Ыджыд Перым

Босьтӧма Рувикиысь

РНА-лӧн экспертиза

Logo-ran.png
Вӧчӧма экспертиза
Россияса Наукаяс Академияӧн
Паськыдджыка
Aprove.svg

РНА-лӧн экспертиза

Arrow-Right.png
Logo-ran.png
Вӧчӧма экспертиза
Россияса Наукаяс Академияӧн
Паськыдджыка
Видлалӧм гижӧд
Вӧвлӧм обласьт
Ыджыд Перым
Перым мулӧн эмблема Сарлӧн титулярникысь, 1672 во
Перым мулӧн эмблема Сарлӧн титулярникысь, 1672 во
Канпас
Канпас
География регион Урал дорын
Кадколаст 1324 — 1708
Ин Перым край
Йӧз 6 сюрс морт гӧгӧр (XVI нэм)
Ыджда 9 сюрс км² (XVI нэм)
Great Perm and Pelym principalities RU.jpg
Канмуяс тайӧ мутасын
Новгород республика XII нэм — 1451 во
Ыджыд Перым княжество 1451—1505
Роч канму 1505 восянь
Логотип РУВИКИ.Медиа Медиафайлы на РУВИКИ.Медиа
Ыджыд Перым

Ыджыд Перым (коми-перым Ыджыт Перем, рочӧн Пермь Великая, Пермская земля, Пермское княжество, Пермь Камская [1][2]) — тайӧ Россияын финн-йӧгра вӧвлӧм обласьт[3] да шӧр нэмъясся княжество, Кама катыдын да Кама, Висер, Колва да Язьва юяс костын. Племякостса шӧрин — Чердін, медыджыд ӧксылӧн резиденция — Покча[4], духовнӧй шӧрин — Искор[5]. Археология боксянь княжествоыс вӧліс родановса культура мутасын.

1471 воӧдз вӧлі Новгородса республикалӧн вот мутасӧн, а сэсся вӧлі Москваса великӧй княжество да ӧтувтӧм Роч канму киподулын. Дзикӧдз ӧтлаасис Москвакӧд 1505 воын[3].

Ыджыд Перымлӧн юркаръяс: 1472 воӧдз — Чердін, 1472—1535 — Покча, 1535—1613 — Чердін, 1636—1708 — Совкар[6].

Историк Н. Г. Устряловлӧн кывъяс серти, Ыджыд Перымӧн шусьылісны Чердін, Совдор, Совкар, Кайкар каръяс[7].

Г. С. Лыткин чайтӧм серти, «Ыджыд» эпитет йитчӧма тайӧ муяслӧн Строгановъяслӧн Урал сайӧ экспансияын медшӧр ролькӧд[8].

Мутас

Перым край 1579 воын, И. И. Яхонтовлӧн небӧгъяс серти (С. А. Андрианов серти)

Княжествоыс вӧлі Вылыс Кама ковтысын. Княжествоыслӧн аслас ыдждаыс вӧлі 9 сюрс км² гӧгӧр. Став мутасыс вӧлі Ыджыд Перым кипод улын — тайӧ 84,6 сюрсысь км² унджык. Войвывланьыс сійӧ нюжаліс Колва ю катыдсянь Эжва вожъясӧ вӧлӧкӧдз, кӧні граничитіс Эжва Перымкӧд. Рытыввылын княжестволӧн мутасыс воліс Кама да Вятка йывъясӧдз, кӧні заводитчыліс Вятка му. Лунвылын княжество контролируйтіс Чусовая юӧдз муяс, сы сайын муясыс вӧліны башкыръяслӧн, кодъяс вӧліны Казаньса ханство кипод улынӧсь. Асыввыв границаыс мансикӧд, Урал гӧра визь кузя, вӧлі медся беспокойнӧй да тшӧкыда торкавсьыліс кыкнанладорсяньыс. Княжестволӧн шӧриныс вӧлі Колва, Висер да Кама юяслӧн ӧтлаасянінын. Административнӧя юксис Вылыс му да Улыс му вылӧ. Тайӧ юксьӧмыс кольӧма и бӧрынджык, сӧмын вӧлі вежӧма нимсӧ Чердін уездса Вылыс да Улыс станъяс вылӧ.

ХVI да ХVII нэмъясса гижӧд небӧгъясын, государевӧй грамотаясын да мукӧд индӧдъясын вӧдитчӧны «Пермь Великая» нимӧн — став канмусӧ гӧгӧрвоӧдӧмӧн, да «Пермь Великая — Чердынь» — канмуса медшӧр карлысь (Чердінлысь) нимсӧ гӧгӧрвоӧдӧмӧн.

1623—1624 воясӧ Ыджыд Перымын гижалісны олысьяссӧ, М. Ф. Кайсаров лӧсьӧдіс на серти гижан небӧгъяс да воис сэтчӧ Москваысь[9].

Книга Большого Чертежа небӧгын (1627 во) паныдасьлӧны «Важ Перым» кыдзи Эжва ю вылын Емдін карлӧн ним да «Ичӧт Перым», либӧ «Пермца», кыдзи Совдор крайын ӧти коми вӧлӧсьтлӧн ним[10].

Подув ӧшмӧсъясын абу ӧтног юӧръяс вӧсна зэв сьӧкыд тӧдмавны сійӧ либӧ мӧд кадколастӧ Ыджыд Перымлысь границаяссӧ. Но тӧдмалӧма, мый важ Пермия Коми мукӧд тшӧтш войвылын граничитіс самодий войтыркӧд, асыввылын Урал гӧра визь кузя мансияскӧд, лунвылын башкыръяскӧд да удмуртъяскӧд, рытыввылын Югдінкӧд, Вӧлӧгдакӧд да Еджыд саридзкӧд.

ХVI да ХVII нэмъясын, гижан небӧгъяс лӧсьӧдысьяс И. И. Яхонтовлӧн да Кайсаровлӧн кывъяс серти, Ыджыд Перым му вылын, мӧд ногӧн кӧ, Чусовая юсянь Чусовскӧй тыӧдз, Кама кузя вӧлі куим кытш: Перым (Чердінса), кӧні вӧлі юркарыс (Чердін), XV нэмын лоӧм Усольскӧй, кӧні вӧлі юркарыс Усолье Камское, да Строгановскӧй вотчинаяс.

ХVIII нэмын тайӧ мутасъясыс пырисны Чердінса, Совкарса, Перым уездъясӧ да мыйтакӧ Кунгур, Оханса, Глазовса да Слободскӧй уездъясын — бӧръя кыкыс Вятка губерняын.

Йӧз

Олысьяслӧн стӧч лыдыс абу тӧдса. Тайӧ муясын олысьясӧс 1530 воын медводдзаысь дяк И. И. Бобровӧн нуӧдӧм гижалӧм серти, мӧд ногӧн кӧ перымса княжестволысь асшӧрлун бырӧдӧм бӧрын 25 во мысти, Ыджыд Перымын вӧлі 2145 лук — верстьӧ мужичӧй-вӧралысь, овмӧс кутысь. Тайӧ мыччӧдъяс сертиыс позьӧ чайтны, мый асшӧрлун кадӧ став олысьыс вӧлі 6 сюрсысь эз этшаджык морт. Историк В. А. Оборин лыддьыліс, мый IX—XV нэмъясӧ роданов культура мутасын овлӧма 4,5 сюрсысь абу этшаджык морт[11].

Тані олысьяс важысянь вӧралӧмаӧсь, чери кыйӧмаӧсь да вотчӧмаӧсь. Таысь кындзи, войвыв Кама бердын важысянь нин вӧлі металлургия. Ӧнія Оралово сиктсянь неылысь аддзӧмаӧсь миян эраӧдз X—IX нэмъясся ыргӧн кисьтан формаяс да тиглияс (Ананьинскӧй культура)[12]. IX—XV нэмъясӧ Ыджыд Перымлӧн мутасыс археология боксянь вӧлі роданов культуралӧн[13]. Тайӧ культураа йӧз вӧдитлісны му, видзлісны скӧт, вӧралісны, налӧн вӧлі кӧрт металлургия[13]. Роданов культуралӧн металлургия шӧринӧн вӧлі ӧнія Березникъяс дорын сулалысь посёлок, кодӧс археологъяс тӧдӧны кыдз Чашкинскӧй[14]. Сійӧ вӧлі IX—XIII нэмъясын[15]. Монголъяс бӧрын Прикамьеын металлургия шӧринъясӧн вӧліны Зырянка ю вожын сулалысь Сёмино кар да Абрамово, Пермяково сиктъяс[16].

Овмӧдчӧминъяс

Трӧича кар мыльк Чердінын.

XX нэмся туялӧмын индӧмаӧсь татшӧм овмӧдчӧминъяс[17]:

  • Каръяс (кар мылькъяс): Чердін (Вятка, IX-XI нэмъяс; роч олысьяса Трӧича, XV нэм), Редикор (IV-IX нэмъяс, дзебанін), Пымпол (IX-XI нэмъяс), Искор (вежаин, IV-IX нэмъяс), Урос (XV нэм).
  • Овмӧдчанінъяс: Покча (IX-XI нэмъяс), Выльгорт (IX-XI нэмъяс), Бондюг (IX-XI нэмъяс) (ставныс ӧні Перым крайын).

Но 2001-2008 воясын нуӧдӧм археология туялӧмъяс петкӧдлісны, мый Чердін и Искор вӧліны вежаинъясӧн, а эз «каръясӧн»[18]. Сэні эз аддзыны водзсасьны кыпӧдӧмторъяслысь и оланінъяслысь колясъяссӧ[18].

Эскӧм

«Епископ Питиримӧс виӧм» Лицевӧй летопись сводысь миниатюра. Голицын том, 477 лб

Йӧз эскисны асланыс енъяслы (ӧні — с. ш. традиционнӧй перым коми язычество). Вежаинъясӧн вӧліны Чердін да Искор[18]. ХIV нэм помын Кама бердса муясӧ воӧ православние. 1383 воын Перымса Степанӧс пуктісны перымса медводдза епископӧн. Летописьын тайӧ лоӧмтор йывсьыс висьтавсьӧ тадзи: «приде Стефан до митрополита до Москвы для новокрещении пермяки епискупа просити. Пимен митрополит с князем с Дмитрием сразсудив, поставил его Стефана епискупом пермскую землю»[18]. Сы вӧсна мый вичко боксянь Ыджыд Перым вӧліс Новгородса епархиялӧн, то тайӧ вайӧдіс конфликтӧ. Новгород кыкысь мӧдӧдліс Перым муӧ ӧружьеа отрядъяс[19]. Регыд мысти конфликтсӧ вӧлі ладмӧдӧма — Новгород признайтіс Перымса епископӧс, кодӧс индіс Москва[20]. Кӧть эськӧ некутшӧм документъяс абуӧсь Перымса Степанлӧн Ыджыд Перымын олӧм йылысь, но сійӧс лыддьылісны сэні Перымса епархиялы подув пуктысьӧн[21]. XV нэмын перымса епископъяс вӧліны Москва дор. Перымса епископ Питирим Москва княжествоын феодальнӧй война дырйи сувтіс Василий II дор, 1447 воын Русьса мукӧд вичкокӧд ӧтлаын пуктіс сылы паныд мунысь князь Дмитрий Шемяк вылӧ анафема[20]. Питирим 1450 воын ыстіс ассьыс йӧзӧс дорйыны Югдінсӧ Шемякысь, а перымса кык сотникӧс Шемяк казнитіс[20].

1455 воын епископ Питирим заводитліс Перымса олысьясӧс пыртчӧдны, но сійӧс виисны мансияс[22]. Выль епископ Иона Пермский выльысь пыртчӧдіс перым комиясӧс 1462 воын[22]. П. А. Корчагин лыддьӧ, мый зэв тӧдчанаӧн вӧлі 1472 вося Чердынса поход, кор москваса отряд рӧзӧритіс Искорын перым коми вежаин[23].

Но XVI нэм заводитчигӧн на йӧзыс вӧчисны языческӧй обрядъяс, та йылысь 1501 воын гижӧ москваса митрополит Симон[21]: «Яко же слышу о вас, что де у вас поимаются в племени по ветхому и по татарскому обычаю: кто у вас умрёт, и вторы де его брат жену его поимает, и третьи де и брат его того ж де творит; а жены де и ваши ходят простовласы, непокровенными главами»[24]. Митрополит Симон тшӧктіс кослунасьны, гӧтрасьны вичкоын, а нывбабаяслы новлыны чышъян[24]. Вермас лоны, XVI нэм заводитчигӧн перым комияс эскисны на асланыс енъяслы, тшӧтш и Войпельлы. Та йылысь митрополит Симон гижис: «А кумиром бы есте не служили, ни треб их не принимали, ни Войпелю болвану не молитеся по древнему обычаю, и всех Богу ненавидимых тризнищ не творите идолом»[24].

Митрополит Симон элясис перымса духовенство вылӧ, сы вӧсна мый найӧ эз кывзысьны епископ Филофейӧс, коді веськӧдліс Перым епархияӧн 1471—1501 воясӧ[24]: «не единова посылал к вам свои грамоты о том же, поучая вас, чтобы есте от раноядия и от питья воздержались, а детей бы своих духовных новокрещёных христиан учили всяко закону Божию, вере христианской: и вы де и о всех сих небрегосте и от епископа своего божественных писаний поучения не внимаете»[24].

Топоним

«Перым» топоним артмӧм йылысь ӧнӧдз мунӧны научнӧй дискуссияяс. Медводдза версиясӧ вӧзйис 1730 воын Ф. И. фон Страленберг, коді сорсьӧмӧн[25] ӧткодяліс Перым да скандинавскӧй сагаясын казьтывлӧм Биармия: «Вторая пристань была в Биармии или в Великой Перми при городе Чердыне» да пасйис, мый «в Европе суть Великая Пермиа, которую древность Биармаланд называет, и прежде превеликую часть земли в себе заключала»[26]. Перым-Биармия гипотеза ыджыдаліс история туялӧмъясын XIX нэм заводитчытӧдз да сы дор сулалісны В. Н. Татищев, М. В. Ломоносов да Н. М. Карамзин[27]. ХІХ — ХХ нэмъясӧ тайӧ гипотезасӧ критикуйтісны да чужисны «Перым» топоним артмӧм йылысь татшӧм теорияяс[28]:

  • финн Perämаа — «бӧр ладор» либӧ коми Perjema — «перйӧм, босьтӧм му» либӧ вепс Perämaa — «бӧр му»;
  • рäärmа — «край, окраина». Тайӧ теориялы панеыд сувтіс Макс Фасмер да индіс, мый «парма» кывйысь сьӧкыд фонетика боксянь артмӧдны «пермь» кыв;
  • Пера-багатыр нимсянь — «Пералӧн ин».

XIV нэмся мӧд джыйнӧдз важ роч текстъясын «Пермь/Перемь» топонимыс панысьлӧ сӧмын квайтысь[28]:

  • Повесть временных лет (1113 во) «Пермь» паныдасьлӧ кыкысь — войтыръяс лыддьӧгын чудь да печера костын (пермь формаын) да Русьлы вот сетысь войтыръяс лыддьӧгын, мордва да печера костын (пѣрмь формаын);
  • Новгородса нёльӧд летописьын пасйӧма, мый перымса муяс мынтісны вот Новгородлы и 1187 воын «избъени быша даньникы Перемьские и Югорьскии, а друзии за Волоком, и паде головъ о сте кметей»;
  • Князь Ярослав Ярославичлӧн Новгородкӧд 1264 вося сёрнитчӧмын пасйӧма Перым Югракӧд да Печӧракӧд тшӧтш, и пыртӧма выль «Колопермь» топоним:[29][30] А̇ се волости новгородьскꙑе̇ · Бежиче · Городець · М[ел]ечѧ[31] · Шипино · Е̇гна · Вологда · Заволоцье̇ · Колоперемь · Тре · Перемь · Ю̇гра · Печера;
  • Пермь и Колопермь индӧмаӧсь 1304—1305 вося грамотаын:[32][33] А се волости новгородьскꙑꙗ · Бѣжицѣ · Городьць · Мелеча · Шипино · Ѥгна · Волъгда · Заволочиѥ · Голопьрьмь · Тьрѣ · Пьрьмь · Печера · Югра;
  • 1324 вося летописьын медводдзаысь пасйӧма Ыджыд Перым, кор москваса князь Юрий Данилович ветліс Зарни Ордаӧ: «поиде… в Орду, а шёл на Пермь Великую и поиде по Каме реке».

Ыджыд Перым — кар

«Ыджыд Перым» кыдз кар ним паныдасьлӧ XVI—XVIII нэм заводитчӧм кадся история документъясын[34], но историкъяс оз эскӧдны, мый татшӧм карыс вӧліс.

История

Подув ӧшмӧсӧн лоӧ Эжва-Емдінса летопись. Тӧдса, мый Прикамье сулаліс вузасян туйяс вомӧнасянінын. Сідз, Чердін, историкъяс П. А. Корчагинлӧн да А. С. Лобановалӧн видзӧдлас серти, вӧлӧма ва-вӧлӧк туйяслӧн туйвежын[35]:

Ыджыд Перым княжество, Москвалӧн вассалитет (1451—1505)

Унджык историкыс чайтӧ, мый Рытыввыв Уралса медводдза олысьясӧн вӧліны урал кыв семьяса уна пӧлӧс финн-йӧгра войтыръяс. Йӧзлӧн Великӧй переселение кадӧ Уралын чужисны тюрк племяяс. Финн-йӧгра племяяслӧн ыджыд юкӧн маддяръяс веськӧдлӧм улын эновтісны Перым мудоръяс да овмӧдчисны Дунай дорӧ. X нэмсянь Прикамье вӧлі волжскӧй булгаръяс кипод улын да лыддьыссис налӧн колонияӧн. Ыджыд Перымлӧн мутасыс араб хроникаясын тӧдса кыдзи Вылыс Болгария либӧ Вису канму. Сы пыр муніс вузасян туй Сибирӧ. Кама берегъясын уна археологическӧй аддзӧмтор, перс искусство да сьӧм, — «Кама сайса эзысь»[36][37][38][39] — висьталӧны вӧрпа куӧн ёна вузасьӧм йылысь. Таысь кындзи, Ыджыд Перым мутасын (тшӧтш и сылӧн войвыв районъясын) зэв водз чужис металлургия. Ӧнія Оралово сиктсянь неылысь аддзӧмаӧсь миян эраӧдз X—IX нэмъясся ыргӧн кисьтан формаяс да тиглияс (Ананьиноса культура)[12]. Археология боксянь Ыджыд Перым пырӧ Роданов культураӧ (IX—XV нэмъяс). Роданов культуралӧн металлургия шӧринӧн вӧлі ӧнія Березникъяс дорын сулалысь посёлок, кодӧс археологъяс тӧдӧны кыдз Чашкинскӧй[14]. Сійӧ вӧлі IX—XIII нэмъясын[15]. Монголъяс бӧрын Прикамьеын металлургия шӧринъясӧн вӧліны Зырянка ю вожын сулалысь Сёмино кар да Абрамово, Пермяково овмӧдчанінъяс[16].

Перым муяс Новгородса республикаын (XII—XV нэмлӧн медводдза джынйыс)

XII нэмысь абу сёрджык Перым муяс лоисны Новгородса республикалӧн кипод улын, и 1471 воӧдз Югракӧд тшӧтш найӧс пасйӧма кыдз новгородса «вӧлӧсьтъяс» 1264, 1304—1305 и 1471 воясся сёрнитчӧмъясын[40]. Перым муяс XII нэмын нин мынтісны Новгородлы вот. Новгородса нёльӧд летописьын гижӧма, мый 1187 воын «избъени быша даньникы Перемьские и Югорьскии, а друзии за Волоком, и паде головъ о сте кметей»[41]. Тайӧ гижӧдыс индӧ, мый татчӧс олысьяс паныд сувтісны вот ӧктысьяслы. Но Новгород чукӧртіс вотсӧ и тотара-монгол нашествие бӧрын. 1322 воын Иван Калита «приде из орды, и възверже гнев на Новгород, прося у них серебра Закамьского»[42].

Рочьяслӧн Кама бердӧ воӧм (XIII—XIV нэмъяс)

XIII—XIV нэмъяс заводитчигӧн Кама бердса муяс пыр ветлӧдлісны Владимир-Суздальса князьяс. Кама кывтыдын да шӧр Поволжьеын X нэмсянь вӧлі тюрк кывъя мусульман канму Волжскӧй Булгария. Эм весиг версия, мый Вылыс Кама бердса муясын XI нэмын нин вӧліны булгарскӧй вузасян факторияяс, но тайӧс примитӧны оз став историкъяс[43]. Роданов культура паметникъяс кодйигӧн аддзӧма зэв этша булгар предметъяс[44].

Сы вылӧ видзӧдтӧг, мый Вылыс Кама бердса археология паметникъяслысь (гуясысь да овмӧдчӧминъясысь) тӧдчана юкӧнсӧ вӧлі кодйӧма революцияӧдз на, историк Л. Д. Макаров воис кывкӧртӧдӧ, мый XI нэмын нин регионӧ кутісны зэв уна вайны важся Русьысь предметъяс[43]. Шуам, ӧнія Чёрмоз дорысь аддзӧмаӧсь важ роч сабля вороплысь юкӧн (тайӧ воропыслӧн дзик ӧти аналогыс мичмӧдӧма Киевысь IX—X нэмъясӧ вайӧм саблясӧ) да каролингскӧй мечлӧн торпыриг[45].

Вылыс Кама муяссянь рытыв-войвылын ХIII нэм заводитчигӧн вӧлі лӧсьӧдӧма Югдін, сійӧ вӧлі Владимирско-Суздальскӧй княжестволӧн. Югдінсянь Кама катыд пыр муніс туй Волжскӧй Булгарияӧ, кыті ветлӧдлісны роч князьяс. Кор 1220 воын князь Юрий Всеволодович муніс походӧн Волжскӧй Булгария вылӧ, то сылысь ӧти полк вӧлі мӧдӧдӧма «Устюгсянь Кама йылӧ»[46]. Тотара-монгол нашествие бӧрын Кама муяс колисны транзит мутасӧн. Кор 1324 воын Москваса князь Юрий Данилович ветліс Зарни Ордаӧ, то сійӧ «муніс Ыджыд Перымті да ветліс Кама ю кузя»[41].

Княжество (1451—1505 вояс)

Перым коми племяяс зэв важысянь вузасисны Поволжьекӧд да Прикаспийскӧй регионса странаяскӧд, кытчӧ Кама да Волга кузя муніс веськыд ювывса туй. Рытыввывсянь Эжва Перым пыр Вынва вожъясӧд тасянь муніс ювывса туй Югдінӧ да Вӧлӧгдаӧ. Асыввывлань Висер, Лозьва да Тавда кузя муніс Сибирӧ туй, коді ХVI нэм помӧдз вӧлі Урал сайӧ медшӧр «Московскӧй» либӧ «Государевӧй» туйӧн[47]. Татчӧс муясын чукӧрмис Иранысь, Византияысь да Шӧр Азияысь эзысь дозмук, араб сьӧм да мичмӧдчанторъяс[48].

ХIII нэмын монголъяс жугӧдісны Волжскӧй Булгарияӧс да удельнӧй роч княжествоясӧс. Разнӧй войтырсикаса аддзӧмаӧсь оланін вель лӧнь да пӧшти овтӧм Перым муын, кодӧс дорйӧмаӧсь прӧйдитны позьтӧм вӧръяс да нюръяс. Тайӧ муясыс пырисны Новгородса вӧлӧсьтъяс лыдӧ, но колисны асшӧрлунаӧн: наӧн веськӧдлісны аслас князьяс да сӧмын мынтісны Новгородлы вот.

1451 воын ыджыд ӧксы Василий индіс Перымын аслас наместникъясӧн Эжваса ӧксы Ермолайӧс да сылысь Василий писӧ, а Ермолайлӧн мӧд пиыс Михаил лои Ыджыд Перымӧн вассальнӧй веськӧдлысьӧн. Тайӧ кадсяньыс Ермолай да Василий да налӧн быдтасъясыс босьтісны Емдінса ӧксыяс, а Михаил — Ыджыд Перымса ӧксы ним.

1472 воын перым комияс быттьӧ увтыртӧмаӧсь москваса купечьясӧс и та вӧсна Иван ІІІ мӧдӧдіс Перым крайӧ Москваса воевода князь Фёдор Пёстрыйӧс войскаӧн. Фёдор Пёстрый кыпӧдіс Покчаын неыджыд роч укрепление. Сійӧ жӧ воас Чердінса Богословскӧй манастырлӧн синодикын медводдзаысь казьтылісны некымын перымса князьлысь да княгинялысь нимъяссӧ. Иван ІІІ аслас веськӧдлан кад помӧдз колис крайӧн веськӧдлысьӧн Перымса князь Михаилӧс, збыльвылас веськӧдлысьнас жӧ вӧлі Перымса епископ Филофей. 1505 воын Михаиллӧн пи Матвей пыдди Ыджыд Перым княжествоӧ вӧлі мӧдӧдӧма наместник князь В. А. Ковёрӧс. Москваса князьяс стрӧитлісны каръяс, сетлісны вотъясысь да пошлинаясысь недыр кежлӧ кокньӧдъяс[10].

Пермякъяс участвуйтісны москваса воеводаяслӧн Югра вылӧ походъясын (1483, 1485 да 1499 вояс) и манси вылӧ (1484 во); сэк жӧ на вылӧ пыр усьласисны манси да тотара (1481, 1505, 1531, 1539, 1547, 1572, 1573 да 1581 вояс). 1581 воын Пелымса Кихека князьлӧн тотаракӧд, хантыкӧд, мансикӧд, удмуртъяскӧд да башкыръяскӧд уськӧдчӧмыс вайис торъя ыджыд лёкӧн Ыджыд Перымлы.

Йӧзыс ёнджыкасӧ олісны Колва да Висер вожса улыс юкӧнъясын. Юркарсяньыс, Чердінсянь, быдлаӧ паськалісны паськыд ва туйяс: Кама кузя — рытыввылӧ да лунвылӧ Москваӧдз да Каспий саридзӧдз, Колва кузя да, вӧлӧк бӧрын, Печӧра кузя — войвылӧ Войвыв океанӧдз, Висер кузя — асыввылӧ Урал гӧраяс вомӧн да водзӧ Сибирӧ, Ивдель, Лозьва, Тавда, Тобол, Иртыш да Об юяс кузя лэччӧмӧн — ювывса Чердінса туй. Тӧвнас грузъяссӧ новлӧдлісны тайӧ жӧ юяс йияс кузя. Медводдза сухопутнӧй Бабиновскӧй туй (уна посъясӧн) Сибирӧ вӧлі стрӧитӧма 1597 воын нин.

Овмӧсын ыджыд тӧдчанлуна вӧлі вӧралӧм да чери кыйӧм, а лунвыв районъясын (Кама да Чусовӧй пӧлӧн) — му вӧдитӧм.

Роч канмуын

ХVI-ӧд нэмсянь заводитӧ кыптыны важ Эжва Перым весьтын Ыджыд Перым. ХVI нэм шӧрын тані вӧлі нин некымын манастыр, кӧть эськӧ Кристослы эскӧмыс кутіс паськавны матӧ сё воӧн сёрӧнджык Эжва Перым дорысь, кӧні медводдза куим манастырсӧ восьтіс Перымса Степан. Ыджыд пай Перым край пыртӧмӧ пуктіс вежа Трифон Вятский. Унатор вӧчисны Строгановъяс, кодъяслы 1517 воын великӧй князь сетіс Совдорын сов пуӧм вылӧ грамота, а 1558 воын — Ыджыд Перымын зэв уна му. XVII нэмын Ыджыд Перымлӧн мутасыс юксьыліс куим уезд вылӧ — Чердінса, Соликамскса да Кунгурса вылӧ[49].

ХVII нэмын Прикамьеын заводитісны корсьны мупытшса озырлун. 1617 воын строгановскӧй кресьтянин Я. Литвинов юӧртіс Москваӧ, мый аддзӧма Соликамскӧй уездысь ыргӧн[50]. 1618 воын нин места вылын нуӧдіс геология корсьысян экспедиция, кытчӧ пырисны дворянин Ч. Бартенев, подьячӧй Г. Леонтьев да англичанин-руда тӧдысь Д. Ватер[50]. Экспедиция аддзис ыргӧн да неуна зарни[50]. 1634 воын Прикамьеын вӧлі стрӧитӧма Пыскорса ыргӧн сывдан завод, коді вӧлі 1657 воӧдз[51].

Горнозаводскӧй делӧыс вӧлі канмулӧн озырлунлӧн медшӧр ӧшмӧсӧн, отсаліс стрӧитны-сӧвмӧдны каръяс, сы лыдын губерняса Перым кар[10]. Карыслы сетісны тайӧ нимсӧ ХVIII нэмын Перым губерня артмӧмкӧд йитӧдын.

Роч канмуӧ пырӧм бӧрын Ыджыд Перым вӧліны разнӧй административнӧй юкӧдъяс:

  • Поместнӧй система,
  • Новгородса приказлы подчиняйтчысь разрядъяс воеводаяс юрнуӧдӧм улын,
  • Кардорса да Сибирса губерняяс вылӧ юкӧм,
  • Россия империяса провинцияяс,
  • Россияса уездъяс,
  • Вӧлӧсьтъяс,
  • 1897 вося Росся империяса медводдза (и дзик ӧти) Всеобщӧй перепись материалъясын пасйӧма перым комияс войтырсикассӧ — а войтырсикассӧ сэк индісны сӧмын чужан кыв подув вылын[52].
  • Ыджыд Перым
  • Перым мулӧн эмблема, 1626 во

    Перым мулӧн эмблема, 1626 во

  • Сарлӧн титулярник, Перым мулӧн эмблема, 1672 во

    Сарлӧн титулярник, Перым мулӧн эмблема, 1672 во

  • Ыджыд Перым (юкӧн), И. К. Кириловлӧн «Атлас Всероссийской империи», 1722—1737 вояс

    Ыджыд Перым (юкӧн), И. К. Кириловлӧн «Атлас Всероссийской империи», 1722—1737 вояс

Ӧксыяс

  • Михаил Ыджыд Перымса ӧксы (1451—1481)
  • Матвей Ыджыд Перымса ӧксы (1481—1505)

Ыджыд Перым художествоа литератураын

Ыджыд Перымлӧн историяысь йӧз да лоӧмторъяс пуктісны А. В. Ивановлӧн «Сердце Пармы или Чердынь — княгиня гор» романлӧн сеттинг подулӧ, кӧні збыльвывса историческӧй йӧз, инъяс да лоӧмторъяс йитчӧмаӧсь финн-йӧгра мистикакӧд да эскӧмъяскӧд.

Пасйӧдъяс

  1. ↑ Туркин А. Происхождение названий народов коми // Linguistica Uralica. — Tallinn, 1995. — Т. 31, № 1. — С. 19.
  2. ↑ Вершинин Е. Пермь Великая // Родина. — 2001. — №. 11. — С. 37—40.
  3. ↑ 1 2 ПЕ́РМСКАЯ ЗЕМЛЯ́ : [арх. 7 лӧддза-номъя тӧлысь 2020] / Г. Н. Чагин // П — Пертурбационная функция. — М. : Большая российская энциклопедия, 2014. — С. 706—707. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 25). — ISBN 978-5-85270-362-0.
  4. ↑ Кривощёков И. Я. Словарь географическо-статистический Чердынского уезда Пермской губернии. Пермь, 1914. С. 624.
  5. ↑ Кривощёков И. Я. Словарь географическо-статистический Чердынского уезда Пермской губернии. Пермь, 1914. С. 399.
  6. ↑ Уральская Историческая Энциклопедия. Шыӧдчан кадпас: 24 моз тӧлысь 2019. Архивируйтӧма 6 лӧддза-номъя тӧлысь 2020.
  7. ↑ Устрялов Н. Г. Именитые люди Строгановы. Архивируйтӧма 12 косму тӧлысь 2021. СПб.: Типография штаба военно-учебных заведений, 1842. С. 8-9. Прим. 13.
  8. ↑ Лыткин Г. С. Зырянский край при епископах пермских и зырянский язык. СПб.: Тип. Акад. наук, 1889. С. 21. Архивируйтӧма 7 лӧддза-номъя тӧлысь 2020.
  9. ↑ Календарь знаменательных и памятных дат г. Перми на 2023 год
  10. ↑ 1 2 3 Пермская губерния (ЭСБЕ)
  11. ↑ История Урала с древнейших времен до конца XIX века / Под ред. акад. Б. В. Личмана. — Екатеринбург: СВ-96, 1998. — С. 116
  12. ↑ 1 2 Майстренко Д. Л., Мельничук Л. Ф. Орловское озеро II — поселение рубежа поздней бронзы и начала железного века в северном Прикамье // Вестник Пермского университета. Серия: История. — 2015. — № 1 (28). — С. 37 — 44
  13. ↑ 1 2 История Урала с древнейших времен до конца XIX века / Под ред. акад. Б. В. Личмана. — Екатеринбург: СВ-96, 1998. — С. 78
  14. ↑ 1 2 Головчанский Г. П., Мельничук А. Ф., Рублев А. В., Скорнякова С. В. Чашкинское II поселение — крупнейший неукрепленный памятник Родановской культуры в Верхнем Прикамье // Вестник Пермского университета. Серия: История. — 2011. — № 1 (15). — С. 49 — 50
  15. ↑ 1 2 Головчанский Г. П., Мельничук А. Ф., Рублев А. В., Скорнякова С. В. Чашкинское II поселение — крупнейший неукрепленный памятник Родановской культуры в Верхнем Прикамье // Вестник Пермского университета. Серия: История. — 2011. — № 1 (15). — С. 49 — 50, 56
  16. ↑ 1 2 Головчанский Г. П., Мельничук А. Ф., Рублев А. В., Скорнякова С. В. Чашкинское II поселение — крупнейший неукрепленный памятник Родановской культуры в Верхнем Прикамье // Вестник Пермского университета. Серия: История. — 2011. — № 1 (15). — С. 56
  17. ↑ Кривощёков И. Я. Пермь Великая, её живая старина и вещественные памятники.- Пермь, 1911
  18. ↑ 1 2 3 4 Корчагин П. А., Шабурова Е. В. Вехи крещения и христианизации Перми Великой XV — начале XVIII в.: археологический и искусствоведческий аспекты // Труды Камской археолого-этнографической экспедиции. — 2009. — № 6. — С. 190
  19. ↑ Корчагин П. А., Шабурова Е. В. Вехи крещения и христианизации Перми Великой XV — начале XVIII в.: археологический и искусствоведческий аспекты // Труды Камской археолого-этнографической экспедиции. — 2009. — № 6. — С. 190—191
  20. ↑ 1 2 3 Корчагин П. А., Шабурова Е. В. Вехи крещения и христианизации Перми Великой XV — начале XVIII в.: археологический и искусствоведческий аспекты // Труды Камской археолого-этнографической экспедиции. — 2009. — № 6. — С. 191
  21. ↑ 1 2 Чагин Г. Н. Пермь Великая и первые века её христианизации // Вестник Православного Свято-Тихоновского гуманитарного университета. Серия 2: История. История Русской Православной Церкви. — 2011. — № 5 (42). — С. 8
  22. ↑ 1 2 Корчагин П. А., Шабурова Е. В. Вехи крещения и христианизации Перми Великой XV — начале XVIII в.: археологический и искусствоведческий аспекты // Труды Камской археолого-этнографической экспедиции. — 2009. — № 6. — С. 192
  23. ↑ Корчагин П. А., Шабурова Е. В. Вехи крещения и христианизации Перми Великой XV — начале XVIII в.: археологический и искусствоведческий аспекты // Труды Камской археолого-этнографической экспедиции. — 2009. — № 6. — С. 192—193
  24. ↑ 1 2 3 4 5 Чагин Г. Н. Пермь Великая и первые века её христианизации // Вестник Православного Свято-Тихоновского гуманитарного университета. Серия 2: История. История Русской Православной Церкви. — 2011. — № 5 (42). — С. 9
  25. ↑ Ярослав Пилипчук. Как новгородцы и булгары сообщили миру о Великой Перми (22 урасьӧм тӧлысь 2018).
  26. ↑ Корчагин П. А. Пермь. «Что в имени» // Вестник Пермского научного центра УрО РАН. — 2013. — № 4. — С. 4 — 5
  27. ↑ Корчагин П. А. Пермь. «Что в имени» // Вестник Пермского научного центра УрО РАН. — 2013. — № 4. — С. 5
  28. ↑ 1 2 Корчагин П. А. Пермь. «Что в имени» // Вестник Пермского научного центра УрО РАН. — 2013. — № 4. — С. 5 — 6
  29. ↑ Грамоты Отношений Великого Новгорода С Князьями. Шыӧдчан кадпас: 31 йирым тӧлысь 2019. Архивируйтӧма 3 вӧльгым тӧлысь 2019.
  30. ↑ Источник. Шыӧдчан кадпас: 31 йирым тӧлысь 2019. Архивируйтӧма 7 лӧддза-номъя тӧлысь 2020.
  31. ↑ Две буквы в грамоте не читаются, в списке XVIII века «Мелеча»
  32. ↑ 7. Шыӧдчан кадпас: 31 йирым тӧлысь 2019. Архивируйтӧма 3 вӧльгым тӧлысь 2019.
  33. ↑ Источник. Шыӧдчан кадпас: 31 йирым тӧлысь 2019. Архивируйтӧма 6 лӧддза-номъя тӧлысь 2020.
  34. ↑ Корчагин П.а. Пермь. «Что в имени. . . » // Вестник Пермского федерального исследовательского центра. — 2013. — Вып. 4. — С. 4–21. — ISSN 2658-705X. Архивировано 11 косму тӧлысь 2021 года.
  35. ↑ Корчагин П. А., Лобанова А. С. Очерки ранней истории Перми Великой: водно-волоковые пути // Вестник Пермского университета. Серия: История. — 2012. — № 1 (18). — С. 133
  36. ↑ «Серебро закамское» в истории и археологии Пермского Предуралья. Шыӧдчан кадпас: 11 сора тӧлысь 2016. Архивируйтӧма 17 моз тӧлысь 2016.
  37. ↑ Сокровища Биармии. Шыӧдчан кадпас: 11 сора тӧлысь 2016. Архивируйтӧма 8 моз тӧлысь 2016.
  38. ↑ Тайны «закамского» серебра. Шыӧдчан кадпас: 11 сора тӧлысь 2016. Архивируйтӧма 18 моз тӧлысь 2016.
  39. ↑ Серебро пермское, закамское. Шыӧдчан кадпас: 11 сора тӧлысь 2016. Архивируйтӧма 17 моз тӧлысь 2016.
  40. ↑ Корчагин П. А. Пермь. «Что в имени» // Вестник Пермского научного центра УрО РАН. — 2013. — № 4. — С. 5 — 10
  41. ↑ 1 2 Корчагин П. А. Пермь. «Что в имени» // Вестник Пермского научного центра УрО РАН. — 2013. — № 4. — С. 7
  42. ↑ Корчагин П. А. Пермь. «Что в имени» // Вестник Пермского научного центра УрО РАН. — 2013. — № 4. — С. 7 — 8
  43. ↑ 1 2 Макаров Л. Д. Этноопределяющие маркеры в археологии и проблемы славяно-финского этнокультурного синтеза // Вестник Удмуртского университета. — Серия История и филология. — 2005. — № 7. — С. 129
  44. ↑ Головчанский Г. П., Мельничук А. Ф., Рублев А. В., Скорнякова С. В. Чашкинское II поселение — крупнейший неукрепленный памятник Родановской культуры в Верхнем Прикамье // Вестник Пермского университета. Серия: История. — 2011. — № 1 (15). — С. 53
  45. ↑ Макаров Э. Ю., Мельничук А. Ф., Третьяков Д. В. Новые средневековые археологические древности близ г. Чермоза Пермского края // Вестник Пермского университета. Серия: История. — 2011. — № 1 (15). — С. 107—108
  46. ↑ Корчагин П. А. Пермь. «Что в имени» // Вестник Пермского научного центра УрО РАН. — 2013. — № 4. — С. 8
  47. ↑ На путях из Земли Пермской в Сибирь. Ред. В. А. Александрова. «Наука», М.1989 г.
  48. ↑ Белавин А. М. «Серебро закамское» в истории и археологии пермского Предуралья // Вестник Пермского научного центра УрО РАН. — 2013. — № 2. — С. 50 — 58
  49. ↑ Космовская А. А. Воеводское управление в Перми Великой в XVII в. // Вестник Пермского университета. — Серия: История. 2012. — № 1 (18). — С. 136
  50. ↑ 1 2 3 Корепанов Н. С., Курлаев Е. А. К истории открытия золота на Урале // Известия высших учебных заведений. Горный журнал. — 2013. — № 6. — С. 170
  51. ↑ Курлаев Е. А. Роль иностранных специалистов и технологий в формировании геологоразведочной и горнодобывающей отраслей на Урале в XVII — первой четверти XVIII века // Известия высших учебных заведений. — Горный журнал. — 2012. — № 8. — С. 110
  52. ↑ Первая Всеобщая перепись населения Российской империи, 1897 год., издание Центрального статистического комитета (под редакцией Н. А. Тройницкого).

Литература

  • 100 и 1 документ: нескучные архивные истории. — Пермь, 2020. — С. 8-9: фот. цв.
  • Белавин А. М. 900 ЛЕТ ИМЕНИ «ПЕРМЬ» // Пермский государственный гуманитарно-педагогический университет, Пермь — 2014. — № 9. — С. 4-10.
  • Белянкин Ю. С. Книжное наследие Перми Великой в фондах РГБ // Язык, книга и традиционная культура позднего русского средневековья в науке, музейной и библиотечной работе: Труды III международной научной конференции (Мир старообрядчества. Вып. 9.) / Сост. Н. В. Литвина, Ю. С. Белянкин. — М.: Археодоксiя, НКТ, 2019. — 820 с. — С. 54-63
  • Коловарский, Л. Новый список писцовых книг Михаила Кайсарова / Л. Коловарский, Ю. Мельков И На Западном Урале: сборник статей 1951 года. Вып. 1. — Пермь, 1951. — С. 201—208.
  • Морозов Б. Н., Симонов Р. А. К проблеме источников древнепермской письменности Стефана Пермского (около 1340—1396) // Древняя Русь. Вопросы медиевистики. 2009. № 1 (35). С. 5-16.
  • Семёнов О. В. К вопросу о времени вхождения в состав Московского государства Перми Великой / О. В. Семёнов // Известия Уральского государственного университета. — 2004. — № 31. — С. 34-45.
  • Семёнов О. В. Становление и эволюция системы местного управления на Урале во второй половине XV — первой половине XVII в. Екатеринбург, 2006.
  • Семёнов О. В. Великопермская уставная наместничья грамота 1553 г. // Проблемы истории России. — Екатеринбург: Волот, 2008. — Вып. 7: Источник и его интерпретации. — С. 295—333.
  • Чагин Г. Н. Пермь Великая в топонимических доказательствах / Пермский государственный университет. — Пермь: Изд-во Перм. ун-та, 2004. — 100 с. — 200 экз. — ISBN 5-8241-0334-8. (обл.)
  • Шумилов Е. Н. Пермь Великая — Чердынь: Опыт исторической реконструкции. 2-е издание, исправленное. Пермь, 2005.

Ыстӧгъяс

Босьтӧма "https://kv.ruwiki.ru/w/index.php?title=Ыджыд_Перым&oldid=480494"-ысь