Адзва (Инта кытш)
| Грезд | |
| Адзва | |
|---|---|
 | |
| 66°33′19″ с. ш. 59°25′13″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй кытш | Инта |
| История да география | |
| Лӧсьӧдӧма | 1865 во |
| Воддза нимъяс | Лар Вань Иг |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Пошта индекс | 169833 |
| ОКАТО код | 87415803002 |
| ОКТМО код | 87515000171 |
|
|
|
Адзва (рочӧн Адзьва) — Коми Республикаын Инта муниципальнӧй кытшӧ пырысь грезд.
Ним артмӧм
Грездыслӧн ӧнія нимыс йитчӧма Адзва ю нимкӧд. Юыслӧн нимыс артмӧма 2 коми кывйысь: адз «ойдлан видз, ойдланін», ва «ва, ю»; Адзва «ойдлан видзьяса ю»[2].
География
Грездыс меститчӧма Усва юлӧн веськыд берегын Адзва ю вомсянь 4,5 км да Адзвавом сиктсянь 7 км вылнаын. Инта карсянь 65 км войвывлань да Усинсксянь 105 км асыв-войвывлань. Автомашина туй абу.
- Ыласям
Ывласямыс шӧркодь континентальнӧй, уна лымъя кузь кӧдзыд тӧв да дженьыд ыркыд гожӧм. Медся шоныд тӧлысьын (сора тӧлысь) сынӧдлӧн шӧркодь температураыс лоӧ 14,6 °C; медся кӧдзыд тӧлысьын (тӧвшӧр тӧлысь) — −20,3 °C. Вогӧгӧрся шӧркодь енэжваыс 547 мм[3].
- Час кытш
Адзва, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Грездсӧ лӧсьӧдӧмаӧсь 1865 воын Изьваысь Беляев гозъя. Важ нимас Лар Вань Иг (Игнатий, Иванлӧн пи, Ларионлӧн нук) петкӧдчӧ подув пуктысьясысь ӧтилӧн — Игнатий Иванович Беляевлӧн — нимыс[5].
1909 воын тані вӧліс 2 овмӧс да 20 морт, 1926 воын — 12 овмӧсын 72 морт, 1939 воын — 242 морт, 1970 воын — 63 морт, 1979 воын — 149 морт, 1989 воын — 18 морт, 1995 воын — 16 морт[5].
Йӧз
Медводдза овъяс
Медводдза олысьяслӧн овыс вӧлӧма Беляев[5].
Тӧдчана инъяс
Усва кузя 15 км вылӧджык сулалӧ Адзваса геология памятник — Ыджыд Адак ю вомсянь скалистӧй петанінъяс Усва веськыд берег пӧлӧн 4 км кузьта да Усва шуйга берег пӧлӧн 2,5 км кузьта. Геология памятниксӧ лӧсьӧдӧма Коми АССР-са Министръяс Сӧветлӧн шуӧмӧн 1984 вося рака тӧлысь 9-ӧд лунӧ[8].
Пасйӧдъяс
- ↑ Итоги ВПН-2020. Том 1 Численность и размещение населения — Федеральная служба государственной статистики.
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ Генеральный план муниципального образования городского округа «Инта». Администрация МО «Инта». Шыӧдчан кадпас: 26 моз тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 3 Жеребцов И. Адзьва // Республика Коми. Энциклопедия. Том I. — Сыктывкар: Коми книжное издательство, 1997. — С. 219.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Адзьвинский геологический памятник (рус.). Уникальные геологические объекты России. Шыӧдчан кадпас: 18 моз тӧлысь 2025.
_(1982).svg)
