Вӧркуталӧн канпас
| Вӧркуталӧн канпас | |
|---|---|
 | |
| Юӧр | |
| Вынсьӧдӧма | 1971 вося косму тӧлысь 20-ӧд лунӧ |
| Автор котыр | |
| Канпаслӧн вежӧртас | Жилин Николай Лукьянович |
Вӧркута муниципальнӧй кытшлӧн канпас (рочӧн Герб муниципального округа «Воркута») — тӧдмалан-инӧда пас, кутшӧмӧс лӧсьӧдӧма да вӧдитчӧны геральдика правилӧяс серти, сійӧ лоӧ дӧрапаскӧд тшӧтш, Россия Федерацияын Коми Республикаса Вӧркута муниципальнӧй кытш муниципальнӧй юкӧнлӧн официальнӧй символӧн[1].
Вынсьӧдӧма 1971 вося косму тӧлысь 20-ӧд лунӧ Вӧркута кар Сӧветлӧн сессия вылын[2].
Канпас гӧгӧрвоӧдӧм
Югыдлӧз щит вылын стилизуйтӧм сьӧд из шом тувкан да гӧрд козула сьӧд террикон фон вылын котӧртысь эзысь кӧр. Уліас еджыд фон вылын национальнӧй коми орнамент. Щит йылас гижӧма карлӧн нимыс эзысь вылын[3].
Символика подулалӧм
Канпасыс артмӧма щитысь, сійӧс юкӧма куим абу ӧткодь юкӧн вылӧ. Быд юкӧнын меститчӧны торъя элементъяс:
• вылысса гӧрд полеын — гижӧд, «Воркута» кар ним (став шыпасыс ыджыд шыпасъяс);
• улыс полеас эзысь рӧма — тані олысь вужвойтырлӧн, комияслӧн национальнӧй орнаментъяс серти вӧчӧм лӧз узор;
• шӧр полеын эмӧсь татчӧс вӧр-ва да морт уджкӧд йитчӧм элементъяс. Кӧр — тайӧ Войвывлӧн медшӧр символ. Пемӧссӧ петкӧдлӧма котӧртысьӧн, гордӧя лэптӧм юраӧн да бӧрвыв чатӧртӧм гырысь сюръясӧн[1].
Вӧркутаын мортлӧн олӧм йылысь да сылӧн удж йылысь висьталӧны шахта весьтын сулалысь тувкан да из шом террикон. Тайӧ элементъясыс индӧны, кутшӧм тӧдчанлуна Вӧркуталы мупытшса озырлун перйӧм, торйӧн кӧ, из шом перйӧм[1].
Вӧркуталӧн медшӧр официальнӧй пасын вӧдитчӧма Россияса канму дӧрапаслӧн медшӧр рӧмъясӧн (лӧз, эзысь, гӧрд)[1].
Геральдикаын рӧм символика:
• Эзысь рӧмыс, мый геральдикаын вермас петкӧдчыны еджыдӧн, лоӧ традиционнӧйӧн Россияса войвыв регионъясын, кӧні во гӧгӧр чӧж сулалӧ тӧв[1].
Пасйӧдъяс
- ↑ 1 2 3 4 5 Символика. Герб (рус.). Администрация муниципального округа "Воркута". Шыӧдчан кадпас: 26 лӧддза-номъя тӧлысь 2025.
- ↑ Морозова Е.И. Под сенью золотой птицы. — Сыктывкар: Коми республиканская типография, 2022. — 35 с. — ISBN 978-5-7934-1082-3.
- ↑ Герб города Воркута (рус.). Геральдика. Шыӧдчан кадпас: 26 лӧддза-номъя тӧлысь 2025.
