Изьва районлӧн канпас
| «Изьва» районлӧн канпас | |
|---|---|
 | |
| Детальяс | |
| Вынсьӧдӧма | 2012 вося ӧшым тӧлысь 13-ӧд лунӧ |
| Воддза версияяс |
2011.08.26 |
| РФ-са канму геральдика регистрын номер | 8046 |
| Автор котыр | |
| Канпаслӧн вежӧртас | Ригерт Михаил Георгиевич |
| Геральдика боксянь лӧсьӧдӧм |
Мочёнов Константин Фёдорович |
| Серпасалысь | Ольга Салова |
| Символика подулалӧм |
Мишин Вячеслав Васильевич |
Россия Федерацияса Коми Республикаын «Изьва» муниципальнӧй районлӧн канпас — тӧдмалан-инӧда пас, кутшӧмӧс лӧсьӧдӧма да вӧдитчӧны геральдика правилӧяс серти, сійӧ лоӧ дӧрапаскӧд тшӧтш, Рочму Федерацияын Коми Республикаса Изьва район муниципальнӧй юкӧнлӧн официальнӧй символӧн[1].
Вынсьӧдӧма «Изьва» муниципальнӧй районса Сӧветлӧн 2012 вося ӧшым тӧлысь 13-ӧд лунся 4-16/12 №-а шуӧмӧн.
Канпассӧ пыртӧма РФ-са Канму геральдика регистрӧ да сетӧма 8046 номер.
Канпас гӧгӧрвоӧдӧм
«Югыдлӧз полеын — векньыдик зарни кытш, пытшкӧсас пиньяса, ортсысяньыс — пиньяса, быд пинь вылын ичӧтик ромбӧн, тыртӧма веж рӧмӧн; и пытшкӧсас — котӧртысь войвыв эзысь кӧр»[2].
Символика подулалӧм
Изьва мулӧн историяыс заводитчӧ XVІ нэмсянь.
XVI нэм помын — XVII нэм заводитчигӧн тӧдчымӧн унджык кутісны ветлӧдлыны Печӧра да сылӧн вожъяс кузя уна сикас промышленнӧй да тӧргӧвӧй йӧз. Медшӧр туйясысь ӧтиӧн лои Емдін-Изьва ва система. Изьваса комияс вӧралісны, чери кыйисны, видз-му вӧдитісны, кӧр видзисны. Кӧр видзан прӧдукция, медводз няр, кыс, яй вузалӧм лои Изьваса экономикалы подулӧн.
Изьваса этнос заводитіс артмыны ХVI нэм мӧд джынйын. Изьваса этнос артмӧдӧмын участвуйтісны Емдінса да Удораса комияс, войвывса рочьяс да вӧрса яранъяс. Феодальнӧй кад помасигкежлӧ изьваса комияс лӧсьӧдісны кызвыннас кыв да культура аслыспӧлӧслунсӧ, мый сэтшӧм тӧдчымӧн торйӧдӧ найӧс мукӧд коми котыръясысь. Кызвын коми-изьватас олӧны Коми Республикаын Печӧра шӧрса ковтысын, Печӧра вожъяс — Изьва да Усва берегъяс пӧлӧн.
Канпаслӧн сюжетыс петкӧдлӧ:
• районлысь, мый меститчӧма войвыв да медся войвыв пармалӧн зонаулын, вӧр-ва сям (лӧз рӧм — юяс да тыяс, турунвиж рӧм — помтӧм вӧр да видзьяс). Вӧрыс кызвыннас козъя. Паныдасьлӧны пожӧм да ниа. Уна естественнӧй видз, торйӧн нин Изьва ю кывтыдын;
• войвыв кӧр, кодтӧг морт оз вермы овны медся войвыв пармалӧн зонаын. Кӧр — сійӧ и яй, и кучик, и бурдӧдчантор, и кыскасян пемӧс;
• 34 пиня кольквиж кытш — индӧ Изьва районӧ пырысь сикт-грезд лыд вылӧ. Национальнӧй узор элементъясыс тӧдчӧдӧны татчӧс вужвойтырлысь аслыспӧлӧслунсӧ, налысь этноссӧ.
Геральдикаын рӧм символика:
• Кельыдлӧз рӧм (лазурь) — ыджыд кӧсйӧмъяс, сьӧлӧмсянь кӧсйӧмъяс, сьӧлӧмӧн сетчӧм (преданносьт), ловзьӧм символ;
• Турунвиж рӧм — вӧр-ва, тулыс, дзоньвидзалун, томлун да лача символ;
• Еджыд рӧм (эзысь) — сӧстӧмлун, восьсалун, ен мывкыд, бурасьӧм символ[3].
История
2011 вося канпас
.gif)
Канпаслысь баласӧ вӧлі дасьтӧма Костромаысь геральдическӧй организация.
Канпас проектлӧн геральдическӧй гӧгӧрвоодӧмын пасйӧма: «Веж эрд вылын ӧтчыдысь рибӧм пиньяса эзысь вылыс визь, улыс визьыс тшӧтш эзысь, зарни сюра да гыжъяса да гӧрд синъяса котӧртысь кӧр. Щитлӧн вӧльнӧй юкӧнас — Коми Республикаса канпас. Щитлӧн вевдорас урчитӧм образеца муниципальнӧй корона».
Символика подулалӧм:
— щитлӧн юрыс петкӧдлӧ, мый тайӧ местаыс озыр лыска вӧрӧн,
— щитлӧн помыс тӧдчӧдӧ национальнӧй колоритсӧ,
— щитын шӧр фигураыс, кӧрыс петкӧдлӧ, мый татчӧс олысьяс оз сӧмын вӧдитны кӧръясӧс, но мый кӧр культыс тайӧ мутасын лоӧ медшӧрӧн.
Изьва районса депутатъяслӧн Сӧветса депутатъяс ошкӧмаӧсь канпас баласӧ 2011 вося моз тӧлысь 26-ӧд лунӧ, а сэсся петкӧдӧмаӧсь сійӧс йӧзлы видлалӧм вылӧ.