Сыктывкарлӧн канпас

Босьтӧма Рувикиысь
«Сыктывкар»
кар кытшлӧн канпас
Coat of Arms of Syktyvkar (Komi) (2005).png
Детальяс
Вынсьӧдӧма 2005 вося рака тӧлысь 25-ӧд лунӧ
Воддза версияяс 1993.11.29
1978.05.18
1780.10.13(2)
РФ-са канму геральдика регистрын номер 1885
Серпасалысь Неверов Анатолий Иосифович
Логотип РУВИКИ.Медиа Медиафайлы на РУВИКИ.Медиа

Сыктывкарлӧн канпас — тӧдмалан-инӧда пас, кутшӧмӧс лӧсьӧдӧма да вӧдитчӧны геральдика правилӧяс серти, сійӧ лоӧ дӧрапас да кыпкӧд ӧттшӧтш, Рочму Федерацияын Коми Республикаса «Сыктывкар» кар кытш муниципальнӧй юкӧнлӧн официальнӧй символӧн.

Усть-Сысольсклысь (воддза нимыс Сыктывкар) историческӧй канпассӧ вӧлі вынсьӧдӧма 1780 вося йирым тӧлысь 2 (13) лунӧ Екатерина ІІ-ӧн Вӧлӧгдаса наместничестволӧн мукӧд канпасъяскӧд ӧттшӧтш. Водзӧ вӧдитчисны 1917 во бӧрын. Воштіс ассьыс тӧдчанлунсӧ Сыктывкарӧ вежӧмкӧд да Сыктывкарлысь статус вежӧмкӧд йитӧдын [⇨].

Сӧвет кадӧ РСФСР-са искусствоясса нимӧдана уджалысь В. В. Поляков петкӧдліс карлысь выль канпас, мый Сыктывкарса кар Сӧвет вынсьӧдіс 1978 вося ода-кора тӧлысь 18-ӧд лунӧ [⇨].

Сыктывкарлысь коймӧд канпас вӧлі лӧсьӧдӧма Коми ССР-ӧс Коми Республикаӧ пӧртӧм бӧрын да вынсьӧдӧма карса Сӧветӧн 1993 вося вӧльгым тӧлысь 29-ӧд лунӧ. Сійӧс лӧсьодіс Сыктывкарса медшӧр серпасалысь А. И. Неверов [⇨].

2005 вося рака тӧлысь 25-ӧд лунӧ вӧлі вынсьӧдӧма «Сыктывкар» кар кытшса муниципальнӧй юкӧнлысь канпас, сылысь проектсӧ сідзжӧ дасьтіс Неверов. Сылӧн подулӧн вӧлі босьтӧма Усть-Сысольсклысь историческӧй канпас. Сійӧ жӧ воас кар кытшлысь канпассӧ вӧлі пыртӧма Россия Федерацияса канму геральдика регистрӧ 1885 регистрационнӧй номер сетӧмӧн[⇨].

Канпас опишитӧм

[вежны | Вежны кодировкаын]

«Сыктывкар» кар кытшса муниципальнӧй юкӧнлысь ӧнія канпас геральдика гогӧрвоӧдӧмын пасйӧма:

Югыдлӧз эрд вылын, эзысь козъяса веж гӧра вылын куйлӧ зарни ош зарни гуын, сылӧн выліас национальнӧй орнамента элементӧн лоӧ эзысь кодзув (прорезнӧй квадрат ромб куим югӧрӧн, кодъяс перпендикулярнӧя разалӧны сылӧн быд бокысь бокыслӧн джын кузьта вылӧ: ӧтиӧн бокъяс пӧлӧн, и ӧтиӧн бок шӧрас)

— «Сыктывкар» муниципальнӧй юкӧнса Сӧветлӧн 2005 во рака тӧлысь 25-ӧд лунся 18/03-24 №-а шуӧм[1]

Символика

[вежны | Вежны кодировкаын]
Усть-Сысольсклӧн канпас серпас Винклерлӧн гербовникысь (1899)

«Сыктывкар» кар кытшса муниципальнӧй юкӧнлӧн канпасыс символ да аллегория кывйӧн петкӧдлӧ история, культура, социально-экономическӧй, национальнӧй да мукӧд традиция [2]. Канпас подулӧ босьтӧма Вӧлӧгдаса наместничестволӧн Усть-Сысольск уезднӧй карлысь (1930 вося рака тӧлысь 26-ӧд лунӧ лоис Сыктывкарӧн) историческӧй канпас, мый вӧлі вынсьӧдӧма 1780 вося йирым тӧлысь 2 (13)-ӧд лунӧ.

Коз (петас) петкӧдлӧ ловзьӧм, выль олӧм. Тайӧ пуыслӧн стилизованнӧй серпасыс, мый пыртӧма Сыктывкарса канпас композицияӧ, сідзжӧ петкӧдлӧ татчӧс овмӧс да вӧр-ва аслыспӧлӧслунсӧ [3]. Ош лыддьыссьӧ оз сӧмын республикаын паськыда паныдасьлысь пемӧсӧн, но нӧшта и коми мифологияын медшӧр персонажъясысь ӧтиӧн, комияслӧн важся христианскӧй нэмӧдзса символӧн да пыдди пуктана культӧн[4][5][6]. Сыктывкарлӧн канпасын ош петкӧдчӧ кыдзи карлысь традицияяс видзысь, пу петассӧ видзысь [4][7]. Ошлӧн мыгӧр дорын югӧръяса квадрат ромба кодь кодзув лоӧ «Шондібан» - шоныд сетысь да йӧзӧс видзысь шонділӧн символ [3][7].

Югыдлӧз да турунвиж рӧмъяс Сыктывкарлӧн канпасын лӧсялӧны Усть-Сысольсклӧн историческӧй канпас улыс юкӧнса шӧр рӧмъяскӧд. Лӧз, турунвиж да эзысь рӧмъяс лӧсялӧны Коми Республикаса канму дӧрапаслӧн рӧмъяскӧд, а сідзжӧ вой кыа рӧмкӧд. Эзысь петкӧдлӧ войвывса тӧв, еджыд лым, сӧстӧмлун. Зарни петкӧдлӧ шонді, озырлун, дзоридзалӧм [3][7][8].

История

[вежны | Вежны кодировкаын]

1780 вося канпас[вежны | Вежны кодировкаын]

1780 воын Вӧлӧгдаса наместничество котыртӧм бӧрын сэтчӧ пырысь Усть-Сысольск карлы сетісны уезднӧй статус. Сы вӧсна мый ӧткымын карлӧн (на лыдын Усть-Усольсклӧн), кутшӧмъясӧс вӧлі пыртӧма выльӧн котыртӧм наместничествоӧ, сэки эз на вӧвны асланыс канпасъяс, Правительствуйтысь Сенат тшӧктіс найӧс лӧсьӧдны действительнӧй статскӧй сӧветник Александр Андреевич Волковлы, коді вӧлі Сенат бердын Герольдия департаментын герольдмейстерӧн [9][10][11].

Усть-Сысольскслӧн канпас (1780)

Вӧлӧгда наместничествоса каръяслысь Волковӧн "выльысь сочинитӧм" да чукӧртӧм "кодъяс вӧліны нин водзджык" канпасъяссӧ Сенатӧн видлалӧм бӧрын вӧлі сетӧма Екатерина II-лы Высочайшӧй конфирмация вылӧ. 1780 вося йирым тӧлысь 2 (13)-ӧд лунӧ найӧс вынсьӧдіс императрица[11]. П. П. фон Винклерлӧн гербовникын (1899) вынсьӧдан кадпаснас индӧма 1781 вося йирым тӧлысь 2 (13)-ӧд лун[12].

Усть-Сысольсклысь канпассӧ вӧлі гӧгӧрвоӧдӧма тадзи:

Медвѣдь, лежащій въ мерлогѣ, въ голубомъ полѣ. Въ знакъ того, что таковаго рода звѣрей въ окрестностях сего города находится довольно.

— Высочайше утверждённый доклад Сената «О гербах городам Вологодского наместничества»[11]

Тайӧ канпасыслысь серпассӧ (гӧгӧрвоӧдтӧг) вӧлі пыртӧма Российскӧй империяса законъяслӧн полнӧй собраниелӧн медводдза изданиеӧ (1830)[13]. Усть-Сысольсклӧн канпас серпас дорӧ гӧгӧрвоӧдӧм серти, мый вӧлі йӧзӧдӧма Винклерлӧн гербовникын[12], уезднӧй карлӧн канпасыс вӧлі кык пельӧ юкӧм геральдическӧй щитӧн. Щитлӧн вылыс джынъяс вӧлі пуктӧма Вӧлӧгдалысь канпас, мыйӧн вӧдитчылӧмаӧсь наместническӧй пыдди («Въ красномъ поле щита видна выходящая изъ облака рука, держащая золотую державу съ серебряным мечем»[11]), улыс джынйын — гуын куйлысь ош[3][14][15]. Тайӧ канпысын ош символизируйтіс «водзысь аддзӧм да вын»[7][16].

Сӧвет кадӧ 1780 вося канпаснас водзӧ вӧдитчисны. А сэсся 1930 воын карлы Сыктывкар ним сетӧм бӧрын да 1936 воын юркар статус сетӧм бӧрын [17], тайӧ символыс воштіс ассьыс тӧдчанлунсӧ[3][14].

1978 вося канпас[вежны | Вежны кодировкаын]

Сыктывкарлӧн канпас (1978)

XX нэмся 60-70 воясӧ Коми АССР-ын карса геральдика бӧр лоис коланаӧн ref name="moroz" />.Тайӧ кадколастӧ Сыктывкарса Сӧветлӧн олӧмӧ пӧртысь комитет котыртліс карса канпас балаяслысь конкурс. Конкурс вылӧ воӧм уджъяс пӧвстын медбурӧн лои проект, мый вӧчис медводдза коми художник, РСФСР-са художникъяс Союзлӧн Коми юкӧнӧн веськӧдлысь, РСФСР-са искусствоын нимӧдана уджалысь Поляков Валентин Викторович [3].

Канпасыс вӧлі абу традиционнӧй формаа щитӧн, кутшӧмӧн вӧдитчӧны коми орнаментъясын элементъяс. Щитсӧ вӧлі торйӧдӧма куим пельӧс вылӧ эзысь вила кодь векньыдик крестӧн, мый петкӧдліс Сыктыв да Эжва юяс ӧтлаасянінын карлысь сулалӧмсӧ. Шӧр щит шӧрас Поляков пуктіс щиток, кӧні вӧлі Усть-Сысольсклӧн модифицируйтӧм канпас фрагмент. Ошсӧ сэні петкӧдлӧма гуысь петӧмӧн да пукӧд орччӧн сулалысьӧн (татшӧм ногӧн сійӧ, авторлӧн мӧвп серти, должен вӧлі петкӧдлыны «садьмӧм да вежсьӧм край») [7][10][18]. Пу серпасалӧмыс, кыдзи лыддьӧны ӧткымын туялысьяс, вермис ыстыны комияслӧн историческӧй мировоззрение дорӧ, мый серти «быд мортлӧн эм пу кодь двӧйни» (ас пу), а сідзжӧ гӧгӧрвосьыны важ символӧн, мый петкӧдлӧ «куим мирлысь - енэжвывсалысь, мувывсалысь да мупытшсалысь - йитӧдсӧ»[4]. Вылысса гӧрд (гӧрд) полеас художник серпасалӧма коз да пиня кӧлеса - Сыктывкарлӧн промышленнӧй аслыспӧлӧслунлысь символъяс. Нӧшта кык коз, мый вӧлі пуктӧма кык лӧз полеӧ щит улысса юкӧнас, символизируйтісны кар гӧгӧрса вӧрӧн озыр местаяс. Гербӧвӧй щит полеяслӧн тинктураясыс лӧсялісны РСФСР-са канму дӧрапаслӧн да Коми АССР-са дӧрапаслӧн рӧмъяслы[3][7].

1978 вося ода-кора тӧлысь 18-ӧд лунӧ тайӧ канпассӧ вӧлі официальнӧя вынсьӧдӧма Сыктывкарса кар Сӧветлӧн исполнительнӧй комитетӧн[10].

1993 вося канпас[вежны | Вежны кодировкаын]

Коми ССР-ӧс Коми Республикаӧ вежӧм бӧрын[19] ковмис выльмӧдны республикаса каръяслысь канпасъяссӧ да лӧсьӧдны выль канпасъяс[3].

1993 воын Сыктывкарын нуӧдісны карса символика дасьтӧм серти конкурс. Сэні вермысьнас лоис карса медшӧр серпасалысь Неверов Анатолий Иосифович [3], сійӧ тадзи гӧгӧрвоӧдіс ассьыс вӧзйӧмсӧ: «В серебряном щите опрокинутое трёхкратно повторенное лазурево-зелёно-серебряное ломаное усечённое стропило, которое сопровождают: внизу — стилизованный золотой медведь анфас и стилизованный же зелёный росток, а вверху — элемент национального орнамента, золотой»[17].

Сыктывкарлӧн канпас (1993)

Авторлӧн гӧгӧрвоӧдӧм серти, выль канпаслӧн композицияыс видзис «воддзаыслысь мыгӧрсӧ» да бӧр сетіс «Усть-Сысольск карлӧн канпаслысь медшӧр символсӧ - гуын ошкӧс, но выль вежӧртасын нин». Ошкӧс лыддьылісны «талисманӧн, карлысь традицияяс видзысьӧн, выль олӧмлысь петасъяс видзысьӧн». Сы весьтӧ пуктӧм коми орнаментлӧн элементыс («Шондібан») петкӧдліс шондісӧ, а диагональнӧй визьясыс (Н. А. Соболевалӧн - "увйӧм стропило"[17]) петкӧдлісны кык ю ӧтлаасьӧмсӧ. Визьлӧн рӧмъясыс (лӧз, турунвиж да эзысь рӧмъяс) йитчӧмаӧсь Коми Республикаса канму дӧрапаслӧн рӧм гаммакӧд да, ӧттшӧтш, войвывса дзирдлункӧд. Щит полелӧн эзысь рӧмыс символизируйтіс сӧстӧмлун [3][20].

Ӧткымын туялысьяс чайтӧны, мый А. И. Неверовӧн вӧзйӧм ошлысь образсӧ позьӧ ӧткодявны пермскӧй зверическӧй стильлӧн медся тшӧкыда паныдасьлысь сюжетъясысь ӧтикӧд - воддза лапаяс костас юрсӧ сюйӧм ошлысь образкӧд («жертвеннӧй позаа ош»). Татшӧм жӧ пас вӧлі и Коми Республикаса канму канпаслӧн конкурснӧй проектын, мый вӧчис художник Владимир Яковлевич Сердитов 1993 воын. Татшӧмӧн важ комияс серпасавлӧмаӧсь ошсӧ бронза пластинкаяс, бляшкаяс да мукӧд художество изделиеясын. Найӧ векджык вӧліны сакральнӧйӧсь[4][7][21][22].

1993 вося вӧльгым тӧлысь 29-ӧд лунӧ[23] (Н. А. Соболева серти — йирым тӧлысь 29-ӧд лунӧ[17]; «Геральдикум.ру» сайт мыччӧдъяс серти — вӧльгым тӧлысь 23-ӧд лунӧ[10]) Сыктывкарлӧн коймӧд канпасыс волі вынсьӧдӧма народнӧй депутатъяслӧн Сӧветӧн да 1994 вося тӧвшӧр тӧлысь 1 лунсянь лоис официальнӧйӧн[3][4].

2004 вося канпас бала[вежны | Вежны кодировкаын]

2004 воын А. И. Неверов мӧдӧдіс Сыктывкарлӧн канпас йылысь материалъяс Росси Федерацияса Президент бердын Геральдика советӧ канму регистрация вылӧ. Коліс пыртны сійӧс Канму геральдика реестрӧ Сыктывкарлы 225 во тыригкежлӧ. Но Геральдика совет ӧткажитіс, сы вӧсна мый канпасын воліны тырмытӧмторъяс геральдика, история да право боксянь[24][25]. Канму герольдмейстер, Эрмитажса директорӧс научнӧй удж кузя вежысь Георгий Вадимович Вилинбаховлӧн карса веськӧдлысьяслы мӧдӧдӧм письмӧын пасйӧма, мый Сыктывкарлӧн канпасын вӧлі эрдӧдӧма «Коми Республикалӧн канму дӧрапас йылысь Коми Республикаса Оланпас торкалӧм[26], мый серти республикалӧн официальнӧй канму символ оз вермы лоны муниципальнӧй юкӧнъяслӧн дӧрапасъяслӧн геральдическӧй подулӧн (канму геральдия серти тайӧ запретыс паськаліс и налӧн дӧрапасъяс вылӧ). Таысь кындзи, 1993 вося канпас лӧсьӧдігӧн вӧлӧма торкӧма геральдикалӧн медшӧр правилӧсӧ, мый серти оз позь пуктыны металлическӧй фигураяссӧ металлическӧй полеяс вылӧ (зарни ошлӧн фигураыс вӧлі пуктӧма щитлӧн эзысь поле вылӧ)[24]. Мытшӧдсӧ разьӧм могысь канму герольдмейстер вӧзйис бӧр босьтны Усть-Сысольсклысь историческӧй канпассӧ, а стӧчджыка кӧ, сылысь улыс юкӧнсӧ, кӧні серпасалӧма гуын ошкӧс[25].

2004 вося вӧльгым тӧлысь 29-ӧд лунӧ Россия Федерацияса Президент бердын Геральдика сӧветлысь вӧзйӧмъяс видлалӧм бӧрын «Сыктывкар» муниципальнӧй юкӧнса Сӧвет шуис пыртны вежсьӧмъяс Сыктывкарса народнӧй депутатъяс Сӧветлӧн 1993 вося вӧльгым тӧлысь 29-ӧд лунся шуӧмӧ[2][25]. Канму дӧрапас рӧмъяса диагональнӧй визьяссӧ вӧлі стилизуйтӧма вой кыа серти, щитлысь полесӧ петкӧдлӧма "лӧз-турунвиж рӧмӧн", а коз (петас), орнамент (шонді пас) да вой кыа - эзысь рӧмӧн. Кар Сӧветса депутатъясӧн «Сыктывкар» кар кытшса муниципальнӧй юкӧнлӧн канпас йылысь положение вынсьӧдӧм бӧрын шуӧмсӧ канпаслӧн графическӧй серпаскӧд тшӧтш мӧдӧдісны экспертиза вылӧ канму герольдияӧ[2][8].

2005 вося канпас[вежны | Вежны кодировкаын]

Сыктывкарлӧн канпас (2005)

Геральдикай сӧветкӧд сёрнитігӧн серпасасьысь А. И. Неверов дасьтіс Сыктывкарлӧн канпаслысь куим выль эскиз. Ӧти вылын вӧлі серпасалӧма гуын зарни ошӧс, код ывлын вӧлі эзысь кодзув, мӧд вылын татшӧм жӧ композициясӧ содтіс ош лапаяс костас пуктӧм эзысь козлӧн серпас, а коймӧдын - вой кыалӧн стилизованнӧй эзысь серпас[10]. Ачыс авторыс вӧзйис медводдзасӧ, медся лабутнӧй вариантсӧ (козтӧг да вой кыатӧг), сы вӧсна мый "гуын ошка канпасыс и сідз вель оригинальнӧй", а "вой кыаыс эм войвыв широтаяс вылын меститчӧм 97 российскӧй карлӧн канпасъясын". Но Геральдика сӧветӧн вынсьӧдӧм балаяс видлалӧм бӧрын депутатъяс бӧрйисны мӧд вариантсӧ да вӧлисти вынсьӧдісны 2005 вося рака тӧлысь 25-ӧд лунӧ муниципальнӧй юкӧнса Сӧветлӧн чукӧртчылӧм вылын[27].

2005 вося лӧддза-номъя тӧлысь 28-ӧд лунӧ Сыктывкарлысь выль канпас видлалісны Россия Федерацияса Президент бердын Геральдика сӧветлӧн заседание вылын. Сылӧн композицияыс ставнас вӧлі ошкӧма Сӧветса членъясӧн, но "ковмас выльысь серпасавны" кывъясӧн[28]. н. Экспертъяслӧн видзӧдлас серти, тайӧ канпасын щитыс (подулас куим пиньяса) эз лӧсяв россияса геральдикаын примитӧм традицияяслы, да сійӧс колӧ вӧлі вежны ёсьмӧм подула нёль пельӧсаӧн (французскӧй щит) вылӧ[29].

2005 вося сора тӧлысь 12-ӧд лунӧ Сыктывкарса администрациялы воис муниципальнӧй юкӧнлысь канпас Россия Федерацияса Канму геральдика регистрӧ 1885 номерӧн пыртӧм йылысь официальнӧй извещение[25]. 2005 вося ӧшым тӧлысь 16-ӧд лунӧ «Сыктывкар» муниципальнӧй юкӧнса Сӧветлӧн 20/12-303 №-а шуӧм серти «Сыктывкарлӧн канпас йылысь» 2004 во вӧльгым тӧлысь 29-ӧд лунся 16/11-205 №-а шуӧмӧ пыртӧма ӧткымын вежсьӧм, кутшӧмъяс вӧліны йитчӧмаӧсь муниципальнӧй юкӧнлысь официальнӧй символ серпас вӧчан, наӧн вӧдитчан, видзан да бырӧдан пӧрадоккӧд да муниципальнӧй эмбурӧ пырттӧм предприятиеясӧн, учреждениеясӧн да организацияясӧн, а сідзжӧ торъя йӧзӧн сійӧн вӧдитчан пӧрадоккӧд[30].

Сыктывкарлӧн канпас (2008)

2007 во помын «Сыктывкар» муниципальнӧй юкӧнлӧн Сӧвет юӧртіс канпас да дорапас графическӧя серпасалӧм кузя медбур проект вылӧ конкурс нуӧдӧм йылысь. Конкурсса комиссия видлаліс нелямынысь унджык удж, но бӧръяпом эз вермы тӧдмавны вермысьӧс, сы вӧсна мый видлалӧм вылӧ воӧм эскизъяс пиысь унджыкыс эз лӧсявны корӧмъяслы. Сёрӧнджык Россияса геральдист котырлӧн Коми дінму юкӧнӧн веськӧдлысь Фёдор Фёдорович Князев, кодӧс корисны кыдзи асшӧр экспертӧс Сыктывкарлысь символика лӧсьӧдӧмӧ, вӧзйис кар Сӧветса депутатъяслы вӧчны муниципальнӧй юкӧнлысь дӧрапассӧ канпас подув вылын, та дырйи индіс канпаслысь геральдика корӧмъяслы лӧсялӧм вылӧ[31][32].

2008 воын Сыктывкарлӧн Сӧветса депутатъяс шуисны вежны Сыктывкарса канпас геральдическӧй щитлысь серсӧ. Торъя комиссия видлаліс да ошкис канпаслысь кык вариант, кӧні вӧдитчисны щитлӧн французскӧй формаӧн (татшӧм жӧ щитыс вӧлі и Усть-Сысольсклӧн историческӧй канпаслӧн геральдическӧй подулӧн). Татшӧм вариантъяс пиысь ӧтиӧ пырис Коми Республикаса канму канпас серпасалӧм вӧльнӧй юкӧн: «в червлёном (красном) поле хищная птица, обращённая прямо, на груди которой — лик женщины, обрамленный шестью лосиными головами (без рогов), по три с каждой стороны; все фигуры золотые». Мукӧдторйын индӧм проектъясыс нинӧмӧн эз торъявны ӧнія канпасысь[[33][34][35].

2009 вося ӧшым тӧлысь 11-ӧд лунӧ «Сыктывкарлӧн канпас йылысь» 2004 во вӧльгым тӧлысь 29 лунся 16/11-205 №-а шуӧмӧ вӧлі выльысь пыртӧма ӧткымын вежсьӧм: стӧчмӧдӧма муниципальнӧй юкӧнлысь нимсӧ, канпасӧн официальнӧя вӧдитчанногсӧ да мукӧдтор. Канпаслӧн геральдическӧй гӧгӧрвоӧдӧмыс та дырйи коли важ кодьыс жӧ[36].

Видзӧд тшӧтш

[вежны | Вежны кодировкаын]

Пасйӧдъяс

[вежны | Вежны кодировкаын]
  1. ↑ .Решение Совета муниципального образования «Город Сыктывкар» от 25 марта 2005 года №18/03-249 «О внесении изменений в решение совета МО „Город Сыктывкар“ от 29 ноября 2004 года № 16/11-205 „О гербе города Сыктывкара“». Шыӧдчан кадпас: 5 урасьӧм тӧлысь 2017. Архивируйтӧма 6 урасьӧм тӧлысь 2017.
  2. ↑ 1 2 3 Решение Совета муниципального образования «Город Сыктывкар» от 29 ноября 2004 года № 16/11-205 «О гербе города Сыктывкара» (в редакции решения Совета муниципального образования «Город Сыктывкар» от 25 марта 2005 года № 18/03-249, решения Совета муниципального образования «Город Сыктывкар» от 16 декабря 2005 года № 20/12-303, решения Совета муниципального образования городского округа «Сыктывкар» от 11 декабря 2009 года № 26/12-501)
  3. ↑ 1 2 3 4 5 6 7 8 9 10 11 История герба города Сыктывкара : [арх. 06.02.2017] // Официальный сайт АМО ГО «Сыктывкар». — Дата обращения: 28.01.2017.
  4. ↑ 1 2 3 4 5 Башкиров К. С. Символика Коми // Русская культура вне границ : информационно-аналитический сборник. — Москва: НИО «Информкультура» Российской государственной библиотеки ; Государственная культурно-досуговая ассоциация «Россия», 1997. — Вып. 5. — С. 71—75. Архивировано 11 урасьӧм тӧлысь 2017 года.
  5. ↑ Перфильев Ю. Региональная символика: в поисках идеологии // Регионы России в 1999 г. : ежегодное приложение к «Политическому альманаху России». — Москва: Гендальф, Мос. Центр Карнеги, 2001. — С. 330. Архивировано 9 урасьӧм тӧлысь 2017 года.
  6. ↑ Петрухин В. Я. Мифы финно-угров. — Астрель : АСТ : Транзиткнига, 2005. — С. 463.
  7. ↑ 1 2 3 4 5 6 7 Морозова Е. И. «Каждому городу иметь утвержденный герб…» (к вопросу об истории геральдики городов и районов Республики Коми) // Музеи и краеведение : труды Национального музея Республики Коми. — Сыктывкар, 2007. — Вып. 6. — С. 191—199. Архивировано 11 урасьӧм тӧлысь 2017 года.
  8. ↑ 1 2 Облик герба Сыктывкара (Коми) видоизменится : [арх. 08.02.2017] // REGNUM. — 2004. — 29 вӧльгым тӧлысь. — Дата обращения: 07.02.2017.
  9. ↑ Рево О. А. Гербы городов Вологодской и Архангельской губерний // Наука и жизнь. — 1982. — № 6. — С. 58—59. Архивировано 6 урасьӧм тӧлысь 2017 года.
  10. ↑ 1 2 3 4 5 Городской округ Сыктывкар (Республика Коми) : [арх. 06.02.2017] // Геральдикум.ру. — Дата обращения: 28.01.2017.
  11. ↑ 1 2 3 4 Закон № 15.069 от 2 октября 1780 года. Высочайше утверждённый доклад Сената «О гербах городам Вологодского наместничества» // Полное собрание законов Российской империи. Собрание Первое. 1649—1825 гг. : в 45 т.. — Санкт-Петербург : Типография II отделения Собственной Е. И. В. канцелярии, 1830. — Т. 20 (1775—1780). — С. 990—991.
  12. ↑ 1 2 Гербы городов Российской империи // Гербы городов, губерний, областей и посадов Российской империи, внесённые в полное собрание законов с 1649 по 1900 год. — Санкт-Петербург: Издание книгопродавца Ив. Ив. Иванова, 1899. — С. 158. Архивса копия 3 вӧльгым тӧлысь 2017 Wayback Machine ресурсын
  13. ↑ Гербы Вологодского наместничества // Полное собрание законов Российской империи. Собрание Первое. 1649—1825 гг. : в 45 т.. — Санкт-Петербург : Типография II отделения Собственной Е. И. В. канцелярии, 1830. — Кн. чертежей и рисунков (гербы городов). — Л. 15.
  14. ↑ 1 2 Поляков М. Самое-самое в Усть-Сысольске: лекция Михаила Рогачёва об истории Сыктывкара : [арх. 06.02.2017] // 7x7 : межрегиональный интернет-журнал. — 2014. — 23 йирым тӧлысь. — Дата обращения: 28.01.2017.
  15. ↑ Вологодская область : [арх. 14.02.2017] // Геральдикум.ру. — Дата обращения: 14.02.2017.
  16. ↑ Лакиер А. Б. § 25. III. Фигуры воображаемые // Русская геральдика. — Санкт-Петербург : Типография 2-го Отделения Собственной Е. И. В. Канцелярии, 1855. — Кн. 1. — С. 59.
  17. ↑ 1 2 3 4 Гербы городов России / Ин-т рос. истории РАН ; Н. А. Соболева и др. — Москва: Профиздат, 1998. — С. 231. — ISBN 5-255-01331-5.
  18. ↑ Манжурин Е. А. Воображаемая преемственность: дореволюционное геральдическое наследие в советской городской символике (1953—1991) // Вестник Пермского университета. Серия «История». — 2015. — Вып. 3 (30). — С. 118. Архивировано 12 урасьӧм тӧлысь 2017 года.
  19. ↑ Закон Коми ССР от 26 мая 1992 года «Об изменении наименования Коми Советской Социалистической Республики». Шыӧдчан кадпас: 10 урасьӧм тӧлысь 2017. Архивируйтӧма оригинала 13 лӧддза-номъя тӧлысь 2021 года.
  20. ↑ Геральдика Республики Коми // МАРС : альманах. — Академия русской символики «МАРС», 2007. — № 5. Архивировано 13 урасьӧм тӧлысь 2017 года.
  21. ↑ В Коми отмечают день рождения герба : [арх. 10.02.2017] // Комиинформ : информационное агентство. — 2016. — 6 июля. — Дата обращения: 28.01.2017.
  22. ↑ Овсянников В. В. К вопросу о происхождении сюжета «Медведь в жертвенной позе» в пермском зверином стиле // Вестник Пермского университета. Серия «История». — 2013. — Вып. 1 (21). — С. 77—83. Архивировано 13 урасьӧм тӧлысь 2017 года.
  23. ↑ И.Л.Жеребцов, М.В.Таскаев, М.Б.Рогачев, Б.Р.Колегов. 1993 // Историческая хроника. Республика Коми с древнейших времен. — Сыктывкар: Коми книжное издательство, 2002. — С. 392. — 344 с. Архивса копия 17 ода-кора тӧлысь 2017 Wayback Machine ресурсын
  24. ↑ 1 2 Мезак Э. Исправленный герб воссиял северным сиянием : [арх. 08.02.2017] // Зырянская жизнь : сайт. — 2004. — 6 декабря. — Дата обращения: 28.01.2017.
  25. ↑ 1 2 3 4 Мезак Э. Гербу Сыктывкара присвоили номер 1885 // Зырянская жизнь : сайт. — 2005. — 18 июля. — Дата обращения: 28.01.2017.
  26. ↑ Зако»н Республики Коми от 6 июня 1994 года № XII-20/3 «О государственном флаге Республики Коми». Шыӧдчан кадпас: 8 урасьӧм тӧлысь 2017. Архивируйтӧма 12 лӧддза-номъя тӧлысь 2019.
  27. ↑ Совет Сыктывкара утвердил новый герб столицы Коми : [арх. 08.02.2017] // REGNUM. — 2005. — 25 рака тӧлысь. — Дата обращения: 07.02.2017.
  28. ↑ 27—28 июня прошло очередное заседание Геральдического совета : [арх. 08.02.2017] // Геральдика.ру. — 2005. — 29 лӧддза-номъя тӧлысь. — Дата обращения: 28.01.2017.
  29. ↑ Причудливый «гербарий» : создавая свою символику, муниципалитеты зачастую нарушают геральдические нормы : [арх. 12.02.2017] // Республика. — 2009. — 5 июня. — Дата обращения: 08.02.2017.
  30. ↑ Решение Совета муниципального образования «Город Сыктывкар» от 16 декабря 2005 года № 20/12-303 «О внесении изменений в решение совета МО „Город Сыктывкар“ от 29 ноября 2004 года № 16/11-205 „О гербе города Сыктывкара“». Шыӧдчан кадпас: 8 урасьӧм тӧлысь 2017. Архивируйтӧма 11 урасьӧм тӧлысь 2017.
  31. ↑ Джавршян Г. Депутаты Сыктывкара пририсовали городу флаг : [арх. 08.02.2017] // КомиОнлайн : региональное интернет-СМИ. — 2009. — 25 сентября. — Дата обращения: 28.01.2017.
  32. ↑ Горчева Н. У Сыктывкара появится свой флаг : [арх. 13.02.2017] // Комиинформ : информационное агентство. — 2009. — 22 июня. — Дата обращения: 28.01.2017.
  33. ↑ Соколов И. Гербу Сыктывкара добавят французские черты : [арх. 08.02.2017] // КомиОнлайн : региональное интернет-СМИ. — 2008. — 9 июля. — Дата обращения: 28.01.2017.
  34. ↑ Стахиев А. Четыре муниципалитета Коми живут без герба : [арх. 08.02.2017] // КомиОнлайн : региональное интернет-СМИ. — 2013. — 31 января. — Дата обращения: 28.01.2017.
  35. ↑ Закон Республики Коми от 26 декабря 1997 года № 50-РЗ «О государственном гербе Республики Коми». Шыӧдчан кадпас: 8 урасьӧм тӧлысь 2017. Архивируйтӧма 11 урасьӧм тӧлысь 2017.
  36. ↑ Решение Совета муниципального образования «Город Сыктывкар» от 11 декабря 2009 года № 26/12-501 «О внесении изменений в решение совета МО „Город Сыктывкар“ от 29 ноября 2004 года № 16/11-205 „О гербе города Сыктывкара“». Шыӧдчан кадпас: 8 урасьӧм тӧлысь 2017. Архивируйтӧма 11 урасьӧм тӧлысь 2017.

Литература

[вежны | Вежны кодировкаын]

Ыстӧгъяс

[вежны | Вежны кодировкаын]
Босьтӧма "https://kv.ruwiki.ru/w/index.php?title=Сыктывкарлӧн_канпас&oldid=315605"-ысь