Кельчиюр (Изьва район)
| Сикт | |
| Кельчиюр | |
|---|---|
| комиӧн Кельчиюр | |
| 65°16′27″ с. ш. 52°59′43″ в. д.GЯO | |
| Страна | Россия |
| РФ-са субъект | Коми Республика |
| Муниципальнӧй район | Изьва |
| Сикт овмӧдчӧмин | Кельчиюр |
| Шӧрин вылна | 37 м |
| Йӧз | |
| Олысь лыд | |
| Лыдпаса идентификаторъяс | |
| Пошта индекс | 169474 |
| ОКАТО код | 87204840001 |
| ОКТМО код | 87604440101 |
|
|
|
Кельчиюр (рочӧн Кельчиюр) — Коми Республикаса Изьва районын Кельчиюр сикт овмӧдчӧминса шӧрсикт.
Ним артмӧм
Нимыс артмӧма Изьва юлӧн шуйгаладор бокті визувтысь шар (шор, вис) нимсянь - Кельчишар[2]. Важӧн тайӧ вӧлӧма кельчи кыянін. Сиктыс вӧлі шарлӧн вылыс юкӧнын (комиӧн - юр) да первойсӧ шусьыліс Кельчишаръюрӧн. Водзӧ вылӧ шуӧм кокньӧдӧм могысь шар кывсӧ вӧлі лэдзӧма, и сиктыслӧн лои ӧнія нимыс Кельчиюр[3].
География
Грездыс меститчӧма Коми Республикаса рытыв-войвылын, Печӧра увтасын, Изьва ю юлӧн веськыд берегын, Изьва сиктсянь, районса административнӧй шӧринсянь, рытыв-войвывлань 50 гӧгӧр километр (веськыда) ылнаын[4].
- Ывласям
Ывласямыс шӧркодь континентальнӧй, уна лымъя кузь кӧдзыд тӧв да дженьыд ыркыд гожӧм. Медся шоныд тӧлысьӧн лоӧ сора тӧлысь, сынӧдлӧн шӧркодь температураыс 14,6 °C; медся кӧдзыд тӧлысьын (тӧвшӧр тӧлысь) — −17,4 °C. Вогӧгӧрся шӧркодь енэжваыс 527 мм.[5].
- Час кытш
Кельчиюр, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[6].
История
Медводдза овмӧдчанінъясыс артмисны тані мезолит кадӧ на: буретш тайӧ кадсяӧн лыддьысьӧ сувтланін, мый аддзӧмаӧсь археологъяс сиктсяньыс рытыв-лунвылынджык. Мӧд важ овмӧдчанін, мый меститчӧма неылын, вӧлӧма бронза нэмын.
Ӧнія сиктсӧ артмӧдӧма 1763-1770 воясын Семён Акимович Сметанин да Филипп Матвеевич Вокуев. А.П. Афанасьев серти, сиктсӧ артмодӧма 1755 воын[7].
1782 воын Кельчишаръюр грездын олӧма 25 морт (14 мужичӧй, 11 нывбаба), 1795 воын — 33 морт, 1816 воын — 47 морт, 1850 воын — 127 морт. Олысьясыслӧн лыдыс содӧма абу сӧмын чужӧм вӧсна, но и мукӧд овмӧдчӧминысь овмӧдчысьяс вӧсна. Сідз, XIX нэм шӧрын Кельчиюрӧ овмӧдчӧмаӧсь К.З.Бабиков семьянас Неридзысь, И.Д.Вокуев семьянас Сизябысь; волӧмаӧсь сідзжӧ йӧз Шелляюрысь да мукӧдлаысь. 1859 воын Кельчиюрын артавсьӧма 18 овмӧс, 158 олысь (68 мужичӧй, 90 нывбаба), 1905 воын 39 овмӧс нин, 285 олысь (138 мужичӧй, 147 нывбаба). 1920 во кежлӧ овмӧс лыдыс содӧма 47-ӧдз, а олысьясыслӧн лыдыс чинӧма 247 мортӧдз (108 мужичӧй, 139 нывбаба). 1926 воын Кельчиюрын вӧлӧма 51 овмӧс, 301 олысь (138 мужичӧй, 163 нывбаба). 1930 воын грездас вӧлӧма школа да лыддьысян керка. Сёрджык Кельчиюр лоӧма сиктӧн, олысьясыс сэні содӧмаӧсь. 1970 воын тані олӧма 489 морт; 1979 во кежлӧ олысьясыслӧн лыдыс чинӧма 429-ӧдз водзӧ мунысь дас воас пӧшти эз вежлась: 1989 воын тані олӧма 425 морт (230 мужичӧй, 195 нывбаба, коми)[8].
Административнӧя сиктыс пырліс Изьва-Печора уездса Галовскӧй вӧлӧсьтӧ[9].
Олысь лыд
| Вояс да олысь лыд | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| 1782 | 1795 | 1816 | 1850 | 1859 | 1905 | 1920 | 1926 | 1970 | 1979 | 1989 | 2007 | 2010 | 2021 | ||||||
| 25 | 33 | 47 | 127 | 158 | 285 | 247 | 301 | 489 | 429 | 425 | 415 | 399 | 1404 | ||||||
Медводдза овъяс
Культура
Велӧдӧм
Сиктын эм шӧр школа[10].
Нималана йӧз
• Втюрина Людмила Зарниевна (Зарни Люся; 1964) — коми гижысь.
• Сметанин Александр Франсович (Франс Ӧльӧксан, (1949-2010 во) — история туялысь, история наукаяс кандидат, Коми наука шӧринысь Кыв, литература да история институтса веськӧдлысь (1996-2010 во).
• Огнев Леонид Степанович (1932—1991) — коми гижысь, журналист. Коми канмуса педагогика институтысь физика-математика факультет помалӧм бӧрас велӧдӧма Изьва районса Кельчиюр сиктын математика.
Тӧдчана эмторъяс
Ӧтуввез
Ӧшмӧсъяс
• Атлас Республики Коми. — Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Энциклопедия. — Сыктывкар, 1997—2000. — Т. 1—3.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
Ыстӧдъяс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ А.П. Афанасьев. Топонимия Республики Коми. Словарь-справочник. Сыктывкар: Коми книжное издательство, 1996.
- ↑ Топонимический словарь Республики Коми. - К -. Шыӧдчан кадпас: 25 косму тӧлысь 2020. Архивируйтӧма 20 урасьӧм тӧлысь 2011.
- ↑ Kel’chiyur (англ.). GeoNames.
- ↑ Схема территориального планирования муниципального образования муниципального района "Ижемский" (недоступная ссылка — история). Федеральная государственная информационная система территориального планирования (ФГИС ТП).
- ↑ Федеральный закон от 03.06.2011 № 107-ФЗ «Об исчислении времени», статья 5 (3 лӧддза-номъя тӧлысь 2011).
- ↑ А.П. Афанасьев. Топонимия Республики Коми. Словарь-справочник. Сыктывкар: Коми книжное издательство, 1996.
- ↑ Населённые пункты. Кельчиюр
- ↑ Список населенных мест Архангельской губернии На 1-е мая 1922 г. : С прил. списков населенных мест Мурман. губ., Кем. уезд. Карел. труд. коммуны и Печер. уезда Обл. Коми (Зырян.). Архангельск. 1922 стр. 179
- ↑ МБОУ "Кельчиюрская СОШ им. А.Ф. Сметанина"
| Кельчиюр сиктувса оланінъяс | 
|
|
|---|---|---|
|
||