Ласта (Изьва район)

Босьтӧма Рувикиысь
Грезд
Ласта
комиӧн Ласта
64°55′40″ с. ш. 53°48′35″ в. д.GЯO
Страна  Россия
РФ-са субъект Коми Республика
Муниципальнӧй район Изьва
Сикт овмӧдчӧмин Изьва
Шӧрин вылна 62 м
Йӧз
Олысь лыд
Лыдпаса идентификаторъяс
Пошта индекс 169460
ОКАТО код 87204820002
ОКТМО код 87604420111
Ласта (Изьва район) (Россия)
Точка
Ласта
Red pog.svg
Москва

Ласта (рочӧн Ласта) — Коми Республикаын Изьва районса Изьва сикт овмӧдчӧмин улӧ пырысь грезд.

Ним артмӧм

Сиктлӧн нимыс артмӧма ласта кывйысь «увтасін, веськыд видз» вежӧртасын. Нимыс сетӧ сикт гӧгӧрса месталы характеристика [2].

География

Грездыс меститчӧма Коми Республикаса рытыв-войвылын, Печӧра увтасын, Изьва ю юлӧн веськыд берегын, Изьва сиктсянь, районса административнӧй шӧринсянь, рытыв-лунвывлань 7 гӧгӧр километр (веськыда) ылнаын.

Ывласям

Ывласямыс шӧркодь континентальнӧй, уна лымъя кузь кӧдзыд тӧв да дженьыд ыркыд гожӧм. Медся шоныд тӧлысьӧн лоӧ сора тӧлысь, сынӧдлӧн шӧркодь температураыс 14,6 °C; медся кӧдзыд тӧлысьын (тӧвшӧр тӧлысь) — −17,4 °C. Вогӧгӧрся шӧркодь енэжваыс 527 мм.[3]

Час кытш

Ласта, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].

История

Артмӧма 1745 да 1763 вояс костын. 1782 воын Ластинскӧй грездын олӧма 76 морт (41 мужичӧй, 35 нывбаба), 1795 воын — 95 морт, 1816 воын — 159 морт (76 мужичӧй, 83 нывбаба). Грездса мукӧд олысьыс овмӧдчалӧмаӧсь мукӧдлаӧ: сідз, 1835-1850 воясӧ П.В. Канев семьянас (ставнас 15 морт) мунӧмаӧсь Кедвавомӧ. Е.Е. Канев семьянас (8 морт) — Поромӧсьӧ. Но та вылӧ видзӧдтӧг, олысьясыслӧн лыдыс ӧдйӧ содӧма: 1850 воын тані олӧма 401 морт нин (184 мужичӧй, 217 нывбаба). 1859 воын Ласта грездын вӧлӧма 51 овмӧс, 413 олысь (182 мужичӧй, 231 нывбаба). 1926 воын Ластаын вӧлӧма 81 овмӧс, 414 олысь (189 мужичӧй, 225 нывбаба). 1970 во кежлӧ грездса олысьясыслӧн лыдыс чинӧма 377 мортӧдз; 1979 во кежлӧ — 296 мортӧдз. 1989 воын Ластаын олӧма 309 морт (164 мужичӧй, 145 нывбаба, коми) — этшаджык XIX нэм шӧр серти [5].
1867-1869 воясӧ сиктын стрӧитісны Василий Великӧйлысь, Григорий Богословлысь да Иоанн Златоустлысь вичко, а 1871 вося тӧвшӧр тӧлысь 18-ӧд лунӧ вежӧдісны. 1893 воын сиктын воссис грамота школа [6]. 1920 воын сиктын вӧлі 76 овмӧс и оліс 338 морт (136 мужичӧй и 202 нывбаба). Административнӧя вӧліс Изьва-Печора уездса Изьва вӧлӧсьтын Ласта обществолӧн шӧринӧн[7].

Олысь лыд

Грездын олӧны комияс

Вояс да олысь лыд
1782[6] 1795[6] 1816[6] 1850[6] 1859[6] 1920[6] 1926[6] 1970[6] 1979[6] 1989[6] 1995[6] 1998[6] 2002[8] 2010[9] 2020[10]
76 95 159 401 413 338 414 377 296 309 360 328 319 286 247
100
200
300
400
2002
2010
2020

Медводдза овъяс

Грездса медводдза олысьясыслӧн вӧлӧмаӧсь Канев, Филиппов, Хозяинов овъяс[6].

Культура

Грездын эм культура керка[11].

Велӧдӧм

Сиктын эм Ластаса ичӧт школа[12].

Нималана йӧз

Тӧдчана эмторъяс

Ӧтуввез

Ӧшмӧсъяс

• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Энциклопедия. — Сыктывкар, 1997—2000. — Т. 1—3.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
• Изьва мулӧн ин нимъяс. Топонимия Ижемского района / Сост. Е.А. Хозяинова. — Изьва: МБУК «Ижемский районный историко-краеведческий музей», 2013. ISBN 978-5-7934-0535-5.

Ыстӧдъяс

  1. ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
  2. ↑ Топонимический словарь Республики Коми. - Л -. Шыӧдчан кадпас: 29 косму тӧлысь 2020. Архивируйтӧма 20 вӧльгым тӧлысь 2012.
  3. ↑ Схема территориального планирования муниципального образования муниципального района "Ижемский" (недоступная ссылка — история). Федеральная государственная информационная система территориального планирования (ФГИС ТП).
  4. ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
  5. ↑ Населённые пункты. Ласта
  6. ↑ 1 2 3 4 5 6 7 8 9 10 11 12 13 14 Жеребцов И. Ласта // Республика Коми. Энциклопедия. Том II. — Сыктывкар: Коми книжное издательство, 1999. — С. 188.
  7. ↑ Список населенных мест Архангельской губернии На 1-е мая 1922 г. : С прил. списков населенных мест Мурман. губ., Кем. уезд. Карел. труд. коммуны и Печер. уезда Обл. Коми (Зырян.). Архангельск. 1922 стр. 181
  8. ↑ http://www.perepis2002.ru/content.html?id=11&docid=10715289081460
  9. ↑ https://rosstat.gov.ru/free_doc/new_site/perepis2010/croc/perepis_itogi1612.htm.
  10. ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
  11. ↑ Ластинский Дом досуга
  12. ↑ МБОУ "Ластинская НОШ"
Изьва сиктувса оланінъяс Coat of arms of the Komi Republic Flag of the Komi Republic
Ӧнія оланінъяс:

Изьва • Кӧсьта • Ласта •

Босьтӧма "https://kv.ruwiki.ru/w/index.php?title=Ласта_(Изьва_район)&oldid=452289"-ысь