Картаёль (Изьва район)
| Сикт | |
| Картаёль | |
|---|---|
| комиӧн Картаёль | |
| 64°31′27″ с. ш. 53°19′26″ в. д.GЯO | |
| Страна | Россия |
| РФ-са субъект | Коми Республика |
| Муниципальнӧй район | Изьва |
| Сикт овмӧдчӧмин | Том |
| Шӧрин вылна | 40 м |
| Йӧз | |
| Олысь лыд | 335[1] человек (2010) |
| Лыдпаса идентификаторъяс | |
| Пошта индекс | 169467 |
| ОКАТО код | 87204830002 |
| ОКТМО код | 87604430111 |
|
|
|
Картаёль (рочӧн Картаель) — Коми Республикаса Изьва районын Том сикт овмӧдчӧминӧ пырысь грезд.
Ним артмӧм
Нимыс артмӧма кык кывйысь: карта «хлев», «дом, двор» да ёль «ручей»[2].
А. Туркин серти, сикт нимыс артмӧма Картаёль ю нимсянь, мый бокын сулалӧ сиктыс. Картаёль юлӧн нимыс гӧгӧрвоӧдӧма кыдз «речка, протекающая по крестьянской надельной земле, по крестьянской вотчине»[3].
Эм и йӧзкостса этимология: важ йӧзыс шулӧмаӧсь, мый медводдза нимыс вӧлӧма Кайтаёль. Нимыс артмӧма кайт кывйысь - «ручьяслӧн му пытшкын узьланін». Кык ёль костын вӧлӧма пӧ уна руч кайт.
География
Сиктыс меститчӧма Коми Республикаса рытыв-войвылын, Печӧра увтасын, Изьва ю вожлӧн шуйга берегын. Изьва районса юрсиктсянь рытыв-лунвывлань 58 гӧгӧр километр ылнаын (веськыда). Джудждаыс саридз веркӧссянь — 40 метра[4].
- Ывласям
Ывласямыс шӧркодь континентальнӧй, тӧлыс — лымъя, кузь да кӧдзыд, гожӧмыс — дженьыд да ыркыд. Медся шоныд тӧлысьӧн лоӧ сора тӧлысь, сынӧдлӧн шӧр температураыс 14,6 °C; медся кӧдзыд тӧлысьын (тӧвшӧр тӧлысь) — −17,4 °C. Вогӧгӧрся шӧркодь енэжваыс — 527 мм[5].
- Кад кытш
Картаёль, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[6].
История
Йӧзыс олӧмаӧсь тані важӧнсянь. Ӧнія грездысь вылынджык археологъяс аддзӧмаӧсь 5 важ овмӧдчӧмин, кодъяс вӧлӧмаӧсь тані миян эраӧдз II сюрсӧдз воясын — миян эраса I сюрсӧдз воясын.
Ӧнія грездсӧ артмӧдӧмаӧсь 1763-1768 воясын Изьваса слӧбӧдаысь овмӧдчысьяс (ӧнія Изьва сикт) Григорий Леонтьевич Филиппов, Сидор Евтихиевич Филиппов, Марк Сидорович Филиппов, Бабиков Алексей да Максим Архиповичьяс да Антон Анкудинович Терентьев. 1782 воын грездас вӧлӧма 34 олысь (12 мужичӧй, 22 нывбаба), 1795 воын — 51 олысь, 1816 воын — 66 олысь. XIX нэмся мӧд джынйын татчӧ овмӧдчӧма Григорий Родионович Филипповлӧн семья (10 морт) Изьваысь; вермас лоны, сэтысь жӧ воӧмаӧсь Картаёльӧ и Баженовъяс. Мукӧд грездса олысьыс кад мысти мунӧма сэтысь мукӧд овмӧдчанінӧ. Сідз, XIX нэм шӧрын Кыдзкарӧ овмӧдчӧма Д.Е.Баженов семьянас. 1859 воын Картаёльын вӧлӧма 19 овмӧс, 150 олысь, 1905 воын — 39 овмӧс нин, 284 олысь (140 мужичӧй, 144 нывбаба).
1918 воын грездас вӧлӧмаӧсь школа да пошта станция.
1926 воын грездас вӧлӧма 52 овмӧс, 251 олысь (115 мужичӧй, 136 нывбаба). 1979 во кежлӧ олысьясыслӧн лыдыс содтӧма 502 мортӧдз, но водзӧ мунысь дас воӧ другысь чиніс: 1989 воын тані олӧма 459 морт (219 мужичӧй, 238 нывбаба, коми)[7].
1995 воын тані олӧма 487 морт, 1998 воын — 458 морт 115 овмӧсын[8].
Олысь лыд
| Вояс да олысь лыд | |||||||||||||||
|---|---|---|---|---|---|---|---|---|---|---|---|---|---|---|---|
| 1782[7] | 1795[7] | 1816[7] | 1859[7] | 1905[7] | 1926[7] | 1979[7] | 1989[7] | 1995[8] | 1998[8] | 2002[9] | 2010[10] | 2020[11] | |||
| 34 | 51 | 66 | 150 | 284 | 251 | 502 | 459 | 487 | 458 | 438 | 335 | 251 | |||
Медводдза овъяс
Филиппов, Бабиков, Терентьев[8].
Культура
Сиктын эм культура керка[12].
Велӧдӧм
Грездын эм ичӧт школа[13].
Нималана йӧз
Тӧдчана эмторъяс
Ӧтуввез
Ӧшмӧсъяс
- Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
- Республика Коми: Энциклопедия. — Сыктывкар, 1997—2000. — Т. 1—3.
- Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
- Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
- Изьва мулӧн ин нимъяс. Топонимия Ижемского района / Сост. Е.А. Хозяинова. — Изьва: МБУК «Ижемский районный историко-краеведческий музей», 2013. ISBN 978-5-7934-0535-5.
Ыстӧдъяс
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов. Шыӧдчан кадпас: 29 ӧшым тӧлысь 2014. Архивируйтӧма 4 рака тӧлысь 2016.
- ↑ А.П. Афанасьев. Топонимия Республики Коми. Словарь-справочник. Сыктывкар: Коми книжное издательство, 1996.
- ↑ А. И. Туркин. Топонимический словарь Коми АССР. Сыктывкар: Коми книжное издательство, 1986.
- ↑ Kartayël’ (англ.). GeoNames.
- ↑ Схема территориального планирования муниципального образования муниципального района "Ижемский". Федеральная государственная информационная система территориального планирования (ФГИС ТП).
- ↑ Федеральный закон от 03.06.2011 № 107-ФЗ «Об исчислении времени», статья 5 (3 лӧддза-номъя тӧлысь 2011).
- ↑ 1 2 3 4 5 6 7 8 9 Населённые пункты. Картаёль
- ↑ 1 2 3 4 Жеребцов И. Картаёль // Республика Коми. Энциклопедия. Том II. — Сыктывкар: Коми книжное издательство, 1999. — С. 66.
- ↑ http://www.perepis2002.ru/content.html?id=11&docid=10715289081460
- ↑ https://rosstat.gov.ru/free_doc/new_site/perepis2010/croc/perepis_itogi1612.htm
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Картаельский Дом досуга
- ↑ Управление образования Ижемского района. Школы
| Том сиктувса оланінъяс | 
|
|
|---|---|---|
|
||