Кулӧмдін районлӧн канпас
| Кулӧмдін районлӧн канпас | |
|---|---|
.gif) | |
| Юӧр | |
| Вынсьӧдӧма | 2009 вося ӧшым тӧлысь 10-ӧд лунӧ |
| РФ-са канму геральдика регистрын номер | 5858 |
| Автор котыр | |
| Канпаслӧн вежӧртас | Александр Гусев (Кебанъёль) |
| Геральдика боксянь лӧсьӧдӧм |
Константин Мочёнов (Химки) |
| Компьютера дизайн |
Ирина Соколова (Москва) |
Кулӧмдін районлӧн канпас (рочӧн Герб Усть-Куломского района) — тӧдмалан-инӧда пас, кутшӧмӧс лӧсьӧдӧма да вӧдитчӧны геральдика правилӧяс серти, сійӧ лоӧ Россия Федерацияын Коми Республикаса Кулӧмдін районлӧн официальнӧй символӧн.
Канпассӧ вынсьӧдӧма «Кулӧмдін» МР-са Сӧветлӧн 2009 во ӧшым тӧлысь 10-ӧд лунся XXVI-291 помшуӧмӧн[1], пыртӧма Россия Федерацияса канму геральдическӧй регистрӧ 5858 пасъян номер улын[2].
Канпас гӧгӧрвоӧдӧм
Зарни борын, кутшӧмӧс торйӧдӧма падвежасьӧмъясӧн да вомӧналӧмъясӧн куим пельӧса юкӧн вылӧ - турунвижӧн гижӧм йыв, сэні пукалӧ зарни ур да кутӧ сэтшӧм жӧ кӧртуловысь коль[3].
Россия Федерацияса Президент бердын Геральдическӧй сӧветӧн 2006 вося 06.28 лунӧ (VIII юрпас, 45 п.) вынсьӧдӧм «Муниципальнӧй юкӧнъяслысь официальнӧй символъяс лӧсьӧдӧм да наӧн вӧдитчӧм серти методика боксянь вӧзйӧмъяс» серти Кулӧмдін районлӧн канпасыс вермас тшӧтш мунны статуснӧй коронакӧд.
Символика подулалӧм
Кулӧмдін районӧ медводдза морт локтӧмсянь да и ӧнія кадӧ буретш вӧр вӧлі и лоӧ районса йӧзлӧн олӧмын медтӧдчанаторйӧн. Тайӧ и промышленнӧя вӧр лэдзӧм, и вӧр переработайтӧм, а сідзжӧ вӧр быдтӧм-рӧдмӧдӧм. Вӧрын быдмӧ быд сикас тшак-вотӧс, сэні позьӧ ӧктыны коль, вӧр сетӧ сӧстӧм сынӧд, а кутшӧм бура сэні позьӧ шойччыны. Кулӧмдін районлӧн канпасын ыджыд турунвиж треугольник (йыв) аллегорическӧя петкӧдлӧ пу.
Кулӧмдін районын унатор йитчӧма и вӧрлӧн мӧд озырлункӧд — вӧрпа кукӧд. Улляна манастыр, Екатерина нима Войвыв канал стрӧитӧм веськыда йитчӧма кыйсьӧм-вӧралӧмкӧд. Ур петкӧдлӧ вӧрпа кыйӧм да уна мукӧдтор:
— идӧрлун, дӧзьӧрлун, запасливлун;
— сюсьлун, сетчытӧмлун, винёвлун;
— мог олӧмӧ пӧртны зільӧм.
Коль петкӧдлӧ мулысь, олӧмлысь вынсӧ, панас, а ур лапаясын коль — татчӧс вӧр-валысь озырлунсӧ. Турунвиж рӧм петкӧдлӧ тулыс, дзоньвидзалун, лача. Зарни — медся ыджыд донлӧн, тӧдчанлунлӧн, бурлунлӧн, озырлунлӧн, урожайлӧн символ.
Канпас лӧсьӧдысь котыр
Канпаслӧн мӧвп: Александр Гусев (Кулӧмдін районса Кебанъёль посёлок); геральдика боксянь лӧсьӧдӧм: Константин Мочёнов (Химки); серпасасьысь да компьютера дизайн: Ирина Соколова (Москва); символика подулалӧм: Вячеслав Мишин (Химки).
Пасйӧдъяс
- ↑ Герб Усть-Куломского района | Геральдика.ру. geraldika.ru. Шыӧдчан кадпас: 9 кӧч тӧлысь 2019. Архивируйтӧма 31 ӧшым тӧлысь 2018.
- ↑ Геральдика.ру. Государственный геральдический регистр Российской Федерации. sovet.geraldika.ru. Шыӧдчан кадпас: 9 кӧч тӧлысь 2019. Архивируйтӧма 1 вӧльгым тӧлысь 2020.
- ↑ ГЕРБ МУНИЦИПАЛЬНОГО РАЙОНА "УСТЬ-КУЛОМСКИЙ" РЕСПУБЛИКИ КОМИ http://www.heraldik.ru/. Шыӧдчан кадпас: 9 кӧч тӧлысь 2019. Архивируйтӧма 25 сора тӧлысь 2019.
Ыстӧгъяс
- В Усть-Куломе «потерялся» музыкальный символ района http://www.tribuna.nad.ru/
- Коми — гербы и флаги
- Символика муниципального района «Усть-Куломский»
