Льӧмты (Вуктыл кытш)
| Посёлок | |
| Льӧмты | |
|---|---|
 | |
| 63°52′19″ с. ш. 56°50′12″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй кытш | Вуктыл |
| Йӧз | |
| Олысь лыд | |
| Лыдпаса идентификаторъяс | |
| Пошта индекс | 169577 |
| ОКАТО код | 87412808002 |
| ОКТМО код | 87512000111 |
|
|
|
Льӧмты (рочӧн Лемты) — Коми Республикаын Вуктыл муниципальнӧй кытшӧ пырысь посёлок.
Ним артмӧм
Посёлоклӧн нимыс йитчӧма Льӧмты ты нимкӧд, мыйкӧд орччӧн сулалӧ посёлокыс. Льӧмты — «ты, кӧні быдмӧны льӧм пуяс»[2].
География
Посёлок пукалӧ Льӧмъю ю дорын Печӧра юлӧн шуйга берег дорын, Вуктыл карсянь рытыввывлань 23 км ылнаын.
- Ывласям
Ывласямыс шӧркодь континентальнӧй, кузь кӧдзыд тӧв да дженьыдик ыркыд гожӧм. Тӧлысьнас сынӧдлӧн шӧр температураыс тӧвшӧр тӧлысьын — минус 17,9°C, сора тӧлысьын — плюс 16,2°C. Вогӧгӧрся шӧр температураыс — минус 1,4°C. Сынӧдлӧн температураыс 0 °C-ысь вылынджык вонас 171 лун. Гожӧмын сэзь да торъя нин тӧвтӧм лунъясӧ му веркӧслӧн температураыс векджык овлӧ тӧдчымӧн ыджыдджык сынӧд температураысь: весиг сывлытӧм кын йир районъясын му веркӧслӧн температураыс вермӧ воны плюс 40°C-ӧдз.
Вогӧгӧрся шӧркодь васӧдлуныс 78 %. Во чӧжӧн енэжваыс усьӧ 635 мм[3].
- Час кытш
Льӧмты, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Василий Николаевич Латкинлӧн Печӧраӧ 1840 да 1843 воясӧ ветлігӧн гижӧм дневникын пасйӧма Льӧмты грезд, кӧні вӧлӧма куим керка. 1850 вося ревизия серти Льӧмты грездын вӧлӧма 2 овмӧс, 10 морт. Татчӧс олысьясыс вӧралӧмаӧсь, чери кыйӧмаӧсь[5].
1926 воын тані вӧлі 38 овмӧс да 102 морт. 1928 воын воссис школа, кӧні велӧдчис 42 велӧдчысь[5].
1931 воын тані вӧлі котыртӧма «Льӧмъю» колхоз. Грездкӧд орччӧн 1930-ӧд вояс заводитчигӧн вӧлі посёлок, кӧні спецпереселенечьяс лэдзисны вӧр[5].
1939 воын — Льӧмты вӧр участок, кӧні пасйӧма 65 мортӧс. 1956 воын — вӧр лэдзысьяслӧн посёлок[6].
1959 воын тані оліс 363 морт, рочьяс. 1960-ӧд воясӧ вӧлі ӧтувтӧма Льӧмты грездкӧд[6].
1970 воын посёлокын оліс 711 морт, 1979 воын — 631 морт, 1989 воын — 658 морт, 1995 воын — 522 морт, 1998 воын — 485 морт 184 овмӧсын[6].
Йӧз
Пасйӧдъяс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ О муниципальном образовании (рус.). АМО «Вуктыл». Шыӧдчан кадпас: 5 кӧч тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 3 Лемты. Хроника событий. 50 лет со дня образования Вуктыльского района (рус.). Вуктыльская библиотека (8 косму тӧлысь 2025). Шыӧдчан кадпас: 5 кӧч тӧлысь 2025.
- ↑ 1 2 3 Жеребцов И. Лемты // Республика Коми. Энциклопедия. Том II. — Сыктывкар: Коми книжное издательство, 1999. — С. 198.
- ↑ http://www.perepis2002.ru/content.html?id=11&docid=10715289081460.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
Литература
- Атлас Республики Коми. — Москва, 2000.
- Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
