Ставмирса гӧгӧртас лун
| Ставмирса гӧгӧртас лун | |
|---|---|
 | |
| Сикас | Экология |
| Вежӧртас | Кыскыны йӧзлысь вниманиесӧ гӧгӧртаслӧн мытшӧдъяс дорӧ |
| Вынсьӧдӧма | 1972 вося ӧшым тӧлысь 15-ӧд лунӧ |
| Лӧсьӧдысь | ООН-лӧн Генеральнӧй Ассамблея |
| Пасйӧны | Гӧгӧртас серти ООН-лӧн уджтас |
| Кадпас | лӧддза-номъя тӧлысь 5-ӧд лун |
 Медиафайлы на РУВИКИ.Медиа | |
Ставмирса гӧгӧртас лун ( ООН-лӧн официал кывъяс вылын: англичан World Environment Day, араб اليوم العالمي للبيئة, испан Día mundial del medio ambiente, китай 世界环境日, француз Journée mondiale de l'environnement ) — ставмирса лун, сылӧн могыс - кыскыны йӧзлысь вниманиесӧ Мушар вылын гӧгӧртаслӧн мытшӧдъяс дорӧ .
Ставмирса лунсӧ пасйӧны быд во лӧддза-номъя тӧлысь 5-ӧд лунӧ.
История
Вынсьӧдӧма ООН-лӧн Генеральнӧй Ассамблеялӧн 27-ӧд сессия вылын 1972 вося ӧшым тӧлысь 15-ӧд лунӧ (A/RES/2994 (XXVII) №-а резолюция).
Кадпаснас вӧлі бӧрйӧма лӧддза-номъя тӧлысь 5-ӧд лун — Мортӧс гӧгӧртас мытшӧдъяс серти Стокгольмса конференция заводитчан лун 1972 воын.
Резолюцияын Генеральнӧй Ассамблея шыӧдчӧ канмуяс да ООН-са организацияяс дорӧ быд во нуӧдны тайӧ лунӧ мероприятиеяс, мый отсӧгӧн позьӧ бурмӧдны гӧгӧртас да эскӧдны гӧгӧртас бурмӧдӧм могысь ассьыныс кӧсйӧмъяссӧ.
ООН-лӧн Генеральнӧй Ассамблеялӧн 27-ӧд сессия вылын вӧлі лӧсьӧдӧма выль организация ООН системаын — Гӧгӧртас серти ООН-лӧн уджтас (ЮНЕП). Стӧч ЮНЕП веськӧдлӧм улын быд во пасйӧны Ставмирса гӧгӧртас лун.
Ставмирса гӧгӧртас лунлӧн тематика да девизъяс
Быд во бӧрйӧны тематика, девиз да ин, кӧні кутасны нуӧдны медшӧр войтыркостса мероприятиеяссӧ.
• 2021 во — «Выль ног мӧвпыштны. Тӧд вылӧ уськӧдны. Выльысь лӧсьӧдны»
• 2020 во — «Вӧр-ва кад»
• 2019 во — «Сынӧд няйтӧсьтӧмкӧд тыш»
• 2018 во — «Пластикӧн няйтӧсьтӧмкӧд тыш»
• 2017 во — «Ме вӧр-вакӧд»
• 2016 во — «Вӧрса пемӧсъясӧн оланпаслы лӧсявтӧм вузасьӧмкӧд венласьӧм»
• 2015 во — «Сизим миллиард вӧт. Ӧти Планета. Вӧдитчы сійӧн видзчысьӧмӧн»
• 2014 во — «Лэпты ассьыд гӧлӧс, но абу саридз вылнаӧдз!» (англичан Raise Your Voice Not The Sea Level)[1]
• 2013 во — «Мӧвпав. Сёй. Видз» (англичан Think.Eat.Save)[2]
• 2012 во — «Турунвиж экономика: а тэ сылӧн юкӧн?»
• 2011 во — «Вӧръяс: вӧр-ва могмӧсъясӧн вӧдитчӧм»
• 2010 во — «Унасикаслун. Ӧти планета. Ӧти аскиалун»
• 2009 во — «Тіян планетаныдлы коланныд ті»
• 2008 во — «Ло ас вӧляа! Углерода ичӧт шыбласъяса экономикалань!»
• 2007 во — «Йи сылӧм — пӧсь тема!»
• 2006 во — «Пустыняяс да пустыняясӧ пӧрӧм — оз лоны косьмӧм муяс пустыняясӧн!»
• 2005 во — «„Турунвиж каръяс“: Планеталы план!»
• 2004 во — «Колӧны саридзьяс да океанъяс! Ловъяӧн, а абу кулӧмаӧн»
• 2003 во — «Ва — кык миллиард мортлы сійӧ ёна колӧ!»
• 2002 во — «Сет Мушарлы шанс»
• 2001 во — «Пырны олӧмлӧн ставмирса ӧтуввезйӧ»
• 2000 во — «Гӧгӧртаслӧн сюрс во — кад мыйкӧ вӧчны»
• 1999 во — «Миян Му — миян аскиалун. Видзам сійӧс!»
• 1998 во — «Му вылын олӧм вӧсна — спаситам ассьыным саридзьяс»
• 1997 во — «Му вылын олӧм вӧсна»
• 1996 во — «Миян му, миян гӧгӧртас, миян горт»
• 1995 во — «Ми, войтыръяс: глобальнӧй гӧгӧртас вӧсна ӧтувтчӧм»
• 1994 во — «Ӧти Му — ӧти семья»
• 1993 во — «Гӧльлун да гӧгӧртас — орӧдны кытшсӧ»
• 1992 во — «Муыс ставыслӧн ӧти — ӧтлаын видзам сійӧс»
• 1991 во — «Ывласям вежсьӧм. Быть колӧ глобальнӧй ӧтувтчӧм»
• 1990 во — «Челядь да гӧгӧртас»
• 1989 во — «Глобальнӧй шонӧдӧм, глобальнӧй ӧлӧдӧм»
• 1988 во — «Кор йӧзыслӧн медводдза инын гӧгӧртас, сӧвмӧмыс оз дугды»
• 1987 во — «Гӧгӧртас да горт: вевтысь тӧдчанаджык»
• 1986 во — «Мирлы пу»
• 1985 во — «Томъяс: йӧз да гӧгӧртас»
• 1984 во — «Пустыняясӧ пӧрӧм»
• 1983 во — «Ӧпаснӧй шыбласъяс чукӧртӧм, бырӧдӧм да гуалӧм котыртӧм: кислотаа зэръяс да энергия»
• 1982 во — «Стокгольм борын дас во мысти (вӧр-ва видзан мытшӧдъяс видлалӧм)»
• 1981 во — «Муйӧжса ва; токсичнӧй химия веществояс морт сёянын»
• 1980 во — «Выль дасволы выль корӧм: сӧвмыны бырӧдтӧг»
• 1979 во — «Миян челядьлы сӧмын ӧти аскиалун — сӧвмыны бырӧдтӧг»
• 1978 во — «Сӧвмыны бырӧдтӧг»
• 1977 во — «Озон слӧй мытшӧдъяс; муяс бырӧдӧм да мусин изгармӧм»
• 1976 во — «Ва — олӧмын медколанатор»
• 1975 во — «Овмӧдчӧминъяс»
• 1974 во — «Сӧмын ӧти Мушар»
Рочму
Рочмуын Гӧгӧртас лункӧд тшӧтш (2008 во) пасйӧны Экологлысь лун.
Видзӧд сідзжӧ
• Ставмирса саридз лун
• Ставмирса ва ресурсъяс лун
• Ставмирса океан лун
• Китъяслӧн да дельфинъяслӧн ставмирса лун
Пасйӧдъяс
- ↑ Совет по экологическому строительству. Шыӧдчан кадпас: 10 лӧддза-номъя тӧлысь 2014. Архивируйтӧма оригинала 14 сора тӧлысь 2014 года.
- ↑ World Environment Day — Theme. Сайт программы ООН по окружающей среде. Шыӧдчан кадпас: 5 лӧддза-номъя тӧлысь 2013. Архивируйтӧма 5 лӧддза-номъя тӧлысь 2013. (англ.)
