Новак Александр Валентинович

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Новак.
Александр Новак
Alexander Novak (2019-11-06).jpg
Флаг
Россия Федерацияса Веськӧдлан котырса председательӧс вежысь
Флаг
2020.11.10
(у. в. 2024.05.7-13)
Веськӧдлан котырӧн юрнуӧдысь Михаил Мишустин
Президент Владимир Путин
Флаг
Россия Федерацияса энергетика министр
Флаг
2012.05.21 — 2020.11.10
(у. в. 2018.05.8—18, 2020.01.15—21)
Веськӧдлан котырӧн юрнуӧдысь Дмитрий Медведев
Михаил Мишустин
Андрей Белоусов (у. в.)
Михаил Мишустин
Президент Владимир Путин
Водзвывса уджалысь Сергей Шматко
Удж водзӧ нуӧдысь Николай Шульгинов
Флаг
Россия Федерацияса сьӧм овмӧс министрӧс вежысь
Флаг
2008.10.02 — 2012.05.21
Флаг
Красноярск крайса Веськӧдлан котырын председатель
Флаг
сора тӧлысь 15-ӧд лун — 2008.10.01
Губернатор Александр Хлопонин
Водзвывса уджалысь чинсӧ лӧсьӧдӧма
Удж водзӧ нуӧдысь Эдхам Акбулатов
Чужис 1971 вося моз тӧлысь 23-ӧд лун
Авдеевка, Донецк обласьт, Украина ССР, СССР
Бать Валентин Яковлевич Новак
Мам Зоя Николаевна Новак
Гӧтыр Лариса Новак
Партия беспартийный
Образование Норильскса индустриальнӧй институт
Москваса канму университет
Наградаяс
Специальнӧй звание либӧ класснӧй чин
Звание Действительный государственный советник Российской Федерации 3 класса.png
Россия Федерацияса 3-ӧд класса тырвыйӧ канму сӧветникъяс
Логотип РУВИКИ.Медиа Медиафайлы на РУВИКИ.Медиа

Новак Александр Валентинович (1971-ӧд вося моз тӧлысь 23-ӧд лун, Авдеевка[d]) — россияса канморт.

Россия Федерацияса Веськӧдлан котырса председательӧс вежысь 2020 вося вӧльгым тӧлысь 10-ӧд лунсянь, (удж вӧчысь 2024.05.7-13)[1]. Куратор Войвыв Кавказ федеральнӧй кытшын 2021 вося сора тӧлысь 19-ӧд лунсянь[2].

Россия Федерацияса энергетика министр (2012.05.21 — 2020.11.10, удж вӧчысь 2018.05.8—18, 2020.01.15—21)[3].

Олантуй

Александр Новак чужис 1971 вося моз тӧлысь 23-ӧд лунӧ Донецк обласьтса Авдеевка карын.

1979 воын семьяыс вуджис Норильскӧ, кӧні сылӧн батьыс уджаліс Надеждинскӧй металлургическӧй завод стрӧитігӧн[4]. Велӧдчӧма Норильскса 23 №-а школаын[5]. Сійӧ ворсіс школаса командаын баскетболӧн[6].

1993 воын помаліс Норильскса индустриальнӧй институт «металлургияын экономика да веськӧдлӧм» специальносьт серти. Таысь кындзи, 2009 воын помаліс М. В. Ломоносов нима Москваса канму университетысь канму администрирование кузя вылыс школа «менеджмент» специальносьт серти.

1988 вося кӧч тӧлыссянь заводитіс уджавны А. П. Завенягин нима Норильскса горно-металлургическӧй комбинатын. Медводз вӧлі 1 разряда аппаратчик-гидрометаллургӧн, сэсся стажерӧн — техник-технологӧн, удж кузя техникӧн, экономистӧн. 1993 восянь водзӧ уджаліс комбинатын экономистӧн да бухгалтериялӧн финансӧвӧй бюроса начальникӧн. 1997 вося ода-кора тӧлыссянь 1999 вося вӧльгым тӧлысьӧдз — юкӧнса начальник, вот планируйтан управлениеса начальник.

1999 вося ӧшым тӧлысьын сійӧс индісны «Норильскса горнӧй компания» ВАК-ын (Заполярнӧй филиал) экономика кузя директорӧс вежысьӧн — управлениеса начальникӧн, а сэсся кадръяс кузя директорӧс вежысьӧн — управлениеса начальникӧн.

Та бӧрын вуджис уджавны Норильск карса администрацияӧ, кӧні 2000 вося ода-кора тӧлыссянь вӧлі карса юралысь Олег Бударгинӧс сьӧм да экономика юалӧмъяс серти вежысьӧн, а сэсся — медводдза вежысьӧн. Уджаліс 2002 вося йирым тӧлысьӧдз.

Кор Александр Хлопонин лоис Красноярск крайса губернаторӧн, Новак пырис сылӧн администрацияӧ, 2002 вося йирым тӧлыссянь 2007 вося сора тӧлысьӧдз вӧлі крайса губернаторӧс вежысьӧн да ӧттшӧтш — Красноярск крайса администрациялӧн Шӧр сьӧм овмӧс веськӧдланінса начальникӧн. 2007 вося сора тӧлысьын лоис Красноярскӧй крайса губернаторӧс медводдза вежысьӧн, тайӧ чинын регыд мысти юрнуӧдіс крайса правительствоӧн.

2008 вося кӧч тӧлысь 29-ӧд лунсянь 2012 вося ода-кора тӧлысь 22-ӧд лунӧдз — Россия Федерацияса сьӧм овмӧсса министрӧс вежысь. 2008 вося йирым тӧлысь 2-ӧд лунсянь пырис Россияса сьӧм овмӧс министерстволӧн коллегияӧ.

2012 вося ода-кора тӧлысь 21-ӧд лунӧ лоис Россия Федерацияса энергетикаса министрӧн Дмитрий Медведевлӧн медводдза веськӧдлан котырын[7][8][9]. Тайӧ чинын лоис и Медведевлӧн мӧд веськӧдлан котырын, кодӧс котыртісны 2018 вося ода-кора тӧлысьын, а сідзжӧ Михаил Мишустинлӧн веськӧдлан котырын (2020 вося тӧвшӧр тӧлысь 21-ӧд лунсянь). Министр чинӧ индӧм бӧрын пырис СНГ-са Электроэнергетическӧй сӧветса Президентӧн (2012 вося ода-кора тӧлысь 25-ӧд лунсянь) да Россияса президент бердын ТЭК сӧвмӧдан стратегия да экология боксянь видзчысянлун кузя комиссияӧ (2012 вося лӧддза-номъя тӧлыссянь).

2015 вося сора тӧлысьын сійӧс бӧрйисны «Россети» публичнӧй акционер котырлӧн директоръяслӧн сӧветӧн веськӧдлысьӧн, а сійӧ жӧ вося кӧч тӧлысьын — «Транснефть» публичнӧй акционер котырлӧн директоръяслӧн сӧветӧн веськӧдлысьӧн[10][11]. 2012 восянь пырӧ «Росатом» (2012 восянь), «Газпром» ПАО и «Роснефть» ПАО (2015 восянь) госкорпорацияяс директоръяслӧн сӧветӧ.

2015—2018 воясӧ — Арктика сӧвмӧдӧм кузя канму комиссияӧн веськӧдлысьӧс вежысь. Вӧлі Россияса президент бердын экономика ӧнъяӧдӧм да Россияӧс инновационнӧя сӧвмӧдӧм кузя (2012—2018 вояс), оланін политика да оланінлысь судзсянлун кыпӧдӧм кузя (2013—2016 вояс) сӧветъясӧ пырысьӧн[4].

2020 вося вӧльгым тӧлысь 9-ӧд лунӧ Россияса премьер-министр Михаил Мишустин вӧзйис Новакӧс ломтас промышленносьт юалӧмъяс серти вице-премьерӧн[12][13]. Мӧд луннас сійӧс вынсьӧдісны тайӧ чинын.

2024 вося ода-кора тӧлысь 13-ӧд лунӧ Госдума выльысь вынсьӧдіс Александр Новакӧс Россия Федерацияса правительствоӧн веськӧдлысьӧс вежысьӧн[14]. Ода-кора тӧлысь 14-ӧд лунӧ Россия Федерацияса президент кырымаліс индӧм йылысь индӧд[15]. Новак кывкутӧ странаса ломтас да энергетика комплексысь, экономическӧй блокысь, сӧвмӧдан институтъяслысь удж координируйтӧмысь:

  • «Россияса веськыд инвестиция фондлӧн веськӧдлан компания» акционер котыр,
  • «Ичӧт да шӧр предпринимательство сӧвмӧдан федеральнӧй корпорация» акционер котыр,
  • «Россияса венчурнӧй компания» акционер котыр[16].

2025 вося рака тӧлысь 10-ӧд лунӧ Россия Федерацияса президент индіс сійӧс Россияса веськыд инвестиция фондлӧн  (рус.) (коми видзӧдан сӧветӧ пырысьӧн[17].

Вице-премьералігӧн политика удж

2021 вося ӧшым тӧлысь 29-ӧд лунӧ Александр Новак юӧртіс, мый «Войвыв поток — 2» биару провод сертифицируйтӧмсӧ кӧсйӧны помавны 2022 вося медводдза во джын помӧдз. «Сійӧ графикъяс серти, мый серти ме тӧда, сертификацияыс буретш и должен помасьны медводдза во джынйын. Медводдза во джынйыс — тайӧ медыджыд кадколаст», — висьталіс сійӧ РБК-лы сетӧм интервьюын. Новак пасйис, мый европаса уджъёртъяс кӧ отсаласны, газопровод сертифицируйтӧмсӧ позяс нуӧдны ӧдйӧджык да заводитны сетны ломтас ёна водзджык[18]. Сідзжӧ вице-премьер шуис, мый Украиналы оз удайтчы торкны «Войвыв поток — 2» проект збыльмӧдӧмсӧ. «Ми чайтам, мый тайӧ проектсӧ оз позь торкны», — шуис Новак. Сылӧн кывъяс серти, «вӧлі уна паныд вӧчӧма, но век жӧ караваныс мунӧ»[19].

Класснӧй чин

  • Россия Федерацияса 3-ӧд класса тырвыйӧ канму сӧветник (2009.12.29)[20].

Наградаяс

• Россия Федерацияса Веськӧдлан котырлӧн Почёт грамота (2009 во);
• Почёт орден (2010 вося ӧшым тӧлысь 27-ӧд лун) — уджын вермӧмъясысь да уна вося бур уджысь[21];
• Россия Федерацияса Президентлӧн аттьӧалӧм (2013 во);
• «Сочи карын 2014 вося XXII тӧвся Олимпийскӧй ворсӧмъяс да XI тӧвся Паралимпийскӧй ворсӧмъяс» казьтылан медаль (2014 во);
• Россия Федерацияса Президентлӧн Почёт грамота (2014 во);
• Ёртасян орден (2014 во);
• «Айму водзын заслугаясысь» IV степеня орден (2016 во);
• «За верность долгу» орден (Крым Республика, 2017 вося тӧвшӧр тӧлысь 17-ӧд лун) — Крым Республикаса потребительясӧс электричествоӧн зумыда могмӧдӧмӧ тӧдчана пай пуктӧмысь, ыджыд профессионализмысь да «Краснодар край — Крым» энергопос объектъяс уджӧ пыртӧмкӧд йитӧдын[22];
• П. А. Столыпинлӧн I степеня медаль (2018 во);
• Александр Невскӧй орден (2019 во);
• Норильск карса почёта гражданин (2013 во);
• Мукӧд ведомстволӧн наградаяс.

Семья

  • Батьыс — Валентин Яковлевич Новак,
  • Мамыс — Зоя Николаевна Новак.
  • Гӧтыра, гӧтырыс — Лариса Новак.
    • Эм кык ныв[5].

Чӧжӧс

• 2011 воысь декларируйтӧм чӧжӧсыс лоис 11 млн 800 сюрс шайт, гӧтырлӧн чӧжӧс — 2 млн 800 сюрс шайт[5].
• 2019 воысь декларируйтӧм чӧжӧсыс лоис 27 млн 48 сюрс шайт. Гӧтырлӧн чӧжӧс — 1 млн 7 сюрс шайт[4].

Пасйӧдъяс

  1. ↑ Правительство России переходит в статус и.о. до назначения нового состава (рус.). TACC. Шыӧдчан кадпас: 7 ода-кора тӧлысь 2024.
  2. ↑ Михаил Мишустин назначил вице-премьеров кураторами федеральных округов. Шыӧдчан кадпас: 19 сора тӧлысь 2021. Архивируйтӧма 19 сора тӧлысь 2021.
  3. ↑ Правительство РФ подало в отставку. Шыӧдчан кадпас: 15 тӧвшӧр тӧлысь 2020. Архивируйтӧма 15 тӧвшӧр тӧлысь 2020.
  4. ↑ 1 2 3 Алексей Дружинин. Биография Александра Новака. Его кандидатура 9 ноября 2020 года внесена в Госдуму для назначения на пост вице-премьера РФ. ТАСС (9 вӧльгым тӧлысь 2020). Шыӧдчан кадпас: 19 сора тӧлысь 2021. Архивируйтӧма 13 косму тӧлысь 2021.
  5. ↑ 1 2 3 Новак, Александр (рус.) (HTML). Лентапедия. Шыӧдчан кадпас: 10 лӧддза-номъя тӧлысь 2013. Архивируйтӧма 10 лӧддза-номъя тӧлысь 2013.
  6. ↑ Александр Борисов. Энергетический руководитель // Санкт-Петербургские ведомости : газета. — 2020. — 20 вӧльгым тӧлысь (№ 212).
  7. ↑ Указ Президента Российской Федерации от 21.05.2012 г. № 664 «О Министре энергетики Российской Федерации». Шыӧдчан кадпас: 6 урасьӧм тӧлысь 2020. Архивируйтӧма 6 урасьӧм тӧлысь 2020.
  8. ↑ Указ Президента Российской Федерации от 18.05.2018 г. № 250 «О Министре энергетики Российской Федерации». Шыӧдчан кадпас: 6 урасьӧм тӧлысь 2020. Архивируйтӧма 6 урасьӧм тӧлысь 2020.
  9. ↑ Указ Президента Российской Федерации от 21.01.2020 г. № 51 «О Министре энергетики Российской Федерации». Шыӧдчан кадпас: 6 урасьӧм тӧлысь 2020. Архивируйтӧма 6 урасьӧм тӧлысь 2020.
  10. ↑ Александр Новак вновь возглавил Совет директоров «Россетей». Шыӧдчан кадпас: 13 косму тӧлысь 2021. Архивируйтӧма 13 косму тӧлысь 2021.
  11. ↑ Новак вновь возглавил совет директоров «Транснефти». Шыӧдчан кадпас: 13 косму тӧлысь 2021. Архивируйтӧма 13 косму тӧлысь 2021.
  12. ↑ Мишустин предложил Госдуме назначить Новака вице-премьером (рус.). РИА Новости. Шыӧдчан кадпас: 9 вӧльгым тӧлысь 2020. Архивируйтӧма 9 вӧльгым тӧлысь 2020.
  13. ↑ Указ Президента РФ «О внесении изменения в Указ Президента Российской Федерации от 21 января 2020 г. № 21 „О структуре федеральных органов исполнительной власти“». Шыӧдчан кадпас: 10 вӧльгым тӧлысь 2020. Архивируйтӧма 10 вӧльгым тӧлысь 2020.
  14. ↑ Госдума утвердила Новака заместителем председателя правительства. РИА Новости (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  15. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  16. ↑ Михаил Мишустин утвердил распределение обязанностей между вице-премьерами. government.ru (17 ода-кора тӧлысь 2024). Шыӧдчан кадпас: 17 ода-кора тӧлысь 2024.
  17. ↑ Новак включен в набсовет РФПИ, Белоусов и экс-глава ВЭБа Дмитриев вышли из него, Interfax.ru (10 рака тӧлысь 2025). Шыӧдчан кадпас: 10 рака тӧлысь 2025.
  18. ↑ Новак: сертификацию «Северного потока — 2» завершат до конца первого полугодия 2022 года (рус.). RT на русском. Шыӧдчан кадпас: 29 ӧшым тӧлысь 2021. Архивируйтӧма 29 ӧшым тӧлысь 2021.
  19. ↑ Новак: проект «Северный поток — 2» невозможно сорвать (рус.). RT на русском. Шыӧдчан кадпас: 29 ӧшым тӧлысь 2021. Архивируйтӧма 29 ӧшым тӧлысь 2021.
  20. ↑ Указ Президента Российской Федерации от 26.12.2009 г. № 1479 «О присвоении классных чинов государственной гражданской службы Российской Федерации федеральным государственным гражданским служащим». Шыӧдчан кадпас: 6 урасьӧм тӧлысь 2020. Архивируйтӧма 6 урасьӧм тӧлысь 2020.
  21. ↑ Указ Президента Российской Федерации от 27.12.2010 г. № 1615 «О награждении государственными наградами Российской Федерации». Шыӧдчан кадпас: 6 урасьӧм тӧлысь 2020. Архивируйтӧма 6 урасьӧм тӧлысь 2020.
  22. ↑ Постановление Президиума ГС РК от 17 января 2017 года № п357-1/17. Шыӧдчан кадпас: 24 йирым тӧлысь 2017. Архивируйтӧма 25 йирым тӧлысь 2017.

Ыстӧгъяс


Босьтӧма "https://kv.ruwiki.ru/w/index.php?title=Новак_Александр_Валентинович&oldid=482077"-ысь