Петрунь (Инта кытш)

Босьтӧма Рувикиысь
Сикт
Петрунь
Петрунь.jpg
66°28′20″ с. ш. 60°44′30″ в. д.GЯO
Страна  Россия
РФ-са субъект Коми Республика
Муниципальнӧй кытш Инта
История да география
Лӧсьӧдӧма 1871 во
Воддза нимъяс Бӧлбан
Шӧрин вылна 55 м
Час кытш UTC+3:00
Йӧз
Олысь лыд
Официал кыв коми, роч
Лыдпаса идентификаторъяс
Пошта индекс 169832
ОКАТО код 87415810001
ОКТМО код 87515000161
ГКГН-ын номер 0171542
Петрунь (Инта кытш) (Россия)
Точка
Петрунь
Red pog.svg
Москва
Чилимдін районУскар кар кытшИнта кар кытшВӧркута кар кытшПечӧра районИзьва районУдора районЕмдін районСыктывдін районСыктыв районЛуздор районКойгорт районКӧрткерӧс районКулӧмдін районМылдін районВуктыл кар кытшСосногорск районУква кар кытшКняжпогост районЯран асвеськӧдлан кытшЯмал-Яран асвеськӧдлан кытшХанты-Вӧгул асвеськӧдлан кытш — ЮграПерым крайСвердловск обласьтАрхангельск обласьтКиров обласьтКострома обласьтВӧлӧгда обласьтПетрунь (Инта кытш) (Республика Коми)
Описание изображения
Точка
Точка
Петрунь

Петрунь (рочӧн Петрунь) — Коми Республикаса Инта муниципальнӧй кытшӧ пырысь сикт.

Ним артмӧм

Ассьыс нимсӧ сикт босьтіс 1897 вося Ставроссияса перепись дырйи медводдза овмӧдчысьяслӧн бать Пётр Семёнович Хозяинов нимсянь. 1932 вося карта вылын — Петрунь (Балбан). Важ нимыс Балбан (Бӧлбан). Тадзи сиктсӧ нимтӧмаӧсь сы вӧсна, мый сылӧн местаын вӧлӧма важ енъяслы вись пуктанін. Тані яранъяс асланыс кӧр стадаясӧн Урал сайсянь Вой океан берегъясӧ да бӧр мунігӧн вайлісны асланыс енъяслы-бӧлбанъяслы (идолъяслы) жертваяс[2].

География

Сиктыс меститчӧма Коми Республикалӧн асыв-войвыв юкӧнын, Усва юлӧн веськыд берегын. Интасянь Петруньӧдз 60 км. Абсолютнӧй джудждаыс — саридз вылнасянь 55 метра[3].

Ывласям

Ывласямыс шӧркодь континентальнӧй  (рус.) (коми, уна лымъя кузь кӧдзыд тӧв да дженьыд ыркыд гожӧм. Медся шоныд тӧлысьын (сора тӧлысь) сынӧдлӧн шӧркодь температураыс лоӧ 14,6 °C; медся кӧдзыд тӧлысьын (тӧвшӧр тӧлысь) — −20,3 °C. Вогӧгӧрся шӧркодь енэжваыс 547 мм[4].

Час кытш

Петрунь, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[5].

История

Сиктсӧ лӧсьӧдӧмаӧсь 1871 воын Симон, Василий да Иван Петрович Хозяинов вокъяс — Мокчой сиктысь петӧм йӧз (ӧнія Изьва районлӧн мутас). Медводз шусис Бӧлбанӧн[6].

1920 во кежлӧ сиктын вӧлі 29 овмӧс да оліс 182 морт (79 мужичӧй да 103 нывбаба). Административнӧя вӧлі Изьва-Печора уездса Вылыс Усинск вӧлӧсьтса Георгиевскӧй обществолӧн шӧринӧн[7].

1930 воын Петруньын вӧлі котыртӧма Усва йылын медводдза колхоз — «Кодзув», кытчӧ пырисны гӧль да батрак овмӧсъяс. Во мысти колхозын вӧлі заводитӧма и общественнӧй кӧр видзӧм. 1934 воын тӧдчымӧн содысь овмӧссӧ вӧлі нимтӧма В. И. Ленин нима колхозӧн[8].

1938 вося кывкӧртӧдъяс серти Ленин нима колхозсӧ кыдзи народнӧй овмӧслӧн шедӧдӧмторъяслӧн выставка вылын участвуйтысьӧс вӧлі наградитӧма ВДНХ-лӧн 2-ӧд степеня дипломӧн, премируйтӧма мотоциклӧн да 5 сюрс шайт сьӧмӧн[8].

Война воясӧ Петрунь сиктысь фронт вылӧ мунӧма 153 морт, на пиысь унаӧн тышкасьӧмаӧсь Карельскӧй фронт вылын кӧр видзысьяслӧн батальонъясын.

1941 восянь 1944 воӧдз колхозса уджалысьяс сетісны Странаӧс дорйӧм кузя фондӧ 253 сюрс шайт. Тайӧ сьӧм вылас вӧлі стрӧитӧма «Войвывса вӧралысь» танк да «Коми морт» самолёт[8].

Йӧз

Олысь лыд
2002[9]2010[10]2020[11]
575↘439↘330
100
200
300
400
500
600
2002
2010
2020

Медводдза овъяс

Тӧдчана эмторъяс

• «Петруньса югӧръяс» — Петрунь сиктса кӧр видзысьяслӧн фольклорнӧй ансамбль. Лӧсьӧдӧма 1971 воын[12];
• Петруньса гидрометеостанция — Коми Республикаын гидрометеорология службалӧн медся важ станцияясысь ӧти. Восьтӧма 1903 воын[13];
• 1941—1945 воясся Айму вӧсна Ыджыд тышын усьӧмаяслы памятник.

Пасйӧдъяс

  1. ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
  2. ↑ Туркин А.И. Топонимический словарь Коми АССР. Сыктывкар: Коми книжное издательство, 1986. (рус.). Коми кывтӧдӧм. Шыӧдчан кадпас: 25 моз тӧлысь 2025.
  3. ↑ Petrun’ (англ.). GeoNames.
  4. ↑ Генеральный план муниципального образования городского округа «Инта». Администрация МО «Инта». Шыӧдчан кадпас: 25 моз тӧлысь 2025.
  5. ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
  6. ↑ Топонимический словарь Республики Коми. - П -. Шыӧдчан кадпас: 25 моз тӧлысь 2025. Архивируйтӧма 26 йирым тӧлысь 2019.
  7. ↑ Список населенных мест Архангельской губернии На 1-е мая 1922 г. : С прил. списков населенных мест Мурман. губ., Кем. уезд. Карел. труд. коммуны и Печер. уезда Обл. Коми (Зырян.). Архангельск. 1922 стр. 178
  8. ↑ 1 2 3 Столбова Е. Петрунь — колхоз имени В.И. Ленина (рус.). Интинский краеведческий музей (30 косму тӧлысь 2020). Шыӧдчан кадпас: 25 моз тӧлысь 2025.
  9. ↑ http://www.perepis2002.ru/content.html?id=11&docid=10715289081460.
  10. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
  11. ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
  12. ↑ Ветошкина Н. «Петруньса югӧръяс» // Республика Коми. Энциклопедия. Том II. — Сыктывкар: Коми книжное издательство, 1999. — С. 431.
  13. ↑ Ветошкина Н. Петруньская гидрометеостанция // Республика Коми. Энциклопедия. Том II. — Сыктывкар: Коми книжное издательство, 1999. — С. 431.

Литература

  • Атлас Республики Коми. — Москва, 2000.
  • Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
  • История Коми с древнейших времен до конца XX века: В 2-х томах. — Сыктывкар, 2004.
  • Республика Коми: Энциклопедия: в 3 томах. — Сыктывкар, 1997—2000.

Ыстӧгъяс

Босьтӧма "https://kv.ruwiki.ru/w/index.php?title=Петрунь_(Инта_кытш)&oldid=482884"-ысь