Файзуллин Ирек Энварович

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Файзуллин.
Ирек Энварович Файзуллин
Файзуллин Ирек .jpg
Флаг
Россия Федерацияса стрӧитчан, оланін да коммунальнӧй овмӧс министр
(у. в. 2020.11.9-10, 2024.05.7-13)
Флаг
2020.11.10
Веськӧдлан котырӧн юрнуӧдысь Михаил Мишустин
Президент Владимир Путин
Водзвывса уджалысь Владимир Якушев
Флаг
Россия Федерацияса стрӧитчан, оланін да коммунальнӧй овмӧс министрӧс медводдза вежысь
Флаг
тӧвшӧр тӧлысь 22-ӧд лун — 2020.11.09
Веськӧдлан котырӧн юрнуӧдысь Михаил Мишустин
Президент Владимир Путин
Чужис 1962 вося тӧвшӧр тӧлысь 8-ӧд лун
Казань, Татарскӧй АССР, РСФСР, СССР
Ютыр Единая Россия
Велӧдчӧм Казаньса инженерно-стрӧительнӧй институт (1985)
Учёнӧй степень экономика наукаяс кандидат (1999)
Уджсикас стрӧитчысь, экономист
Наградаяс
Логотип РУВИКИ.Медиа Медиафайлы на РУВИКИ.Медиа

Файзуллин Ирек Энварович (1962-ӧд вося ӧшым тӧлысь 8-ӧд лун, Казань) — россияса канморт, Россия Федерацияса стрӧитчан, оланін да коммунальнӧй овмӧс министр 2020 вося вӧльгым тӧлысь 10-ӧд лунсянь[1].

Водзджык, 2020 вося тӧвшӧр тӧлысь 22-ӧд лунсянь вӧльгым тӧлысь 10-ӧд лунӧдз, вӧлі Россия Федерацияса стрӧитчан, оланін да коммунальнӧй овмӧс министрӧс медводдза вежысьӧн[2][3][4]. Министерствоӧн веськӧдлігӧн нёль во чӧж Файзуллинлысь уджсӧ бура донъялӧма, и 2024 вося ода-кора тӧлысьын Россия Федерацияса выль веськӧдлан котыр лӧсьӧдігӧн сійӧс вынсьӧдісны федеральнӧй министрӧн.

Олантуй

1985 воын Ирек Файзуллин помаліс Казаньса инженерно-стрӧительнӧй институт «промышленнӧй да гражданскӧй стрӧитчӧм» специальносьт серти; экономика наукаяс кандидат, доцент. 35 во гӧгӧр сійӧ уджаліс Татарстанын.

1985—1989 воясӧ инженер, Казаньса инженерно-стрӧительнӧй институтын металлическӧй конструкцияяс да сооружениеяс испытайтан кафедраса старшӧй инженер. 1989—1993 воясӧ — «Татстройпроект» проектно-стрӧительнӧй организацияса медшӧр инженер, директор. 1993—1995 воясӧ — «Татстройпроект» акционер котырлӧн правлениеӧн веськӧдлысь. 1995—1997 воясӧ — «Казстройдекор» ПАК-са правлениеӧн веськӧдлысь. 1997—2002 воясӧ — «Татавтодор» ГПРСО-са начальникӧс медводдза вежысь.

2002 восянь 2005 воӧдз Файзуллин уджаліс «Татинвестгражданпроект» канму медшӧр территориальнӧй проектно-изыскательскӧй научно-производственнӧй фирмаын генеральнӧй директорӧн.

2005—2010 воясӧ вӧлі Татарстан Республикаса стрӧитчан, архитектура да коммунальнӧй овмӧс министрӧс вежысьӧн, Татарстан Республикаса медшӧр архитекторӧн, «Татинвестгражданпроект» КУП-са генеральнӧй директорӧн.

2010—2020 воясӧ Файзуллин вӧлі Татарстан Республикаса стрӧитчан, архитектура да коммунальнӧй овмӧс министрӧн, Татарстан Республикаса медшӧр архитекторӧн.

2020 воын — Россия Федерацияса стрӧитчан, оланін да коммунальнӧй овмӧс министрӧс медводдза вежысь да Россия Федерацияын регионъяс сӧвмӧдӧм кузя правительственнӧй комиссиялӧн президиумса (штабса) веськӧдлысьӧс вежысь[2].

2020 вося вӧльгым тӧлысь 10-ӧд лунӧ Россияса президентлӧн Индӧдӧн Файзуллинӧс индӧма Россия Федерацияса стрӧитчан, оланін да коммунальнӧй овмӧс министр чинӧ. 2024 вося ода-кора тӧлысь 14-ӧд лунӧ Госдума вынсьӧдіс сійӧс Россия Федерацияса стрӧитчан, оланін да коммунальнӧй овмӧс министрӧн[5], тайӧ жӧ лунӧ президент Путин кырымаліс индӧм йылысь индӧдсӧ[6][2].

2020 восянь Файзуллин — «Россияса кӧрт туйяс» ВАК-ын директоръяслӧн сӧветӧ пырысь[2][7].

Россияса мотоциклет спорт федерациялӧн попечительскӧй сӧветӧн веськӧдлысьӧс вежысь[2].

Семья

Ирек Файзуллин гӧтыра, сылӧн эм пи да ныв.

Наградаяс

  • «Дагестан Республикаӧс социальнӧй да экономика боксянь сӧвмӧдӧмӧ пай пуктӧмысь» медаль (2024.09.13) — Дагестан Республикалысь экономика вынйӧр сӧвмӧдӧмӧ ыджыд пай пуктӧмысь да канму уджын заслугаясысь[8];
  • Россия Федерацияса Веськӧдлан котырлӧн Почёт грамота (2024.10.02) — 2023 воын Петыркарын стрӧитчан войтыркостса ІІІ чемпионат дасьтӧмӧ да нуӧдӧмӧ ыджыд пай пуктӧмысь[9].

Пасйӧдъяс

  1. ↑ ТАСС. Файзуллин назначен врио главы Минстроя (9 вӧльгым тӧлысь 2020). Архивируйтӧма 9 вӧльгым тӧлысь 2020 вося. Шыӧдчан кадпас: 9 вӧльгым тӧлысь 2020.
  2. ↑ 1 2 3 4 5 Энциклопедия ТАСС, 2024. Файзуллин, Ирек Энварович. Министр строительства и жилищно-коммунального хозяйства РФ
  3. ↑ РБК. Изменения в правительстве. Что известно про новых кандидатов в министры (9 вӧльгым тӧлысь 2020). Архивируйтӧма 10 вӧльгым тӧлысь 2020 вося. Шыӧдчан кадпас: 9 вӧльгым тӧлысь 2020.
  4. ↑ Комсомольская правда. Экс-министр Татарстана Ирек Файзуллин выдвинут на пост главы Минстроя РФ (9 вӧльгым тӧлысь 2020). Архивируйтӧма 9 вӧльгым тӧлысь 2020 вося. Шыӧдчан кадпас: 9 вӧльгым тӧлысь 2020.
  5. ↑ Госдума утвердила Файзуллина на пост министра строительства и ЖКХ. РИА "Новости" (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  6. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  7. ↑ Совет директоров ОАО «РЖД»
  8. ↑ Указ Главы Республики Дагестан от 13 сентября 2024 года № 115 «О награждении медалью «За вклад в социально-экономическое развитие Республики Дагестан» Файзуллина И.Э.» Шыӧдчан кадпас: 21 кӧч тӧлысь 2024. Архивируйтӧма 21 кӧч тӧлысь 2024.
  9. ↑ Распоряжение Правительства Российской Федерации от 02.10.2024 г. № 2733-р «О поощрении Правительством Российской Федерации»

Ыстӧгъяс

Босьтӧма "https://kv.ruwiki.ru/w/index.php?title=Файзуллин_Ирек_Энварович&oldid=482521"-ысь