Втюрина Людмила Зарниевна
| Втюрина Людмила Зарниевна | |
|---|---|
 | |
| Чужан лун | 1964-ӧд вося тӧвшӧр тӧлысь 11-ӧд лун (62 арӧс) |
| Чужанін | |
| Мыйся уджыс | поэт, гижысь, библиотекарь |
Втюрина Людмила Зарниевна (Зарни Люся; 1964-ӧд вося тӧвшӧр тӧлысь 11-ӧд лун, Кельчиюр, Коми АССР) — коми гижысь.
Олантуй
Зарни Люся чужӧма 1964-ӧд вося тӧвшӧр тӧлысь 11-ӧд лунӧ Коми АССР-ын Изьва районса Кельчиюр сиктын. 1979-ӧд воын помалӧма Кельчиюрса школа, 1981-ӧд воын — Красноборса шӧр школа.
1985-ӧд воын помалӧма Перымын канмуса культура институтысь библиотека факультет. 1985-ӧд восянь уджалӧ Сыктывкарын, С. Я. Маршак нима Коми Республикаса челядьлы национальнӧй библиотекаын веськӧдлӧма отделӧн[1].
Гижан удж
Людмила Втюриналысь кывбуръяссӧ йӧзӧдлiсны республикаса газет-журналлӧн лист бокъяс вылын, а сiдзжӧ «Сыктывкар», «Был у меня хороший друг», «Собрание разлук», «У камелька», «Kuum ӧӧ» (эст кыв вылын) небӧгъясын.
2006-ӧд воын Зарни Люсялӧн петӧма «Шоныд діяс» медводдза небӧг, 2010-ӧд воын «Народная библиотека» серияын — «Майбыр кад» кывбур ӧктӧд.
Зарни Люся гижӧ рочӧн, комиӧн да изьва кылӧн кывбуръяс да проза. Изьва кылӧн гижӧдъяс петавлісны «Арт» журналлӧн 2012 вося 2-ӧд номерын[2] . Изьва сёрнисикасӧн йӧзӧдӧма «Дзоляньлӧн дзольгӧм» да «Менам шоныд діяс» повесьтъяс.
Челядьлы кывбуръяс петісны «Шоныдін» небӧгын (2018).
2015-ӧд восянь пырӧ Россияса гижысь котырӧ.
Людмила Втюрина дасьтылӧма «Дзолюк» радиопередачалы некымын сценарий, а сідзжӧ коми челядь литератураысь некымын материал. Лӧсьӧдӧма челядь уджъясысь некымын сборник, краеведениеысь да коми литератураысь 60 сайӧ библиотека удж[3].
Небӧгъяс
• Шоныд діяс: Кывбуръяс / Лӧсьӧдіс В.В. Тимин; Ред. П.И. Симпелев; Серпасаліс Л.Ю. Щербакова. — Сыктывкар: Коми небӧг лэдзанін, 2006. — 48 л.б. (тираж — 500)
• Майбыр кад. — Сыктывкар, 2010.
• Кывбуръяс [Препринт]. — Сыктывкар, 2011.
• Тӧвся ӧшкамӧшка. — Сыктывкар, 2013.
• Олӧмлы ода. Ода жизни. Кывбуръяс. Стихи / Серпасаліс С.Г. Семяшкин. — Сыктывкар: ООО «Изд-во «Кола», 2014. — 224 с.
• Втюрина Л.З. (Зарни Люся). Дзолянлӧн дзольгӧм (Журчание родника): повести и стихотворения. — Сыктывкар: ООО «Коми республиканская типография», 2016. — 192 с. (тираж 300) (изьва сёрнисикасӧн да роч вылӧ вуджӧдӧмӧн)
• Шоныдін. — Сыктывкар, 2018.
Наградаяс
• «Эзысь борд» республикаса литературнӧй конкурсын торъя призъяс босьтысьӧн (2006, 2008);
• Культура да искусство юкӧнын Коми Республикаса Веськӧдлан котырлӧн Канму премияа лауреат (2006);
• Россия Федерацияса Веськӧдлан котыр бердын Россияса канму военнӧй историко-культурнӧй шӧринлысь «Россияса патриот» памятнӧй медаль (2008)[4];
• Коми Республикаса нимӧдана уджалысь (2015)[5].
Пасйӧдъяс
- ↑ Втюрина Людмила Зарниевна (рус.). НБРК. Шыӧдчан кадпас: 13 йирым тӧлысь 2025.
- ↑ Втюрина Л. «Сьӧлэм вылын сэтшем югыд мыляке...» (рус.). «Арт» журнал. Шыӧдчан кадпас: 13 йирым тӧлысь 2025.
- ↑ Морохина В. Коми писательница Людмила Втюрина выпустила сборник стихов для детей «Шоныдiн» («Теплая сторонка») (рус.). Комиинформ (14 тӧвшӧр тӧлысь 2019). Шыӧдчан кадпас: 13 йирым тӧлысь 2025.
- ↑ Малева А. Людмила Зарниевна Втюрина // Писатели Коми : биобиблиогр. слов. : в 2 т. Т.1. — Сыктывкар, 2017. — С. 192-195.
- ↑ Ряд жителей Коми награждены почетными званиями и грамотами (рус.). Комиинформ (28 косму тӧлысь 2015). Шыӧдчан кадпас: 13 йирым тӧлысь 2025.