Смолянка (Кулӧмдін район)
| Посёлок | |
| Смолянка | |
|---|---|
 | |
| 61°36′04″ с. ш. 54°48′19″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Кулӧмдін |
| Сикт овмӧдчӧмин | Югыдъяг |
| История да география | |
| Медводдзаысь пасйӧма | 1940-ӧд вояс |
| Шӧрин вылна | 95 м |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Телефон код | +7 82137 |
| Пошта индекс | 168073 |
| ОКАТО код | 87248895002 |
| ОКТМО код | 87648495121 |
|
|
|
Смолянка (рочӧн Смолянка) – Коми Республикаса Кулӧмдін районын Югыдъяг сикт овмӧдчӧминса посёлок.
География
Смолянка посёлок меститчӧ Эжва юлӧн шуйга берегын Смолянка кӧдж дорын. Орчча сиктъяс: Немдін - 3 км асыввылӧ да Парч - 4 км рытыввылӧ. Кулӧмдінӧдз - 60 км рытыввылӧ.
История
1940-ӧд воясся топографическӧй картаяс вылын - Смолянка баракъяс.
Смолянка посёлок артмис 1947 воын, кыдзи вӧр лэдзысьяслӧн посёлок.
1953 воын котыртӧма Смолянкаса леспромхоз.
1956 воын — Немдінса сикт сӧветын вӧр лэдзысьяслӧн Смолянка посёлок. Посёлокын кыпӧдісны керкаяс стрӧитан комбинат, но сэні удитісны вӧчны вӧр лэдзысьяслы сӧмын некымын олан керка, сы вӧсна мый сійӧ сотчис.
1965 вося тӧвшӧр тӧлысь 13-ӧд лунӧ посёлоксӧ вуджӧдӧма Парчса сикт сӧветӧ.
1971 вося урасьӧм тӧлысь 11-ӧд лунӧ пыртӧма Базаса сикт сӧветӧ, 1975 вося йирым тӧлысь 13-ӧд лунӧ — Югыдъяг посёлокса сӧветӧ (1991 вося ӧшым тӧлысь 26-ӧд лунсянь — Югыдъяг сиктса сӧветӧ).
Вӧр лэдзӧмкӧд йитчӧм история
1949 воын тані вӧлӧма 68 ыстӧм «власовец», кодъяс пӧрӧдісны вӧр. Вӧрсӧ векни визя кӧрт туй кузя (УЖД) петкӧдісны вӧвъясӧн, сӧвтісны платформа вылӧ да паровозъясӧн нуисны улыс складӧ. Сэсся нюжӧдісны туй УЖД-лӧн 11 км дорӧ, кыті газогенераторнӧй тракторъясӧн вӧрсӧ вайисны улыс складӧдз. Тракторъяс уджалісны пес вылын. Вӧрсӧ пӧрӧдісны «Вакопп» пилаӧн, кодлӧн сьӧктаыс вӧлі 24 кг. Площадкаяс вылын сортируйтісны да кӧрталісны катернӧй вӧзъясӧ. Тулыснас ыджыд ва дырйи тросъясӧн 10 мортӧн кыкнан берегсянь кыскисны Эжва ю дорӧдз. А водзӧ найӧс нуисны катеръясӧн. 1972 восянь кутісны мӧдӧдны гырысь пуръяс - 12000 кубометр мындаӧн, а 1980 восянь - 18000-ӧдз. 1980 во заводитчигӧн вӧр лэдзанінӧ воисны валочно-пакетируйтан, валочно-трелевочнӧй машинаяс, пачкоподборщикъяс, гидрозахватъяса тракторъяс[2].
Велӧдӧм
«Ичӧт школа - детсад» Смолянка скп-ын муниципальнӧй велӧдан учреждение.
Школа заводитіс уджавны 1949 вося кӧч тӧлысь 1 лунсянь, кыдзи Смолянкаса ичӧт школа («Коми Республикаса национальнӧй архив» канму учреждениелӧн 2009 во вӧльгым тӧлысь 5-ӧд лунся П/26-тем. №-а справка)
1956 вося кӧч тӧлысь 1 лунсянь - Смолянкаса сизим класса школа.
1962 восянь - Смолянкаса кӧкъямыс класса школа.
1990 вося тӧвшӧр тӧлысь 1 лунсянь - Смолянкаса нетыр шӧр школа.
2001 вося тӧвшӧр тӧлысь 1 лунсянь - Смолянкаса ӧкмыс класса школа муниципальнӧй велӧдан учреждение.
Йӧз
1970 воын тані вӧлӧма 1743 олысь;
1979 воын - 1113 олысь;
1989 воын - 1071 олысь (550 мужичӧй, 521 нывбаба ), на пиысь 53% коми, 28% роч;
1992 воын - 979 олысь;
1995 во заводитчигӧн - 1002 олысь[3].
Инфраструктура
Смолянкаса уличаяс:
- Вылыс Смолянка ул.
- Кӧрт туйвыв ул.
- Клуб ул.
- Вӧр ул.
- Видзвыв ул.
- Механизатор ул.
- Лыа ул.
- Тыдор ул.
- Кылӧдчан ул.
- Шӧр ул.
- Школадор ул.
Экономика
Посёлокын эм векни визя кӧрт туй.
2016 во кежлӧ кӧрт туйыс мыйтакӧ кольӧма, вӧлі шогмана сӧмын съёмнӧй дрезинъяс ветлӧм вылӧ.
Ӧтуввез
«Югыдъяг» сикт овмӧдчӧминлӧн официальнӧй сайт: https://yugydyag-r11.gosweb.gosuslugi.ru[7].
Ыстӧгъяс
- Газета «Трибуна»: Смолянка-«хулиганка». Архивируйтӧма оригинала 18 урасьӧм тӧлысь 2015 года.
- Перед судом предстанет житель Усть-Куломского района, обвиняемый в убийстве двух лиц (недоступная ссылка — история).
- КОМИИНФОРМ: В Коми сгорел сельский магазин
- Смолянская узкоколейная железная дорога на «Сайте о железной дороге» Сергея Болашенко
Ӧшмӧсъяс
- Атлас Республики Коми. – Москва, 2000.
- Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
- Игнатов М.К. Взгляд сквозь годы. – Сыктывкар: Коми небӧг лэдзанін, 1998. – 224 с.
- Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. – 366 с.
- История Коми с древнейших времен до конца XX века: В 2-х т. / По общей редакцией А.Ф. Сметанина. – Сыктывкар, 2004.
- Республика Коми: Энциклопедия. – Сыктывкар, 1997-2000. – Т. 1-3.
Пасйӧдъяс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Населенные пункты Республики Коми: Историко-демографический справочник. Жеребцов И.Л. Игорь Любомирович Жеребцов; РАН. Урал. отд-ние, Ин-т языка, литературы и истории Коми науч. центра — М.: Наука, 2001.
- ↑ Населенные пункты Республики Коми: Историко-демографический справочник. Жеребцов И.Л. Игорь Любомирович Жеребцов; РАН. Урал. отд-ние, Ин-т языка, литературы и истории Коми науч. центра — М.: Наука, 2001.
- ↑ http://www.perepis2002.ru/content.html?id=11&docid=10715289081460.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Администрация с/п
