Никитин Андрей Сергеевич

Босьтӧма Рувикиысь
Андрей Сергеевич Никитин
Никитин Андрей Сергеевич 2.jpg
Флаг
Россия Федерацияса транспорт министр
(мноп 2025.07.7-8)
Флаг
2025.07.08
Флаг
Россия Федерацияса транспорт министрӧс вежысь
Флаг
2025.02.07 — 2025.07.07
Флаг
Новгород обласьтса губернатор
(мноп 2017.02.13-10.14)
Флаг
2017.10.14 — 2025.02.07
Водзвывса уджалысь Сергей Митин
Удж водзӧ нуӧдысь Александр Дронов (у. в.)
Чужис 1979-ӧд вося вӧльгым тӧлысь 26-ӧд лун(1979-11-26) (46 арӧс)
Москва, РСФСР, СССР
Ютыр
Велӧдчӧм Веськӧдлӧм кузя канму университет
Учёнӧй степень экономика наукаяс доктор (2018)
Уджсикас экономист
Наградаяс
Логотип РУВИКИ.Медиа Медиафайлы на РУВИКИ.Медиа

Никитин Андрей Сергеевич (1979-ӧд вося вӧльгым тӧлысь 26-ӧд лун, Москва)[1] — россияса канморт. Россия Федерацияса транспорт министр 2025 вося сора тӧлысь 8-ӧд лунсянь[2].

Водзынджык — Новгород обласьтса губернатор (2017.10.14 — 2025.02.07, удж вӧчысь — 2017.02.13-10.14). 2025 вося урасьӧм тӧлысь 7-ӧд лунӧ петіс отставкаӧ Россия Федерацияса транспорт министрӧс вежысьӧн индӧм вӧсна[3]. 2011—2017 воясын — Выль проектъяс сӧвмӧдӧм кузя стратегическӧй водзмӧстчӧмъяс агентствоын  (рус.) (коми генеральнӧй директор.

Олантуй

Андрей Сергеевич Никитин чужис 1979 воын Москваын. Вуз помалӧм бӧрын семьяыс вуджис овны Челябинск обласьтса Миассӧ[4]. Батьыс уджаліс УралАЗ заводын пресс-кузов производствоса начальникӧс вежысьӧн, сэсся муніс бизнесӧ. Мамыс уджалӧма Миасса администрацияын карса соцсфералӧн сьӧм овмӧс кузя начальникӧн, сэсся Москваын экономика сӧвмӧдан министерствоын специалистӧн[4][5].

Россияса Президент Владимир Путинкӧд аддзысьлігӧн.
Ново-Огарёво, 2017.09.02

Велӧдчӧм

2001 — Веськӧдлӧм кузя канму университет  (рус.) (коми (Москва) «Канму да муниципальнӧй веськӧдлӧм» специальносьт серти. Водзӧ велӧдчис аспирантураын.

2008 — Стокгольмса экономическӧй школаын MBA степень.

Удж

Университетын велӧдчигӧн 1998 воын стажируйтчис Россия Федерацияса Госдумаын, вӧлі войтыркостса делӧяс кузя комитетӧн веськӧдлысьлы отсасьысьӧн.

Дипломводзвывса практикасӧ прӧйдитіс Лунвыв федеральнӧй кытшын Россия Федерацияса президентлӧн полномочнӧй представитель Виктор Казанцевлӧн аппаратын.

2000—2001 — Москваса «Блок блэк» ичӧт кывкутана котырса генеральнӧй директорӧс вежысь (компьютер комплектуйтанторъяс, оргтехника вӧчӧм да вузалӧм), сэсся Никитин вӧлі «Теремок» ресторан вез сӧвмӧдӧм кузя генеральнӧй директорӧс вежысьӧн[6][7].

2002 воын Никитин уджаліс «Нефтегазинвест» инвестиция компанияын.

Наука удж

2006 воын Никитин дорйис «Стратегия организационных изменений как инструмент эффективного управления (теоретико-методический аспект)» тема вылӧ диссертация[8] да лои экономика наукаяс кандидатӧн.

2008 — Веськӧдлӧм кузя канму университетын организация да веськӧдлӧм теория кафедраса доцент[9].

2018 воын Никитин дорйис экономика наукаяс докторлысь учёнӧй степень шедӧдӧм могысь «Формирование и обеспечение эффективного функционирования региональных управленческих команд» тема вылӧ диссертация[10].

Рускомпозит

2002 восянь 2011 воӧдз Никитин уджаліс «Рускомпозит» компанияяслӧн группаын, кӧні вӧчӧны стекловолокно, композитъяс да геосинтетическӧй материалъяс.

2002—2003 да 2004—2007 воясӧ юрнуӧдіс «„Стеклонит“ вузасян керкаӧн», мый пырӧ «Рускомпозит» котырӧ.

2003—2004 — «Комплекснӧй изоляционнӧй системаяс» компанияса генеральнӧй директор (биару транспорт системаяслы да предприятиеяслы рулоннӧй изоляционнӧй материалъяс).

2007—2009 — «Стеклонит менеджментса» генеральнӧй директор.

2009—2011 — «Рускомпозит» веськӧдлан компанияса генеральнӧй директор.

Стратегическӧй водзмӧстчӧмъяс агентство

2011 вося сора тӧлысь 27-ӧд лунӧ восьса конкурс серти Никитинӧс бӧрйисны Стратегическӧй водзмӧстчӧмъяс агентствоса  (рус.) (коми (АСИ) генеральнӧй директорӧн[11].

2011 вося моз тӧлысь 11-ӧд лунӧ Россия Федерацияса веськӧдлан котырлӧн индӧд серти Никитинӧс индӧма АСИ-ӧн юрнуӧдысьӧн.

Новгород обласьтса губернатор

2017 вося урасьӧм тӧлысь 13-ӧд лунӧ Россияса президентлӧн индӧдӧн Никитинӧс индісны Новгород обласьтса губернаторлысь могъяс недыр олӧмӧ пӧртысьӧн[12].

2017 вося кӧч тӧлысь 10-ӧд лунӧ, бӧрйысьысьяслысь 67,99 % гӧлӧс чукӧртӧм бӧрын, Никитинӧс бӧрйисны Новгород обласьтса губернаторӧн[13].

2017 вося йирым тӧлысь 14-ӧд лунӧ Никитин босьтчис уджавны Новгород обласьтса губернаторӧн[14].

Губернаторлӧн участвуйтӧм дырйи «Ӧдйӧджык сӧвмысь мутас»  (рус.) (коми статус сетӧма ӧти профиля кык муниципальнӧй юкӧнлы — Угловка (2018 во) да Боровичи кар[15] (2019 во), а Великӧй Новгородын лӧсьӧдӧма бизнес-инкубатор да технопарк. Нуӧдсьӧ «Новгородскӧй» промышленно-производственнӧй сяма торъя экономическӧй зона лӧсьӧдӧм кузя удж.

2017 вося вӧльгым тӧлысь 22-ӧд лунсянь 2018 вося сора тӧлысь 18-ӧд лунӧдз да 2020 вося ӧшым тӧлысь 21-ӧд лунсянь — Россия Федерацияса Государственнӧй Сӧвет президиумӧ пырысь[16][17][18].

2018 воын губернатор Никитин водзмӧстчис йӧзлысь дзоньвидзалун видзан юкӧнын реформа нуӧдӧмын — тӧдчымӧн чинтісны рӧскодсӧ, тупкисны районса больничаясын юкӧнъяс да пыртӧдісны мобильнӧй медицина (автомобильяс вылӧ вӧлі чукӧртӧма медицина комплексъяс). Та вӧсна Шимскӧй районын мунісны протестъяс, а Окуловка карын медикъяс нуӧдісны итальянскӧй забастовка  (рус.) (коми[19]. Реформаяссӧ эз дугӧдны.

2022 вося кӧч тӧлысь 11-13 лунъясӧ Новгород обласьтын бӧрйисны губернаторӧс, кӧні Никитин вермис мӧдысь, босьтіс бӧрйысьысьяслысь 120,5 сюрсысь унджык гӧлӧс, мый лоис гӧлӧсуйтӧмын участвуйтысь лыдысь 77,03 %[20].

2025 вося урасьӧм тӧлысь 7-ӧд лунӧ Россияса президент Владимир Путин примитіс Андрей Никитинлысь отставкасӧ. Сыӧн сетӧм шыӧдчӧмын помканас индӧма: «ас кӧсйӧм серти мӧд удж вылӧ вуджӧмкӧд йитӧдын»[21]. Сійӧ жӧ лунӧ Россия Федерацияса правительствоӧн веськӧдлысь Михаил Мишустин кырымаліс Андрей Никитинӧс транспорт министрӧс вежысьӧн индӧм йылысь тшӧктӧм[22].

Россия Федерацияса транспорт министр

2025 вося сора тӧлысь 7-ӧд лунӧ сійӧс индісны Россия Федерацияса транспорт министрлысь могъяс олӧмӧ пӧртысьӧн[23].

2025 вося сора тӧлысь 8-ӧд лунӧ Россия Федерацияса Госдумаысь депутатъяс ӧтсӧгласӧн вынсьӧдісны Никитинӧс Россия Федерацияса транспорт министрӧн[24].

Мукӧд сикас удж

• Вӧлі Госсӧветлӧн «Социальнӧй политика» нырвизь кузя уджалан группаӧн юрнуӧдысьӧн[25].
• Пырліс Россия Федерацияса президент бердын Россиялысь экономика ӧнъяӧдӧм да инновационнӧя сӧвмӧдӧм кузя сӧветлӧн президиумӧ[26].
• Пырліс Выль проектъяс сӧвмӧдӧм кузя стратегическӧй водзмӧстчӧмъяс агентстволӧн видзӧдысь сӧветӧ.
• Пырліс компетенцияяслӧн федеральнӧй шӧринлӧн наблюдательнӧй сӧветӧ[27].
• Пырліс ЮНЕСКО делӧяс кузя Россия Федерацияса комиссияӧ[28].
• Пырліс «Деловая Россия» ӧтйӧза ӧткотырӧ. Веськӧдліс федеральнӧй отраслькостса сӧветлӧн композитнӧй материалъяс вӧчӧм кузя комитетӧн да том йӧзлӧн предпринимательство кузя комитетӧн. Вӧлі «Россияса туйяслӧн качество» проектса координаторӧн[29].

Наградаяс

  • «Айму водзын заслугаясысь» II тшупӧда орден медаль (2015)[30] — Россия Федерацияӧс социальнӧй да экономика боксянь сӧвмӧдан могъяс олӧмӧ пӧртӧмын вермӧмъясысь.

Публикацияяс

  • Инвестиционный Рейтинг как инструмент стимулирования эффективности управления развитием регионов России // Экономическая политика. — 2016. — № 6. С.192 — 221.
  • К вопросу о методологии измерения эффективности региональных управленческих команд в субъектах РФ // Государственная служба. — 2016. — № 6. С. 10 — 15.
  • Участие руководителей муниципальных образований в работе региональных управленческих команд Российской Федерации // Муниципальная академия. — 2017. Апрель — июнь. № 2. С. 6 — 13.
  • Метод дорожного картирования в деятельности региональных управленческих команд субъектов Российской Федерации // Российское предпринимательство. — 2017. — Том 18. — № 10. — С. 1579—1596.
  • Организационные изменения в условиях кризиса. Возможна ли стратегия? // Вестник Университета (Государственный университет управления). — 2009. № 25. С.27-29.
  • Никитин А. С. Формирование и развитие региональных управленческих команд в субъектах Российской Федерации: монография / А. С. Никитин. — М.: Издательский дом «Дело» РАНХиГС, 2017. — 234 с.
  • Никитин А. С., Аврах И. Ю., Подшивалов Е. Н. Методические рекомендации по применению проектного управления при решении задач улучшения инвестиционного климата в субъектах РФ . М.: ООО «Буки Веди», 2015. — 105 с.
  • Никитин А. С., Латфуллин Г. Р., Гимазова Ю. В., Блинова Н. В., Галактионов В. И., Серебренников С. С., Емельянова В. А. Развитие территорий / под ред. А. С. Никитина. М.: Просвещение, 2016. — 336с.

Семья

Гӧтырыс, Майя Викторовна (нывдырся ов Санникова) — акушер-гинеколог. Ныв Арина (2017), пи (2022).

Санкцияяс

Никитин 2022 вося ӧшым тӧлысь 15-ӧд лунсянь АӦШ-са[31], Австралияса да Выль Зеландияса санкцияяс улын.

Пасйӧдъяс

  1. ↑ Агентство стратегических инициатив - Генеральный директор (рус.). Шыӧдчан кадпас: 13 вӧльгым тӧлысь 2013. Архивируйтӧма оригинала 23 кӧч тӧлысь 2017 года.
  2. ↑ Андрей Никитин назначен Министром транспорта России, Президент России (8 сора тӧлысь 2025). Шыӧдчан кадпас: 8 сора тӧлысь 2025.
  3. ↑ Губернатор Новгородской области Андрей Никитин ушел в отставку, Interfax.ru (7 урасьӧм тӧлысь 2025). Шыӧдчан кадпас: 25 сора тӧлысь 2025.
  4. ↑ 1 2 Никитин, Андрей Сергеевич - Персона ТАСС (рус.). ТАСС. Шыӧдчан кадпас: 25 сора тӧлысь 2025. Архивируйтӧма 8 йирым тӧлысь 2020.
  5. ↑ Мобильныеприложения, Rss, В. закладки. «С Путиным познакомился на собеседовании» (рус.). Газета.Ru. Шыӧдчан кадпас: 25 сора тӧлысь 2025. Архивируйтӧма 9 урасьӧм тӧлысь 2019.
  6. ↑ Ночной дозор: Андрей Никитин (англ.). Forbes.ru (3 йирым тӧлысь 2015). Шыӧдчан кадпас: 25 сора тӧлысь 2025. Архивируйтӧма 15 урасьӧм тӧлысь 2019.
  7. ↑ Андрей Никитин. Биография (рус.). www.infox.ru. Шыӧдчан кадпас: 25 сора тӧлысь 2025.
  8. ↑ 08.00.05 Никитин, Андрей Сергеевич Стратегия организационных изменений как инструмент эффективного управления (Теоретико-методический аспект) : Дис. … канд. экон. наук : 08.00.05 Москва, 2005 199 с. РГБ ОД, 61:05-8/3159. Шыӧдчан кадпас: 25 сора тӧлысь 2025. Архивируйтӧма 10 ӧшым тӧлысь 2013.
  9. ↑ [Никитин Андрей Сергеевич. — Общероссийская общественная организация «Деловая Россия». — Версия от 09.08.2011]
  10. ↑ Никитин Андрей Сергеевич | Соискатель-Аспирант | Защита диссертаций РАНХиГС. www.ranepa.ru. Шыӧдчан кадпас: 25 сора тӧлысь 2025. Архивируйтӧма 19 тӧвшӧр тӧлысь 2019.
  11. ↑ Гендиректором Агентства стратегических инициатив стал Андрей Никитин (рус.). РИА Новости (20110727T1704+0400Z). Шыӧдчан кадпас: 25 сора тӧлысь 2025. Архивируйтӧма 28 ода-кора тӧлысь 2019.
  12. ↑ Андрей Никитин назначен временно исполняющим обязанности губернатора Новгородской области (рус.), Президент России. Архивируйтӧма 13 урасьӧм тӧлысь 2017 вося. Шыӧдчан кадпас: 25 сора тӧлысь 2025.
  13. ↑ Никитин одержал победу на губернаторских выборах в Новгородской области (рус.). РИА Новости (20170911T0237+0300Z). Шыӧдчан кадпас: 25 сора тӧлысь 2025. Архивируйтӧма 9 урасьӧм тӧлысь 2019.
  14. ↑ Андрей Никитин вступит в должность губернатора Новгородской области 14 октября — Политика — ТАСС. Шыӧдчан кадпас: 25 сора тӧлысь 2025. Архивируйтӧма 20 тӧвшӧр тӧлысь 2019.
  15. ↑ Новгородские Боровичи запланировали миллиарды инвестиций к 2028 году. РЕГНУМ. Шыӧдчан кадпас: 25 сора тӧлысь 2025. Архивируйтӧма 28 ода-кора тӧлысь 2019.
  16. ↑ Распоряжение Президента Российской Федерации от 22.11.2017 г. № 400-рп «О президиуме Государственного совета Российской Федерации». Шыӧдчан кадпас: 25 сора тӧлысь 2025. Архивируйтӧма 29 рака тӧлысь 2020.
  17. ↑ Распоряжение Президента Российской Федерации от 18.07.2018 г. № 192-рп «О президиуме Государственного совета Российской Федерации». Шыӧдчан кадпас: 25 сора тӧлысь 2025. Архивируйтӧма 25 рака тӧлысь 2020.
  18. ↑ Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Шыӧдчан кадпас: 25 сора тӧлысь 2025. Архивируйтӧма 10 тӧвшӧр тӧлысь 2021.
  19. ↑ Putin’s Health-Care Cuts Spark Protests in Russian Heartland Архивса копия 8 ода-кора тӧлысь 2019 Wayback Machine ресурсын // Bloomberg
  20. ↑ ТАСС, 14 сентября 2022. Выборы губернатора Новгородской области признали состоявшимися
  21. ↑ Путин уволил губернатора Новгородской области, РБК (7 урасьӧм тӧлысь 2025). Шыӧдчан кадпас: 7 урасьӧм тӧлысь 2025.
  22. ↑ Бывший новгородский губернатор Никитин назначен замглавы Минтранса, Коммерсантъ (7 урасьӧм тӧлысь 2025). Шыӧдчан кадпас: 7 урасьӧм тӧлысь 2025.
  23. ↑ Андрей Никитин назначен исполняющим обязанности Министра транспорта, Президент России (7 сора тӧлысь 2025). Шыӧдчан кадпас: 7 сора тӧлысь 2025.
  24. ↑ Дума утвердила Андрея Никитина на пост министра транспорта, РБК (8 сора тӧлысь 2025). Шыӧдчан кадпас: 8 сора тӧлысь 2025.
  25. ↑ Путин создал рабочие группы Госсовета по 16 направлениям (рус.). РИА Новости (20181227T1747+0300Z). Шыӧдчан кадпас: 25 сора тӧлысь 2025. Архивируйтӧма 28 ода-кора тӧлысь 2019.
  26. ↑ Президент подписал Указ «О Совете при Президенте Российской Федерации по модернизации экономики и инновационному развитию России». Шыӧдчан кадпас: 25 сора тӧлысь 2025. Архивируйтӧма 6 вӧльгым тӧлысь 2013.
  27. ↑ Об изменении состава наблюдательного совета автономной некоммерческой организации "Федеральный центр компетенции в сфере производительности труда", Распоряжение Правительства РФ от 10 мая 2019 года №912-р. docs.cntd.ru. Шыӧдчан кадпас: 25 сора тӧлысь 2025. Архивируйтӧма 28 ода-кора тӧлысь 2019.
  28. ↑ Комиссия Российской Федерации по делам ЮНЕСКО. unesco.ru. Шыӧдчан кадпас: 25 сора тӧлысь 2025. Архивируйтӧма 12 лӧддза-номъя тӧлысь 2019.
  29. ↑ Андрей Сергеевич Никитин. Биографическая справка. РИА-Новости. Шыӧдчан кадпас: 25 сора тӧлысь 2025. Архивируйтӧма 6 рака тӧлысь 2016.
  30. ↑ Указ Президента Российской Федерации от 10.10.2015 г. № 505 (рус.). Президент России. Шыӧдчан кадпас: 25 сора тӧлысь 2025. Архивируйтӧма 9 урасьӧм тӧлысь 2019.
  31. ↑ Russia-related Designations and Designations Updates.

Ыстӧгъяс

Босьтӧма "https://kv.ruwiki.ru/w/index.php?title=Никитин_Андрей_Сергеевич&oldid=482344"-ысь