Йиркап

Босьтӧма Рувикиысь
Йиркап волшебнӧй лызь вылын. Серпасыс А.В. Мошевлӧн

Йиркап — коми мифологияын нималана вӧралысь[1][2].

Мифологияын

Йӧз висьталӧм серти, Йиркап овлӧма Емва катыдын, Кони сиктын да вӧралӧма.

Ӧтчыд сійӧ аддзӧма Синдор ты берег вылысь Васалысь да Вӧрсалысь косясьӧмсӧ. Васа заводитіс нин вермыны Вӧрсасӧ, сы вӧсна мый вӧлі аслас стихияын. Сэки Йиркап воис Вӧрсалы отсӧг вылӧ, лыйис Васаӧс ньӧввужйысь. Мездӧмысь Вӧрса аттьӧаліс да тшӧктіс корсьны вӧрысь Ас пусӧ[1].

Дыр корсьысьӧм бӧрын Йиркап аддзис тайӧ пусӧ. Мӧд висьталӧм серти, Йиркап аддзӧма Ас пусӧ ачыс, казялӧма, мый сылӧн понмыс куим лун (либӧ куим во) чӧж кутшӧмкӧ помкатӧг увтӧ ӧти и сійӧ жӧ пусӧ. Черӧн пуӧ кучкӧм бӧрын сыысь петӧма вир. Та бӧрын Йиркап кераліс пу (пожӧм) да вӧчис сыысь лызь. Мӧд висьталӧм серти, пуыс ачыс юӧртӧма Йиркаплы, мый сійӧ сылӧн Ас пу, и сійӧ вермӧ вӧчны сыысь аслыс мый кӧсйӧ. Йиркап вӧчӧ лызь. Коймӧд вариантын пуыс висьталӧ Йиркаплы, медым сійӧ вӧчис сыысь лызь пӧв либӧ пуктіс чагсӧ бӧр. Ас пуысь вӧчӧм лызьлӧн вӧлі вӧвлытӧм ӧд. Оз на удит ломтысьны помӧдз пачыс, кыдзи Йиркап локтӧ нин угоддьӧясысь, кодъяс вӧліны сиктсянь 300 км сайын. Сӧмын на Синдор ты вевттьысяс вӧсньыдик йиӧн, кыдзи Йиркап котӧртӧ нин сы кузя промысел вылӧ. Лызьыс нуис ачыс, тырмымӧн вӧлі мӧвпыштлыны сы йылысь, кытчӧ мунны. Медым сувтӧдны, колӧ вӧлі шыбитны ас водзас шапка да кепысь, а медым лызьыс сулаліс места вылас, колӧ вӧлі пуктыны сы вылӧ шапка[1].

Йиркап да лӧз кӧр. Серпасыс А.В. Мошевлӧн

Налӧн сиктын олысь еретнича ӧтчыд висьталӧма сылы, мый ю мӧдарас кутас йирсьыны лӧз кӧр, и Йиркап кӧ сійӧс кутас, то сійӧ лоӧ свет вылас медся пельк да удачливӧй вӧралысьӧн. Мӧд асывнас Йиркаплӧн мамыс нянь пӧжалігӧн аддзӧма кельыдлӧз кӧрсӧ да садьмӧдӧдма писӧ. Йиркап вӧтлысьӧма кӧр бӧрсяыс дзик Уралӧдз, кӧні кӧрлӧн гыжъясыс кутӧмаӧсь исковтны изъяс вывті, и Йиркап суӧдӧма сійӧс. Сэки кельыдлӧз кӧр пӧрччис зэв мича нылӧ да кутіс кевмысьны Йиркаплы, мед жалитас сійӧс, но Йиркап эз сӧгласитчы, виис нылӧс, перйис сылысь сьӧлӧмсӧ, сюйис питшӧгас да мӧдӧдчис бӧр туйӧ. Йиркап нуис еретничалы виӧм кӧр нывлысь сьӧлӧмсӧ да пуктіс сылы пызан вылӧ. Тайӧ сюжетыслӧн мӧд вариант серти, еретнича вӧчис сыкӧд заклад, мый Йиркап ӧдйӧ судзӧдас комын кӧрӧс, а вот комын ӧтиӧс, кельыдлӧзӧс, сылы вины оз удайтчы. Збыльысь, Йиркап кыйис регыдӧн 30 кӧрӧс, но дыр эз вермы аддзыны комын ӧтиӧдыслысь коктуйсӧ. Медбӧрын сійӧ аддзис сійӧс да дыр вӧтӧдчӧм бӧрын суӧдіс. Сэки кӧрыс пӧрӧма катшаӧ, но Йиркап абу лэдзӧма сылы лэбзьыны, беддьӧн бордсӧ чегӧма, а сэсся виӧма. Вӧлӧмкӧ, тайӧ вӧлӧма еретничалӧн нылыс[1].

Йиркап пӧдӧма Синдор тыын, вӧсньыдик йи вывті вуджигӧн, сы вӧсна мый вӧлі сьӧктаммӧма дӧрӧм-гач мыськан васӧ юӧм бӧрын. Мӧд висьталӧм серти, пӧсялӧм нямӧд мыськан ваӧн сійӧс юктӧдӧмаӧсь мукӧд вӧралысьяс, кодъяс пыр кольӧмаӧсь кыйдӧстӧг. Нӧшта ӧти версия серти, тайӧс вӧчӧма мамыс, кодлы сылӧн мусукыс сӧветуйтӧма кӧтӧдны Йиркаплысь нямӧдсӧ квасӧн да юктӧдны сійӧн писӧ, мӧдног пӧ сійӧ кутас кыйны став звер-пӧткасӧ, и ставныс куласны тшыгла. И, медбӧрын, эм версия, мый нямӧд кӧтӧдан винаӧн юктӧдіс Йиркапӧс сылӧн ичиньыс ёретнича сӧвет серти[1].

Йиркапкӧд тшӧтш пӧгибнитіс и сылӧн лызьыс. Ӧти вариантын висьтавсьӧ, мый йисӧ жугӧдӧма сӧмын прӧстӧй лызьыс, а волшебнӧйыс орӧма кокнас ӧтлаын да лэбзьӧма Ас пуысь кольӧм мырйӧ. Мӧд висьталӧм серти, Йиркап вӧйӧма йи улӧ да орӧдӧма лыжи кӧвъяссӧ, и кылӧма волшебнӧй лызьлысь гӧлӧссӧ: эз кӧ вӧч тайӧс Йиркап, сійӧ эськӧ кыскис сійӧс берегӧ, а сідзи Йиркап пӧгибнитас и ачыс, и лызьсӧ вӧйтас. Та бӧрын лызьыс нетшыштчӧма Йиркап кокысь да лэбӧма зэв ыджыд пожӧмті. Инсӧ, кӧні вӧйлӧма Йиркап, шуӧны Йиркапув[1].

Наука туялӧмъяс

Йиркап лои паськыда тӧдса этнограф да лингвист Александр Грен (1862-1932) отсӧгӧн, коді «Иркаб. Драматические сцены из зырянского былинного эпоса» повесьтын[3] ас ногыс вуджӧдӧма Йиркап багатыр йылысь преданиеяс, та дырйи вӧдитчӧма и мукӧд коми мойдъясӧн да быличкаясӧн[4].

Йиркап йылысь легендаяссӧ чукӧртісны да туялісны Анатолий Микушев, Дмитрий Конаков, Алексей Сидоров, Иван Плосков, Юрий Рочев, Анатолий Панюков.

Аддзӧмтор

Аддзӧм лызь юкӧн

Коми Республикаса Княжпогост районын трундаысь вӧлі аддзӧма лызь юкӧн, кодлысь нырсӧ вӧлі мичмӧдӧма йӧра юрӧн[5]. Туялӧмъяс серти, сійӧс вӧчлӧмаӧсь пуысь миян эраӧдз VI сюрсвоын и ӧні сійӧс видзӧны Коми Республикаса национальнӧй музейын[6]. Сійӧс нимтісны «Йиркаплӧн лызьӧн». Тайӧ Коми Республикалӧн зэв тӧдчана культура пас[7].

Культураын тӧдчанлун

• Йиркап йылысь легенда дорӧ шыӧдчылісны Афанасий Маегов, Виктор Савин, Геннадий Фёдоров.
• Коми фольклор подув вылын прозаик Александр Суворов гижис «Йиркап» пьеса.
• «Йиркап багатыр» помавтӧм коми поэмасӧ гижис коми поэт Александр Лужиков да вуджӧдіс роч кыв вылӧ поэт Дмитрий Фролов.
• Коми Республикаса нимйӧза гижысь Алексей Поповлӧн «Йиркап» повесьт-притча серти пуктӧм спектакльсӧ 2018 воын петкӧдліс Укваса йӧзкостса драма театр (режиссёрыс Вера Гой), а сідзжӧ Виктор Савин нима академическӧй драма театр.
• 2018 воын вӧлі йӧзӧдӧма ичӧтджык арлыда челядьлы Нина Новиковалӧн «Сказки северных ветров. Йиркап» небӧг.
• 2014 воын вӧлі вӧчӧма «Йиркап» мультфильм:Йиркап.
• 2023 вося урасьӧм тӧлысьын медводдзаысь Финн-йӧгра этнокультурнӧй парк нуӧдіс «Йиркаплӧн кубок» вӧралысьяслысь ордйысьӧм[8][9]. Сідзжӧ этнопаркын уна во нин збыльмӧдсьӧ туристъяслы да шойччысьяслы «В гости к охотнику Йиркапу» проект, кӧні гӧсьтъясӧс тӧдмӧдӧны коми йӧзлӧн оласногӧн, вӧраланногӧн, петкӧдлӧны вӧралан кӧлуй да ӧружие[10] да «Легенда об Йиркапе» тур[11].

Литература

• Петрухин В. Я. Мифы финно-угров. — М.: Астрель ; АСТ ; Транзиткнига, 2005. — С. 463.
• Доронин П. Г. Материалы и документы по истории коми // НА КНЦ УрО РАН. — Ф. 1. — Оп. 12. — Д. 25. — 1947.
• Рочев Ю. Г. Коми легенды и предания. — Сыктывкар, 1984.
• Атлас Республики Коми. – Москва: Дизайн. Информация. Картография, 2001. – 551 с.
• Белицер В. Н. Очерки по этнографии народов коми: XIX - начало XX в. / В. Н. Белицер. – Москва: АН СССР, 1958. – 393 с., 9 л. ил.
• Дыхание паpмы: кн. об искусстве и лит. наpода коми / [сост. В. А. Латышева]. – Сыктывкаp, 1991. – 288 с.
• Игнатов В. Г. Легенды и сказания народа коми: [альбом репродукций] / сост. М. П. Свириденков; текст А. Микушев; ред. В. А. Попов, худож. ред. В. Б. Осипов]. – Сыктывкар: Коми кн. изд-во, 1985. – 1 папка (48 отд. л.)
• Коми легенды и предания / сост., авт. предисл. Ю. Г. Рочев. – Сыктывкар: Коми кн. изд-во, 1984. – 176 с.
• Конаков Николай Дмитриевич. Традиционное мировоззрение народов коми : Окружающий мир. Пространство и время / Н. Д. Конаков ; Рос. акад. наук, Ур. отд-ние, Коми науч. центр, Ин-т яз., лит. и истории. - Сыктывкар : Коми научный центр УрО Российской АН, 1996. - 130, [1] с. : ил.
• Кочерган Людмила Ивановна. Василий Игнатов. Стиль и этно = Vasiliy Ignatov. Art style and Ethno : [альбом / автор текста и составитель: Л. И. Кочерган ; перевод на коми язык: Е. В. Козлов ; перевод на английский язык: С. Е. Обшанская ; фотограф: А. В. Галуцкий] ; Министерство культуры, туризма и архивного дела Республики Коми, Национальная галерея Республики Коми. - Сыктывкар : Национальная галерея Республики Коми, 2020. - 51 с. : цв. ил., фот., портр. - 978-5-7934-0901-8. - Часть текста и подписи к ил. парал. на рус., коми и англ. яз. - Коми Республике - 100.
• Лимеров Павел Федорович. Коми несказочная проза : учеб. пособие по спецкурсу / П. Ф. Лимеров. - Сыктывкар : СГУ, 1998. - 96 с.
• Микушев Анатолий Константинович. Коми народный эпос : (Историко-культурные контакты): учебное пособие по спецкурсу / А. К. Микушев ; М-во высш. и сред. спец. образования РСФСР, Сыктывкарский гос. ун-т. - Сыктывкар : СГУ, 1989. - 81 с.
• Микушев Анатолий Константинович. Коми народный эпос : Историко-культурные контакты. Взаимосвязи коми эпоса : учебное пособие / А. К. Микушев ; М-во образования и науки Рос. Федерации, Сыкт. гос. ун-т. - Сыктывкар : Сыктывкарский государственный университет, 2006. - 150 с.
• Мифология Коми. – Москва - Сыктывкар: ДИК, 1999. – 480 с.: ил., карт.
• Му пуксьӧм: коми войтырлӧн мифология / лӧсьӧдiс, коми кыв вылӧ вуджӧдiс П. Ф. Лимеров; серпасалic А. В. Мошев. – Сыктывкар: Коми небӧг лэдзанiн, 2005. – 622, [2] л. б.: серпас. – На коми, рус. яз. – Пер. загл.: Сотворение мира.
• Попов А. В. Грезд: [повесьтъяс да висьтъяс] / Алексей Попов; ред. Л. Т. Попова; серпасалiс Н. Н. Коносова. – Сыктывкар: Анбур, 2008. – 421, [3] л. б. В
• Сидоров А. С. Знахарство, колдовство и порча у народа коми: материалы по психологии колдовства / Сидоров Алексей Семенович. – Санкт-Петербург: Алетейя, 1997. – 269,[13]с.
• Сказки северных ветров. Йиркап / пересказ Н. М. Новикова; худож. Е. А. Сокерина; науч. ред. Лимеров П. Ф. – Сыктывкар: Коми респ. тип., 2018. – 16, [1] с.
• Грен А. Н. Зырянская мифология / А. Грен // Коми му. – 1925. – № 1 (11). – С. 23-33.
• Грен А. Н. Иркаб: драматические сцены из зырянского эпоса // Арт. – 1994. –№ 4. – С. 44 – 65.
• Лужиков А. М. Йиркап - богатырь: поэма // Арт. 1994. № 4. С. 94 – 98.
• Кряжевская Е. Мойдвывса карта. - Йӧлӧга. - 2011. - 30 сент. - С. 7-8. - На коми яз. - Сказочная карта.
• Плосков И. А. Йиркап – Йир-Кап – Иркап – Иркаб: тексты, версии эпоса // Арт. – 1994. – № 4. – С. 37 – 40.
• Плосков И. А. О пьесе А. Грена «Иркаб» // Арт. – 1994. – № 4. – С. 66 – 68.
• Попов А. В. Йиркап: повесть-притча // Арт. – 1994. –№ 4. – С. 44 – 65.
• Предания о Йиркапе // Арт. – 1994. –№ 4. – С. 32 – 36.
• Савин В. А. Иркаб // Арт. – 1994. –№ 4. – С. 44 – 65.
• Чукля; Йиркап [Видеозапись] / Национальный музей Республики Коми. – Сыктывкар, [2012]. - 1 электрон. опт. диск (DVD-ROM) (21 мин).

Пасйӧдъяс

  1. ↑ 1 2 3 4 5 6 Йиркап // Энциклопедия уральских мифологий. Т.I. Мифология коми. / Под ред.: А.-Л. Сиикала, В.В. Напольских, М. Хоппал. Руководитель авторского коллектива Н.Д. Конаков. – М., ДиК, 1999. - С.168-170
  2. ↑ Культурная карта Республики Коми. Йиркап
  3. ↑ Грен А.Н. Иркаб. Драматические сцены из зырянского былинного эпоса // Записки Общества изучения Коми края. Усть-Сысольск, 1929. Вып. 2.
  4. ↑ Журавлёва С. Йиркап. Легендарный охотник
  5. ↑ Петрухин, 2005, с. 15.
  6. ↑ Фрагмент лыжи со скульптурным навершием в виде головы лося
  7. ↑ Журавлёва С. Самая древняя лыжа
  8. ↑ 23 февраля Финно-угорский этнопарк приглашает мужчин на Кубок Йиркапа
  9. ↑ В День защитника Отечества в этнопарке впервые прошли соревнования охотников на Кубок Йиркапа
  10. ↑ «В гости к охотнику Йиркапу»
  11. ↑ Тур "Легенда о Йиркапе"
Босьтӧма "https://kv.ruwiki.ru/w/index.php?title=Йиркап&oldid=482392"-ысь