Тшугӧр (Вуктыл кытш)
| Грезд | |
| Тшугӧр | |
|---|---|
 | |
| 64°16′ с. ш. 57°37′ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй кытш | Вуктыл |
| История да география | |
| Лӧсьӧдӧма | XVIII нэм |
| Воддза нимъяс | Усть Щогурска, Устьщугорска, Щугор, Щугорская, Щугур-Дин, Щугорское, Усть-Щугор |
| Шӧрин вылна | 73 м |
| Ывласям | шӧркодь континентальнӧй |
| Лыдпаса идентификаторъяс | |
| Телефон код | +7 82146 |
| Пошта индекс | 1695829 |
| ОКАТО код | 87412850003 |
| ОКТМО код | 87512000151 |
| ГНКК-ын номер | 0172137 |
|
|
|
Тшугӧр (рочӧн Усть-Щугор) — Коми Республикаын Вуктыл муниципальнӧй кытшӧ пырысь грезд. 2015 вося вӧльгым тӧлысь 19-ӧд лунӧдз вӧлі Вуктыл районса Сопльӧс сикт овмӧдчӧмин улӧ пырысь грездӧн.
Ним артмӧм
Грезд ним артмӧма Тшугӧр ю нимсянь[1].
География
Грездыс пукалӧ Печӧра юлӧн шуйгаладорас, Тшугӧр ю вомын. Тшугӧрсянь Сопльӧсӧдз 37 км.
- Ывласям
Грездыс лыддьысьӧ Европаын медся кӧдзыдінӧн[2].
- Час кытш
Тшугӧр, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[3].
История
Артмӧма 1747 во бӧрын. Медводдзаысь казьтыштӧма 1784 воын «Экономические примечания к Генеральному межеванию» уджын: «Щугор» грезд, 13 овмӧс, 72 морт[4].
В. Н. Латкин серти, 1843 воын «Усть-Щугор» грездын 22 овмӧсын олӧма 113 морт; найӧ чери кыйӧны, нянь оз кӧдзны[4].
1859 воын «Щугорская (Щугур-Дин)» грездын 26 овмӧс, 167 морт.
1875 воын земскӧй собранньӧ шуис лӧсьӧдны Тшугӧрын фельдшер пункт. 1904 воын сиктас восьтӧма библиотека[4].
1916 воын Тшугӧр (Щугор) сиктын 45 овмӧс, 193 морт; 1926 воын — 52 овмӧс, 197 морт. 1918 вося мусерпасын «Щугорское»[4].
1930 воын сиктын вӧлӧма приёмнӧй покой, велӧдчанін, керка-лыддьысянін, паракод сувтанін, потребительяслӧн котыр, кредит сетан товарищество, кресьттяналы общественнӧй отсӧг сетан комитет, милиция юкӧд[4].
Неуна сёрӧнджык Тшугӧр сиктсӧвет вӧлі бырӧдӧма, сикт лои грездӧн. 1938 воын тані котыртӧма Печӧра бассейнын Туйясӧн веськӧдланінлысь Вылыс Печораса участок.
1977 воын вежӧма грездлысь роч гижанног: «Усть-Щугор» пыдди лои «Усть-Щугер»[4].
1989 воын грездын олӧма 819 морт (606 айлов, 213 нывбаба), на пиысь джынйыс рочьяс. 2000 воын 30 овмӧс, 51 морт[4].
Олысь лыд
| Вояс да олысь лыд | |||||||||||
|---|---|---|---|---|---|---|---|---|---|---|---|
| 1784 | 1843 | 1859 | 1916 | 1926 | 1970 | 1979 | 1989 | 1992 | 2000 | 2007 | 2010 |
| 72 | 113 | 167 | 193 | 197 | 199 | 407 | 819 | 80 | 51 | 49 | 27 |
Велӧдӧм
М. С. Пыстин серти, 1845 воын тані воссьӧма вичкобердса школа. Вежа ай П. В. Распутин аслас гӧтырыскӧд 1861 воын босьтчисны дон босьттӧг велӧдны челядьӧс. Буракӧ, вичкобердса школа тупкысьӧма тайӧ воӧдзыс. Выльысь училишӧ воссис 1864 воын (мукӧд удж серти, 1862 воын). Сёрӧнджык сійӧс вуджӧдісны Немдін сиктӧ[4].
1886 воын сиктас восьтӧма вичкобердса школа, 1903 воын — мужичӧйяслы земскӧй училишӧ, 1904 воын — нывбабаяслы земскӧй училище[4].
Нималана йӧз
Тӧдчана эмторъяс
Метеостанция
Метеорологическӧй станция сулалӧ Тшугӧрын 1895 вося моз толыссянь[5] (мукӧд юӧр серти, гидрометеорологическӧй наблюдениеяс заводитӧмаӧсь тані 1893 воын). Ӧні наблюдениеяссӧ нуӧдӧны 8 синоптическӧй кадколастӧ. «М-2 Усть-Щугор» станция пырӧ репернӧй везйӧ[5], пыртӧма СМО-лӧн лыддьӧгӧ[6].
Мукӧдтор
Тшугӧр — Европаын да Асыввыв Европаса увтасінын медкӧдзыдін. 1978 вося ӧшым 31-ӧд лунӧ Кара саридзсянь кӧдзыд ӧвтыштӧм бӧрын метеостанцияын петкӧдлӧма −58,1°С.
Пасйӧдъяс
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ Деревня в Коми названа самым холодным местом Европы (рус.). БНК. Шыӧдчан кадпас: 3 йирым тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 3 4 5 6 7 8 9 Жеребцов, 2001, с. 504.
- ↑ 1 2 Метеорологическая станция Усть-Щугор (рус.). // Коми ЦГМС. Архивируйтӧма 27 тӧвшӧр тӧлысь 2020.
- ↑ Метеорологические станции Республики Коми (рус.). // Коми ЦГМС. Архивируйтӧма 3 сора тӧлысь 2020.
Литература
- Жеребцов И. Л. Населённые пункты Республики Коми: историко-демографический сборник. — Москва: Наука, 2001.
- Жеребцов И. Л. Где ты живешь. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
- Поспелов Е. М. Географические названия России. Топонимический словарь. — М.: Астрель, АСТ, 2008. — 523 с. — 1500 экз. — ISBN 978-5-17-054966-5.
- Жогова Л.В., Векшина Т.А., Шаманаева И.В. Вуктыл. Дороги, которые мы выбираем. — Сыктывкар: Коми республиканская типография, 2006. — 704 с. — 5000 экз. — ISBN 5-7934-0125-3.
