Решетников Максим Геннадьевич

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Решетников.
Максим Геннадьевич Решетников
Maxim Reshetnikov 2021-04-24.jpg
Флаг
Россия Федерацияса экономика сӧвмӧдӧм кузя министр
Флаг
2020.01.21
(у. в. 2024.05.7—13)
Веськӧдлан котырӧн юрнуӧдысь Михаил Мишустин
Андрей Белоусов (у. в.)
Михаил Мишустин
Президент Владимир Путин
Водзвывса уджалысь Максим Орешкин
Флаг
Перым крайса 3-ӧд губернатор
(мноп 2017.02.06-09.18)
Флаг
2017.09.18 — 2020.01.21
Водзвывса уджалысь Виктор Басаргин
Удж водзӧ нуӧдысь Дмитрий Махонин
Чужис 1979 вося сора тӧлысь 11-ӧд лун
Перым, РСФСР, СССР
Ютыр Единая Россия
Велӧдчӧм Перымса канму университет
Учёнӧй степень экономика наукаяс кандидат (2003)
Наградаяс
Уджаланін Россия Федерацияса экономика сӧвмӧдан министерство
Логотип РУВИКИ.Медиа Медиафайлы на РУВИКИ.Медиа

Решетников Максим Геннадьевич (1979-ӧд вося сора тӧлысь 11-ӧд лун, Перым) — россияса канморт. Россия Федерацияса экономика сӧвмӧдӧм кузя министр 2020 вося тӧвшӧр тӧлысь 21-ӧд лунсянь[1].

Перым крайса 3-ӧд губернатор 2017 вося кӧч тӧлысь 18-ӧд лунсянь 2020 вося тӧвшӧр тӧлысь 21-ӧд лунӧдз. Россия Федерацияса III класса тырвыйӧ канму советник (2010). «Единая Россия» ютырлӧн Медвылыс сӧветӧ пырысь[1].

Олантуй

Решетников М. чужис 1979 вося сора тӧлысь 11-ӧд лунӧ Перым карын.

Велӧдчӧм

Помаліс 17 №-а школа-гимназия[2]. Школа бӧрын пырис велӧдчыны Перымса канму университетӧ экономическӧй кибернетика кафедра вылӧ[3]. 2000 воын помаліс университет «экономист-математик», а 2002 воын — «лингвист-переводчик» специальносьт серти.

2003 воын Л. С. Портныйлӧн веськӧдлӧм улын дорйис экономика наукаяс кандидат учёнӧй степень вылӧ «Управление экономикой региона на основе финансовых потоков: принципы и модели (на примере Пермской области)» диссертация[4][5][6][7].

Удж

1998—2002 воясӧ Решетников уджаліс «Прогноз» ПАК-ын шӧр специалистӧн, проектъясӧн веськӧдлысьӧн[8].

2000—2005 воясӧ Решетников уджаліс Перым обласьтса администрацияын сьӧмкуд чӧжӧс да рӧскод планируйтан юкӧнса начальникӧн, регионса сьӧм овмӧс да инвестицияяс юкӧнса начальникӧн, экономикаын шӧр управлениеса начальникӧс вежысьӧн[9].

2005—2007 воясӧ Решетников — Перым обласьтса планируйтан департаментӧн веськӧдлысьӧс медводдза вежысь, Перым крайса губернаторлӧн Администрацияӧн юрнуӧдысьӧс медводдза вежысь[8][9].

2007—2009 воясӧ Россияса регион сӧвмӧдан министерстволӧн сьӧмкудкостса йитӧдъяс департаментса директорӧс вежысь, Россия Федерацияса субъектъяслӧн канму власьт органъяслӧн уджлысь окталунсӧ мониторинг да донъялӧм серти департаментса директор[8][9].

2009 вося косму тӧлысь 14-ӧд лунсянь йирым тӧлысь 12-ӧд лунӧдз — Перым крайса губернаторлӧн Администрацияӧн юрнуӧдысь[8][9]. Тайӧ жӧ воас сійӧс пыртӧма Россияса сэкся президент Дмитрий Медведевлӧн кадрӧвӧй резервса медвоодза сё лыдӧ[8][10].

2009—2010 воясын Решетников — Россия Федерацияса Веськӧдлан котырлӧн Аппаратса канму веськӧдлӧм, регионъяс сӧвмӧдӧм да меставывса асвеськӧдлӧм департаментса директор[8], мыйӧн веськӧдліс Сергей Собянин.

2010 воын, Москваса мэрӧн Собянинӧс индӧм бӧрын, Решетников вуджис уджавны юркарса правительствоӧ. Москваса мэрлӧн да правительстволӧн Аппаратӧн веськӧдлысьӧс медводдза вежысь[9].

2012—2017 воясӧ Решетников — Москваса правительствоын министр, Москва карлӧн экономическӧй политика да сӧвмӧм департаментӧн веськӧдлысь[9].

Перым крайса губернатор

Евгений Куйвашев и Максим Решетников кӧрт туй вылын уджалысьяслӧн съезд вылын, 2017.11.29

2017 вося урасьӧм тӧлысь 6-ӧд лунӧ Россияса президент Владимир Путинлӧн индӧдӧн Решетниковӧс индісны недыр кежлӧ (бӧрйысьӧмъясӧдз) Перым крайса губернаторлысь могъяс олӧмӧ пӧртысьӧн[11].

2017 вося лӧддза-номъя тӧлысь 14-ӧд лунӧ Решетников лоис «Единая Россия» ютырсянь губернаторпуӧн. Кӧч тӧлысь 10-ӧд лунӧ вермис бӧрйысьӧмъясын, сы вӧсна кипасаліс 82,06 %[12]. 2017 вося кӧч тӧлысь 18-ӧд лунӧ босьтчис уджавны Перым крайса губернаторӧн[13].

2017 вося ӧшым тӧлысьын Решетников пырис «Единая Россия» ютырӧ[14]. 2018 вося ӧшым тӧлысь 8-ӧд лунӧ «Единая Россия» ютырлӧн XVIII съездвывса делегатъясӧн примитӧм шуӧм серти Решетниковӧс пыртӧма Медвылыс Сӧветӧ[15].

2018 вося сора тӧлысь 18-ӧд лунсянь 2019 вося тӧвшӧр тӧлысь 28-ӧд лунӧдз Решетников — Россия Федерацияса Государственнӧй Сӧвет президиумӧ пырысь[16][17].

Россияса веськӧдлан котырын

Владимир Путинкӧд паныдасьӧм, 2021.02.04

2020 вося тӧвшӧр тӧлысь 21-ӧд лунӧ Россияса президентлӧн индӧдӧн сійӧс индісны Россия Федерацияса экономика сӧвмӧдӧм кузя министрӧн; тайӧ жӧ индӧдӧн вӧлі примитӧма сылысь ас кӧсйӧм серти Перым крайса губернаторлӧн чинысь эновтчӧмсӧ[18].

Решетников — «Россияса венчурнӧй компания» акционер котырса директоръяслӧн сӧветӧн веськӧдлысь (2020 вося рака тӧлыссянь), «Ичӧт да шӧр предпринимательство сӧвмӧдан федеральнӧй корпорация» акционер котырса директоръяслӧн сӧветӧн веськӧдлысь (МСП корпорация, 2020 вося косму тӧлысьсянь). «Россияса кӧрт туйяс» ВАК-са директоръяслӧн сӧветӧ пырысь (2020 восянь), Россияса пошта директоръяслӧн сӧветӧ пырысь (2020 вося ӧшым тӧлыссянь), Россияса веськыд инвестицияяс фондӧн веськӧдлысь компаниялӧн видзӧдысь сӧветӧ пырысь (2020 вося косму тӧлыссянь), ВТБ-лӧн видзӧдысь сӧветӧ пырысь (2020 вося кӧч тӧлыссянь)[19].

2020 вося ода-кора тӧлысь 12-ӧд лунсянь — Япониякӧд вузасян да экономика боксянь ёртасьӧм кузя Россияса президентӧс торъя петкӧдлысь[20][1].

2021 вося рака тӧлысь 29-ӧд лунсянь президентлӧн индӧдӧн индӧма Россиясянь Европаса выльмӧдан да сӧвмӧдан банкӧн (ЕБРР) веськӧдлысьӧн[1].

2024 вося ода-кора тӧлысь 14-ӧд лунӧ выль веськӧдлан котыр лӧсьӧдігӧн Госдума выльысь вынсьӧдіс Решетниковӧс Россия Федерацияса экономика сӧвмӧдӧм кузя министр чинӧ[21][22][1].

Наградаяс

  • «Айму водзын заслугаясысь» II степеня орден (2016)[23];
  • Ёрталун орден[1];
  • Россия Федерацияса веськӧдлан котырлӧн Почёт грамота[9];
  • Россия Федерацияса Президентлӧн аттьӧалӧм[1].

Семья

Максим Решетников гӧтыра. Анна гӧтырыс помаліс Перымса канму университет[24]. Быдтӧ куим кага — кык ныв да пи.

Прӧст кадӧ

Социальнӧй везъяссӧ йитӧ уджкӧд. Пыр нуӧдіс Перым крайса олысьяссянь воӧм юалӧмъяс вылӧ вочакывъясӧн веськыд эфиръяс социальнӧй везъясын.

Пасйӧдъяс

  1. ↑ 1 2 3 4 5 6 7 Энциклопедия ТАСС, 2024. Решетников, Максим Геннадьевич. Министр экономического развития РФ
  2. ↑ Как учился и где нашёл свою любовь: что рассказали знакомые о новом губернаторе Пермского края. Progorod59.ru. Шыӧдчан кадпас: 18 урасьӧм тӧлысь 2019. Архивируйтӧма 18 урасьӧм тӧлысь 2019.
  3. ↑ На звёздах систему не построишь. Максим Решетников считает, что нужны профессионалы-ремесленники. Газета «Вечерняя Москва» (10 вӧльгым тӧлысь 2014). Шыӧдчан кадпас: 7 урасьӧм тӧлысь 2017. Архивируйтӧма оригинала 8 урасьӧм тӧлысь 2017 года.
  4. ↑ Научный руководитель нового губернатора Прикамья: «Я знаю его как патологического трудоголика». 59.ru (6 урасьӧм тӧлысь 2017). Шыӧдчан кадпас: 7 урасьӧм тӧлысь 2017. Архивируйтӧма 7 урасьӧм тӧлысь 2017.
  5. ↑ Многодетный отец, трудоголик, миллионер: что мы знаем о новом главе Прикамья. 59.ru (7 урасьӧм тӧлысь 2017).
  6. ↑ Биография губернатора Пермского края Максима Решетникова. tass.ru. Шыӧдчан кадпас: 26 тӧвшӧр тӧлысь 2019. Архивируйтӧма 27 тӧвшӧр тӧлысь 2019.
  7. ↑ Максим Геннадьевич Решетников. Управление экономикой региона на основе финансовых потоков: принципы и модели: На примере Пермской области. — 2003. Архивировано 27 тӧвшӧр тӧлысь 2019 года.
  8. ↑ 1 2 3 4 5 6 Максим Решетников (рус.). www.business-class.su. Шыӧдчан кадпас: 12 косму тӧлысь 2020. Архивируйтӧма 5 кӧч тӧлысь 2019.
  9. ↑ 1 2 3 4 5 6 7 Решетников Максим Геннадьевич (рус.). economy.gov.ru. Министерство экономического развития Российской Федерации. Шыӧдчан кадпас: 12 косму тӧлысь 2020. Архивируйтӧма 17 рака тӧлысь 2020.
  10. ↑ Чем известен Максим Решетников // Коммерсантъ. Архивировано 12 косму тӧлысь 2020 года.
  11. ↑ Дмитрий Медведев расспросил губернатора Пермского края о прямых эфирах в Instagram. Шыӧдчан кадпас: 6 урасьӧм тӧлысь 2017. Архивируйтӧма 6 урасьӧм тӧлысь 2017.
  12. ↑ Избирательная комиссия утвердила итоги голосования по выборам губернатора Пермского края. permkrai.izbirkom.ru. Шыӧдчан кадпас: 26 тӧвшӧр тӧлысь 2019. Архивируйтӧма оригинала 27 тӧвшӧр тӧлысь 2019 года.
  13. ↑ Инаугурация Максима Решетникова. permnews.ru. Шыӧдчан кадпас: 26 тӧвшӧр тӧлысь 2019. Архивируйтӧма 27 тӧвшӧр тӧлысь 2019.
  14. ↑ Губернатор Пермского края Максим Решетников вступил в Партию. permkrai.er.ru (22 ӧшым тӧлысь 2017). Шыӧдчан кадпас: 26 тӧвшӧр тӧлысь 2019. Архивируйтӧма 27 тӧвшӧр тӧлысь 2019.
  15. ↑ Ротация в составе Высшего Совета «Единой России» составила 16%. er.ru (8 ӧшым тӧлысь 2018). Шыӧдчан кадпас: 10 ӧшым тӧлысь 2018. Архивируйтӧма 27 рака тӧлысь 2019.
  16. ↑ Распоряжение Президента Российской Федерации от 18.07.2018 г. № 192-рп «О президиуме Государственного совета Российской Федерации». Шыӧдчан кадпас: 3 косму тӧлысь 2020. Архивируйтӧма 25 рака тӧлысь 2020.
  17. ↑ Распоряжение Президента Российской Федерации от 28.01.2019 г. № 23-рп «О президиуме Государственного совета Российской Федерации». Шыӧдчан кадпас: 3 косму тӧлысь 2020. Архивируйтӧма 11 моз тӧлысь 2020.
  18. ↑ Подписаны указы о назначении министров Правительства Российской Федерации (рус.). kremlin.ru. Шыӧдчан кадпас: 24 тӧвшӧр тӧлысь 2020. Архивируйтӧма 30 тӧвшӧр тӧлысь 2022.
  19. ↑ Решетников, Максим Геннадьевич. ТАСС. Шыӧдчан кадпас: 2 ӧшым тӧлысь 2022.
  20. ↑ Указ Президента Российской Федерации от 12.05.2020 № 320 «О специальном представителе Президента Российской Федерации по вопросам торгово-экономического сотрудничества с Японией». Шыӧдчан кадпас: 22 ода-кора тӧлысь 2020. Архивируйтӧма 22 ода-кора тӧлысь 2020.
  21. ↑ Госдума утвердила Решетникова министром экономического развития. РИА "Новости" (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  22. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  23. ↑ Указ Президента Российской Федерации от 20.09.2016 г. № 481 (рус.). kremlin.ru. Шыӧдчан кадпас: 26 тӧвшӧр тӧлысь 2019. Архивируйтӧма 22 тӧвшӧр тӧлысь 2019.
  24. ↑ Елена Третьякова. И. о. губернатора Пермского края Максим Решетников вышел в свет с супругой (рус.), «Комсомольская правда» (9 марта 2017). Архивируйтӧма 8 ода-кора тӧлысь 2017 вося. Шыӧдчан кадпас: 18 сора тӧлысь 2017.

Ыстӧгъяс

Босьтӧма "https://kv.ruwiki.ru/w/index.php?title=Решетников_Максим_Геннадьевич&oldid=482272"-ысь