Савельев Виталий Геннадьевич

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Савельев.
Виталий Геннадьевич Савельев
2021-04-23 Виталий Савельев Минтранс 1 (cropped).jpg
Флаг
Россия Федерацияса Веськӧдлан котырса председательӧс вежысь
Флаг
2024.05.13
Веськӧдлан котырӧн юрнуӧдысь Михаил Мишустин
Президент Владимир Путин
Флаг
Россия Федерацияса транспорт министр
Флаг
2020.11.10 — 2024.05.07
(у. в. 2024.05.7-13)
Веськӧдлан котырӧн юрнуӧдысь Михаил Мишустин
Президент Владимир Путин
Водзвывса уджалысь Евгений Дитрих
Александр Нерадько (у. в.)
Удж водзӧ нуӧдысь Роман Старовойт
Чужис 1954-ӧд вося тӧвшӧр тӧлысь 18-ӧд лун(1954-01-18) (72 арӧс)
Ютыр Единая Россия
Велӧдчӧм
Удж канморт
Наградаяс
Логотип РУВИКИ.Медиа Медиафайлы на РУВИКИ.Медиа

Савельев Виталий Геннадьевич (1954-ӧд вося тӧвшӧр тӧлысь 18-ӧд лун, Ташкент) — россияса канморт, Россия Федерацияса Веськӧдлан котырса председательӧс вежысь 2024 вося ода-кора тӧлыссянь. 2024 вося вӧльгым тӧлысь 25-ӧд лунсянь — «Войвыв — Лунвыв» войтыркостса транспорт коридор  (рус.) (коми сӧвмӧдӧм серти Россия Федерацияса Президентӧс торъя петкӧдлысь[1].

Россия Федерацияса транспорт министр (2020.11.10 — 2024.05.14)[2].

2009 вося косму тӧлысь 10-ӧд лунсянь 2020 вося вӧльгым тӧлысь 9-ӧд лунӧдз «Аэрофлот» ПАК-са правлениеӧн веськӧдлысь да генеральнӧй директор. 2016 восянь «Единая Россия» кансяма ютырлӧн медвылыс сӧветӧ пырысь. Экономика наукаяс кандидат[3].

Олантуй

Виталий Савельев чужис 1954 вося тӧвшӧр тӧлысь 18-ӧд лунӧ Ташкентын.

1977 воын Савельев помаліс М. И. Калинин нима Ленинградса политехника институтын (ӧні — Петыркарса канму политехника университет) механико-машиностроительнӧй факультет «стрӧитчан да туйвывса машинаяс да оборудование, стрӧитчӧм» специальносьт серти[4].

1986 воын помаліс Пальмиро Тольятти нима Ленинградса инженерно-экономическӧй институтын (ӧні — Петыркарса канму инженерно-экономическӧй университет) промышленнӧй производство да стрӧитчӧм котыртысьяслысь факультет. Стажируйтчис суйӧр сайын.

Удж

• 1977—1980 — СССР-са Минэнерголӧн «Оргэнергострой» Ставсоюзса институтлӧн Ленинградса филиалын пусконаладочнӧй отделса инженер, Ленинград;
• 1980—1984 — «Красноярскэнергострой» УС-лӧн подсобнӧй предприятиеясӧн веськӧдлан техническӧй юкӧнса начальник, главнӧй конструктор, СССР-са Минэнерго, Красноярск крайса Саяногорск;
• 1984 — СССР-са энергетика министерстволӧн «Оргэнергострой» ставсоюзса институтлӧн Ленинградса филиалын КР-3 юкӧнса группаӧн юрнуӧдысь, Ленинград;
• 1984—1987 — СССР-са Монтажспецстрой министерствоын главнӧй технологлысь могъяс олӧмӧ пӧртысь, главнӧй технолог, управляющӧйлысь могъяс олӧмӧ пӧртысь, «Севзапметаллургмонтаж» трестӧн веськӧдлысьӧс вежысь, Ленинград;
• 1987—1988 — «Главленинградинжстрой» инженернӧй сооружениеяс стрӧитӧм кузя главнӧй управлениеса начальникӧс вежысь, Ленинград;
• 1988—1991 — «Диалог» сӧветско-американскӧй ӧтувъя предприятиелӧн Ленинградса филиалса директор, Ленинград;
• 1991—1993 — «Диалог-инвест» сӧветско-американскӧй акционер котырса генеральнӧй директор, Петыркар;
• 1993—1995 — «Россия» акционер банклӧн правлениеса председатель, Петыркар;
• 2001—2002 — «Газпром» ВАК-са правлениеӧн веськӧдлысьӧс вежысь, Москва;
• 2002—2004 — «ГРОС ӧтувтӧм компания» ИКК финансӧвӧй юалӧмъяс серти вице-президент, Москва обласьтса Красногорск;
• 2004—2007 — Россия Федерацияса экономика сӧвмӧдан да вузасян министрӧс вежысь;
• 2007—2009 — «Система» акционернӧй финансӧвӧй корпорация ОАО-ын телекоммуникационнӧй активъяс сӧвмӧдан комплексӧн (Телеком система) веськӧдлысь — медводдза вице-президент, «Телекоммуникационнӧй активъяс» бизнес-единицаӧн веськӧдлысь — медводдза вице-президент, Москва;
• 2009—2020 — «Аэрофлот-Россияса авиалинияяс» публичнӧй акционер котырса генеральнӧй директор, Москва.

Савельев дырйи «Аэрофлот» авиакомпания пырис нуӧм-вайӧм ыджда серти мирса медся ыджыд авиакомпанияяслӧн топ-20-ӧ[5], босьтіс мирса став авиакомпанияяс пӧвстын цифровизация серти нёльӧд места американскӧй консалтинга Bain & Company компаниялӧн мыччӧдъяс серти[6].

Медым лӧсьӧдны Россияса да суйӧрсайса авиакомпанияяслы ӧткодь конкурентнӧй условиеяс, а сідзжӧ ышӧдны чинтыны Россияын авиабилетъяслысь донсӧ, Савельев разнӧй кадколастъясӧ вӧзйыліс оланпас водзмӧстчӧмъяс, мый подув вылын вӧлі примитӧма Россия Федерацияса Сынӧд кодексӧ вежсьӧмъяс. 2014 воын сійӧ вӧзйис пыртны сідз шусяна «бергӧдны позьтӧм тарифъяс», мый серти пассажир ӧткажитчис кӧ дисконтнӧй тариф серти новлӧдлӧмысь, сідзжӧ ӧткажитчис и билетсьыс мынтӧм сьӧм бергӧдӧмысь[7][8].

2014 воын жӧ Савельев вӧзйис лэдзны Россияса авиакомпанияяслы кыскыны суйӧрсайса гражданаӧс воздушнӧй судноясса капитанъясӧн — квота серти да Россия Федерацияса правительствоӧн урчитӧм условиеяс вылын[9][10].

2017 воын Савельев вӧзйис позянлун вӧдитчыны сідз шусяна «багажтӧм тарифъясӧн», мый серти абу дон босьттӧг регистрируйтӧм багажлӧн стӧча урчитӧм норма да кипом грузлысь позяна сьӧктасӧ чинтӧма 10 килограммсянь 5 килограммӧдз. Тайӧ выльпыртӧмсӧ пассажиръяс да СМИ критикуйтісны[11].

2017 воын Савельев вӧзйис пыртны Россия Федерацияса Сынӧд кодексӧ вежсьӧмъяс да лӧсьӧдны сідз шусяна «мытшӧда» пассажиръяслысь «сьӧд списокъяс». Лыддьӧгас вӧлі пыртӧма сэтшӧм йӧзӧс, кодъяслы авиакомпания вермис ӧткажитны могмӧсъяс сетӧмысь наӧн вӧчӧм воддза административнӧй правонарушениеяс либӧ татшӧм правонарушениеяс вӧчӧмысь ёрдлӧн шуӧм подув вылын[12].

Россияса историяын Савельев 2011 воын медводдзаысь лӧсьӧдіс «Аэрофлот» холдинг котыр. Аэрофлот веськӧдлӧм улӧ вуджисны регионса авиакомпанияяс. 2014 воын Савельевлӧн юрнуӧдӧм улын котыртӧма «Победа» авиакомпания — «Аэрофлот» котырӧ пырысь лоукостер. Авиакомпания «Аэрофлот» рейсъясӧн кутіс лэбавны тӧдчымӧн унджык пассажиръяс[13].

2019 воын «Аэрофлот» новлӧдліс 37,2 млн пассажирӧс, а ставнас «Аэрофлот» котыр — 60,7 млн[14].

2016 вося урасьӧм тӧлысь 6-ӧд лунӧ Савельевӧс бӧрйисны «Единая Россия» ютырлӧн веськӧдлан органӧ — медвылыс сӧветӧ[15].

2016 воын Россия Федерацияса Федеральнӧй Собраниелӧн VII созывса Государственнӧй Думаӧ депутатъясӧс бӧрйигӧн «Единая Россия» ютырлысь уджтас документ дасьтӧм кузя комиссияӧ пырысь[16].

2020 воын Савельевӧс мездӧма «Аэрофлотса» генеральнӧй директор чинысь[17].

2020 вося вӧльгым тӧлысь 10-ӧд лунӧ Михаил Мишустинлӧн веськӧдлан котырын сійӧс индісны Россия Федерацияса транспорт министрӧн.

2024 вося ода-кора тӧлысь 11-ӧд лунӧ Михаил Мишустин вӧзйис Госдумалы видлавны веськӧдлан котырлысь выль состав да вӧзйис Савельевӧс вице-премьер чинӧ[18]. Ода-кора тӧлысь 13-ӧд лунӧ Госдума вынсьӧдіс сійӧс тайӧ чинӧ[19]. Ода-кора тӧлысь 14-ӧд лунӧ Россия Федерацияса президент кырымаліс индӧм йылысь индӧд[20]. Вице-премьер чинын Савельев кывкутӧ «Беспилотнӧй авиационнӧй системаяс» национальнӧй проект лӧсьӧдӧм да сы бӧрся видзӧдӧм вӧсна, курируйтӧ транспорт блок, Россияса канму граница вомӧн прӧпускнӧй пунктъяслысь уджсӧ могмӧдӧм вӧсна. Координируйтӧ татшӧм ведомствояс:

  • Транспорт министерство;
  • Росавиация;
  • Транспорт юкӧнын дӧзьӧр серти федеральнӧй служба;
  • Туй транспорт федеральнӧй агентство;
  • Саридзвывса да ювывса транспорт кузя федеральнӧй агентство[21].

2024 вося кӧч тӧлысьын выль пӧв бӧрйисны «Россияса кӧрт туйяс» холдингса директоръяслӧн сӧветӧн веськӧдлысьӧн[22].

2024 вося вӧльгым тӧлысь 25-ӧд лунӧ Владимир Путин индіс Виталий Савельевӧс «Войвыв — Лунвыв» войтыркостса транспорт коридор  (рус.) (коми сӧвмӧдӧм серти аслас торъя петкӧдлысьӧн[23].

Семья

Виталий Савельев гӧтыра, сылӧн куим челядь[24].

Наградаяс

• «Россияса флотлы 300 во» медаль (1996);
• «10 лет отряду специального назначения Тайфун» юбилей пас (2001);
• «Петыркарлы 300 во тырӧм казьтылӧмӧн» медаль (2003)[25];
• «ИТАР-ТАСС агентстволы 100 во тырӧмкӧд йитӧдын» казьтылан медаль (2004);
• «Казаньлы 1000 во тырӧм казьтылӧмӧн» медаль (2005)[26];
• «Уголовно-исполнительнӧй система ёнмӧдӧмысь» ФСИН-лӧн эзысь медаль (2005);
• Россия Федерацияса Веськӧдлан котырлӧн Почёт грамота (2005);
• Почёт орден (2006)[27];
• «Госрезервлы 75 во» медаль (2006);
• «Россияса МВД-кӧд ӧтув уджысь» пас (2006);
• «Россияса ФБС-кӧд ӧтув уджысь» медаль (2007);
• «Совет Федерации. 15 лет» медаль (2010);
• Россияса ОСР-лӧн «90 лет ИНО — ПГУ — СВР» медаль (2010);
• Бур службаысь Союзнӧй государстволӧн медаль (2010);
• РБК-лӧн версия серти, «Войся морт-2011» XІ церемонияын вермысь «Вося веськӧдлысь» номинацияын (2012);
• «Айму водзын заслугаясысь» IV степеня орден (2013);
• 1 места ТОП-100 «Россияса менеджеръяслӧн»/Вылыс веськӧдлысьяслӧн рейтинг «Транспорт» нимпасын (2013)[28];
• Дружба орден (2014);
• Александр Невский орден (2018)[29];
• «Ӧтув уджысь» медаль (ОСР);
• «Аэрофлотса отличник» почёт пас (2013);
• «Айму водзын заслугаясысь» ІІІ степеня орден (2023)[30].

Пасйӧдъяс

  1. ↑ Путин назначил Савельева спецпредставителем по развитию коридора Север - Юг, TACC (25 вӧльгым тӧлысь 2024). Шыӧдчан кадпас: 25 вӧльгым тӧлысь 2024.
  2. ↑ Правительство России переходит в статус и.о. до назначения нового состава (рус.). TACC (7 ода-кора тӧлысь 2024). Шыӧдчан кадпас: 7 ода-кора тӧлысь 2024.
  3. ↑ Савельев, Виталий Геннадьевич. Заместитель председателя правительства РФ (рус.). Энциклопедия ТАСС. Шыӧдчан кадпас: 2024.
  4. ↑ Савельев, Виталий (рус.). Шыӧдчан кадпас: 28 косму тӧлысь 2016. Архивируйтӧма 14 ода-кора тӧлысь 2016.
  5. ↑ Аэрофлот вошел в ТОП-20 мирового рейтинга авиаперевозчиков (рус.). РИА Новости (7 моз тӧлысь 2018). Шыӧдчан кадпас: 24 лӧддза-номъя тӧлысь 2021. Архивируйтӧма 7 йирым тӧлысь 2021.
  6. ↑ "Аэрофлот" вошел в пятерку мировых лидеров по цифровизации (рус.). РИА Новости (15 вӧльгым тӧлысь 2018). Шыӧдчан кадпас: 24 лӧддза-номъя тӧлысь 2021. Архивируйтӧма 24 лӧддза-номъя тӧлысь 2021.
  7. ↑ Введение нормы о "невозвратных" билетах позволит "Аэрофлоту" снизить цены на билеты экономкласса на 10% (рус.). Авиатранспортное обозрение (27 лӧддза-номъя тӧлысь 2013). Шыӧдчан кадпас: 30 лӧддза-номъя тӧлысь 2021. Архивируйтӧма 9 сора тӧлысь 2021.
  8. ↑ Госдума отменила бесплатный провоз багажа при невозвратных авиабилетах (рус.). Profi.Travel (20 сора тӧлысь 2017). Шыӧдчан кадпас: 30 лӧддза-номъя тӧлысь 2021. Архивируйтӧма 9 сора тӧлысь 2021.
  9. ↑ Иностранцы сядут за штурвалы российских самолетов (рус.). www.atorus.ru (9 ӧшым тӧлысь 2013). Шыӧдчан кадпас: 30 лӧддза-номъя тӧлысь 2021. Архивируйтӧма 9 сора тӧлысь 2021.
  10. ↑ Российским авиакомпаниям разрешили брать на работу иностранных пилотов (рус.). РИА Новости (21 косму тӧлысь 2014). Шыӧдчан кадпас: 30 лӧддза-номъя тӧлысь 2021. Архивируйтӧма 9 сора тӧлысь 2021.
  11. ↑ Цифровые технологии: безбагажные тарифы "Аэрофлота" (рус.). Авиатранспортное обозрение (2 йирым тӧлысь 2019). Шыӧдчан кадпас: 30 лӧддза-номъя тӧлысь 2021. Архивируйтӧма 9 сора тӧлысь 2021.
  12. ↑ Путин поддержал введение «черных списков» для авиапассажиров (рус.). ИА REGNUM. Шыӧдчан кадпас: 30 лӧддза-номъя тӧлысь 2021. Архивируйтӧма 9 сора тӧлысь 2021.
  13. ↑ Биография генерального директора "Аэрофлота" Виталия Савельева (рус.). ТАСС. Шыӧдчан кадпас: 12 сора тӧлысь 2021. Архивируйтӧма 12 сора тӧлысь 2021.
  14. ↑ Группа "Аэрофлот" в 2019 году перевезла 60,7 млн пассажиров (рус.). РИА Новости (28 тӧвшӧр тӧлысь 2020). Шыӧдчан кадпас: 12 сора тӧлысь 2021. Архивируйтӧма 12 сора тӧлысь 2021.
  15. ↑ Тимур Кизяков и Пётр Толстой вошли в Высший совет «Единой России» Архивса копия 7 урасьӧм тӧлысь 2016 Wayback Machine ресурсын «Йод», 06.02.2016
  16. ↑ Комиссия по подготовке программного документа (рус.). Шыӧдчан кадпас: 31 рака тӧлысь 2016. Архивируйтӧма 15 косму тӧлысь 2016.
  17. ↑ «Аэрофлот» всех видов транспорта, Коммерсантъ (9 вӧльгым тӧлысь 2020). Шыӧдчан кадпас: 19 урасьӧм тӧлысь 2024.
  18. ↑ О чем говорит новая конфигурация российского правительства (рус.). РБК (11 ода-кора тӧлысь 2024). Шыӧдчан кадпас: 13 ода-кора тӧлысь 2024.
  19. ↑ Госдума утвердила Савельева заместителем председателя правительства (рус.). РИА Новости (13 ода-кора тӧлысь 2024). Шыӧдчан кадпас: 13 ода-кора тӧлысь 2024.
  20. ↑ Президент подписал указы о назначении членов Правительства Российской Федерации и директоров служб (рус.). kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  21. ↑ Михаил Мишустин утвердил распределение обязанностей между вице-премьерами (рус.). government.ru (17 ода-кора тӧлысь 2024). Шыӧдчан кадпас: 17 ода-кора тӧлысь 2024.
  22. ↑ Вице-премьера Савельева переизбрали председателем совета директоров РЖД, РИА Новости (4 кӧч тӧлысь 2024). Шыӧдчан кадпас: 4 кӧч тӧлысь 2024.
  23. ↑ Савельев назначен спецпредом по развитию транспортного коридора Север (рус.). 1tv.ru. Шыӧдчан кадпас: 25 вӧльгым тӧлысь 2024.
  24. ↑ Московский бизнес-портал. Савельев Виталий Геннадьевич (рус.). Шыӧдчан кадпас: 7 ода-кора тӧлысь 2019. Архивируйтӧма 4 косму тӧлысь 2019.
  25. ↑ Указ Президента Российской Федерации от 19 февраля 2003 года № 210 О медали «В память 300-летия Санкт-Петербурга» (рус.). Шыӧдчан кадпас: 19 вӧльгым тӧлысь 2018. Архивируйтӧма 19 вӧльгым тӧлысь 2018.
  26. ↑ Указ Президента Российской Федерации от 17 октября 2011 года № 1355 «О награждении государственными наградами Российской Федерации» (рус.). Шыӧдчан кадпас: 19 вӧльгым тӧлысь 2018. Архивируйтӧма 19 вӧльгым тӧлысь 2018.
  27. ↑ Указ Президента Российской Федерации от 21 октября 2006 года № 1182 «О награждении государственными наградами Российской Федерации» (рус.). Шыӧдчан кадпас: 19 вӧльгым тӧлысь 2018. Архивируйтӧма 19 вӧльгым тӧлысь 2018.
  28. ↑ Савельев Виталий Геннадьевич Образование, Карьера, Личная жизнь, Награды и звания (рус.). ФедералПресс. Шыӧдчан кадпас: 24 лӧддза-номъя тӧлысь 2021. Архивируйтӧма 24 лӧддза-номъя тӧлысь 2021.
  29. ↑ Генеральный директор Аэрофлота Виталий Савельев награжден четвертым орденом Российской Федерации (рус.). Аэрофлот (27 лӧддза-номъя тӧлысь 2018). Шыӧдчан кадпас: 16 йирым тӧлысь 2018. Архивируйтӧма 16 йирым тӧлысь 2018.
  30. ↑ Торжественный вечер по случаю 100-летия гражданской авиации России. Орденом «За заслуги перед Отечеством» III степени награждён Министр транспорта Виталий Савельев

Ыстӧгъяс

Босьтӧма "https://kv.ruwiki.ru/w/index.php?title=Савельев_Виталий_Геннадьевич&oldid=482209"-ысь