Микунь

Босьтӧма Рувикиысь
Видлалӧм гижӧд
Тайӧ терминыслӧн эмӧсь мӧд вежӧртасъяс, видзӧд Микунь (вежӧртасъяс).
Кар
Микунь
комиӧн Микунь
Микунь вокзал.jpg
62°21′ с. ш. 50°04′ в. д.GЯO
Страна  Россия
РФ-са субъект Коми Республика
Муниципальнӧй район Емдін
Кар Микунь
История да география
Лӧсьӧдӧма 1937 воын
Кар  1959 восянь
Йӧз
Олысь лыд
Лыдпаса идентификаторъяс
Телефон код +7 82134
Пошта индекс 169060, 169061
ОКАТО код 87244505000
ОКТМО код 87644105001
mikun-r11.gosweb.gosuslugi.ru
Микунь (Россия)
Точка
Микунь
Red pog.svg
Москва
Логотип РУВИКИ.Медиа Медиафайлы на РУВИКИ.Медиа

Микунь (рочӧн Микунь) — Коми Республикаын кар, Емдін районса Микунь кар овмӧдчӧминлӧн административнӧй шӧрин.

Ним артмӧм

Карлӧн нимыс артмӧма Микунь грездсянь. Ас кадӧ сылӧн нимын петкӧдчӧ Николай, Миколай, Микола личнӧй нимъяслӧн просторечнӧй формаыс субъективнӧй донъялана -унь суффикскӧд. Грезд нимлӧн мӧд вариантын Микуньорд компонент орд лоӧ асалан кывбӧрӧн: Микуньорд — «Миколайлӧн»[2].

География

Карыс меститчӧма Коми Республикалӧн рытыв-лунвыв юкӧнын Емдін районын «Котлас — Вӧркута» кӧрт туй вылын. Сыктывкарсянь веськыд туйӧд 74 км, кӧрт туйӧд 96 км да асфальта автомашина туйӧд ~110 км. Микуньсянь Айкатыла юрсиктӧдз 15 км.

Микунь пукалӧ Чая да Дозмӧрка юяс костын.

Кад кытш

Микунь, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[3].

История

Карыс чужис Войвыв кӧрт туй стрӧитігӧн 1930 вояс помын. СССР-са Народнӧй Комиссаръяс Сӧветлӧн да ВКП(б) ЦК-лӧн 1937 во йирым тӧлысь 28-ӧд лунся 1952—343 №-а постановление серти заводитісны стрӧитны «Кӧнӧш — Вельск — Котлас — Княжпогост — Чибью — Кожва — Вӧркута» оланінъяс пыр кӧрт туй магистраль. «Союзтранспроект» институтлӧн Харьковса отделениеысь П. Н. Ещенколӧн юрнуӧдӧм улын экспедиция 1936 вося ӧшым тӧлысьын нуӧдіс Айкатыла-Княжпогост участок вылын корсьысян уджъяс да пасйис, мый Шожымса нюръясын Чуб да Шежамка юяс костын колӧ стрӧитны кӧрт туй станция. Водзвыв нимсӧ сылы сетӧмаӧсь «Водораздельнӧй». Тайӧ и пуктіс подувсӧ Микунь станциялы. 1937 воын Водораздельнӧй станция вылын уджалісны 19 №-а лагерын пукалысьяс. 1938 воын, кор заводитісны пасйыны Северо-Печорскӧй магистральлысь выльӧн артмӧдӧм кӧрт туй станцияяс, то Водораздельнӧй станция пыдди вӧлі пасйӧма Микунь станция куим кӧрт туйӧн да станциябердса посёлокӧн, кытчӧ пырисны куим олан барак да уджалан зона (Водораздельнӧй посёлок)[4].

1940 воын вӧлі стрӧитӧма электростанция.

Айму вӧсна Ыджыд тыш воясӧ(1941—1945 воясӧ) Микунь станциялӧн стратегическӧй тӧдчанлуныс быдмис: Микунь станция пыр мунлісны из шом тыра, мусир тыра, боечьяслы паськӧм тыра эшелонъяс.

1945 воын станция бердын артмӧма посёлок.

1947 вося йирым тӧлысь 10-ӧд лунӧ Коми АССР-са Медвылыс Сӧветлӧн Президиум шуис Микуньсӧ уджалысьяслӧн посёлокӧн. РСФСР-са Медвылыс Сӧвет Президиум вынсьӧдіс тайӧ индӧдсӧ 1948 вося ода-кора 12-ӧд лунӧ, и Микунь лои уджалысьяслӧн посёлокӧн.

1947 воын тані вӧлі 1823 вольнонаёмнӧй олысь, на лыдын 1046 уджалысь да 380 служащӧй; вӧліны керка стрӧитан завод, ширпотреблӧн 2 мастерскӧй, вӧрпункт, электростанция, сизим класса школа, кӧрт туй ремесленнӧй училище, медпункт, детсад, челядь ясли, 2 сёянін, 3 нянь пӧжаланін, 3 вузасянін, 2 пывсян, ПКД туйлӧн 9-ӧд дистанцияӧн веськӧдланін, 45 олан керка.

1948 воын заводитіс уджавны кӧрт туй депо, воссис шӧр школа. Микунь посёлокса сӧвет котыртчигӧн сэтчӧ пырисны Микунь да Шежам совхозъяс, Шежам кӧрт туй станция. Сэки жӧ кӧсйисны пыртны Микунь сиктсӧветӧ Кӧрт туй сиктсӧветса Чуб кӧрт туй станция, но тайӧ лои сёрӧнджык.

1949-ӧд воӧ заводитіс уджавны милиция юкӧн[4].

1950 воын воссис 75 висьысь вылӧ больнича (гл. врач Кабанова О. Г.), пошта, стрӧитӧма посёлокса Сӧветъяслӧн керка[4].

1951 воын вӧлі стрӧитӧма Железнодорожникъяслысь культура керка 300 места вылӧ[4].

1954 воыс лыддьыссьӧ «Косланспецлес» веськӧдланін артмӧдан воӧн[4].

1955-1956-ӧд воясӧ Коми АССР-са Министръяс Сӧветӧн веськӧдлысь Зосима Панев шедӧдіс ассигнованиеяс «Микунь — Сыктывкар» 95 км кузьта кӧрт туй стрӧитӧм вылӧ[4].

1956 воын Микунь сиктсӧветӧ пырисны Микунь посёлок, Шожым посёлок, Шежам да Чуб кӧрт туй станцияяс.

1961 во кежлӧ Микуньсянь Сыктывкарӧ да Удораӧ кӧрт туйяс нюжӧдӧм бӧрын станция лои гырысь кӧрт туй гӧрӧдӧн. Быдмис и посёлок. РСФСР-са Медвылыс Сӧвет Президиумлӧн 1959 во рака тӧлысь 23-ӧд лунся 731/2 №-а Индӧд серти сійӧ лоис районса тӧдчанлуна карӧн[4].

1960 воӧ горсӧвет улӧ пырисны Шожым посёлок да Вежайка, Лесная, Пӧвъю, Шежам да Еринь кӧрт туй станцияяс, 1968 воын — Чай да Шожым посёлокъяс.

1992 воӧ горсӧвет улӧ пырис Шожым посёлок.

Олысь лыд

Олысь лыд
1959[5]1970[6]1979[7]1989[8]19961998
11 347↘10 389↗11 326↗12 507↘12 300↘12 200
200020012002[9]200520062007
→12 200→12 200↘11 680↘11 400↘11 200↘11 100
2008[10]2009[11]2010[12]20112012[13]2013[14]
↘10 900↘10 803↘10 730↘10 700↘10 414↘10 287
2014[15]2015[16]2016[17]2017[18]2018[19]2019[20]
↘10 179↘10 088↘9919↘9837↘9796↘9684
2020[21]2021[22]
↘9558↘8527
2500
5000
7500
10 000
12 500
15 000
1959
1998
2006
2011
2016
2021

2020 вося Россияын став олысьясӧс гижалӧм мыччӧдъяс серти, 2021 вося йирым тӧлысь 1 лун кежлӧ олысь лыд серти карыс вӧлі 962-ӧд местын Россия Федерацияса 1118[23] карысь[24].

Экономика

1999 воын тані вӧлі 69 предприятие[25].

Налӧн медшӧр нырвизьяс:
• Кӧрт туй транспорт предприятиеяс;
• Компрессорнӧй станция (биару, мусир);
• НПС «Микунь» (Транснефть).

Транспорт

Микуньын сулалӧ татшӧм жӧ нима кӧрт туй станция, коді йитӧ карсӧ Емвакӧд, Сыктывкаркӧд, Эжвакӧд, Котласкӧд, Урдомакӧд.

Карын ветлӧдлӧны маршрутнӧй автобусъяс да такси.

Карса вокзалсянь мунӧны Сыктывкарӧ, Айкатылаӧ, Емдінӧ, Студенечӧ автобусъяс.

Карын эмӧсь Микунь да Микунь-2 станцияяс.

Культура

Музей

Микунь карлӧн история музейын петкӧдлӧма Войвыв кӧрт туй стрӧитан история, Микунь карлӧн история[26], ГУЛАГ-лӧн история.

Паровоз-паметник Л-5218

Музейын эм:

  • Микунь станцияса история серти фотояс;
  • Ветеранъяслӧн наградаяс;
  • Карса олысьяслӧн ас документъяс;
  • XX нэмся 40-50-ӧд воясся гортса кӧлуй;
  • Карса предприятиеясӧн сетӧмторъяс.
Архитектура, нималанаторъяс
  • Культура керка вӧлі стрӧитӧма репрессируйтӧм художник Борис Старчиковлӧн проект серти[27];
  • Вичко;
  • «Содружество тыла и фронта» паметник;
  • Вокзал бердын сувтӧдӧма паровоз-паметник Л-5218.

Велӧдӧм

Микуньын эм 2 шӧр школа[28], рытъя школа, Сыктывкарса автомеханика техникумлӧн филиал, профтехучилище.

Нималана йӧз

Лудыкова Валентина Матвеевна (1956) — коми кыв туялысь, велӧдысь, филология наукаяс доктор, профессор.

Пасйӧдъяс

  1. ↑ https://rosstat.gov.ru/storage/mediabank/tab-5_VPN-2020.xlsx
  2. ↑ Туркин А.И. Топонимический словарь Коми АССР. Сыктывкар: Коми книжное издательство, 1986. Коми кывтӧдӧм. Шыӧдчан кадпас: 31 рака тӧлысь 2025.
  3. ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
  4. ↑ 1 2 3 4 5 6 7 История. Администрация города Микунь. Шыӧдчан кадпас: 31 рака тӧлысь 2025.
  5. ↑ Всесоюзная перепись населения 1959 года. Численность городского населения РСФСР, её территориальных единиц, городских поселений и городских районов по полу.
  6. ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу.
  7. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу.
  8. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу.
  9. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более.
  10. ↑ Города Республики Коми. Оценка численности населения на 1 января 2008 года (тысяч человек).
  11. ↑ Численность постоянного населения Российской Федерации по городам, посёлкам городского типа и районам на 1 января 2009 года.
  12. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
  13. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года.
  14. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов).
  15. ↑ Оценка численности населения по городским округам, муниципальным районам, поселениям и городским населённым пунктам Республики Коми на 1 января 2014 года.
  16. ↑ Численность населения Российской Федерации по муниципальным образованиям на 1 января 2015 года.
  17. ↑ Численность населения Российской Федерации по муниципальным образованиям на 1 января 2016 года.
  18. ↑ Численность населения Российской Федерации по муниципальным образованиям на 1 января 2017 года.
  19. ↑ Численность населения Российской Федерации по муниципальным образованиям на 1 января 2018 года.
  20. ↑ Численность населения Российской Федерации по муниципальным образованиям на 1 января 2019 года.
  21. ↑ Численность населения Российской Федерации по муниципальным образованиям на 1 января 2020 года.
  22. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более.
  23. ↑ с учётом городов Крыма
  24. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более (XLSX).
  25. ↑ Клепикова Г. Микунь // Республика Коми. Энциклопедия. Том II. — Сыктывкар: Коми книжное издательство, 1999. — С. 278.
  26. ↑ Микуньский филиал Музея истории города Микунь. www.museum.ru. Шыӧдчан кадпас: 30 моз тӧлысь 2019. Архивируйтӧма 30 моз тӧлысь 2019.
  27. ↑ В г.Микунь к 100-летию архитектора Бориса Старчикова открыли мемориальную доску (рус.). Комиинформ. Шыӧдчан кадпас: 9 тӧвшӧр тӧлысь 2023.
  28. ↑ Школы. Администрация г. Микунь. Шыӧдчан кадпас: 31 рака тӧлысь 2025.

Литература


Коми Республикаса каръяс Coat of arms of the Komi Republic Flag of the Komi Republic
Вӧркута | Вуктыл | Емва | Инта | Микунь | Печӧра | Сосногорск | Сыктывкар | Уква | Ускар
Босьтӧма "https://kv.ruwiki.ru/w/index.php?title=Микунь&oldid=424184"-ысь