Фальков Валерий Николаевич
| Валерий Николаевич Фальков | |
|---|---|
 | |
|
| |
.png){kind=small} Россия Федерацияса наука да вылыс тшупӧда велӧдан министр
 |
|
| 2020.01.21 (у. в. 2024.05.7-13) |
|
| Веськӧдлан котырӧн юрнуӧдысь |
Михаил Мишустин Андрей Белоусов (у. в.) Михаил Мишустин |
| Президент | Владимир Путин |
| Водзвывса уджалысь | Михаил Котюков |
 Тюменьса канму университетса ректор
(у. в. 2012.10 — 2013.03.21) |
|
| 2013.03.21 — 2020.01.21 | |
| Водзвывса уджалысь | Геннадий Чеботарёв |
| Удж водзӧ нуӧдысь | Иван Романчук |
 Тюмень обласьтса думаын депутат
 |
|
| 2016.09.18 — 2020.01.21 | |
 Тюмень обласьтса думаын депутат
.png){kind=small} |
|
| 2013 — 2016 | |
|
|
|
| Чужис |
1978-ӧд вося йирым тӧлысь 18-ӧд лун (47 арӧс) Тюмень, Тюмень обласьт, РСФСР, СССР |
| Ютыр | Единая Россия |
| Велӧдчӧм | Тюменьса канму университет |
| Учёнӧй степень | юридическӧй наукаяс кандидат, доцент |
| Уджсикас | юрист |
| Удж | политик |
| Уджаланін | Россия Федерацияса наука да вылыс тшупӧда велӧдан министерство |
 Медиафайлы на РУВИКИ.Медиа | |
Фальков Валерий Николаевич (1978-ӧд вося йирым тӧлысь 18-ӧд лун, Тюмень[d]) — россияса канморт, Россия Федерацияса наука да вылыс тшупӧда велӧдан министр 2020 вося тӧвшӧр тӧлысь 21-ӧд лунсянь (у. в. 2024.05.7-13). Учёнӧй-юрист.
Водзынджык — Тюменьса канму университетса ректор (2013—2020).
Олантуй
Велӧдчӧм
Помаліс Тюмень обласьтса Казанскӧй районса Казанское сиктса Новосёлезнёвскӧй шӧр школа.
1995 воын пырис велӧдчыны Тюменьса канму университетлӧн юридическӧй факультетӧ, 2000 воын помаліс Канму да право институт «юриспруденция» специальносьт серти, сы бӧрын пырис аспирантураӧ да 2003 вося ода-кора тӧлысь кадысь водз помаліс сійӧс «Россия Федерацияын бӧрйысьӧмводзвывса агитация инӧд боксянь ладмӧдӧм бурмӧдӧм» кандидатскӧй диссертация дорйӧмӧн (научнӧй веськӧдлысьыс Г. Н. Чеботарёв)[1].
Научно-административнӧй удж
2003 восянь 2007 воӧдз Фальков уджаліс Тюменьса канму университетын конституционнӧй да муниципальнӧй право кафедраӧн веськӧдлысьӧс вежысь, 2007 воын Фальковлы сетӧма кафедра кузя доцентлысь учёнӧй ним.
2007 вося рака тӧлыссянь вӧльгым тӧлысьӧдз — Тюменьса канму университетын Канму да право институтса велӧдан удж кузя директорӧс вежысь.
2007 восянь 2011 воӧдз Фальков — Тюменьса канму университетын содтӧд тӧдӧмлунъяс да филиалъяс кузя проректор, 2011 восянь 2012 вося рака тӧлысьӧдз — Тюменьса канму университетын право, экономика да веськӧдлан институтса директор.
2009 восянь 2011 воӧдз Фальковӧс бӧрйисны Тюмень обласьтса том учёнӧйяслӧн да специалистъяслӧн сӧветӧн веськӧдлысьӧн (2011 воын сӧветсӧ шуисны Россияын медся бура уджалысьяс лыдын).
2012 вося йирым тӧлыссянь 2013 вося косму тӧлысьӧдз Фальков — Тюменьса канму университетса ректорлысь могъяс олӧмӧ пӧртысь. 2013 вося рака тӧлысь 21-ӧд лунӧ уджалысь котырлӧн конференция вылын бӧрйисны университетса ректорӧн. 2018 вося косму тӧлысь 17-ӧд лунсянь Фальковӧс индісны Тюменьса канму университетса ректорӧн Россия Федерацияса наука да вылыс тӧдӧмлун министерстволӧн аттестационнӧй комиссиялӧн шуӧм серти[2], сійӧ уджаліс тайӧ чинын 2020 воӧдз.
2015 вося косму тӧлысь 30-ӧд лунӧ Фальковӧс бӧрйисны Тюмень обласьтса вузъясын ректоръяслӧн сӧветӧн веськӧдлысьӧн. Россия Федерацияса вузъяслӧн юридическӧй велӧдӧм кузя учебно-методическӧй ӧтувлӧн президиумӧ пырысь.
Фальков курируйтіс «Тюмень регионлӧн перспективаяс: выль индустрияяс да кадрӧвӧй потенциал» велӧдан уджтас, сійӧс вӧлі збыльмӧдӧма Москваса «Сколково» веськӧдлан школа Тюмень обласьтса губернаторлӧн тшӧктӧм серти Тюменьса канму университеткӧд ӧтув.
2020 вося тӧвшӧр тӧлысь 21-ӧд лунӧ Михаил Мишустинлӧн веськӧдлан котырын Фальковӧс индісны Россия Федерацияса наука да вылыс тшупӧда велӧдан министрӧн.
2024 вося ода-кора тӧлысь 14-ӧд лунӧ Валерий Фальковӧс Госдума выль пӧв вынсьӧдіс Россия Федерацияса наука да вылыс тшупӧда велӧдан министрӧн[3], тайӧ жӧ лунӧ Россия Федерацияса президент кырымаліс индӧд[4].
Общественнӧй удж
Тюмень регионын енбиа челядьӧс корсян да сӧвмӧдны отсалан система лӧсьӧдӧм могысь вӧлі школьникъяслы «Менделеев» уна профиля регионкостса олимпиада нуӧдысьӧн да котыртысьӧн, 2011 во.
2012 вося рака тӧлыссянь «Россияса юристъяслӧн ассоциация» ставроссияса ӧтйӧза организациялӧн регион юкӧнӧн веськӧдлысьӧс вежысь, ассоциациялӧн Тюмень карса юкӧнӧн веськӧдлысь.
2006 восянь 2013 воӧдз — Тюмень обласьтса бӧрйысян комиссияӧ решайтан гӧлӧс инӧда пырысь.
2013 восянь 2016 воӧдз — Тюмень карса VI созывса Думаысь депутат, «Единая Россия» ютырлӧн регионса политическӧй сӧветӧ пырысь, Тюмень карса Думаын кар стрӧитӧм да му йитӧдъяс кузя пыр уджалысь комиссияӧн веськӧдлысь. 2016 вося кӧч тӧлысь 18-ӧд лунсянь 2020 вося тӧвшӧр тӧлысь 21-ӧд лунӧдз — 17 номера ӧти мандата бӧрйысян кытшын Тюмень областнӧй думаса депутат.
2020 воын пырис Россия Федерацияса Оланподулӧ вежсьӧмъяс пыртӧм йылысь вӧзйӧмъяс дасьтӧм кузя уджалан котырӧ[5].
«Тобольск и вся Сибирь» альманахлӧн редакционнӧй сӧветӧн веськӧдлысь.
Тюмень обласьтын гражданаӧс инӧд боксянь велӧдӧм кузя «Право кузя восьса школа» проектлӧн водзмӧстчысь.
2014 восянь пырӧ Россия Федерацияса президентлӧн патронат улын веськӧдлан кадръяслӧн резервӧ[6].
2015 вося лӧддза-номъя тӧлыссянь пырис Тюмень обласьтлӧн кадръяслысь коланлунсӧ мониторитӧм да прогнозируйтӧм серти экспертнӧй сӧветӧ.
2018 вося ӧшым тӧлысь 25-ӧд лунсянь пырис Россия Федерацияса президент бердын наука да велӧдӧм кузя сӧветӧ[7].
2024 вося ӧшым тӧлысь 27-ӧд лунӧ «Историяӧн тӧдмӧдан ведомствокостса комиссиялӧн юалӧмъяс» Россия Федерацияса президентлӧн 2024 во ӧшым тӧлысь 27-ӧд лунся 1120 №-а Индӧд серти сійӧс пыртӧма Историяӧн тӧдмӧдан ведомствокостса комиссиялӧн президиумӧ[8].
2025 вося ода-кора тӧлысь 15-ӧд лунӧ Россия Федерацияса президентлӧн индӧдӧн пыртӧма Россияса наукаяс академиялӧн попечительскӧй сӧветӧ[9].
Наградаяс
• Россия Федерацияса йӧзӧс велӧдан министерстволӧн (2003) да Тюмень обласьтса губернаторлӧн Почёт грамота (2008);
• Тюмень обласьтса губернаторлӧн аттьӧалана гижӧд (2008);
• Тюмень областнӧй думалӧн Почёт грамота (2009);
• Тюмень обласьтын «Вося юрист — 2014» медвылыс юридическӧй премияа лауреат;
• Урал федеральнӧй кытшын Россия Федерацияса Президентӧс полномочнӧй петкӧдлысьлӧн аттьӧалӧм (2015);
• Тюмень обласьтса велӧдан да наука департаментлӧн аттьӧалӧм (2015);
• Россия Федерацияса Федеральнӧй Собраниелӧн Федерация Сӧветса Веськӧдлысьлӧн Аттьӧалана пас (2017).
Пасйӧдъяс
- ↑ Просмотр документа — dlib.rsl.ru. Шыӧдчан кадпас: 18 сора тӧлысь 2025. Архивируйтӧма 25 урасьӧм тӧлысь 2020.
- ↑ Приказ от 10 апреля 2018 г. № 12-07-03/50. Шыӧдчан кадпас: 18 сора тӧлысь 2025. Архивируйтӧма 13 тӧвшӧр тӧлысь 2021.
- ↑ Госдума утвердила Фалькова министром науки и высшего образования. РИА "Новости" (14 ода-кора тӧлысь 2024). Шыӧдчан кадпас: 18 сора тӧлысь 2025.
- ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 18 сора тӧлысь 2025.
- ↑ Источник. Шыӧдчан кадпас: 18 сора тӧлысь 2025. Архивируйтӧма 28 моз тӧлысь 2020.
- ↑ Список лиц, включённых в резерв управленческих кадров, находящихся под патронажем Президента Российской Федерации (рус.). Шыӧдчан кадпас: 18 сора тӧлысь 2025.
- ↑ См. Указ Президента Российской Федерации от 25.12.2018 № 748 «О внесении изменений в состав Совета при Президенте Российской Федерации по науке и образованию и в состав президиума этого Совета, утверждённые Указом Президента Российской Федерации от 16 ноября 2017 г. № 550» Архивса копия Wayback Machine ресурсын
- ↑ Указ Президента Российской Федерации от 27.12.2024 № 1120 ∙ Официальное опубликование правовых актов (рус.). publication.pravo.gov.ru (27 ӧшым тӧлысь 2024). Шыӧдчан кадпас: 18 сора тӧлысь 2025.
- ↑ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Шыӧдчан кадпас: 18 сора тӧлысь 2025.
Ыстӧгъяс
- Лист бок Россия Федерацияса наука да йӧзӧс велӧдан министерстволӧн.
 | |
|---|---|
| Библиография каталогъясын |
|
| Россия Федерацияса ӧнія Веськӧдлан котыр | |
|---|---|
| Председатель | |
| Медводдза вежысь | |
| Вежысьяс |
|
| Министръяс |
|