Югыдъяг (Кулӧмдін район)
| Посёлок | |
| Югыдъяг | |
|---|---|
 | |
| 61°37′47″ с. ш. 54°56′15″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Кулӧмдін |
| Сикт овмӧдчӧмин | Югыдъяг |
| История да география | |
| Лӧсьӧдӧма | 1937 |
| Воддза нимъяс | База |
| Посёлок | 1991 |
| Йӧз | |
| Олысь лыд | |
| Лыдпаса идентификаторъяс | |
| Пошта индекс | 168074 |
| ОКАТО код | 87248895001 |
| ОКТМО код | 87648495101 |
|
|
|
Югыдъяг - Коми Республикалӧн Кулӧмдін районын посёлок, Югыдъяг сикт овмӧдчӧминлӧн шӧрин, кытчӧ нӧшта пырӧны Белоборск, Вад, Важ Эжва, Смолянка посёлокъяс да Канава грезд[2].
Ним артмӧм
Югыдъяг- нимыс артмӧма "югыд" да "яг" кывъясысь [3].
География
Посёлок меститчӧ Китъёль юлӧн шуйга берегын, Эжва юӧ сылӧн усянінсянь матын, Кулӧмдін юрсиктсянь 83 км ылнаын.[4].
История
Югыдъяг посёлок вӧлі котыртӧма 1937 воын кыдзи лагерса пункт, сэсся лои спецпосёлокӧн. Важ олысьяс казьтылӧм серти, «вӧрсӧ кералісны черъясӧн, пилитісны кипом пилаясӧн, петкӧдісны вӧвъясӧн. Сьӧкыда прӧйдитан местаясын туй вылӧ вольсалісны керъяс». Буретш спецпереселенечьяс стрӧитісны посёлоксӧ, пуктісны сылысь экономическӧй да социальнӧй подувсӧ.
1937-1940 воясӧ вӧлі «Лӧкчимлаг» ГУЛАГ ИТЛ «Усть-Нембаза» лагпунктӧн.
1941-1955 воясӧ - «Шӧр База» спецпосёлок.
1956 вося олан пунктъяслӧн лыддьӧгын - Немдін сикт сӧветын Немдін посёлок.
1960 воын - Немдін сикт сӧветын База посёлок.
1971 вося урасьӧм тӧлысь 11-ӧд лунсянь - База выль сикт сӧветлӧн шӧрин.
1975 вося йирым тӧлысь 10-ӧд лунӧ нимтӧма Югыдъяг посёлокӧн; 1975 вося йирым тӧлысь 13-ӧд лунӧ пыртӧма рабочӧй посёлокъяс категорияӧ; База сикт сӧвет лои Югыдъяг посёлокса сӧветӧн.
1991 вося ӧшым тӧлысь 26-ӧд лунӧ рабочӧй посёлок лои сикт кодь посёлокӧн, Югыдъяг посёлокса сӧвет — сикт сӧветӧн.
1992 воын тані вӧлі 2304 олысь, 1995 воын - 2134 олысь; 2002 воын - 1881 морт (913 мужичӧй, 968 нывбаба).
1940-ӧд воясӧ, спецпосёлокӧ воӧм бӧрын спецпереселенечьяс аддзисны татшӧм серпас: гӧгӧр пилитӧм керъяс, кодъясӧс пыдӧ сюйӧма муӧ (ӧні тайӧ посёлокса шӧр да кык орчча уличаяс). Талун кежлӧ кольӧма сідзжӧ юкмӧс, мыйӧн вӧдитчылӧмаӧсь лагер могмӧдысьяс. Сійӧ кадӧ сійӧс шулісны "Царскӧйӧн".
1941 восянь посёлокын кызвыннас олісны сӧветскӧй немечьяс. Вӧлі весиг школа - нёль жыръя барак. Куим жырйын олісны переселенечьяс, а ӧти жырйын буретш вӧлі и улыс тшупӧда школаыс. 1948 воын сизим велӧдчысь пиысь витыс вӧліны немечьяс.
1943 воын паспортъяс босьтісны велӧдчыны мунысь переселенечьяслӧн челядь, а 1944 воын паспортъяссӧ сетісны и налӧн семьяясӧ пырысьяслы. Но посёлок сайӧ петавны торъя разрешениетӧг век жӧ эз позь.
1948 воын вӧлі заводитӧма стрӧитны векни визя кӧрт туй.
1956 воын переселенечьяс босьтісны паспортъяс. Ставсьыс сёрӧнджык паспортъяссӧ босьтісны немечьяс.
Югыдъяг посёлокын пенсия босьтӧны, кыдзи реабилитируйтӧмаяс, 25 морт, на лыдын 9 немеч. Ставыс артавсьӧ 17 национальносьт. 1972 воын Немдінса База посёлокын (ӧні Югыдъяг) оліс да уджаліс Владимир Путин[5].
Олысьяс
Нималана йӧз
• Булышев Александр Андреевич — Немдінса леспромхозын вӧр пӧрӧдысь, канмулысь планъяс да примитӧм социалистическӧй кӧсйысьӧмъяс олӧмӧ пӧртӧм серти зэв бура уджалӧмысь сетӧма СССР-са медвылыс канму награда - Ленин орден
• Паршукова Раиса Андреевна — Немдінса леспромхозын увйысьысь, канмулысь планъяс да примитӧм социалистическӧй кӧсйысьӧмъяс олӧмӧ пӧртӧм серти зэв бура уджалӧмысь сетӧма СССР-са медвылыс канму награда - Ленин орден
Ӧтуввез
Администрациялӧн официальнӧй сайт: https://yugydyag-r11.gosweb.gosuslugi.ru
Ӧшмӧсъяс
• Атлас Республики Коми. – Москва, 2000.
•Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• Игнатов М.К. Взгляд сквозь годы. – Сыктывкар: Коми небӧг лэдзанін, 1998. – 224 с.
• Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. – 366 с.
• История Коми с древнейших времен до конца XX века: В 2-х т. / По общей редакцией А.Ф. Сметанина. – Сыктывкар, 2004.
• Республика Коми: Энциклопедия. – Сыктывкар, 1997-2000. – Т. 1-3.
Пасйӧдъяс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Бурьян М. Югыдъяг//Республика Коми: Энциклопедия.Т.3. Сыктывкар, 2000. С. 343
- ↑ А.П. Афанасьев. Топонимия Республики Коми. Словарь-справочник. Сыктывкар: Коми книжное издательство, 1996.
- ↑ Бурьян М. Югыдъяг//Республика Коми: Энциклопедия.Т.3. Сыктывкар, 2000. С. 343
- ↑ История Коми 1971-1975.
- ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу.
- ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ https://rosstat.gov.ru/storage/mediabank/Tom1_tab-5_VPN-2020.xlsx.
Литература
- Митина Т. М. Школьные краеведческие экспедиции в изучении спецпосёлков и лагпунктов верхней Вычегды. / Материалы конф. / 1-я Междунар. конф. «История и перспективы развития северных регионов России: роль ГУЛАГа, мемориальная деятельность», Сыктывкар, Респ. Коми, Россия, 25-29 октября 2011. — М., 2011. — Т. 2. — С. 166—167.
- Игнатова Н. М. Югыдъяг: история создания населённого пункта по архивным данным// Известия Общества изучения Коми края. Научно-популярный краеведческий журнал. Сыктывкар, 2008. № 2(11). С. 84-95.
Ыстӧгъяс
- Усть-Немская узкоколейная железная дорога (пос. Югыдъяг) на «Сайте о железной дороге» Сергея Болашенко
