Яг Морт

Яг Морт
Мифология	коми
Ин	Изьва ю
Рӧд	мужичӧй[d]
Йитчӧм персонажъяс	Райда
Медводдзаысь казьтӧма	1848 во

Яг Морт (рочӧн лесной человек) — коми мифологияын да культураын персонаж.

История

Яг Морт йылысь легенда вӧлі медводдзаысь йӧзӧдӧма 1848 воын «Вологодские губернские ведомости» журналын. Авторыс — М. Истомин. Авторыс пасйӧ, мый легендасӧ вӧлӧ гижӧма Изьва сиктын коми кыв вылын да вуджӧдӧма роч кыв вылӧ. Но текстология анализыс петкӧдліс, мый тайӧ гижӧдыс — коми фольклорын сюжетъяс литература боксянь обработайтӧм. Яг Морт петкӧдчӧ кыдзи йӧзлы лёк вӧчысь вӧрса великан, сыын тыдовтчӧны Вӧрсалы да Гундырлы лӧсялана качествояс.

Фольклорын образ

Легендаын историяыс мунӧ важ нэмъясӧ, кор Печӧра да Изьва юяс берег пӧлӧн олісны чудь племяяс, кодъяс эз на вӧдитны му, а вӧралісны, чери кыйисны да видзлісны скӧт. Ӧти чудь сиктӧ тшӧкыда кутіс волывлыны Яг Морт — пожӧм ыджда великан, коді вӧлі вӧрса звер кодь, вурӧм ош ку паськӧма. Сійӧ гусявліс скӧт, нывбабаясӧс да челядьӧс, а сылы паныд йӧзыс вӧліны вынтӧмӧсь. Ӧтчыд сиктса старейшиналӧн вошӧма дзик ӧти ныв Райда. Сылӧн жӧникыс чукӧртіс йӧзӧс, найӧ вӧтӧдісны Яг Мортӧс, сьӧкыд тышын вермисны сійӧс да керыштісны сылысь кияссӧ. Сэсся, сылысь юрсӧ керыштны грӧзитчӧмӧн, тшӧктісны вайӧдны сылӧн оланін дорӧ. Оліс Яг Морт вӧрын, Кучи ю берегса пещераын. Пещера дорысь йӧз аддзӧмаӧсь Райдалысь шойсӧ, сэки найӧ виӧмаӧсь Яг Мортӧс, сотӧмаӧсь пещераысь грабитӧм добычасӧ, а асьсӧ сійӧс дзебӧмаӧсь. Сэксянь тайӧ места дінтіыс быд мунысьлы колӧ вӧлі шыбитны сы вылӧ из либӧ бедь, а сэсся сьӧлыштны.

Куча юыс усьӧ Изьва юӧ Изьва сиктсянь неылын. Сыкӧд орччӧн эм Изьваса мӧд вож, кодлӧн нимыс Гӧрд Куча, сыкӧд орчча местаыс ӧнӧдз на лыддьыссьӧ гажтӧмӧн — сэні тшӧкыда «чудитчӧ, каститчӧ». Гашкӧ, буретш тайӧ ю йывсьыс и мунӧ сёрниыс легендаын.

Культураын тӧдчанлун

Литератураын

• И. А. Куратов. «Ягморт» поэма (1866—1875) — С. 107—116;
• М. Н. Лебедев. «Ягморт» поэма (1927).
• Столповский П. М. Яг-морт — лесной человек: сказка/ Петр Столповский // Национальная электронная библиотека Республики Коми / ГБУ РК «Национальная библиотека Республики Коми». Сыктывкар, 2015—2018.
• Федоров Г. А. Эзысь сюра кӧр // Бöpйöм гижöдъяс. Мöд книга. — Сыктывкар: Коми кн. изд-во. — 623 л. б.

Искусствоын

• Я. С. Перепелицалӧн «Ягморт» балет;
• В. Г. Игнатовлӧн серпасъяс;
• А. В. Мошевлӧн серпасъяс;
• В. А. Рохинлӧн «Яг Морт» скульптура;

Кинояс

• Коми инкогнито. «Яг Морт» кино
• «Яг Морт» кино (2005). Режиссёр Е. Буткин. Из фондов ГРТК «Коми Гор»

Галерея

• 

  «Яг Морт» балетысь сцена, 1961 во.

• 

  «Яг Морт» балетысь сцена, 2020 во.

• 

  В. Рохинлӧн «Яг Морт» скульптура.

• 

  А. Мошевлӧн «Яг Морт гусялӧ Райдаӧс» серпас

• 

  В. Игнатовлӧн «Яг Морткӧд тышкасьӧм» серпас

Пасйӧдъяс

Литература

• Белицер В. Н. Очерки по этнографии народов коми: XIX — начало XX в. / В. Н. Белицер. — М.: АН СССР, 1958. — 393 с., 9 л. ил.
• Игнатов В. Г. Легенды и сказания народа коми: альбом репродукций / сост. М. П. Свириденков; текст А. К. Микушев. — Сыктывкар: Коми кн. изд-во, 1985. — 1 папка (48 отд. л.).
• Кочерган Людмила Ивановна. Василий Игнатов. Стиль и этно = Vasiliy Ignatov. Art style and Ethno : [альбом / автор текста и составитель: Л. И. Кочерган; перевод на коми язык: Е. В. Козлов; перевод на английский язык: С. Е. Обшанская; фотограф: А. В. Галуцкий] ; Министерство культуры, туризма и архивного дела Республики Коми, Национальная галерея Республики Коми. — Сыктывкар : Национальная галерея Республики Коми, 2020. — 51 с. : цв. ил., фот., портр. — 978-5-7934-0901-8. — Часть текста и подписи к ил. парал. на рус., коми и англ. яз. — Коми Республике — 100.
• Куратов И. А. Художественнöй произведениеяс. Первой том / ред.: П. Г. Доронин, Д. Конюхов. — Сыктывкар: Коми Госиздат, 1939. — 323, [1] л. б.
• Лебедев М. Н. Бöрйöм гижöдъяс / М. Н. Лебедев; ред. И. Подоров; серпасалic М. Безносов. — Сыктывкар: Коми госиздат, 1940. — 318, [1] л. б.
• Лебедев М. Н. Бöрйöм гижöдъяс : [стихотворениеяс, поэмаяс, басняяс, опереткаяс] / М. Н. Лебедев; лöсьöдiс да водзкывсö гижис А. А. Вежев; ред. А. Морозова; серпасалic В. В. Поляков. — Сыктывкар: Коми книжнöй издательство, 1959. — 224, [4] л. б.
• Мифология Коми. — Москва — Сыктывкар: ДИК, 1999. — 480 с.: ил., карт.
• Му пуксьöм: коми войтырлöн мифология / лöсьöдiс, коми кыв вылö вуджöдiс П. Ф. Лимеров; серпасалic А. В. Мошев. — Сыктывкар: Коми небöг лэдзанiн, 2005. — 622, [2] л. б.: серпас.
• Семенов В. А. Традиционная духовная культура коми-зырян: ритуал и символ: учеб. пособие по спецкурсу / В. А. Семенов. — Сыктывкар: СГУ, 1991. — 79, [2] с.