Ускарлӧн канпас
| Ускарлӧн канпас | |
|---|---|
.png) | |
| Юӧр | |
| Вынсьӧдӧма | 2000 вося рака тӧлысь 30-ӧд лунӧ |
| Серпасалысь | Карпов П.В. |
Ускарлӧн канпас (рочӧн Герб Усинска) — тӧдмалан-инӧда пас, кутшӧмӧс лӧсьӧдӧма да вӧдитчӧны геральдика правилӧяс серти, сійӧ лоӧ Россия Федерацияын Коми Республикаса Ускар муниципальнӧй кытшлӧн да Ускар карлӧн официальнӧй символӧн.
Вынсьӧдӧма народнӧй депутатъяслӧн Ускарса Сӧветлӧн 1992 во вӧльгым тӧлысь 26-ӧд лунся 12/100 №-а шуӧмӧн[1] да выльысь вынсьӧдӧма Ускар муниципальнӧй кытшса Сӧветлӧн ӧкмысӧд сессиялӧн 2000 во рака тӧлысь 30-ӧд лунся шуӧмӧн[2].
Канпас гӧгӧрвоӧдӧм
Гербыс щит кодь. Щитлӧн турунвиж фон петкӧдлӧ мутаслысь вӧр озырлунсӧ. Герб шӧрас щитлӧн турунвиж эрд вылын серпасалӧма кӧр видзысьлысь чумсӧ востым югӧръяс пӧвстын. Щит улас петкӧдлӧма мусир вышка, коді быттьӧкӧ сулалӧ чум пытшкын. Тайӧ композицияыс петкӧдлӧ история — тайӧ мутасын олысьяслӧн нэмӧвӧйся уджӧн вӧлі кӧр видзӧм, сэсся мутасын сӧвмис мусир перйӧм. Канпас вылын «Усинск» кар нимсӧ сідзжӧ серпасалӧма карлысь географиясӧ тӧд вылӧ босьтӧмӧн — шыпасъяслӧн помыс ёсь пельӧсъяса[3].
Символика подулалӧм
Канпаслӧн сюжетыс петкӧдлӧ:
• Войвылын географическӧй меститчӧмсӧ;
• Ускарын олысьяслысь медшӧр уджалан нырвизьяссӧ — мусир перйӧм да видз-му овмӧс, торйӧн нин кӧр видзӧм.
Рӧм серти гӧгӧрвоӧдӧм:
• еджыд, турунвиж да лӧз рӧмыс йитчӧма Коми Республикалӧн дӧрапаскӧд[4].
Ыстӧгъяс
- ↑ Герб города Усинск, Геральдика.РУ. Шыӧдчан кадпас: 12 рака тӧлысь 2025.
- ↑ Символика, Администрация округа "Усинск". Шыӧдчан кадпас: 12 рака тӧлысь 2025.
- ↑ Морозова Е.И. Под сенью золотой птицы. — Сыктывкар: ООО «Коми республиканская типография», 2022.
- ↑ Усинск, НБ РК. Шыӧдчан кадпас: 12 рака тӧлысь 2025.
