Пӧдчерем (Вуктыл кытш)
| Сикт | |
| Пӧдчерем | |
|---|---|
 | |
| 63°56′08″ с. ш. 57°33′44″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй кытш | Вуктыл |
| История да география | |
| Медводдзаысь пасйӧма | 1784 |
| Воддза нимъяс | Подчерская, Подчирье |
| Час кытш | UTC+3:00 |
| Йӧз | |
| Олысь лыд | |
| Лыдпаса идентификаторъяс | |
| Пошта индекс | 169585 |
| ОКАТО код | 87412842001 |
| ОКТМО код | 87512000136 |
|
|
|
Пӧдчерем (рочӧн Подчерье) — Коми Республикаын Вуктыл муниципальнӧй кытшӧ пырысь сикт. 2015 вося вӧльгым тӧлысь 19-ӧд лунӧдз вӧлі Вуктыл районын Пӧдчерем сикт овмӧдчӧминса шӧрсиктӧн.
Ним артмӧм
Сиктлӧн нимыс артмӧма Пӧдчерем ю нимсянь[2].
География
Сикт пукалӧ Печӧра юлӧн веськыд берегын. Пӧдчеремсянь Вуктыл карӧдз 29 км.
- Ывласям
Ывласямыс шӧркодь континентальнӧй, кузь кӧдзыд тӧв да дженьыдик ыркыд гожӧм. Тӧлысьнас сынӧдлӧн шӧр температураыс тӧвшӧр тӧлысьын — минус 17,9 °C, сора тӧлысьын — плюс 16,2 °C. Вогӧгӧрся шӧр температураыс — минус 1,4 °C. Сынӧдлӧн температураыс 0°C-ысь вылынджык вонас 171 лун. Гожӧмын сэзь да торъя нин тӧвтӧм лунъясӧ му веркӧслӧн температураыс векджык овлӧ тӧдчымӧн ыджыдджык сынӧд температураысь: весиг сывлытӧм кын йир районъясын му веркӧслӧн температураыс вермӧ воны плюс 40°C-ӧдз.
Вогӧгӧрся шӧркодь васӧдлуныс 78 %. Во чӧжӧн енэжваыс усьӧ 635 мм[3].
- Час кытш
Пӧдчерем, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Овмӧдчӧмин артмӧма 1747 во бӧрын[5][6]. Медводдзаысь казьтыштӧма 1784 воын «Экономические примечания к Генеральному межеванию» документын кыдз Подчерскӧй грезд[7][8], кӧні 8 овмӧс да 39 олысь (19 мужичӧй, 20 нывбаба)[5]. Подчирье ним улын эм Вӧлӧгдаса наместничестволӧн карта вылын 1792 вося Россияса атласын. Национальнӧй состав серти олысьясыс вӧліны вылыс Печӧраса комияс. 1803 воын сиктса олысьясӧс вӧлі пасйӧма Печӧраса Троицкӧй вичкоысь староверъяслӧн лыддьӧгын, мый вӧлі сетӧма Вӧлӧгдаса духовнӧй консисторияӧ[9].
1843 воын промышленник В. Н. Латкин пасйӧма, мый сиктын вӧлӧма 26 керка, 125 олысь. Сылӧн кывъяс серти, «тані нянь оз кӧдзны, чери — олысьяслӧн медшӧр прӧмыс»[10]. 1859 воын — Пӧдчерем, 32 овмӧс, 220 олысь (93 мужичӧй, 127 нывбаба)[5]. ХІХ нэм помын — ХХ нэм заводитчигӧн тані вӧлі земскӧй пошта станция[5]. 1891 воын воссис школа[5]. 1916 воын тані вӧлӧма 56 овмӧс, 197 олысь (71 айлов, 126 ань)[5].
1918 вося карта вылын — Подчерскӧй[5]. 1926 воын тані вӧлі 57 овмӧс, 190 олысь (89 мужичӧй, 101 нывбаба)[5].
1930 воын сиктын вӧлі ичӧт школа, лыддьысян керка, пароход сулаланін, потребительскӧй общество, госторглӧн агентство[5][11]. 1931 воын Пӧдчеремын котыртӧма «Рычаг социализма» колхоз.
1933 воын котыртӧма Пӧдчерем сиктсӧвет, коді сэки пырис Мылдін районӧ.
1956 воын, кор вӧлі котыртӧма Пӧдчерса сплавнӧй рейд, коді ӧтувтіс куим сплавнӧй участок, чужис выль посёлок, коді сідзжӧ босьтіс Пӧдчерем нимсӧ[12].
1960 вося сора тӧлысь 30-ӧд лунӧ Пӧдчерем сиктсӧветсӧ вуджӧдісны Мылдін районысь Печӧра районӧ[8].
1970 воын сиктын оліс 1843 морт[5].
1975 вося урасьӧм толысь 21 лунӧ РСФСР-са Верховнӧй Сӧвет Президиумлӧн Индӧдӧн вӧлі котыртӧма Вуктыл район, Пӧдчерем сиктсӧвет пырис сэтчӧ.
1979 воын сиктын вӧлі 2371 морт[5]. 1989 воын — 2329 морт (1349 мужичӧй, 980 нывбаба), на пиысь 52 % рочьяс, 20 % комияс[5]. 1992 воын — 1905 морт, 1995 во заводитчигӧн — 1697 морт 583 овмӧсын[5].
Сплавщикъяс стрӧитісны мехцех, конюшня, восьтісны клуб, столӧвӧй да вузасянін. Пӧдчеремса запань вӧлі Печӧра вылын медшӧръясысь ӧтиӧн. Тані уджаліс 1000 гӧгӧр морт, волывлісны и сезоннӧй уджалысьяс.
2002 воын пыр олысьыс вӧлі 1038 морт, на пиысь рочьяс 51 %, комияс 35 %. 2010 вося перепись серти — 710 морт[13].
2011 вося косму тӧлысь 1 лун кежлӧ сиктын вӧліны школа, ясли-сад, сиктса больнича, библиотека, культура керка, шылад школа, пошта, лесничество, леспромхоз да мукӧд организацияяс.
2015 вося ӧшым тӧлысьын Вуктыл районлысь статуссӧ вӧлі вежӧма кар кытшӧ, район пытшкын вӧвлӧм став сиктсӧветсӧ бырӧдӧма да Пӧдчерем сикт пырис Вуктыл кар кытшӧ[14].
Йӧз
Медводдза овъяс
Мартюшев, Мезенцев[18].
Нималана йӧз
Тӧдчана эмторъяс
Айму вӧсна Ыджыд тышын усьӧмаяслы памятник.
Пасйӧдъяс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ О муниципальном образовании (рус.). АМО «Вуктыл». Шыӧдчан кадпас: 29 кӧч тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 3 4 5 6 7 8 9 10 11 12 13 Жеребцов, 2001, с. 380.
- ↑ 1745 вося Россияса Атласын абу пасйӧма.
- ↑ Алфавит № 163. П : [арх. 27 тӧвшӧр тӧлысь 2021] // Планы дач генерального и специального межевания, 1746-1917 гг. (коллекция). Фонд 1354. Опись 76. Часть 1. Вологодская губерния, Усть-Сысольский уезд. 1781—1885. — РГАДА.
- ↑ 1 2 Жеребцов И. Л., Таскаев М. В., Рогачев М. Б., Колегов Б. Р. Историческая хроника. Республика Коми с древнейших времен : [арх. 10 йирым тӧлысь 2018]. — Сыктывкар : Коми книжное издательство, 2002. — 344 с. — ISBN 9785755507523.
- ↑ Власова В. В. Старообрядческие группы коми: конфессиональные особенности социальной и обрядовой жизни : [арх. 24 урасьӧм тӧлысь 2017] / д.и.н. Е. С. Данилко. — Сыктывкар : Коми научный центр УрО РАН, 2010. — С. 25—26. — ISBN 978-5-89606-423-7.
- ↑ Латкин В. Н. Дневник Василия Николаевича Латкина во время путешествия на Печору в 1840—1843 годах : [арх. 24 тӧвшӧр тӧлысь 2021]. — СПб. : Императорское Русское географическое общество, 1853. — С. 62, 64. — (Записки Императорского Русского географического общества; кн. VII).
- ↑ Список населенных мест Коми области : [арх. 29 тӧвшӧр тӧлысь 2020] / Областная плановая комиссия. Статистический сектор. — Сыктывкар : Издательство Коми Облплана, 1930. — С. 66.
- ↑ Жители Подчерье Вуктыльского района отметили 230-летие со дня образования своего села // Комиинформ. — 2014.
- ↑ Коряков Ю. Б. База данных «Этно-языковой состав населённых пунктов России». // Lingvarium Project. Шыӧдчан кадпас: 21 косму тӧлысь 2020. Архивируйтӧма 16 вӧльгым тӧлысь 2017.
- ↑ О преобразовании муниципальных образований муниципального района «Вуктыл» в Республике Коми и внесении изменений в связи с этим в Закон Республики Коми «О территориальной организации местного самоуправления в Республике Коми». Закон Республики Коми от 01.12.2015 N 114-РЗ (принят ГС РК 19.11.2015). Шыӧдчан кадпас: 30 вӧльгым тӧлысь 2019. Архивируйтӧма 21 кӧч тӧлысь 2019.
- ↑ http://www.perepis2002.ru/content.html?id=11&docid=10715289081460.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Жогова, Векшина, Шаманаева, 2006, с. 589.
Литература
- Жеребцов И. Л. Населённые пункты Республики Коми: историко-демографический сборник. — Москва: Наука, 2001.
- Жеребцов И. Л. Где ты живешь. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
- Поспелов Е. М. Географические названия России. Топонимический словарь. — М.: Астрель, АСТ, 2008. — 523 с. — 1500 экз. — ISBN 978-5-17-054966-5.
- Жогова Л.В., Векшина Т.А., Шаманаева И.В. Вуктыл. Дороги, которые мы выбираем. — Сыктывкар: Коми республиканская типография, 2006. — 704 с. — 5000 экз. — ISBN 5-7934-0125-3.
