Сосногорск районлӧн канпас
| Сосногорск районлӧн канпас | |
|---|---|
.png) | |
| Детальяс | |
| Вынсьӧдӧма | 2003 вося ӧшым тӧлысь 4-ӧд лунӧ |
| РФ-са канму геральдика регистрын номер | 1417 |
| Автор котыр | |
| Канпаслӧн вежӧртас | Владимир Котов (Сосногорск) |
| Геральдика боксянь лӧсьӧдӧм |
Константин Мочёнов (Химки) |
| Компьютера дизайн |
Владимир Некрасов (Москва), Оксана Афанасьева (Москва) |
| Символика подулалӧм |
Галина Туник (Москва) |
Сосногорск районлӧн канпас (рочӧн Герб Сосногорского района) — тӧдмалан-инӧда пас, кутшӧмӧс лӧсьӧдӧма да вӧдитчӧны геральдика правилӧяс серти, сійӧ лоӧ Сосногорск районлӧн дӧрапаскӧд тшӧтш, Россия Федерацияын Коми Республикаса Сосногорск районлӧн официальнӧй символӧн[1].
Вынсьӧдӧма «Сосногорск кар» муниципальнӧй юкӧнса Сӧветлӧн VI чукӧртчылӧмлӧн 2003 во ӧшым тӧлысь 4-ӧд лунся 72 №-а шуӧмӧн[2].
Пыртӧма Россия Федерацияса канму геральдика регистрӧ 1417 № улын[3].
Канпас гӧгӧрвоӧдӧм
Пемыдгӧрд (гӧрд), турунвиж да лазоревӧй (лӧз, кельыдлӧз) эрд вылын, мый торйӧдӧма гыа лэбын кодь эзысь крестӧн, — зарни койтысь дозмӧр, коді пукалӧ зарни пожӧм ув вылын.
Символика подулалӧм
Канпаслӧн сюжетыс петкӧдлӧ:
• Сосногорск карлӧн (1957 воӧдз — Изьва карлӧн) дӧрапаслӧн шӧр фигураӧн лоӧ пожӧм ув вылын пукалысь койтысь дозмӧр. Дӧрапас шӧрас дозмӧрыс петкӧдлӧ, мый Сосногорск кар лоӧ Коми Республикалӧн географическӧй шӧринӧн; дозмӧр — тайӧ коми вӧръясын медся ыджыд да вына лэбач.
• Пожӧм ув аллегорическӧя петкӧдлӧ вӧр-валысь аслыспӧлӧслунсӧ: тані ёнджыкасӧ паныдасьлӧны лыска вӧръяс да быдмӧ пожӧм.
• Лэбын кодь крест аллегорическӧя петкӧдлӧ кык ю — Изьва да Уква ӧтлаасьӧм, кӧні сулалӧ Сосногорск кар.
Геральдикаын рӧм символика:
• Виж рӧм (зарни) петкӧдлӧ озырлун, веськыдлун, пыдди пуктӧм, ыджыд сьӧлӧм.
• Еджыд рӧм (эзысь) — тыр-бурлун, благородство, сӧстӧмлун, эскӧм, мир символ.
• Лӧз рӧм аллегорическӧя петкӧдлӧ биару перйӧм да переработайтан производство, а сідзжӧ вӧр-валӧн мичлун, сӧстӧмлун, ыджыд кӧсйӧмъяс, бурлун.
• Гӧрд рӧм — шонді да шоныд, мичлун, гаж символ.
• Турунвиж рӧмыс содтӧ карса вӧр-валысь символикасӧ, а сідзжӧ тайӧ рӧмыс петкӧдлӧ олӧм, дзоридзалӧм, зумыдлун.
Видзӧд тшӧтш
Пасйӧдъяс
- ↑ Символика, Муниципальный район «Сосногорск».Официальный сайт. Шыӧдчан кадпас: 26 рака тӧлысь 2025.
- ↑ Положение о гербе муниципального образования «Город Сосногорск» Республики Коми
- ↑ Герб муниципального образования «Город Сосногорск» Республики Коми, Союз геральдистов России. Шыӧдчан кадпас: 26 рака тӧлысь 2025.