Кыдзкар (Изьва район)
| Сикт | |
| Брыкаланск | |
|---|---|
| комиӧн Кыдзкар | |
| 65°28′28″ с. ш. 54°16′03″ в. д.GЯO | |
| Страна | Россия |
| РФ-са субъект | Коми Республика |
| Муниципальнӧй район | Изьва район |
| Сикт овмӧдчӧмин | Кыдзкар |
| История да география | |
| Лӧсьӧдӧма | 1777 |
| Воддза нимъяс | Брыка шор, Кыдзкарская, Кичкары, Брыкалань, Сизовая, Сазонова, Сибирь |
| Йӧз | |
| Олысь лыд | 585[1] человек (2010) |
| Войтырсикасъяс | Коми |
| Лыдпаса идентификаторъяс | |
| Телефон код | +7 82140 |
| Пошта индекс | 169477 |
| ОКАТО код | 87204810001 |
| ОКТМО код | 87604410101 |
| ГКГН-ын номер | 0167891 |
|
|
|
Кыдзкар (рочӧн Брыкаланск) — Коми Республикаын сикт, Изьва районса Кыдзкар сикт овмӧдчӧминса шӧрсикт.
Ним артмӧм
Сиктыслӧн вӧлӧма некымын ним.
Медшӧр нимыс кык — Кыдзкар и Брыкаланск. Тані Печӧра берег вӧлі вевттьысьӧма сук кыддза вӧрӧн, мыйысь и артмис медводз нимыс — «кыддза кар» нимын. Официал нимыс сиктыслӧн артмӧма Брыканимысь + лань суффиксысь: Брыкалань «Брыка грездлань». Бӧрынджык НЬ-ыс чорзис, и роч моз лоис Брыкаланск.
В. Латкинлӧн дневникысь тӧдса, мый вӧлӧма Сазонов мӧд ним. А. Шренклӧн материалъясын сиктыс шусьӧ Сизовӧйӧн. Вермас лоны, кыкнан вариантыс йитчӧма Сизяб сикт нимкӧд, коді Брыка сиктсянь неуна вылынджык[2].
География
Сикт пукалӧ Печӧра юлӧн веськыд берегын. Кыдзкарсянь Изьва юрсиктӧдз 100 км гӧгӧр.
- Ывласям
Ывласямыс умереннӧй континентальнӧй. Тӧлыс кузь да кӧдзыд, гожӧмыс кӧть и шоныд, но дженьыд. Гожӧмын вермас кынтыны.
- Час кытш
Кыдзкар, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[3].
История
Татчӧс йӧзлӧн висьталӧм серти, сиктсӧ 1777 воын подулалӧма Брыка грездысь Даниил Терентьев, коді овмӧдчӧма "Брыка шор" нима шор вом дорӧ. Сёрӧнджык татчӧ воӧмаӧсь Изьва берегъясысь мукӧд йӧз, кодъяс овмӧдчӧмаӧсь Печора кузя куим верстӧн улӧджык. 1782 вося IV ревизия материалъясын тайӧ сиктыс абу пасйӧма. Но 1795 вося V ревизия материалъясын пасйӧма, мый 1782 воын "Брыкалан грездын" олӧма 35 морт (13 мужичӧй, 22 нывбаба). 1795 воын тані вӧлі нин 55 морт (25 мужичӧй, 30 нывбаба). 1816 воын ("Брыкаланскӧй грезд") - 81 морт (41 мужичӧй, 40 нывбаба). 1837 воын татчӧ овмӧдчӧма И. П. Терентьев семьянас Сизябысь, 1843 воын татчӧ воис Изьва сиктысь нӧшта ӧти семья (16 морт). 1845 воын сідзжӧ Изьва сиктысь Кыдзкарӧ воис Е. И. Немчинов семьяыскӧд, сійӧ жӧ воясӧ кымын татчӧ овмӧдчис и "выльӧн пырӧм самоед" (яран) Т. О. Ануфриев семьянас (гашкӧ, Колваысь).
1859 воын "Брыкаланскӧй сиктын" вӧлі 49 овмӧс, 378 олысь (196 мужичӧй, 182 нывбаба), вичко. 1897 воын тані оліс 796 морт, 1905 воын — 897 морт. 1918 воын Кыдзкар вӧлі Кыдзкар волостьлӧн шӧринӧн, тані вӧліны волостнӧй управа, школа, вӧлі 162 овмӧс, 1061 олысь. 1918 воын казьтыштӧма сідзжӧ Брыкашор грезд, кӧні вӧлӧма 3 овмӧс, 16 олысь. Сійӧ вӧлӧма Кыдзкарсянь кык верст сайын, овмӧдчӧминъяслӧн бӧръя лыддьӧгъясын абу пасйӧма[4].
1846 вося мусерпас вылын пасйӧма кыдз Кыдзкарская, 1870-1892 воясся мусерпас вылын — Кичкары, 1932 вося мусерпас вылын Кыдзь-кар[2].
1885 воын тані вӧлі стрӧитӧма вичко. 1891 воын восьтісны вичко бердын школа, а 1899 воын восьтісны грамота школа, и 1915 воын - Просвещение министерволысь школа. 1916 воын сиктын котыртісны потребительскӧй котыр[5].
Олысь лыд
Грездын олӧны комияс.
| Вояс да олысь лыд | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| 1782 | 1795 | 1816 | 1859 | 1897 | 1905 | 1918 | 1970 | 1979 | 1989 | 2000 | 2006 | 2007 | 2010 | ||||
| 35 | 55 | 81 | 378 | 796 | 897 | 1061 | 609 | 585 | |||||||||
Медводдза овъяс
Культура
Сиктын эм культура керка[6].
Велӧдӧм
Сиктын эм шӧр школа[7].
Нималана йӧз
• Рочев Николай Никитич (комиӧн — Микит Микол) (1922—2004) — коми история туялысь, история наукаясса кандидат, Коми наука шӧринысь Кыв, литература да история институтса веськӧдлысь (1970—1985).
• Рочев Николай Васильевич (1962—2018) — общественнӧй удж вӧчысь.
Тӧдчана эмторъяс
Ӧтуввез
Ӧшмӧсъяс
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Энциклопедия. — Сыктывкар, 1997—2000. — Т. 1—3.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
• Изьва мулӧн ин нимъяс. Топонимия Ижемского района / Сост. Е.А. Хозяинова. — Изьва: МБУК «Ижемский районный историко-краеведческий музей», 2013. ISBN 978-5-7934-0535-5.
Ыстӧдъяс
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов. Шыӧдчан кадпас: 29 ӧшым тӧлысь 2014. Архивируйтӧма 4 рака тӧлысь 2016.
- ↑ 1 2 А. И. Туркин. Топонимический словарь Коми АССР. Сыктывкар: Коми книжное издательство, 1986.
- ↑ Федеральный закон от 03.06.2011 № 107-ФЗ «Об исчислении времени», статья 5 (3 лӧддза-номъя тӧлысь 2011).
- ↑ Населённые пункты. Брыкаланск
- ↑ Бурьян М., Эрнтс Ю. Брыкаланск // Республика Коми. Энциклопедия. Том I. — Сыктывкар: Коми книжное издательство, 1997. — С. 276-277.
- ↑ Брыкаланский сельский Дом культуры
- ↑ МБОУ "Брыкаланская СОШ"
| Кыдзкар сиктувса оланінъяс | 
|
|
|---|---|---|
|
||