Дутов (Вуктыл кытш)
| Сикт | |
| Дутов | |
|---|---|
 | |
| 63°47′44″ с. ш. 56°41′36″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй кытш | Вуктыл |
| Йӧз | |
| Олысь лыд | |
| Лыдпаса идентификаторъяс | |
| Пошта индекс | 169575 |
| ОКАТО код | 87412808001 |
| ОКТМО код | 87512000131 |
|
|
|
Дутов (рочӧн Дутово) — Коми Республикаын Вуктыл муниципальнӧй кытшӧ пырысь сикт.
Ним артмӧм
Сиктыслӧм нимыс, вермас лоны, йитчӧма Дутов роч овкӧд[2].
География
Сикт пукалӧ Печӧра юлӧн шуйга берегын. Дутовсянь Вуктыл карӧдз 75 км.
- Ывласям
Ывласямысн шӧркодь континентальнӧй, кузь кӧдзыд тӧв да дженьыдик ыркыд гожӧм. Тӧлысьнас сынӧдлӧн шӧр температураыс тӧвшӧр тӧлысьын — минус 17,9 °C, сора тӧлысьын — плюс 16,2 °C. Вогӧгӧрся шӧр температураыс — минус 1,4 °C. Сынӧдлӧн температураыс 0 °C-ысь вылынджык вонас 171 лун. Гожӧмын сэзь да торъя нин тӧвтӧм лунъясӧ му веркӧслӧн температураыс векджык овлӧ тӧдчымӧн ыджыдджык сынӧд температураысь: весиг сывлытӧм кын йир районъясын му веркӧслӧн температураыс вермӧ воны плюс 40°C-ӧдз.
Вогӧгӧрса шӧркодь васӧдлуныс 78 %. Во чӧжӧн енэжваыс усьӧ 635 мм[3].
- Час кытш
Дутов, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Сиктыс чужис ХІХ нэмлӧн медводдза джынйын. 1843 воын татчӧ волывлӧм промышленник В. Н. Латкин пасйис, мый Дутов грездын вӧлӧма 7 овмӧс, кӧні олысьясыс «няньсӧ оз нин кӧдзны, быттьӧкӧ удобнӧй местаяс абутӧм вӧсна». 1859 вося оланінъяслӧн лыддьӧгын — Дутово (Дутёв) грезд, 9 овмӧс, 56 морт. 1892 воын Дутовскӧйын оліс 53 морт. 1916 воын сиктын вӧлӧма 27 овмӧс, 79 морт, олысьяслӧн овъясыс вӧлӧмаӧсь Денисов, Мартюшев, Шахтаров, Мезенцев, Бажуков, Попов, Пыстин. 1926 воын Дутовын вӧлі 36 овмӧс, 98 морт. 1930 воын сиктын вӧлі школа да потребительскӧй общество. Водзӧ мунысь дас воӧ Дутовын йӧзыс тӧдчымӧн содіс (торйӧн кӧ, роч переселенецъяслӧн воӧм вӧсна). 1970 воын сиктын вӧлі 2885 морт. 1970—1980 воясӧ налӧн лыдыс чиніс: 2240 мортӧдз 1979 воын; 1884 мортӧдз (928 мужичӧй, 956 нывбаба; коми 31 %, роч 53 %) 1989 воын. 1990 воын тані оліс 1847 морт, 1992—1883 воын, 2000 воын — 1571 морт[5].
1930-ӧд вояс заводитчигӧн вӧлі котыртӧма колхоз, кӧні вӧдитісны му да рӧдмӧдісны гырысь скӧт. Кутіс сӧвмыны вӧр овмӧс. Дутовса вӧрпромхоз заптіс вӧр да кылӧдісны Печӧра кузя. Вӧлі Дутовса вӧрпромхозлӧн ОРС, нянь пӧжаланін, йӧв завод, начальнӧй школа, 1955 воын стрӧитісны кӧкъямыс вося школа, сэсся шӧр школа. Вӧлі медпункт, сэсся Ичӧтдіысь вуджӧдісны больнича, вузасяніԋъяс, челядьлы садъяс. 1956 вося йирым тӧлысьын Савиноборысь вуджӧдісны Дутовӧ народнӧй суд, коді вӧлі 1960 воӧдз. Сиктсӧвет меститчис кык судта керкаын. Дутов пырліс Мылдін районӧ, сэсся Укваса горисполкомӧ, а 1975 восянь — Вуктыл районӧ[6].
1997 воын сиктын вӧлі Дутовса вӧрпромхоз, Дутовса вӧрпункт, славучасток, шӧр школа, больнича 25 койка вылӧ, 2 челядьлы сад, Культура керка, библиотека, 6 вузасянін, столӧвӧй, аптека, Быт керка, пошта[7].
Йӧз
Медводдза овъяс
Нималана йӧз
• Кулаков Иван Егорович (1944—2005) — Коми Республикаса Каналан Сӧветӧн Веськӧдлысь, Коми Республикаса Почёта гражданин (2017) (помаліс Дутовын шӧр школа).
Тӧдчана эмторъяс
• Сиктын эм Айму вӧсна Ыджыд тышын усьӧмаяслы памятник;
• 2013 воын восьтӧм православнӧй вичко;
• баптистъяслӧн кевмысян керка;
• важ вераа йӧзлӧн шойна[11].
Пасйӧдъяс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ О муниципальном образовании (рус.). АМО «Вуктыл». Шыӧдчан кадпас: 8 кӧч тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ Дутово. История России. Шыӧдчан кадпас: 8 кӧч тӧлысь 2025. Архивируйтӧма 19 тӧвшӧр тӧлысь 2020.
- ↑ Дутово. Хроника событий. 50 лет со дня образования Вуктыльского района (рус.). Вуктыльская ЦБС (25 рака тӧлысь 2025). Шыӧдчан кадпас: 8 кӧч тӧлысь 2025.
- ↑ Полянина Г. Дутово // Республика Коми. Энциклопедия. Том I. — Сыктывкар: Коми книжное издательство, 1997. — С. 419.
- ↑ http://www.perepis2002.ru/content.html?id=11&docid=10715289081460.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Seringvar. Три культуры в Дутово (рус.). livejournal.com (14 тӧвшӧр тӧлысь 2013). Шыӧдчан кадпас: 8 кӧч тӧлысь 2025.
Литература
- Атлас Республики Коми. — Москва, 2000.
- Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
