Чернышенко Дмитрий Николаевич

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Чернышенко.
Дмитрий Николаевич Чернышенко
Dmitry Chernyshenko official portrait (government.ru).jpg
Флаг
Россия Федерацияса Веськӧдлан котырлӧн председательӧс вежысь
Флаг
2020.01.21
(у. в. 2024.05.7—13)
Правительствоӧн веськӧдлысь Михаил Мишустин
Андрей Белоусов (у. в.)
Михаил Мишустин
Президент Владимир Путин
Чужис 1968-ӧд вося кӧч тӧлысь 20-ӧд лун(1968-09-20) (56 арӧс)
Велӧдчӧм
Наградаяс
Сайт government.ru
Логотип РУВИКИ.Медиа Медиафайлы на РУВИКИ.Медиа

Чернышенко Дмитрий Николаевич (1968 вося кӧч тӧлысь 20-ӧд лун, Саратов, РСФСР, СССР) — россияса канморт, Россия Федерацияса Веськӧдлан котырлӧн председательӧс цифрӧвӧй экономика да инновацияяс, связь, СМИ, а сідзжӧ культура, туризм да спорт юалӧмъяс серти вежысь 2020 вося тӧвшӧр тӧлысь 21-ӧд лунсянь[1][2]. Волга бердса федеральнӧй кытшын куратор 2021 вося сора тӧлысь 19-ӧд лунсянь[3].

2007—2014 воясӧ — Сочиын 2014 вося XXІІ тӧвся Олимпийскӧй да XI тӧвся Паралимпийскӧй ворсӧмъяс котыртан комитетса президент. 2014 вося вӧльгым тӧлысь 28-ӧд лунсянь — Континентальнӧй хоккейнӧй лигалӧн президент, правлениеса председатель. «Газпром-медиа Холдинглӧн» генеральнӧй директор да правлениеса председатель. 2018 вося йирым тӧлысь 20-ӧд лунсянь сідзжӧ веськӧдлӧ «ГПМ Развлекательное ТВ» субхолдингӧн[4][5].

2019 воын Чернышенко мӧдысь пырис Variety500-ӧ — мирын медся тӧдчана 500 медиаперсона лыддьӧгӧ, мый лӧсьӧдӧ Variety америкаса издание[6].

Олантуй

[вежны | Вежны кодировкаын]

Дмитрий Чернышенко чужис 1968 вося кӧч тӧлысь 20-ӧд лунӧ Саратовын. Быдмӧма Майкопын да Сочиын[5][7].

Помалӧма «Станкин» Москваса канму технология университет «автоматизируйтӧм проектируйтан система» (САПР) специальносьт серти, босьтӧма инженер-системотехниклысь квалификация. «Станкинын» велӧдчигӧн серпасаліс МММ-лӧн реклама роликлы графика, мыйысь босьтіс ассьыс медводдза гонорарсӧ 1500 доллар[8][5].

1989—1991 воясӧ Чернышенко уджаліс программистӧн Copris&M Co («Коприс-энд-м ко») ӧтувъя телекоммуникационнӧй компанияын.

1989 воын «Станкинын» ӧтлаын велӧдчысьясыскӧд Чернышенко лӧсьӧдіс «Информатика Маркетинг Сервис» (ИМС) компания — СССР-ын компьютернӧй графика вӧчан медводдза студияяс пиысь ӧти. 1991—1992 воясӧ вӧлі ИМС компанияса генеральнӧй директорӧс вежысьӧн.

МОК-лӧн 119-ӧд сессия восьтан церемония дырйи. Россияса президентсянь шуйгавылын В. А. Фетисов, веськыдвылын — И. К. Роднина да Д. Н. Чернышенко.
Гватемала, 2007.07.03

1992 восянь 1994 воӧдз — СФТ реклама агентствоса директор (ИМС-лӧн ичӧт предприятиеыс паськаліс СФТ реклама агентствоӧдз («СФТ-Реклама»).

1993 воын Чернышенко ИМС подув вылын лӧсьӧдіс «Media Arts» реклама агентство, сійӧ регыд лоис «Media Arts Group» реклама холдингӧн. 1994 воын кутіс уджавны творческӧй директорӧн, 1996 воын — Media Arts Group-са вице-президентӧн[8].

1998—2002 воясӧ Чернышенко вӧлі генеральнӧй директорӧн «ДТВ-МА» телевизионнӧй производственнӧй студияын. Тайӧ студияыс артмис «Media Arts Group» холдингӧн реклама роликъяс вӧчысь D’Arсy TV («Д’Арси ТелеВижн») компания ньӧбӧм бӧрын. «ДТВ-МА»-лӧн клиентъясӧн вӧліны войтыркостса тӧдчана брендъяс да реклама агентствояс. Студиялӧн тшӧт вылын 30 сайӧ награда россияса да войтыркостса фестивальяс вылын[9].

2002 воын Чернышенко лоис «Media Arts Group»-са старшӧй вице-президентӧн да веськӧдліс Sportima компанияӧн, кодӧс вӧлі лӧсьӧдӧма холдинг пытшкын спорт маркетинг юкӧнын уджалӧм могысь[8].

2005 вося вӧльгым тӧлысьын Чернышенко юрнуӧдіс Сочиын Олимпийскӧй да Паралимпийскӧй ворсӧмъяс нуӧдан право вӧсна кампанияӧн, лоис «Сочи-2014» заявка сетан комитетса генеральнӧй директорӧн[10].

2007 восянь 2014 воӧдз Чернышенко вӧлі Сочи карын 2014 вося XXII тӧвся Олимпийскӧй да XI Паралимпийскӧй тӧвся ворсӧмъяслӧн котыртан комитетса президентӧн[11][5].

2007 вося кӧч тӧлысь 26-ӧд лунсянь Чернышенко — Россия Федерацияса президент бердын вынйӧр сӧвмӧдӧм да спорт, медвылыс вермӧмъяса спорт сӧвмӧдӧм, Сочи карын 2014 вося XXІІ тӧвся Олимпийскӧй да XI тӧвся Паралимпийскӧй ворсӧмъяс дасьтӧм да нуӧдӧм кузя сӧветлӧн президиумса член[12]. Медводдза воас (2007 вося кӧч тӧлысь 26-ӧд лунсянь 2008 вося кӧч тӧлысь 5-ӧд лунӧдз) вӧлі сӧветса секретарӧн[5].

2007 вося вӧльгым тӧлысь 12-ӧд лунсянь — «Олимпстрой» ГК-ын видзӧдысь сӧветӧн веськӧдлысьӧс вежысь[13].

2014 вося йирым тӧлыссянь ӧшым тӧлысьӧдз Чернышенко юрнуӧдіс Volga Group инвестиция компанияӧн, коді веськӧдлӧ ас вылӧ уджалысь Геннадий Тимченколӧн активъясӧн[14].

2014 вося вӧльгым тӧлысь 28-ӧд лунсянь Чернышенко — Континентальнӧй хоккей лигалӧн президент да правлениеса председатель[15].

Дмитрий Чернышенко Ылі Асыввылын командировка дырйи, 2021 во

2014 вося ӧшым тӧлысь 23-ӧд лунсянь — Россияса хоккей федерациялӧн сӧветӧ пырысь.

2015 вося тӧвшӧр тӧлысь 13-ӧд лунсянь — «Газпром-Медиа Холдинглӧн» генеральнӧй директор да правлениеса председатель[16][5].

2016 восянь — Национальнӧй реклама альянсса директоръяслӧн сӧветӧн веськӧдлысь[17]. «Россияса кӧрт туйяс» ВАК-ын директоръяслӧн сӧветӧ пырысь[18].

2020 вося тӧвшӧр тӧлысь 21-ӧд лунсянь Чернышенкоӧс индісны Россия Федерацияса Веськӧдлан котырлӧн председательӧс вежысьӧн[19] цифра экономика да инновацияяс, связь да СМИ, а сідзжӧ культура, туризм да спорт юалӧмъяс серти. Курируйтӧ «Цифрӧвӧй экономика», «Культура» нацпрограммаяс, а сідзжӧ «Демография» нацпроектлӧн «Спорт — олӧм норма» федеральнӧй проект збыльмӧдӧм. Сідзжӧ сійӧ веськӧдлӧ СМИ да инновационнӧй удж юкӧнын канму политикаӧн, связь юкӧнын донъяс (тарифъяс) канмусянь ладмӧдӧмӧн да IT да связь юкӧнын канму уджтасъяс збыльмӧдӧмӧн. Таысь кындзи, Чернышенко кывкутӧ торъя тӧдчана спорт мероприятиеяс нуӧдӧм да религиознӧй организацияяскӧд ӧтув уджалӧм вӧсна[1].

2024 вося ода-кора тӧлысь 11-ӧд лунӧ Михаил Мишустин вӧзйис Госдумалы видлавны Веськӧдлан котырлысь выль состав, вӧзйис вице-премьер чинӧ Чернышенкоӧс[20]. Ода-кора тӧлысь 13-ӧд лунӧ Госдума вынсьӧдіс сійӧс тайӧ чинас[21]. Ода-кора тӧлысь 14-ӧд лунӧ Россия Федерацияса президент кырымаліс индӧм йылысь индӧд[22][5].

Чернышенко кывкутӧ татшӧм нырвизьяс серти: ӧтувъя да шӧр тшупӧда уджсикасӧ велӧдӧм, том йӧз политика. Сійӧ водзӧ курируйтӧ инновационнӧй удж, искусственнӧй интеллект юкӧнын наука туялӧмъяслы отсӧг сетӧм. Чернышенко лӧсьӧдӧ, збыльмӧдӧ да видзӧдӧ «Наука да университетъяс», «Велӧдчӧм», «Туризм да гӧститӧдан индустрия» национальнӧй проектъяс бӧрся. Координируйтӧ татшӧм министерствояс да ведомствояс:

  • Минобрнаука;
  • Йӧзӧс велӧдан министерство;
  • Спорт министерство;
  • Стрӧитчан министерство («Туризм да гӧститӧдан индустрия» национальнӧй проектса мероприятиеяс);
  • Экономика сӧвмӧдан министерство (туризм юкӧнын канму политика збыльмӧдӧм);
  • Цифра министерство (йӧзӧс юӧртан коммуникацияяс да средствояс юкӧнын канму политика збыльмӧдӧм);
  • Том йӧзлӧн делӧяс кузя федеральнӧй агентство;
  • Уна сикас войтырлӧн могъяс серти федеральнӧй агентство (религиознӧй организацияяскӧд йитӧд кутан юкӧнын);
  • Велӧдан да наука юкӧнын дӧзьӧр серти федеральнӧй служба[23].

2024 вося кӧч тӧлысь 23-ӧд лунӧ Чернышенкоӧс индісны «Ӧтуввез сӧвмӧдан институт» АНО-лӧн видзӧдысь сӧветын Россия Федерацияӧс петкӧдлысьӧн[24].

2025 вося урасьӧм тӧлысь 11-ӧд лунӧ Россия Федерацияса Веськӧдлан котыр вынсьӧдіс Чернышенкоӧс «Физическӧй культура да спорт сӧвмӧдӧм» канму уджтас збыльмӧдӧм кузя комиссияӧн веськӧдлысьӧн[25].

Чернышенко тӧдӧ англичан кыв[26].

Семья

[вежны | Вежны кодировкаын]

Дмитрий Чернышенко гӧтыра, эм кык ныв. Радейтӧ исласьны горнӧй лызьӧн да занимайтчӧ тыш искусствоясӧн[5].

Санкцияяс

[вежны | Вежны кодировкаын]

Чернышенко Европаса Союзлӧн, Ыджыд Британиялӧн, АӦШ-лӧн, Швейцариялӧн, Выль Зеландиялӧн санкцияяс улын.

Наградаяс

[вежны | Вежны кодировкаын]
«Айму водзын заслугаясысь» ІІ степеня орденӧн наградитӧм, 2014.03.24
  • «Айму водзын заслугаясысь» ІІ степеня орден (2014 вося рака тӧлысь 24-ӧд лун) — Сочиын 2014 вося XXII Олимпийскӧй да XI Паралимпийскӧй тӧвся ворсӧмъяс дасьтӧм да нуӧдӧм котыртӧмӧ ыджыд пай пуктӧмысь да Россияса сборнӧй командаяслысь бура петкӧдчӧмсӧ могмӧдӧмысь[27];
  • Почёт орден (2007 вося моз тӧлысь 6-ӧд лун) — 2014 воын XXII тӧвся Олимпийскӧй да XI Паралимпийскӧй ворсӧмъяс нуӧдӧм вылӧ Сочи карлысь заявка вермӧм кузя уджын зіля участвуйтӧмысь[28];
  • Ёртасьӧм орден (2019 вося ода-кора тӧлысь 23-ӧд лун)[29];
  • Рочму Федерацияса президентсянь аттьӧалӧм (2018 вося ода-кора тӧлысь 30-ӧд лун) — роч йӧзкотырлӧн общественно-политическӧй олӧмын зіля участвуйтӧмысь[30];
  • «Россияса спорт кодзувъяс» национальнӧй премияа лауреат (2008 во)[31].
конфессиональнӧйяс
  • Вежа благовернӧй князь Александр Невскийлӧн ІІ степеня орден (2021 вося ӧшым тӧлысь 6-ӧд лун) — благовернӧй князь Александр Невскийлӧн чужан лунсянь 800 во тырӧм пасйигӧн юбилей гажъяс нуӧдӧмын отсӧг сетӧмысь да зільӧмысь[32];
  • Преподобнӧй Сергий Радонежский ІІІ степеня орден (2006 вося тӧвшӧр тӧлысь 30-ӧд лун)[33].
спорт
  • Зарни Олимпийскӧй орден (2014 во)[34].

Пасйӧдъяс

[вежны | Вежны кодировкаын]
  1. ↑ 1 2 Мишустин распределил обязанности между своими заместителями. РИА Новости (28 тӧвшӧр тӧлысь 2020). Шыӧдчан кадпас: 29 тӧвшӧр тӧлысь 2020. Архивируйтӧма 30 рака тӧлысь 2020.
  2. ↑ Правительство России переходит в статус и.о. до назначения нового состава. TACC. Шыӧдчан кадпас: 7 ода-кора тӧлысь 2024.
  3. ↑ Михаил Мишустин назначил кураторов федеральных округов. Шыӧдчан кадпас: 19 сора тӧлысь 2021. Архивируйтӧма 19 сора тӧлысь 2021.
  4. ↑ «Газпром-медиа» сменил руководство развлекательного субхолдинга // Коммерсантъ. Архивировано 11 йирым тӧлысь 2018 года.
  5. ↑ 1 2 3 4 5 6 7 8 Энциклопедия ТАСС, 2024. Чернышенко, Дмитрий Николаевич. Заместитель председателя правительства РФ
  6. ↑ viapiuser. Dmitry Chernyshenko (англ.). Variety (28 моз тӧлысь 2018). Шыӧдчан кадпас: 9 кӧч тӧлысь 2019. Архивируйтӧма 13 моз тӧлысь 2019.
  7. ↑ Дмитрий Соколов. Как сбывались мечты главы «Газпром-Медиа» Дмитрия Чернышенко Собеседник № 37, 2015 год.
  8. ↑ 1 2 3 Ведомости. «Все знали, что я из Сочи», - Дмитрий Чернышенко, гендиректор оргкомитета зимних Олимпийских игр Сочи-2014. www.vedomosti.ru (25 йирым тӧлысь 2007). Шыӧдчан кадпас: 9 кӧч тӧлысь 2019.
  9. ↑ Визитка компании DTV-MA - Sostav.ru. www.sostav.ru. Шыӧдчан кадпас: 27 ода-кора тӧлысь 2019.
  10. ↑ Ярослав КОРОБАТОВ | Сайт «Комсомольской правды». Дмитрий Чернышенко, глава Заявочного комитета «Сочи-2014»: $12 миллиардов инвестиций окупятся через 5 лет. KP.RU - сайт «Комсомольской правды» (10 кӧч тӧлысь 2007). Шыӧдчан кадпас: 28 ода-кора тӧлысь 2019.
  11. ↑ В России: Москва: Организационный комитет XXII Олимпийских зимних игр и XI Паралимпийских зимних игр 2014 года в г. Сочи (Москва) // ИА Спортком. sportcom.ru. Шыӧдчан кадпас: 9 кӧч тӧлысь 2019.
  12. ↑ Указ Президента Российской Федерации от 05.09.2008 г. № 1311. Президент России. Шыӧдчан кадпас: 9 кӧч тӧлысь 2019.
  13. ↑ Распоряжение Правительства Российской Федерации от 12 ноября 2007 года № 1604-р // tgost.ru. Шыӧдчан кадпас: 7 лӧддза-номъя тӧлысь 2009. Архивируйтӧма оригинала 23 урасьӧм тӧлысь 2014 года.
  14. ↑ Кирилл Мельников, Анна Афанасьева. Геннадий Тимченко подтянул олимпийский резерв. Volga Group возглавил Дмитрий Чернышенко. Коммерсантъ (6 йирым тӧлысь 2014).
  15. ↑ Совет Директоров КХЛ избрал Дмитрия Чернышенко новым Президентом лиги
  16. ↑ Дмитрий Чернышенко назначен на должность Председателя Правления ОАО «Газпром-Медиа Холдинг»
  17. ↑ Эксперты ТПП РФ: одна из основных задач рекламного рынка – продвижение положительного образа предпринимателя в информационном пространстве. tpprf.ru. Шыӧдчан кадпас: 28 ода-кора тӧлысь 2019.
  18. ↑ Совет директоров ОАО «РЖД»
  19. ↑ Дмитрий Николаевич Чернышенко - Правительство России. government.ru. Шыӧдчан кадпас: 29 тӧвшӧр тӧлысь 2020.
  20. ↑ О чем говорит новая конфигурация российского правительства. РБК (11 ода-кора тӧлысь 2024). Шыӧдчан кадпас: 13 ода-кора тӧлысь 2024.
  21. ↑ Госдума утвердила Чернышенко заместителем председателя правительства. РИА Новости (13 ода-кора тӧлысь 2023). Шыӧдчан кадпас: 13 ода-кора тӧлысь 2023.
  22. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  23. ↑ Михаил Мишустин утвердил распределение обязанностей между вице-премьерами. government.ru (17 ода-кора тӧлысь 2024). Шыӧдчан кадпас: 17 ода-кора тӧлысь 2024.
  24. ↑ Чернышенко назначили представителем РФ в набсовете Института развития интернета, TACC (23 кӧч тӧлысь 2024). Шыӧдчан кадпас: 23 кӧч тӧлысь 2024.
  25. ↑ Распоряжение Правительства Российской Федерации от 11.02.2025 № 292-р ∙ Официальное опубликование правовых актов. publication.pravo.gov.ru. Шыӧдчан кадпас: 12 урасьӧм тӧлысь 2025.
  26. ↑ PwC Russia. Video from Sochi 2014 President Dmitry Chernyshenko (27 рака тӧлысь 2012). Шыӧдчан кадпас: 27 ода-кора тӧлысь 2019.
  27. ↑ Награждённые государственными наградами Российской Федерации
  28. ↑ Фонд поддержки олимпийцев России. www.olympians.ru. Шыӧдчан кадпас: 9 кӧч тӧлысь 2019.
  29. ↑ Алексей Прокин. Владимир Путин вручил государственные награды в Кремле. НТВ. Шыӧдчан кадпас: 9 кӧч тӧлысь 2019.
  30. ↑ Распоряжение Президента Российской Федерации от 30 мая 2018 года № 131-рп «О поощрении»
  31. ↑ В Сочи прошло вручение премии «Спортивные звезды России». Газета.Ru. Шыӧдчан кадпас: 9 кӧч тӧлысь 2019.
  32. ↑ В день памяти благоверного князя Александра Невского Предстоятель Русской Церкви совершил Литургию в Храме Христа Спасителя в Москве. Патриархия.ru (6 ӧшым тӧлысь 2021). Шыӧдчан кадпас: 1 урасьӧм тӧлысь 2022.
  33. ↑ Биография Дмитрия Чернышенко, РИА Новости (20.09.2023). Шыӧдчан кадпас: 6 ода-кора тӧлысь 2024.
  34. ↑ IOC President says Thank You to Sochi, olympic.org (24 урасьӧм тӧлысь 2014). Шыӧдчан кадпас: 3 рака тӧлысь 2014.

Ыстӧгъяс

[вежны | Вежны кодировкаын]
Босьтӧма "https://kv.ruwiki.ru/w/index.php?title=Чернышенко_Дмитрий_Николаевич&oldid=313520"-ысь