Канава (Кулӧмдін район)
| Грезд | |
| Канава | |
|---|---|
 | |
| 61°07′07″ с. ш. 55°02′08″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Кулӧмдін |
| Сикт овмӧдчӧмин | Югыдъяг |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Пошта индекс | 168086 |
| ОКАТО код | 87248895007 |
| ОКТМО код | 87648495126 |
|
|
|
Канава (рочӧн Канава) – Коми Республикаса Кулӧмдін районын Югыдъяг сикт овмӧдчӧминса грезд.
Ним артмӧм
Грездлӧн нимыс йитчӧма Екатерина нима Войвыв каналлӧн неофициальнӧй нимкӧд. Канава — абу паськыд кырӧм, канал[2].
География
Канава грезд меститчӧ республикалӧн лунвылын, вӧрса нюрвыв местаын, Войвыв Кӧтйӧм юлӧн шуйга берегын (Эжва юлöн вож, Перым крайлӧн мудорсянь 12 км ылнаын, Югыдъяг посёлоксянь лунвылӧ 57 км ылнаын, Кулӧмдінсянь асыв-лунвылӧ 95 км ылнаын да Сыктывкарсянь асыввылӧ 235 км ылнаын.
Югыдъяг боксянь эм туй, матігӧгӧрын эмӧсь вӧр кыскалан туйяс.
История
Грезд артмӧма Войвыв Кӧтйӧм ю катыдын Екатерина нима Войвыв канал дорын, коді йитіс Войвыв Кӧтйӧм да Джурич ю (Лунвыв Кӧтйӧм бассейн). 1843 воын В.Н. Латкин аслас дневникын казьтывлӧма «Канаваса пристань» йылысь да пасйӧма: «Канал гӧгӧрын, кӧні вӧлі пу вичко, ӧні олӧ некымын му вӧдитысь семья. Овмӧдчӧм вылӧ местаыс буркодь. Эм нянь видзӧм вылӧ бур му, скӧт видзӧм вылӧ видзьяс, звер-пӧтка кыйӧм вылӧ вӧрыс сулалӧ дзик оланін дорас - мый нӧшта колӧ йӧзлы, медым перйыны кынӧмпӧт да мынтыны повинносьт»[3].
1858 вося Х ревизиялӧн мыччӧдъяс серти 1857 воын «Екатерина нима Войвыв каналса овмӧдчӧминӧ» вӧлі босьтӧма Кӧрткерӧсса котырысь крестьяна Василий Иванович Казаковӧс Леонтий да Константин пиянысыскӧд да «солдатскӧй пи» Александр Фёдорович Погуляевӧс.
1996 во заводитчигӧн грездса олысьяс скод дырйи шуисны вуджны Вочса сикт сӧветысь Югыдъягӧ, сы вӧсна мый «Вочса» совхоз бырӧдӧм бӧрын сыкöд овмӧс боксянь йитӧдъясыс орисны, транспорт йитӧдыс сідзжӧ эз вӧв, а Югыдъягӧ эм тӧвся туй.
Медводдза овъяс
Велӧдӧм
- 1930 воын грездын вӧлӧма школа.
- 1907 воын воссис начальнӧй училище[4].
Йӧз
1859 воын - 16 олысь (8 мужичӧй, 8 нывбаба).
1892 воын - 89 олысь (50 мужичӧй, 39 нывбаба).
1916 воын - 35 овмӧс, 185 олысь (82 мужичӧй, 103 нывбаба).
1926 во кежлӧ грездыс содіс 47 керкаӧдз, 221 мортӧдз (113 мужичӧй, 108 нывбаба).
1970 воын грездын оліс 297 морт.
70-90-ӧд вояс заводитчигӧн йӧз лыдыс чиніс: 122 мортӧдз 1979 воын; 95 мортӧдз (50 мужичӧй, 45 нывбаба, коми) 1989 воын, 88 мортӧдз 1992 воын.
1995 во заводитчигӧн Канаваын вӧлі 94 олысь, 39 овмӧс.
Нималана эмторъяс
Тані эм аслыспӧлӧс гидротехническӧй стрӧйба — сідз шусяна «Европаӧ ӧшинь» — Екатерина нима Войвыв канал. Сійӧ йитӧ Волга да Вынва юяс. Каналсӧ заводитісны стрӧитны 1786 воын Екатерина II-лӧн индӧд серти, 1848 воын каналсӧ тупкисны.
Ӧтуввез
«Югыдъяг» сикт овмӧдчӧминлӧн официальнӧй сайт: https://yugydyag-r11.gosweb.gosuslugi.ru[8].
Ӧшмӧсъяс
- Атлас Республики Коми. – Москва, 2000.
- Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
- Игнатов М.К. Взгляд сквозь годы. – Сыктывкар: Коми небӧг лэдзанін, 1998. – 224 с.
- Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. – 366 с.
- История Коми с древнейших времен до конца XX века: В 2-х т. / По общей редакцией А.Ф. Сметанина. – Сыктывкар, 2004.
- Республика Коми: Энциклопедия. – Сыктывкар, 1997-2000. – Т. 1-3.
Пасйӧдъяс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ А.П. Афанасьев. Топонимия Республики Коми. Словарь-справочник. Сыктывкар: Коми книжное издательство, 1996.
- ↑ Населенные пункты Республики Коми: Историко-демографический справочник. Жеребцов И.Л. Игорь Любомирович Жеребцов; РАН. Урал. отд-ние, Ин-т языка, литературы и истории Коми науч. центра — М.: Наука, 2001.
- ↑ Населенные пункты Республики Коми: Историко-демографический справочник. Жеребцов И.Л. Игорь Любомирович Жеребцов; РАН. Урал. отд-ние, Ин-т языка, литературы и истории Коми науч. центра — М.: Наука, 2001.
- ↑ http://www.perepis2002.ru/content.html?id=11&docid=10715289081460.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Администрация с/п
