Кырта (Вуктыл кытш)
| Посёлок | |
| Кырта | |
|---|---|
 | |
| 64°03′07″ с. ш. 57°41′22″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй кытш | Вуктыл |
| Йӧз | |
| Олысь лыд | |
| Лыдпаса идентификаторъяс | |
| Пошта индекс | 169584 |
| ОКАТО код | 87412842002 |
| ОКТМО код | 87512000106 |
|
|
|
Кырта (рочӧн Кырта) — Коми Республикаын Вуктыл муниципальнӧй кытшӧ пырысь посёлок.
Ним артмӧм
Посёлокыслӧн нимыс артмӧма кырта коми сёрнисикас кывйысь «скала». Посёлокыс меститчӧма меститчӧма кориз восьсаинъяса Печӧра юлӧн джуджыд берегын[2]. Медводдза нимыс вӧлӧма Еджыд Кырта.
География
Посёлокыс сулалӧ Печӧра юлӧн веськыд берегын Вуктыл карсянь 29 км асыв-войвылын.
- Ывласям
Ывласямыс шӧркодь континентальнӧй, кузь кӧдзыд тӧв да дженьыдик ыркыд гожӧм. Тӧлысьнас сынӧдлӧн шӧр температураыс тӧвшӧр тӧлысьын — минус 17,9 °C, сора тӧлысьын — плюс 16,2 °C. Вогӧгӧрся шӧр температураыс — минус 1,4 °C. Сынӧдлӧн температураыс 0°C-ысь вылынджык вонас 171 лун. Гожӧмын сэзь да торъя нин тӧвтӧм лунъясӧ му веркӧслӧн температураыс векджык овлӧ тӧдчымӧн ыджыдджык сынӧд температураысь: весиг сывлытӧм кын йир районъясын му веркӧслӧн температураыс вермӧ воны плюс 40°C-ӧдз.
Вогӧгӧрся шӧркодь васӧдлуныс 78 %. Во чӧжӧн енэжваыс усьӧ 635 мм[3].
- Час кытш
Кырта, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Посёлоклы подувсӧ пуктӧма 1931 воын геолог К. Г. Войновский-Кригерӧн Печӧраӧ Тшугӧр ю усьӧмин дорысь из шом куйлӧд восьтӧм бӧрын.
Тані заводитчис Ухтпечлагын медводдза из шом перйӧм. Из шомсӧ перйисны заключённӧйяс. Заключённӧйяслӧн лыдыс воліс 4,5 сюрс мортӧдз. Еджыд Кырта медводдза эксплуатационнӧй шахтасӧ вӧлі восьтӧма 1932 воын. Перйӧм изшомсӧ волокушаясӧн, бӧрынджык узкоколейкаяс рельсъяс кузя вӧв кыскалӧмӧн ваявлісны берегӧдз да нуисны баржаясӧн Кардорӧдз. Шахтаясыс вӧліны посёлоксянь 5 км ылнаын[5]
Айму вӧсна Ыджыд тыш бӧрын Кыртаын вӧлі 4000 гӧгӧр заключённӧй, 400 охранник да 700 вольнонаёмнӧй[6].
1957 вося сора тӧлысьын КПСС Коми обком бюролӧн решениеӧн вӧлі примитӧма предприятие тупкӧм йылысь шуӧм сы вӧсна, мый Эжва-Кыртаса рудниклӧн из шомыс вӧліс «самовозгораемӧй» сикаса да сійӧс эз позь нуны ылі местаясӧ, а сідзжӧ из шомсӧ перйӧмыс да нуӧм-вайӧмыс вевтыртіс ас донсӧ. Татчӧс шахтаяслӧн став уджалан кад чӧжӧн рудник вылын вӧлі перйӧма 1,5 млн тонна из шом[5].
1958 воын Еджыд Кырта лои нин вӧр лэдзысьяслӧн посёлокӧн. Вӧрсӧ пӧрӧдлісны киӧн да петкӧдлісны вӧвъясӧн. Тулыснас Печӧра ю кузя муніс вӧр мольӧн кылӧдӧм. Кад кольӧм бӧрын вӧр лэдзысьяслӧн уджыс механизируйтчис. Стрӧитісны да бурмӧдісны посёлоксӧ: лоины выль оланінъяс, детсад, яслияс, вузасянінъяс[5].
1960 воын Кырта сиктсӧвет вӧлі бырӧдӧма, овмӧдчӧминъяссӧ пыртӧма Пӧдчерем сиктсӧветӧ. 1975 воын Кырта посёлок пырис Вуктыл районӧ[5].
1957 воын шахтасӧ тупкисны, кыдзи абу рентабельнӧйӧс, шахтёръясӧс мӧдӧдісны Интаӧ, а посёлокын восьтісны вӧрпромхоз. Рудниклӧн шахтаяс уджалігӧн перйӧма 1,5 миллион гӧгӧр тонна из шом. 1990-ӧд воясӧ, кор вӧрпромхозсӧ тупкисны, олысьяслӧн тӧдчана юкӧныс эновтіс посёлоксӧ. Колисны сӧмын пенсионеръяс[7].
Йӧз
Пасйӧдъяс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ О муниципальном образовании (рус.). АМО «Вуктыл». Шыӧдчан кадпас: 8 кӧч тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 3 4 Кырта. Хроника событий. 50 лет со дня образования Вуктыльского района (рус.). Вуктыльская ЦБС (28 лӧддза-номъя тӧлысь 2025). Шыӧдчан кадпас: 8 кӧч тӧлысь 2025.
- ↑ Алексей Иевлев. «Еджыд кырта» - первая шахта Интастроя // Сайт Интинского краеведческого музея. Архивировано 12 моз тӧлысь 2020 года.
- ↑ {{Статья|ссылка=http://respublika11.ru/2018/07/11/kyirta-zhizn-posredi-taygi/%7Cавтор=Галина Гаева|заглавие=Кырта: жизнь посреди тайги|год=2018|язык=|издание=«Республика»|тип=|месяц=|число=|том=|номер=|страницы=|issn=|archivedate=2018-09-12|archiveurl=https://web.archive.org/web/20180912101750/http://respublika11.ru/2018/07/11/kyirta-zhizn-posredi-taygi/}%7Caccessdate=2025.09.08}
- ↑ http://www.perepis2002.ru/content.html?id=11&docid=10715289081460.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
Литература
- Атлас Республики Коми. — Москва, 2000.
- Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
