Кулаков Иван Егорович
| Кулаков Иван Егорович | |
|---|---|
 | |
|
| |
| 2003 вося рака тӧлысь 17-ӧд лун — 2005 вося вӧльгым тӧлысь 28-ӧд лун | |
| Губернатор | Спиридонов Юрий Алексеевич |
| Водзвывса уджалысь | Евгений Борисов |
|
|
|
| Чужис |
1944 вося урасьӧм тӧлысь 20-ӧд лун Мылдін районса Ичӧт Ді сикт, Коми АССР, РСФСР, СССР |
| Куліс | 2005 вося вӧльгым тӧлысь 28-ӧд лун |
| Велӧдчӧм | Кӧрт туй транспорт серти инженеръясӧс велӧдан ставсоюзса заочнӧй институт |
| Наградаяс |
   |
Кулаков Иван Егорович (1944 вося урасьӧм тӧлысь 20-ӧд лун, Коми АССР-лӧн Мылдін районса Ичӧт Ді сикт — 2005 вося вӧльгым тӧлысь 28-ӧд лун) — Коми Республикаса Каналан Сӧветӧн Веськӧдлысь, Коми Республикаса Почёта гражданин (2017).
Коми Республикаса Юралысьлӧн 2017 во моз тӧлысь 10 лунся 73 №-а Индӧдӧн сетӧма «Почёта гражданин» Коми Республикаса медвылыс почёт ним (кувсьӧм бӧрас)[1].
Олантуй
Чужис 1944 вося урасьӧм тӧлысь 20-ӧд лунӧ Коми АССР-лӧн Мылдін районса Ичӧт Ді сиктын (1961 воын сиктсӧ вӧлі бырӧдӧма). Бать-мамыс вӧліны Воронежысь кресьтяна, найӧс шуисны кулакъясӧн да вайисны 1931 воын Ичӧт Діӧ[2][3].
Шӧр школасӧ помаліс Дутов сиктын. 1964 воын помаліс отличиеӧн Улыс Тагилса горно-металлургическӧй техникум. 1975 воын помаліс Кӧрт туй транспорт серти инженеръясӧс велӧдан ставсоюзса заочнӧй институт, велӧдчан специальносьтыс — «Стрӧитчан да туйвывса машинаяс да оборудование»[4].
Армия бӧрын воис бӧр уджавны Комиӧ, Печӧра карӧ. «Печорстрой» веськӧдланінын уджаліс 12 во: уджалыссянь ремонтно-прокатнӧй базаса директорӧдз да механизация веськӧдланінса начальникӧдз[2].
1979 воын вуджӧ уджавны КПСС-лӧн Печӧра карса горкомӧ промышленно-транспортнӧй отделӧн заведуйтысьӧн, бӧрынджык — мӧд секретарӧн. 1988 воын лоӧ горисполкомса председательӧн. Печӧра карса мэрӧн Иван Егорович вӧлӧма 1992 воӧдз[2].
1992 вося вӧльгым тӧлыссянь 1995 вося урасьӧм тӧлысьӧдз вӧлі Коми Республикаса Медвылыс Сӧветӧн Веськӧдлысьӧс Медводдза вежысьӧн, та бӧрын 2003 вося рака тӧлысьӧдз — Коми Республикаса Каналан Сӧветӧн Веськӧдлысьӧс Медводдза вежысьӧн. 2003 вося рака тӧлысь 17-ӧд лунӧ ӧтсӧгласӧн бӧрйӧма республикаса парламентӧн веськӧдлысьӧн[4].
Иван Егоровичлӧн оланпас пыртысь органын уджалігӧн примитӧма Коми Республикаса оланпасъяс: «Комп Республикаса канму кывъяс йылысь», «Национально-культурнӧй автономия йылысь», «Культура йылысь»; коми да роч кывъяс видзан да сӧвмӧдан, велӧдчӧм да культура сӧвмӧдан республиканскӧй канму уджтасъяс, кутшӧмъяс отсалісны видзны войтыр костын ӧтсӧгласа олӧм, республикаын социальнӧй зумыдлун[4].
И. Е. Кулаковлӧн юрнуӧдӧм улын дасьтісны да примитісны «Коми Республикаын меставывса асвеськӧдлӧм йылысь» Коми Республикаса Оланпас[4].
Иван Егорович вӧлі «Покаяние» Коми республиканскӧй благотворительнӧй ӧтйӧза фондлы подув пуктысьяс пиысь ӧтиӧн. Фонд чукӧртӧ Коми Республикаын репрессируйтӧмаяс йылысь материалъяс да видзӧ налысь паметьсӧ. 1998 восянь 2002 воӧдз И. Е. Кулаков вӧлі фондӧн веськӧдлысьӧн. Сы отсӧгӧн республикаын примитісны татшӧм жӧ нима уджтас, сы вылӧ сьӧмсӧ вичмӧдӧны дінмуса сьӧмкудйысь. Россияын татшӧм уджтасыс дзик ӧти[5].
И. Е. Кулаков юрнуӧдіс «Россия Православная» Ставроссияса ӧтйӧза ӧтмунӧмлӧн Коми республиканскӧй филиалӧн. Вичко да канму костын йитӧдъяссӧ ладмӧдӧмын сылысь уджсӧ вылӧ донъялӧны республикаса православнӧй йӧзкотырын[4].
И. Е. Кулаков кувсис 2005 вося вӧльгым тӧлысь 28-ӧд лунӧ Сыктывкарын.
Наградаяс
• Ёртасьӧм орден;
• Почёт орден;
• медальяс;
• «Коми Республикаса народнӧй овмӧсын нимӧдана уджалысь» ним;
• «Сыктывкарса почёта гражданин» ним;
• Коми Республикаса Почёта гражданин (2017)[6]
Паметь
• 2006 вося урасьӧм тӧлысь 20-ӧд лунӧ Сыктывкарса Спортивнӧй уличавывса 52 номера керкаын, кӧні сійӧ оліс бӧръя вояссӧ, вӧлі сувтӧдӧма казьтылан пӧв;
• 2006 вося вӧльгым тӧлысь 14-ӧд лунсянь Печора районса Приуральскӧй сиктын «Юбилейнӧй» спорт двореч да школалы сетӧма И. Е. Кулаковлысь ним;
• 2003 вося ӧшым тӧлысь 25-ӧд лунсянь сійӧ — Печора карса Почёта гражданин, а 2010 вося лӧддза-номъя тӧлысь 4-ӧд лунсянь — Сыктывкарса Почёта гражданин;
• Ичӧт Ді мутасын, коді 1961 воын на вошис Коми мусерпасысь, 2009 вося гожӧмын сувтӧдісны Иван Кулаковӧс казьтылан плита[7].
Пасйӧдъяс
- ↑ Ивану Кулакову и Александру Некрасову присвоено звание «Почетный гражданин Республики Коми»
- ↑ 1 2 3 Февраль: Иван Кулаков. «Пусть люди оценивают», Регион. Шыӧдчан кадпас: 17 рака тӧлысь 2025.
- ↑ Расторгуев А. Кулаков Иван Егорович // Республика Коми. Энциклопедия. Том II. — Сыктывкар: Коми книжное издательство, 1999. — С. 167.
- ↑ 1 2 3 4 5 Книга почёта Республики Коми
- ↑ По прозвищу «Большой Иван». Жители Коми до сих пор вспоминают его добрым словом, Трибуна. Шыӧдчан кадпас: 17 рака тӧлысь 2025.
- ↑ В Коми стало на двух почетных граждан больше, Комсомольская правда. Коми. Шыӧдчан кадпас: 17 рака тӧлысь 2025.
- ↑ К 80-летию со дня рождения Ивана Егоровича Кулакова, Вуктыльская библиотека. Шыӧдчан кадпас: 17 рака тӧлысь 2025.
| 2011 во | |
|---|---|
| 2012 во | |
| 2013 во | |
| 2014 во | |
| 2015 во | |
| 2016 во | |
| 2017 во | |
| 2018 во | |
| 2019 во |
|
| 2020 во | |
| 2021 во | |
| 2022 во | |
| 2023 во | |
| 2024 во | |
| 2025 во | |
