Куренков Александр Вячеславович

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Куренков.
Куренков Александр Вячеславович
Emergency Minister Alexander Kurenkov (official portrait).jpg
Флаг
Россия Федерацияса йӧзӧс доръян, неминучаысь видзан да неминучалысь колясъяс бырӧдан министр
Флаг
2022.05.25
(у. в. 2024.05.7-13)
Веськӧдлан котырӧн юрнуӧдысь Михаил Мишустин
Президент Владимир Путин
Водзвывса уджалысь Евгений Зиничев
Александр Чуприян (у. в.)
Чужис 1972 вося лӧддза-номъя тӧлысь 6-ӧд лун
Москва обласьт, РСФСР, СССР
Велӧдчӧм

Москваса канму физическӧй культура академия
Москваса психолого-социальнӧй институт

Россия Федерацияса Вооружённӧй вынъяслӧн Генеральнӧй штаблӧн военнӧй академия
Наградаяс
Логотип РУВИКИ.Медиа Медиафайлы на РУВИКИ.Медиа

Куренков Александр Вячеславович (1972-ӧд вося лӧддза-номъя тӧлысь 2-ӧд лун, Софрино[d], Москва обласьт) — россияса канморт. Россия Федерацияса йӧзӧс доръян, неминучаысь видзан да неминучалысь колясъяс бырӧдан министр 2022 вося ода-кора тӧлысь 25-ӧд лунсянь (у.в. 2024.05.7-13), генерал-полковник (2025)[1]. Пырӧ Россия Федерацияса Безопасносьт Сӧветӧ  (рус.) (коми 2022 вося ода-кора тӧлысь 30-ӧд лунсянь[2].

Олантуй

Александр Куренков чужис Москва обласьтын. Помаліс 1998 воын Москваса канму физическӧй культура академия да 2004 воын Москваса психолого-социальнӧй институт, 2021 воын — Россия Федерацияса Вооружённӧй вынъяслӧн Генеральнӧй штабса Военнӧй академия бердын вылыс курсъяс, босьтіс генерал-майор воинскӧй звание[3][4].

Куренков уджалӧма Москваса 312 №-а школаын физкультура велӧдысьӧн (1995—1999). 1999 воын пырӧма служитны канму безопасносьт органъясӧ. Служитіс ФБС-ын (1999—2002) да Федеральнӧй охрана службаын (2002—2021; торйӧн кӧ, уджаліс премьер-министр Виктор Зубковлӧн охранаын), бӧрынджык вуджис Росгвардияӧ, кӧні вӧлі медводз отсасьысьӧн, а сэсся ведомствоӧн веськӧдлысь Виктор Золотовӧс вежысьӧн (2021—2022)[5] да кывкутіс уджалысьясӧс боевӧя дасьтӧмкӧд йитчӧм юалӧмъяс вӧсна. РБК-лӧн юӧр серти, 2015 восянь сійӧ вӧлі Владимир Путинлӧн адъютантӧн, бӧрынджык — старшӧй адъютантӧн[6].

2022 вося ода-кора тӧлысь 23-ӧд лунӧ Россияса президент вӧзйис индыны Куренковӧс йӧзӧс доръян, неминучаысь видзан да неминучалысь колясъяс бырӧдан министрӧн. Президентлӧн пресс-секретарь Дмитрий Песковлӧн кывъяс серти, сійӧс бӧрйӧмаӧсь сы вӧсна, мый «Путин бура тӧдӧ Куренковӧс. И бӧрйӧмыс петкӧдлӧ, мый, канмуса юралысьлӧн видзӧдлас серти, Куренковлӧн личнӧй, служебнӧй, профессиональнӧй качествоясыс сетасны позянлун бурджыка пӧртны олӧмӧ тайӧ могъяссӧ»[7]. Куренковлысь кандидатурасӧ вӧлі ошкӧма Федерация Сӧветӧн ода-кора тӧлысь 25-ӧд лунӧ да сійӧ жӧ лунӧ президентлӧн индӧдӧн сійӧс вӧлі индӧма министрӧн[8].

2024 вося ода-кора тӧлысь 14-ӧд лунӧ выль правительство котыртӧмкӧд йитӧдын Куренковӧс выль пӧв индӧма РФ МЧС-са веськӧдлысьӧн[9].

2022 вося ода-кора тӧлысь 30-ӧд лунсянь пырӧ Россия Федерацияса Безопасносьт сӧветӧ[10].

2022 вося лӧддза-номъя тӧлысь 2-ӧд лунӧ Куренковлы сетӧма генерал-лейтенантлысь воинскӧй ним.

2022 вося йирым тӧлысь 21-ӧд лунсянь Куренков — Россия Федерацияса Веськӧдлан котыр бердын Вооружённӧй Вынъяслысь, мукӧд войскалысь, воинскӧй формированиеяслысь да органъяслысь коланлун могмӧдӧм кузя координационнӧй сӧветӧ пырысь[11].

АӦШ-лӧн, Евросоюзлӧн, Ыджыд Британиялӧн, Швейцариялӧн, Австралиялӧн да Выль Зеландиялӧн санкцияяс улын.

2025 вося лӧддза-номъя тӧлысь 4-ӧд лунӧ Владимир Путин сетіс МЧС-са веськӧдлысь Александр Куренковлы генерал-полковниклысь чин[1].

Семья

Александр Куренков гӧтыра 2019 восянь. Гӧтырыс Елена Игоревна Мильская (чужлӧма 1980 воын) — «Вошӧм да доймалӧм челядьлы отсӧг сетан национальнӧй шӧринлӧн» попечительскӧй сӧветӧн веськӧдлысь, Вежа Василий Фондса вице-президент (генеральнӧй директор).

Наградаяс

  • «Айму водзын заслугаясысь» II степеня орденлӧн медаль (2015).
  • Суворов медаль.
  • «Торъя могъяс олӧмӧ пӧртігӧн отличиеысь» медаль (ФСО).
  • «Воинскӧй доблесьтысь» медаль (ФСО).
  • «Военнӧй службаын отличиеысь» (ФСО) I, II да III степеня медальяс.
  • «Канму безопасносьт органъяслы 100 во» медаль (ФСО).
  • «Россияса канму охрана органъяслы 125 во» медаль (ФСО).
  • «Россияса ФСО-ын служитӧмысь» морӧсвыв пас.
  • «Крым бергӧдӧмысь» медаль.
  • «Данк» орден (2023, Кыргызстан)[12].
  • «Астрахань обласьт водзын заслугаясысь» орденлӧн медаль (2024 вося ӧшым тӧлысь 12 лун) — Астрахань обласьт мутасын войтырӧс доръян, вӧр-ва да техногеннӧй сяма виччысьтӧм лоӧмторъясысь олысьясӧс да мутасъяс видзан, пӧжарысь видзчысянлун да ва объектъяс вылын йӧзлысь безопасносьт могмӧдан юкӧнын канму политика збыльмӧдӧмын окталуна отсӧгысь.

Пасйӧдъяс

  1. ↑ 1 2 Путин присвоил главе МЧС Куренкову звание генерал-полковника, TACC (4 лӧддза-номъя тӧлысь 2025). Шыӧдчан кадпас: 4 лӧддза-номъя тӧлысь 2025.
  2. ↑ Энциклопедия ТАСС, 2024. Куренков Александр Вячеславович
  3. ↑ Путин предложил на пост главы МЧС экс-сотрудника ФСО. Шыӧдчан кадпас: 23 ода-кора тӧлысь 2022. Архивируйтӧма 23 ода-кора тӧлысь 2022.
  4. ↑ Появились подробности о возможном кандидате на пост главы МЧС России. Шыӧдчан кадпас: 23 ода-кора тӧлысь 2022. Архивируйтӧма 23 ода-кора тӧлысь 2022.
  5. ↑ В Госдуме уточнили биографию кандидата на пост главы МЧС Куренкова. Шыӧдчан кадпас: 23 ода-кора тӧлысь 2022. Архивируйтӧма 23 ода-кора тӧлысь 2022.
  6. ↑ РБК, 23 мая 2022. Путин предложил на пост главы МЧС экс-сотрудника ФСО
  7. ↑ Песков: Путин хорошо знает предложенного на пост главы МЧС Александра Куренкова. Шыӧдчан кадпас: 24 ода-кора тӧлысь 2022. Архивируйтӧма 24 ода-кора тӧлысь 2022.
  8. ↑ Александр Куренков назначен главой МЧС. Шыӧдчан кадпас: 25 ода-кора тӧлысь 2022. Архивируйтӧма 25 ода-кора тӧлысь 2022.
  9. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  10. ↑ Указ Президента Российской Федерации от 30.05.2022 № 327 «О внесении изменения в состав Совета Безопасности Российской Федерации, утверждённый Указом Президента Российской Федерации от 25 мая 2012 г. № 715». Шыӧдчан кадпас: 8 лӧддза-номъя тӧлысь 2022. Архивируйтӧма 4 лӧддза-номъя тӧлысь 2022.
  11. ↑ Указ Президента Российской Федерации от 21.10.2022 № 763 «О Координационном совете при Правительстве Российской Федерации по обеспечению потребностей Вооруженных Сил Российской Федерации, других войск, воинских формирований и органов»
  12. ↑ Садыр Жапаров наградил главу МЧС России орденом "Данк" — фото. Шыӧдчан кадпас: 17 йирым тӧлысь 2023. Архивируйтӧма 17 йирым тӧлысь 2023.

Ыстӧгъяс

Босьтӧма "https://kv.ruwiki.ru/w/index.php?title=Куренков_Александр_Вячеславович&oldid=482635"-ысь