Саваяг (Вуктыл кытш)
| Грезд | |
| Саваяг | |
|---|---|
 | |
| 63°32′29″ с. ш. 56°26′37″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй кытш | Вуктыл |
| История да география | |
| Медводдзаысь пасйӧма | 1719 |
| Час кытш | UTC+3:00 |
| Йӧз | |
| Олысь лыд | |
| Лыдпаса идентификаторъяс | |
| Пошта индекс | 169573 |
| ОКАТО код | 87412808004 |
| ОКТМО код | 87512000141 |
|
|
|
Саваяг (рочӧн Савинобор) — Коми Республикаын Вуктыл муниципальнӧй кытшӧ пырысь грезд. 2015 вося вӧльгым тӧлысь 19-ӧд лунӧдз вӧлі пырӧ Вуктыл районын Дутов сикт овмӧдчӧминӧ.
Ним артмӧм
Грездыслӧн нимыс йитчӧма Сава морт нимкӧд: Саваяг — «Савалӧн яг». Роч Савинобор нимыс веськыда вуджӧдӧма коми кыв вылысь[2].
География
Грездыс сулалӧ Вуктыл карсянь рытыв-лунвылӧ 54 км ылнаын Печӧра юлӧн шуйга берегын. 8 км лунвывланьын сулалӧ Шӧрдін посёлок[3].
- Ывласям
Ывласямыс шӧркодь континентальнӧй, кузь кӧдзыд тӧв да дженьыдик ыркыд гожӧм. Тӧлысьнас сынӧдлӧн шӧр температураыс тӧвшӧр тӧлысьын — минус 17,9°C, сора тӧлысьын — плюс 16,2°C. Вогӧгӧрся шӧр температураыс — минус 1,4°C. Сынӧдлӧн температураыс 0°C-ысь вылынджык вонас 171 лун. Гожӧмын сэзь да торъя нин тӧвтӧм лунъясӧ му веркӧслӧн температураыс векджык овлӧ тӧдчымӧн ыджыдджык сынӧд температураысь: весиг сывлытӧм кын йир районъясын му веркӧслӧн температураыс вермӧ воны плюс 40°C-ӧдз.
Вогӧгӧрся шӧркодь васӧдлуныс 78%. Во чӧжӧн енэжваыс усьӧ 635 мм[4].
- Час кытш
Саваяг, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[5].
История
Грездыс артмис 1707 во бӧрын. Медводдзаысь сійӧс казьтылісны 1719 воын ревизскӧй сказкаясын[3]. ХVIII нэмся официальнӧй документъясын индыссьыліс, мый сиктса став олысьыс беспоповечьяс.
Медводдза олысьясӧн вӧліны Варфоломей и Яков Полиектович Мезенцевъяс, Михаил и Григорий Михайлович Бажуковъяс, Георгий Гилчев и Трифон Денисов[3].
1861 восянь 1867 воӧдз сиктлӧн медся джуджыд местаын вӧлі стрӧитӧма Николаевскӧй вичко.
1929 воын Саваягын вӧлі котыртӧма сиктсӧвет, а 1931 воын — Сталин нима колхоз[6].
1930-ӧд воясӧ сиктын вӧліны пароход сулаланін, фельдшерско-акушерскӧй пункт, ичӧт школа, изба-читальня, нарсудлӧн камера, ӧта-мӧдлы общественнӧй отсӧг сетан крестьянскӧй комитет, потребительскӧй общество, госторглӧн агентство, милициялӧн участок, клуб, сиктсӧвет[7].
Сизим вося школаын 1940 воын велӧдчис 250 морт. 1948 воӧдз велӧдӧмаӧсь комиӧн[8].
1972 вося ода-кора тӧлысь 12-од лунӧ Саваяг сиктсӧвет вуджӧдісны Шӧрдін посёлокӧ да нимтісны Шӧрдінса сиктсӧветӧн.
Саваяг веськаліс перспективатӧм сиктъяс лыдӧ. Та бӧрын разисны совхозса стрӧйбаяясӧ да нуисны Дутовӧ. Пӧдлалісны школа, детсад. Уналы уджсӧ воштӧм бӧрын лои мунны грездысь[8].
Йӧз
Медводдза овъяс
Мезенцев, Бажуков, Денисов, Гилчев[3].
Нималана йӧз
Тӧдчана эмторъяс
Гражданскӧй война вылын усьӧмаяслы памятник.
Пасйӧдъяс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ 1 2 3 4 Жеребцов, 2001, с. 418.
- ↑ О муниципальном образовании (рус.). АМО «Вуктыл». Шыӧдчан кадпас: 29 кӧч тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ Савинобор (рус.). Вуктыльская ЦБС. Шыӧдчан кадпас: 29 кӧч тӧлысь 2025.
- ↑ Жеребцов, 2001, с. 419.
- ↑ 1 2 Жогова, Векшина, Шаманаева, 2006, с. 594.
- ↑ http://www.perepis2002.ru/content.html?id=11&docid=10715289081460.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
Литература
- Жеребцов И. Л. Населённые пункты Республики Коми: историко-демографический сборник. — Москва: Наука, 2001.
- Жеребцов И. Л. Где ты живешь. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
- Поспелов Е. М. Географические названия России. Топонимический словарь. — М.: Астрель, АСТ, 2008. — 523 с. — 1500 экз. — ISBN 978-5-17-054966-5.
- Жогова Л.В., Векшина Т.А., Шаманаева И.В. Вуктыл. Дороги, которые мы выбираем. — Сыктывкар: Коми республиканская типография, 2006. — 704 с. — 5000 экз. — ISBN 5-7934-0125-3.
