская культура» газет редакцияясын[2].
Владимир Смирновлысь зэв уна удж видзӧны Вӧркутаса музей-выставка шӧринын.
Персональнӧй выставкаяс
2013 во — «Пора на крыло!», Коми Республикаса национальнӧй галерея[6].
2023 во — «Я буду знать, на свете жил не зря…», Коми Республикаса национальнӧй галерея[6][7].
Гижӧдъяс
• Смирнов, В. Край сердца [Текст]: Стихи / В. Смирнов. — Сыктывкар: Коми кн. изд-во, 1981. — 64 с.
• Смирнов, Вен. Пора на крыло : стихи / В. И. Смирнов; сост. О. Орлова; худ. О. Кривушева. — [Сыктывкар] : Нац. галерея Республики Коми, 2007. — 216 с.
Паметь
• 2007 воын Вениамин Смирновлӧн пиыс — Денис воліс Вӧркутаӧ, медым снимайтны бать йывсьыс фильм. Бать-мамыс торйӧдчисны, кор сылы вӧлі квайт арӧс. «Республика» газетлы сетӧм интервьюын сійӧ висьтасис, мый сӧмын бӧръя воясас кутіс гӧгӧрвоны батьыслӧн олӧмлысь став драматизмсӧ, ыджыд морттуйсӧ да творчествосӧ. Денис ветліс батьыслӧн гу вылӧ, сёрнитіс Виктор Плотниковкӧд — художниккӧд, коді став тайӧ вояссӧ гӧтырыскӧд тшӧтш дӧзьӧритіс гусӧ, аддзысьліс и батьыслӧн ёртъясыскӧд, Владимир Шаповаленкокӧд — морткӧд, коді скульпторлысь мастерскӧйсӧ грабитігӧн мездіс сылысь нелямын уджсӧ да бӧрынджык сетіс найӧс Вӧркутаса музейлы.
• 2015 воын гу вылас пуктӧма казьтылан пас.
• «Смирнов Вениамин Иванович. Край удивительной культуры» видеосюжет.
Пасйӧдъяс
- ↑ Самар И. Вениамин Смирнов. Жизнь в один глоток. Регион. Шыӧдчан кадпас: 22 ода-кора тӧлысь 2025.
- ↑ 1 2 Вениамин Смирнов: «Я буду знать, на свете жил не зря…» Воркутинский музейно-выставочный центр. Шыӧдчан кадпас: 22 ода-кора тӧлысь 2025.
- ↑ В Сыктывкаре пройдет выставка самобытного воркутинского художника Вениамина Смирнова. Комиинформ (14 ода-кора тӧлысь 2023). Шыӧдчан кадпас: 22 ода-кора тӧлысь 2025.
- ↑ Воркута культурная: Вениамин Смирнов. Шыӧдчан кадпас: 22 ода-кора тӧлысь 2025.
- ↑ Попов А.Г. Вениамин Смирнов (Воркута) 1937 - 1996. Шаг сердца в бездну. Шыӧдчан кадпас: 22 ода-кора тӧлысь 2025.
- ↑ 1 2 Персональная выставка Вениамина Ивановича Смирнова < Выставки < О галерее | Национальная галерея Республики Коми. ngrkomi.ru. Шыӧдчан кадпас: 16 лӧддза-номъя тӧлысь 2025.
- ↑ Выставки - Выставки и мероприятия - Краеведческий музей (рус.). museumworkuta.ru. Шыӧдчан кадпас: 16 лӧддза-номъя тӧлысь 2025.
Литература
• Вениамин Смирнов (1937—1996) [Текст] : скульптура, графика, декоративное искусство : каталог к 70-летию со дня рождения художника / М-во культуры и нац. политики Респ. Коми, Нац. галерея Респ. Коми, Воркутинский межрайонный краеведческий музей, Сыктывкарский гос. ун-т; авт. вступ. ст. О. Орлова; авт.-сост. О. Орлова, Н. Плаксина, Г. Трухина. — Сыктывкар : Нац. галерея Респ. Коми, 2007. — 70, [2] с. : ил., портр., цв. ил.; 17x29 см.
